သင်းမြမြကို - ပါစီနှင့်ပင်လယ်ဓါးပြများ

ပါစီနှင့် ပင်လယ်ဓားပြများ

          တစ်ခါက ပင်လယ်ကမ်းနားက အိမ်သေးသေးကလေးတစ်လုံးမှာ နေထိုင်တဲ့ “ပါစီပိုက်စ်” အမည်ရှိတဲ့ ကောင်လေးတစ်ယောက်ရှိခဲ့သတဲ့။

          ပါစီက သူ့မိခင်၊ ဖခင်၊ သူ့အစ်ကိုတွေဖြစ်တဲ့ - “ပစ်”နဲ့ “ပက်တ်'၊ သူ့အစ်မဖြစ်တဲ့ “ပရူနယ်လာ”တို့နဲ့အတူ နေထိုင်တယ်။ 

          “ ပိုက်စ်”တို့မိသားစုက ပျော်ရွှင်ငြိမ်းချမ်းစွာနဲ့ နေထိုင်ကြသတဲ့။ ဒါပေမဲ့လည်း သူတို့မိသားစုခင်ဗျာ

တော်တော်လေးကို ဆင်းရဲနုံချာကြရှာတယ်။ "

              သူတို့မိသားတစ်စုလုံးက စိုက်ခင်းသေးသေးလေးထဲမှာ နံနက်မိုးလင်းကနေ “ မိုးချုပ်တဲ့အထိ အလုပ်ကို ဆင်းရဲပင်ပန်းစွာနဲ့ လုပ်ကြရတယ်။

          သူတို့ အလုပ်ကို ဘယ်လောက်ပဲ ကြိုးစားလုပ်ကြပေမဲ့ စားသောက်နေထိုင်ရေးအတွက် ဘယ်တော့မှ လုံလောက်တယ်ရယ်လို့ မရှိကြပါဘူး။

            ဒီတော့ ပါစီပိုက်စ်ကလေးခင်ဗျာ အစားအစာကို ဝဝလင်လင် မစားသောက်ရတဲ့ရက်တွေ များလာတာပေါ့။

          “ဒါနောက်ဆုံးလက်ကျန် မုန်လာဥပဲ၊ ဒီတစ်တောင်းပဲကျန်တော့တယ်” ဆိုတဲ့ သူတို့ဖခင်ရဲ့ သတိပေးသံကို မကြာခဏ ကြားနေရရှာတာပေါ့။

             တစ်ခုသော နံနက်စောစောမှာတော့ပါစီက အစီအစဉ်တစ်ခုကို ဆွဲလိုက်တယ်။