ခင်နှင်းယု - မင်းမသိတာတွေရှိသေးတယ်ဝထ္ထုတိုများ

ဘယ်လိုဆုတောင်း ကြောင်းကံရယ်

ငါ့ဘဝ

          သာစွချမ်းမြေ့၊ ညင်းလေတွေ့သော်

          ထွေထွေကြည်မော၊ တီးတိုးပြောဟန်

          အတွေးလျှံခဲ့။

ငါ့ဘဝမူ

          ငွေစင်ယိုဖိတ်၊ လမင်းရိပ်ဝယ်၊ တွေးစိတ်နစ်မြော၊ တောမသတ်နိုင်၊ ဆုံးမတိုင်ခဲ့။

ငါ့ဘဝမူ

          တောစသောင်ကမ်း၊ ရေယက်ဝှမ်းနှင့်၊ ပန်းကိုတွေ့ တွေ့၊ လူကိုတွေ့ လည်း၊ မျိုးလေ့ဘာသာ၊ ဝဲယာသင်းပင်း၊ ချစ်ရင်းစိတ်သွင်၊ ရင်တွင်ရှိမျှ၊ ပွင့်လင်းစွတည့်၊ နောက်မှချုပ်ခြေ၊ ရန်သူလေလော၊ ချစ်သူလောဟု၊ စောကြောမလို၊ မျက်သိုမရှိ၊ ကျယ်ဝန်းဘိ၏။

သူ့ဘဝမူ

          ညင်းသက်လေသွေး၊ ပန်းဖွေးဖွေးနှင့်၊ တောရေးတောင် ရိပ်၊ သောင်ကမ်းထိပ်ဝယ်၊ ဖိတ်ဖိတ်ရွှန်းမြ၊ ငွေမင်းလကို၊ မြင်ရသော်တည့်၊ စိတ်ပြည့်စွမ်းအား၊ ခံစားစရာ၊ ခွင့်မသာခဲ့။

သူ့ ဘဝမူ

          လှပသောည၊ ချမ်းမြသောနေ့၊ ဆွေးမြေ့သောခါ၊ ကြည်သာသည့်ခိုက်၊ မလိုက်ပါချေ၊ လေပင်ထန်ထန်၊ မိုးလျှံမစဲ၊ နေမင်းကျဲလည်း၊ မြဲသည် သတိ၊ စက္ကန့်ရှိမျှ၊ ရန်စရန်ငူ၊ မကြူးမီခင်၊ အသင့်ပြင်ရ၊ တဒင်္ဂလည်း၊ တသစရာ၊ မလစ်ပါခဲ့။

          ဪ... သူနှင့်ငါမူ၊ သံသာတစ်ကွေ့၊ ကြုံပေ့ကြုံတောင်း၊ ရှေးဆု နှောင်းသည်၊ မကောင်းသည်သို့ ၊ ကောင်းသည်သို့။ ။

(စစ်သူသခင်သို့)

မတ်၊ ၁၉၆၉။