ဦးနု - ဖိနှိပ်မှုတိုက်ပွဲအဆင့်ဆင့်

“ရန်ကို ရန်ချင်း မတုံ့လှိုင်းနှင့်”

ဝ ဤသူသည် ငါ့ကိုဆဲရေး၏၊ ငါ့ကို ညှဉ်းဆဲ၏။ ငါ့ကို နိုင်၏။ ငါ၏ဥစ္စာကို ခိုး၏ဟူ၍ စိတ်၌အမျက်ထား လျက် ရန်ငြိုးဖွဲ့ကြသော သူတို့မှာ ရန်သည်မငြိမ်းလေ။

ဝ ဤသူသည် ငါ့ကိုဆဲရေး၏၊ ငါ့ကို ညှဉ်းဆဲ၏၊ ငါ့ကို နိုင်၏၊ ငါ၏ ဥစ္စာကို ခိုး၏ ဟူ၍ စိတ်၌ အမျက် မထားရန်ငြိုးမဖွဲ့ကြသောသူတို့မှာ ရန်သည် ငြိမ်းလေ၏။

ဝ ဤလော၌ ရန်တို့သည် ရန်တုံ့မူခြင်းအားဖြင့်ဘယ်အခါမှမငြိမ်းကုန်၊ ရန်တုံ့မမူသဖြင့်သာလျှင် ရန်တို့သည် ငြိမ်းကုန်၏။ ဤသို့ရန်တုံ့မမူသဖြင့် ရန် ငြိမ်းခြင်းသည် ရှေးအစဉ်အလာဓမ္မတာသဘော ပေတည်း။ ။

ဝ လူမိုက်တို့သည်ဤလောက၌ မိမိတို့ အမြဲမနေသေ ရဦးမည်ကို မအောက်မေ့မဆင်ခြင်ဘဲ ခိုက်ရန်ပွား ကုန်၏။ ပညာရှိတို့သည်ကား မိမိတို့ အမြဲမနေ သေ ဦးမည်ကို သိမြင်ဆင်ခြင်ကြ၍ လူမိုက်တို့ကို မတုဘဲ ခိုက်ရန်ငြိမ်းအောင် ပြုကြကုန်၏။

ဓမ္မပဒ

နှလုံးရည်နဲ့တိုက်တဲ့ လမ်းစဉ်ကတော့ အမှန်ဆုံး လမ်းစဉ်ဖြစ်တယ်။ ဒါ့ကြောင့် အကောင်းဆုံးလမ်းစဉ်လည်း ဖြစ်တယ်။ ဘာဖြစ်လို့ အမှန်ဆုံးနဲ့ အကောင်းဆုံးလမ်းစဉ် ဖြစ်တယ် ဆိုတာကို ရှင်းပြချင်တယ်။

(၁) နှလုံးရည်တိုက်ပွဲမှာ တစ်ဖက်က ဒေါသနဲ့ တိုက် တာကို ဒီဘက်က မေတ္တာနဲ့ ပြန်တိုက်ရမယ်။ ဒီလမ်းစဉ်ဟာ ဘုရားကြိုက်တဲ့ လမ်းစဉ်ဖြစ်နေတယ်။ ဒါကြောင့် ဒီလမ်းစဉ် ဟာ မှန်တယ်။

(၂) နှလုံးရည်တိုက်ပွဲဟာ လက်နက်နဲ့ အဆုံးအဖြတ် ပေးနေကျဖြစ်တဲ့ ထုံးတမ်းစဉ်လာဆိုးကြီးကို အစားထိုးနိုင် တဲ့ တိုက်ပွဲဖြစ်တယ်။ဒါကြောင့် ဒီလမ်းစဉ်ဟာ မှန်တယ်။

(၃) ဒီနှလုံးရည်တိုက်ပွဲလမ်းစဉ်မှာ ဒီမိုကရေစီကို ချစ် မြတ်နိုးတဲ့ ပြည်သူ လူထုကြီးတစ်ရပ်လုံးဟာ ကျယ်ကျယ် ပြန့်ပြန့် ပါနိုင်တယ်။ ဒါကြောင့် ဒီလမ်းစဉ်ဟာ မှန်တယ်။

(၄) နှလုံးရည်တိုက်ပွဲအဓိကရည်ရွယ်ချက်က တခြား ဟာ မဟုတ်ဘူး။ တစ်ဖက်ကလူတွေကို စိတ်ပြောင်းအောင် လုပ်ဖို့ပဲ ဖြစ်တယ်။ တစ်ဖက်ကလူတွေ စိတ်မပြောင်းသရွေ့ ကာလပတ်လုံး ရန်ပွဲတွေဟာ ဘယ်တော့မှ အဆက်ပြတ်မှာ မဟုတ်ဘူး။ တစ်ပွဲပြီးတစ်ပွဲ ဖြစ်နေရမှာပဲ။ ဒီဘက်က လူတွေ က အခြားတစ်ဖက်က လူတွေကို ဘာမှ ပြန်မလုပ်ဘဲအဖမ်းခံ အနှိပ်စက်ခံ အသေခံပြရင် တစ်ဖက်က လူတွေဟာ သံရုပ်ကျောက်ရုပ်တွေ မဟုတ်ပါဘူး။ တစ်နေ့မဟုတ် တစ်နေ့မှာ တော့ စိတ်ပြောင်းရမှာပဲ။ အဲဒီ စိတ်ပြောင်းတဲ့နေ့ဟာ ဒီမို ကရေစီ အောင်ပွဲခံတဲ့ နေ့ဖြစ်မှာပဲ။

ဥပမာ - အောက်ချင်းငှက်တွေကို ကြည့်ပါ။ သူတို့ဟာ အဖိုနဲ့အမ အမြဲတွဲနေတယ်။ ငှက်ပစ်သမားတစ်ယောက်က အဖိုကိုဖြစ်ဖြစ်၊ အမကိုဖြစ်ဖြစ် ပစ်ချလိုက်ရင် ကျန်တဲ့ အောက်ချင်းက ငှက်ပစ်သမားကို ဘာမှမလုပ်ဘူး။ သေနေတဲ့ အောက်ချင်းအနားက မြေကြီးပေါ်ကို တအား ထိုးချလိုက် ပြီး အသေခံလိုက်တယ်။ အဲဒါကို မြင်တဲ့ ငှက်ပစ်သမားဟာ စိတ်ပြောင်းသွားတယ်။ နောက်ကို ဘယ်တော့မှ ငှက်မပစ်တော့ဘူး။

နှလုံးရည်တိုက်ပွဲဟာ အဲဒီလို တစ်ဖက်သားရဲ့ စိတ်ကို ပြောင်းနိုင်တဲ့အတွက် ဒီလမ်းစဉ်မှန်တယ်။ ( အဲဒီမှန်တဲ့ နှလုံးရည်တိုက်ပွဲလမ်းစဉ်နဲ့ ဒီမိုကရေစီကို ကျွန်တော်တို့ ကာကွယ်မယ်။

xx xx

နှလုံးရည်တိုက်ပွဲ ဝင်မယ့်လူဟာ သတ္တိအကြောင်းကို ကောင်းကောင်းသိထားဖို့ လိုတယ်။ တချို့က သူများကို ချရဲ တာမှ သတ္တိလို့ထင်တယ်။ ဒါမှားတယ်။ အမှန်တရားအောင်မြင်ရေးအတွက် သူများချတာကို ခံရဲတာမှ သတ္တိ အစစ် ဖြစ်တယ်။

လက်နက်နဲ့ အာဏာကို ကိုင်ထားပြီး လက်နက်မဲ့ တစ် ယောက်ကိုနိုင်လိုမင်းထက် ပါးရိုက်ရဲတဲ့လူနဲ့ ဒီလိုပါးရိုက်တာ မှားတယ်လို့လည်း ပြောရဲတယ်၊ နောက်ပြီးတော့ ဒေါသမပြေ သေးလို့ ရိုက်ချင်သေးရင် ထပ်ရိုက်ပါဦးဆိုပြီး အခြားပါးတစ် ဖက်ကိုလည်း လှည့်ပေးရဲတဲ့လူကို ယှဉ်ကြည့်မယ်ဆိုရင်၊ ပထမလူက မိုက်တဲ့လူဖြစ်တယ်၊ ဒုတိယလူက သတ္တိရှိတဲ့လူ ဖြစ်တယ်။

xx xx

တိုက်ပွဲလုပ်နေတုန်းမိုက်ရူးရဲတွေ တိုက်ပွဲထဲဝင်လာပြီး အကြမ်းဖက်ဖို့ ဟိုမြှောက် ဒီပင့်လုပ်မယ့်ဘေးရန်တွေကို အခု ကတည်းက ကြိုပြီး ကြည့်ထားပါ။ ဒီရန်တွေကို တွန်းလှန်နိုင်အောင်လည်း အသင့်လုပ်ထားကြပါ။ အကြမ်းဖက်တယ် ဆိုတာ လက်နက်ကိုင်ပြီး သူပုန်ထတာမှ အကြမ်းဖက်တာမဟုတ်ဘူး။ ဟိုလူ ဒီလူကို ချောင်းသတ်တာမျိုးဟာလည်း အကြမ်းဖက်တာပဲ။ ကိုယ့်အသားနည်းနည်းထိလာတော့ လူဆိုတာ ဘေးကမြှောက်ပေးတဲ့ လူတွေရဲ့ စကားကို နား ယောင်တတ်တယ်။ အဲဒါကို ကြပ်ကြပ် သတိထားပါ။ ဒီလိုချောင်းသတ်တယ် ဆိုတာမျိုးဟာ အင်္ဂလိပ်လို တဲရားရဇ္ဇင်းမ် လို့ခေါ်တယ်။ ဒီဟာမျိုးကို သူရဲဘောနည်းတဲ့ လူတွေ ကိုယ့် စွမ်းရည် မယုံကြည်တဲ့ လူတွေ၊ လူထုရဲ့ အင်အားကို မယုံ ကြည်တဲ့ လူတွေ၊ အကြံကုန်တဲ့လူတွေ လုပ်ကြတယ်။ ဒါမျိုး ကို တစ်ခါလုပ်မိရင် ရပ်ဖို့ အင်မတန်ခက်တယ်။ အဲဒီတော့ ဒီတဲရားရဖွင်းမ်ကို လုပ်ဖို့ မပြောနဲ့ စိတ်တောင်မကူးမိအောင် အထူးကြိုးစားကြရမယ်။ ဒါမျိုးဟာ တစ်ဦးက လုပ်၊ တစ်ဦး က ပြန်လုပ်နဲ့ အဆုံးမသတ်နိုင်ဘဲ ဖြစ်တတ်တယ်။

(ဦးနု၏ “မေဒေးနေ့ မိန့်ခွန်း” မှ)

S