အောင်ဝင်းထွဋ် - ရဲဘော်သုံးကျိပ်၀င်တို့၏အထ္ထုပ္ပတ္တိ

ညီထွဋ်

မိဘအမည်        တတိယတန်းရှေ့နေ ဦးဖာ၊ ဒေါ်စု။

မွေးနေ့              - ၁၃-၂-၁၉၁၅ စနေနေ့ ။

ဇာတိ                - မကွေးခရိုင်၊ နတ်မောက်မြို့။

လူမျိုး               - ဗမာလူမျိုး၊ ဗုဒ္ဓဘာသာဝင်

မွေးချင်းကိုးယောက်တွင် အငယ်ဆုံးသားဖြစ်သည်။)

၁၉၂၂ ခုနှစ်၊ အသက် ခုနှစ်ရွယ်အတွင် နတ်မောက်မြို့၊ ဒီပင်္ကရာ ကျောင်းခေါ် ဆရာတော် ဦးသောဘိတကျောင်းတွင် ပညာသင်ကြားခဲ့ သည်။ ၁၉၂၈ ခုနှစ်၊ အသက် ၁၃ နှစ်သားအရွယ်တွင် ရေနံချောင်းမြို့၊ အမျိုးသားအထက်တန်းကျောင်းတွင် ပညာဆက်လက်သင်ကြားခဲ့ရာ သတ္တမတန်းတွင် အစိုးရပညာသင်ဆု (စကောလားရှစ်) နှင့် ဦးရွှေခိုဆု ရရှိခဲ့သည်။ ၁၉၃၂ ခုနှစ်တွင် ဒသမတန်းကို ပါဠိနှင့် မြန်မာစာဂုဏ်ထူး ဖြင့် အောင်မြင်ခဲ့သည်။

၁၉၃၂-၃၃ ပညာသင်နှစ်တွင် ရန်ကုန်တက္ကသိုလ်သို့ တက်ရောက် ပညာသင်ကြားခဲ့ပြီး ကျောင်းသားဘဝတွင် ရန်ကုန်တက္ကသိုလ် အပျော် တမ်းစစ်တပ်သို့ ဝင်ရောက်၍ စစ်ပညာသင်ကြားခဲ့သည်။ ၁၉၃၅-၃၆ ပညာသင်နှစ်တွင် ရန်ကုန်တက္ကသိုလ်ကျောင်းသားများသမဂ္ဂ (တကသ) အမှုဆောင်အဖွဲ့ဝင်၊ ပြန်ကြားရေးတာဝန်ခံနှင့် အိုးဝေမဂ္ဂဇင်း အယ်ဒီတာ အဖြစ် ဆောင်ရွက်ခဲ့သည်။ အိုးဝေမဂ္ဂဇင်းတွင်ပါသည့် “ငရဲခွေးကြီး လွတ်နေပြီ” ဆောင်းပါးရေးသူကို ထုတ်ဖော်မပြော၍ တက္ကသိုလ် အာဏာပိုင်များက ၁၉၃၆ ခုနှစ်၊ မတ်လတွင် သုံးနှစ် ယာယီထုတ်ပယ် ခြင်း ခံခဲ့ရသည်။ ထိုနှစ် ရန်ကုန်တက္ကသိုလ် ဒုတိယကျောင်းသားသပိတ် တွင် ခေါင်းဆောင်တစ်ဦးအဖြစ် ပါဝင်ခဲ့သည်။

ဗမာနိုင်ငံလုံးဆိုင်ရာ ကျောင်းသားများသမဂ္ဂ (ဗကသ) ကို စတင်ထူထောင်သူများတွင် ပါဝင်ခဲ့သည်။ ဒုတိယကျောင်းသားသပိတ် အပြီးတွင် ကျောင်းပြန်တက်ခွင့်ရရှိသည်။

၁၉၃၆-၃၇ ခုနှစ် ပညာသင်နှစ်တွင် ရန်ကုန်တက္ကသိုလ် ကျောင်း သားများသမဂ္ဂ (တကသ) ဒုတိယဥက္ကဋ္ဌအဖြစ်လည်းကောင်း၊ ဗမာနိုင်ငံ လုံးဆိုင်ရာ ကျောင်းသားများသမဂ္ဂ (ဗကသ) အမှုဆောင်အဖြစ်လည်းကောင်း၊ ပဲခူးဆောင် သဟာယ (အပေါင်းအသင်း) နှင့် စာဖတ်အသင်း ဥက္ကဋ္ဌအဖြစ်လည်းကောင်း ဆောင်ရွက်ခဲ့သည်။ ၁၉၃၇ ခုနှစ်၊ မေလ တွင် ရန်ကုန်တက္ကသိုလ်မှ ဝိဇ္ဇာဘွဲ့ ရရှိခဲ့ပြီး ဇွန်လတွင် ဗကသက ဖွဲ့စည်း ခန့်အပ်သည့် ရန်ကုန်တက္ကသိုလ် အက်ဥပဒေပြင်ဆင်ရေးကော်မတီတွင် ဆော်သြသူအဖြစ် ပါဝင်ခဲ့သည်။

၁၉၃၇-၃၈ ပညာသင်နှစ်တွင် ရန်ကုန်တက္ကသိုလ်၌ ဥပဒေပညာ ကို ဆက်လက်သင်ကြားခဲ့ပြီး တကသ အရန်အမှုဆောင်အဖွဲ့ဝင်နှင့် ဗကသဥက္ကဋ္ဌအဖြစ် ဆောင်ရွက်ခဲ့သည်။ ၁၉၃၈ နှစ်ဦးတွင် ရန်ကုန် တက္ကသိုလ်အက်ဥပဒေ ပြင်ဆင်ရေးကော်မတီအဖွဲ့ဝင်အဖြစ် ခန့်အပ်ခြင်း ခံခဲ့ရသည်။ ၁၉၃၈-၃၉ ပညာသင်နှစ်တွင် တကသနှင့် ဗကသဥက္ကဋ္ဌ အဖြစ် ဆောင်ရွက်ခဲ့သည်။ ၁၉၃၈ ခုနှစ်၊ သြဂုတ်လ ကျောင်းပိတ်ရက် တွင် ရန်ကုန်တက္ကသိုလ်မှ နုတ်ထွက်ခဲ့ပြီး အောက်တိုဘာလတွင် သခင် ကိုယ်တော်မှိုင်း၊ သခင်မြတို့၏ တို့ဗမာအစည်းအရုံးသို့ ဝင်ရောက်ခဲ့ကာ သခင်အမည်ခံယူ၍ ဌာနချုပ် အလုပ်အမှုဆောင်အဖွဲ့ဝင် ဝါဒဖြန့်ချိရေး တာဝန်ယူခဲ့သည်။ နိုဝင်ဘာလ ၃ ရက်တွင် တကသနှင့် ဗကသဥက္ကဋ္ဌ အဖြစ်မှ နုတ်ထွက်ခဲ့သည်။ နိုဝင်ဘာ ၂၆ ရက်တွင် တို့ဗမာအစည်း အရုံး အထွေထွေအတွင်းရေးမှူး ဖြစ်လာခဲ့သည်။

၁၃ဝဝ ပြည့်အရေးတော်ပုံတွင် အားပေးကူညီသည့်အတွက် ၁၉၃၉ ခုနှစ်၊ ဇန်နဝါရီလ ၃ ရက်တွင် ဗြိတိသျှအစိုးရက ဖမ်းဆီးခဲ့ပြီး ဖေဖော်ဝါရီလ ၇ ရက်တွင် အာမခံဖြင့် ပြန်လွှတ်ပေးခဲ့သည်။ ထိုနှစ် ဖေဖော်ဝါရီလ ၆ ရက်မှ ၉ ရက်အထိ မော်လမြိုင်မြို့တွင် ကျင်းပသည့် တို့ဗမာအစည်း အရုံး၏ စတုတ္ထအကြိမ်မြောက် ညီလာခံတွင် အထွေထွေအတွင်းရေး မှူးအဖြစ် ပြန်လည်ရွေးကောက်တင်မြှောက်ခြင်း ခံခဲ့ရသည်။ သြဂုတ် လ ၁၃ ရက်တွင် တို့ဗမာအစည်းအရုံးအတွင်း ကွန်မြူနစ်ကလာပ်စည်း ကို ဖွဲ့စည်းရာ၌ ပါဝင်ခဲ့ပြီး ၁၅ ရက်တွင် ဗမာပြည် ကွန်မြူနစ်ပါတီ ကို အမြုတေပါတီအဖြစ် လျှို့ဝှက်ဖွဲ့စည်းရာ၌ အတွင်းရေးမှူးအဖြစ်ဆောင်ရွက်ခဲ့သည်။ အောက်တိုဘာလ ၁ ရက်တွင် မြန်မာ့လွတ်လပ် ရေးကို ချစ်မြတ်နိုးသူအားလုံးပါဝင်သော ဗမာ့ထွက်ရပ်ဂိုဏ်း ဖွဲ့စည်း ရာ အထွေထွေအတွင်းရေးမှူးအဖြစ် ဆောင်ရွက်ခဲ့သည်။ နိုဝင်ဘာလ ၁၈ ရက်တွင် မြေအောက်လျှို့ဝှက်အဖွဲ့ကို ဖွဲ့စည်းရာတွင် နိုင်ငံခြား ဆက်သွယ်ရေးခေါင်းဆောင်အဖြစ် တာဝန်ယူခဲ့သည်။

၁၉၄ဝ ပြည့်နှစ်၊ မတ်လ ၁၉ ရက်မှ ၂၀ ရက်အထိ အိန္ဒိယနိုင်ငံ၊ ဘီဟာပြည်နယ်၊ ဟဇာရီဘတ်ခရိုင်၊ ရမ်းဂါးမြို့တွင် ကျင်းပသော အိန္ဒိယ အမျိုးသားကွန်ဂရက်သို့ တက်ရောက်ခဲ့သည်။ ဇွန်လ ၁ ရက်တွင် ဟင်္သာတစီရင်စု၊ ဇလွန်မြို့တွင် အစိုးရအကြည်ညိုပျက်အောင် တရားဟောသဖြင့် ဆုငွေ ၅ ကျပ် အထုတ်ခံရသည်။ (ဇွန်လ ၂၉ ရက်တွင် ဆုငွေထုတ်ခြင်းဖြစ်သည်။) ဇွန်လ ၅ ရက်တွင် တက္ကသိုလ်ကျောင်း သားထုက ရန်ကုန်တက္ကသိုလ်အုပ်ချုပ်ရေးအဖွဲ့၌ ပထမဆုံး ရန်ကုန် တက္ကသိုလ်ကျောင်းသားများ ကိုယ်စားလှယ်အဖြစ် ရွေးချယ်တင်မြှောက်ခဲ့ သည်။

သခင်အောင်ဆန်းသည် ဗြိတိသျှအစိုးရ၏ အဖမ်းမခံလိုဘဲ ပြည်ပ ထွက်၍ နိုင်ငံခြားအကူအညီရှာရန် ဆုံးဖြတ်ခဲ့သည်။

တရုတ်ကွန်မြူနစ်ပါတီနှင့် ဆက်သွယ်ရန် တရုတ်လို ရုပ်ဖျက်ပြီး သခင်အောင်ဆန်းက “တန်လွမ်ရှောင်'၊ သခင်လှမြိုင်က “တန်ဆူတောင်” ဟုအမည်ခံယူကာ ၁၉၄ဝ ပြည့်နှစ်၊ သြဂုတ်လ ၈ ရက်တွင် နော်ဝေပိုင် ဟိုင်လီသင်္ဘောဖြင့် ရန်ကုန်မှ စတင်ထွက်ခွာခဲ့သည်။ (သြဂုတ်လ ၂၀ ရက်တွင် ဆုငွေ ၅ ကျပ် ထုတ်ထားသောအမိန့်ကို ပြန်ရုပ်သိမ်းခဲ့သည်။) သြဂုတ်လ ၂၄ ရက်တွင် အမွိုင်ရှိ “ကူလန်စု” ကျွန်းသို့ ရောက်ရှိခဲ့သည်။ အမွိုင်တွင် တရုတ်ကွန်မြူနစ်ပါတီနှင့် အဆက်အသွယ်မရဘဲ သောင်တင်နေစဉ် မြန်မာနိုင်ငံရှိ ရဲဘော်များ၏ ကြိုးပမ်းချက်အရ ဂျပန်တပ်မတော်မှ ဗိုလ်မှူးကြီး ဆူဇူကီသည် ဂျပန် သို့ ဆက်သွယ်ခေါ်ယူခဲ့ရာ နိုဝင်ဘာလ ၁၂ ရက်တွင် ဂျပန်သို့ ရောက် ရှိခဲ့သည်။

၁၉၄၁ ခုနှစ်၊ မတ်လ ၃ ရက်တွင် ရန်ကုန်သို့ပြန်ရောက်ပြီး ပြည်သူ့အရေးတော်ပုံပါတီဝင်များနှင့် မြန်မာ့လွတ်လပ်ရေးလုပ်ငန်းစဉ် များကို တိုင်ပင်ဆွေးနွေးခဲ့သည်။ မတ်လ ၁၀ ရက်တွင် ဂျပန်နိုင်ငံသို့ အပြန် ရဲဘော်သုံးကျိပ် ပထမအသုတ်အား ခေါ်ဆောင်သွားခဲ့ရာ မတ်လ ၂၇ ရက်တွင် တိုကျိုမြို့သို့ ရောက်ရှိခဲ့သည်။ ထိုမှတစ်ဆင့် စစ်ပညာ သင်ကြားရန် ဟိုင်နန်ကျွန်းသို့ ဧပြီလတွင် သွားရောက်ခဲ့ပြီး ဟိုင်နန် ကျွန်းနှင့် ထိုင်ဝမ်ကျွန်းတို့တွင် စစ်ပညာများ သင်ကြားခဲ့သည်။ ထို့နောက် ထိုင်းနိုင်ငံ၊ ဘန်ကောက်မြို့၌ လက်မောင်းသွေးဖောက်၍ သစ္စာပြုကာ ဗမာ့လွတ်လပ်ရေးတပ်မတော် (ဘီအိုင်အေ) ကို ဒီဇင်ဘာလ ၂၇ ရက်တွင် ဖွဲ့စည်းတည်ထောင်ခဲ့ပြီး ဘီအိုင်အေစစ်ဌာနချုပ်နှင့် မော် လမြိုင်စစ်ကြောင်းတွင် ဒုတိယစစ်သေနာပတိအဖြစ်ဖြင့် မြန်မာနိုင်ငံ အတွင်း ချီတက်ကာ ဗြိတိသျှတို့ကို တိုက်ခိုက်ခဲ့သည်။

၁၉၄၂ ခုနှစ်၊ မတ်လ ၈ ရက်တွင် ဂျပန်အမှတ် ၂၁၅ ခြေလျင် တပ်မကြီးနှင့် ဗမာ့လွတ်လပ်ရေးတပ်မတော်တို့ ရန်ကုန်ကို သိမ်းပိုက်ခဲ့သည်။ ဇူလိုင်လ ၂၇ ရက်တွင် ဘီအိုင်အေကို ဖျက်သိမ်း၍ ဗမာ့ ကာကွယ်ရေးတပ်မတော်” (ဘီဒီအေ) ကို ဖွဲ့စည်းသော် ဗိုလ်မှူးကြီး အဆင့်ဖြင့် စစ်သေနာပတိအဖြစ် ဆောင်ရွက်ခဲ့သည်။ စက်တင်ဘာလ ၆ ရက်တွင် မြောင်းမြမြို့နေ ဦးဖိုးညှင်း၊ ဒေါ်ဖွားစုတို့၏သမီး သူနာပြု ဆရာမ ဒေါ်ခင်ကြည်နှင့် လက်ထပ်ခဲ့သည်။

၁၉၄၃ ခုနှစ်၊ မတ်လတွင် ဗိုလ်ချုပ်ရာထူး တိုးမြှင့်ပေးခြင်းခံရပြီး မတ်လ ၁၁ ရက်တွင် ဂျပန်အစိုးရ၏ ဖိတ်ကြားချက်အရ ဒေါက်တာ ဘမော်၊ ဒေါက်တာသိမ်းမောင်၊ သခင်မြတို့နှင့်အတူ ဂျပန်နိုင်ငံသို့ သွား ရောက်ခဲ့သည်။ မတ်လ ၂၂ ရက်တွင် တိုကျိုမြို့ ဂျပန်ဘုရင် “ဟီရိုဟီတို” ၏ တက်နေဝန်းတံဆိပ် (တတိယအဆင့်)နှင့် စလွယ်လတ် ချီးမြှင့်ခြင်း ခံရသည်။ သြဂုတ်လ ၁ ရက်တွင် မြန်မာနိုင်ငံ အစိုးရဖွဲ့စည်းသောအခါ ကာကွယ်ရေးဝန်ကြီး (စစ်ဝန်ကြီး) အဖြစ် တာဝန်ယူခဲ့သည်။

၁၉၄၄ ခုနှစ်၊ သြဂုတ်လ ၄ ရက်မှ ၇ ရက်နေ့အထိ ဗမာ့ တပ်မတော် စံပြတပ်ရင်းတွင် ဗမာပြည်ကွန်မြူနစ်ပါတီကိုယ်စားလှယ် သခင်စိုးနှင့် လျှို့ဝှက်တွေ့ဆုံဆွေးနွေးကာ ဖက်ဆစ်ဂျပန်တိုက်ဖျက်ရေး အဖွဲ့ ဖွဲ့စည်းရန် ဆုံးဖြတ်ခဲ့သည်။ သြဂုတ်လ ၂၃ ရက်တွင် ဖက်ဆစ် တိုက်ဖျက်ရေးအဖွဲ့ ဖွဲ့စည်းရန် အစည်းအဝေးခေါ်ခဲ့သည်။ စက်တင် ဘာ ၄ ရက်တွင် ရန်ကုန်မြို့၌ ဂျပန်ဘုရင် “ဟီရိုဟီတို” ၏ မွန်မြတ် သော ရတနာ (ပထမအဆင့်) ဘွဲ့ တံဆိပ် ချီးမြှင့်ခြင်းခံရသည်။

၁၉၄၅ ခုနှစ်၊ မတ်လ ၁ ရက်မှ ၄ ရက်အထိ ရန်ကုန်မြို့၊ ကန် တော်ကြီးပတ်လမ်းနှင့် ဦးမြတ်ထွန်းလမ်းထောင့်ရှိ ဗိုလ်ချုပ်အောင်ဆန်း နေအိမ်၌ ဖက်ဆစ်ဂျပန်တို့ကို တော်လှန်တိုက်ခိုက်ရန် အစီအစဉ်များ ချမှတ်ခဲ့သည်။ မတ်လ ၂၇ ရက်တွင် ဖက်ဆစ်ဂျပန်တော်လှန်ရေး စတင်သောအခါ ရှေ့တန်းစစ်ဌာနချုပ်၌ တာဝန်ယူကာ ဖက်ဆစ်ဂျပန်တို့ကို တော်လှန်တိုက်ခိုက်ခဲ့သည်။ မေလ ၁၆ ရက်တွင် မိတ္ထီလာမြို့ ၌ ဗြိတိသျှဗိုလ်ချုပ် ဆာဝီလီယံစလင်းနှင့် တွေ့ဆုံဆွေးနွေးခဲ့သည်။ သြဂုတ်လ ၁၉ တွင် ကျင်းပသော နေသူရိန်ညီလာခံတွင် သဘာပတိ အဖြစ် ဆောင်ရွက်ခဲ့ပြီး မြန်မာ့လွတ်လပ်ရေးလုပ်ငန်းစဉ်များ ချမှတ်ပြဋ္ဌာန်း ခဲ့သည်။ သြဂုတ်လတွင် ဖက်ဆစ်တိုက်ဖျက်ရေးအဖွဲ့ချုပ်ဥက္ကဋ္ဌအဖြစ် ရွေးချယ်တင်မြှောက်ခံရသည်။ စက်တင်ဘာလ ၇ ရက်တွင် ကန္ဒီ သဘောတူညီချက်စာချုပ်ကို လက်မှတ်ရေးထိုးခဲ့ပြီး အောက်တိုဘာ ၂၇ ရက်တွင် မျိုးချစ်ဗမာ့တပ်မတော် ဗိုလ်ချုပ်ရာထူးမှ နုတ်ထွက်၍ နိုင်ငံ ရေးနယ်ပယ်သို့ ပြန်လည်ဝင်ရောက်ခဲ့သည်။ ဒီဇင်ဘာလ ၁ ရက်တွင် စစ်သေနာပတိအဖြစ် တာဝန်ယူ၍ ပြည်သူ့ရဲဘော်တပ်ဖွဲ့ကို ဖွဲ့စည်းခဲ့ သည်။

၁၉၃၆ ခုနှစ်၊ ဇန်နဝါရီလ ၁၇ ရက်မှ ၂၃ ရက်အထိ ကျင်းပ သော ဖဆပလပြည်လုံးကျွတ်ညီလာခံတွင် ဥက္ကဋ္ဌအဖြစ် ပြန်လည် ရွေးကောက်တင်မြှောက်ခံရသည်။ စက်တင်ဘာလ ၂၆ ရက်တွင် `ဆာ ဟူးဘတ်ရန့်” ၏ ဖိတ်ခေါ်မှုအရ ဖဆပလသည် အမှုဆောင်ကောင်စီ တွင် ပါဝင်လာပြီး ဒုတိယဥက္ကဋ္ဌအဖြစ် ဆောင်ရွက်၍ ကာကွယ်ရေး ဌာနနှင့် နိုင်ငံခြားရေးဌာနများကို တာဝန်ယူခဲ့သည်။ နိုဝင်ဘာလ ၈ ရက်တွင် ဗြိတိသျှအစိုးရထံ မြန်မာနိုင်ငံကို တစ်နှစ်အတွင်း လွတ် လပ်ရေးပေးရန် တောင်းဆိုခဲ့သည်။

၁၉၄၇ ခုနှစ်တွင် ဗြိတိသျှအစိုးရ၏ ဖိတ်ကြားချက်အရ ဗိုလ်ချုပ် အောင်ဆန်း ဦးဆောင်သည့် မြန်မာကိုယ်စားလှယ်အဖွဲ့ သည် အင်္ဂလန် နိုင်ငံ၊ လန်ဒန်မြို့သို့ သွားရောက်တွေ့ဆုံခဲ့ပြီး ဇန်နဝါရီလ ၂၇ ရက်တွင်

အောင်ဆန်း-အက်တလီစာချုပ်ကို ချုပ်ဆိုခဲ့သည်။ ဖေဖော်ဝါရီလ ၁၂ ရက်တွင် တိုင်းရင်းသားခေါင်းဆောင်များနှင့် ပင်လုံသဘောတူညီချက် (ပင်လုံစာချုပ်)ကို လက်မှတ်ရေးထိုး ချုပ်ဆိုခဲ့သည်။ ဧပြီလ ၉ ရက်တွင် ကျင်းပသော တိုင်းပြုပြည်ပြုလွှတ်တော်ရွေးကောက်ပွဲတွင် ဖဆပလ အမတ်လောင်းအဖြစ် ဝင်ရောက်အရွေးခံရာ ပြိုင်ဘက်မရှိ ရွေးကောက် တင်မြှောက်ခံရသည်။ မေလ ၁၉ ရက်တွင် ဂျူဗလီဟော၌ ကျင်းပသော ဖဆပလ ပဏာမညီလာခံ၌ သဘာပတိအဖြစ် ဆောင်ရွက်ခဲ့သည်။ ဇွန်လ ၁၆ ရက်တွင် တိုင်းပြုပြည်ပြုလွှတ်တော်ညီလာခံ၌ ပြည်ထောင်စု မြန်မာနိုင်ငံတော် ဖွဲ့စည်းအုပ်ချုပ်ပုံ အခြေခံဥပဒေ ရေးဆွဲရာတွင် ပါဝင် ရမည့် အခြေခံမူများကို တင်သွင်းခဲ့သည်။

လွတ်လပ်ရေးအတွက် ကြိုးပမ်းနေစဉ် ၁၉၄၇ ခုနှစ်၊ ဇူလိုင်လ ၁၉ ရက်တွင် မသမာသူတို့၏ လုပ်ကြံမှုကြောင့် အတွင်းဝန်များရုံး၌ နံနက် ၁၀း၃၅ နာရီတွင်ကျဆုံးခဲ့သည်။ (ကျည် ၁၃ ချက်သင့်ခဲ့သည်။)

ဗိုလ်ချုပ်အောင်ဆန်း၏ ရုပ်ကလာပ်ကို ၁၉၄၈ ခုနှစ်၊ ဧပြီလ ၁၁ ရက်တွင် ဂျူဗလီဟောမှ အာဇာနည်ကုန်းသို့ ပို့ဆောင် ဂူသွင်းသဂြိုဟ် ခဲ့သည်။

၁၉၅၉ ခုနှစ်၊ မတ်လ ၂၇ ရက်တွင် မြန်မာ့လွတ်လပ်ရေး ကြိုး ပမ်းမှု နောက်ဆုံးကဏ္ဍ၌ ကိုယ်ကျိုးမငဲ့ဘဲ တိုင်းပြည်နှင့်လူမျိုး လွတ် လပ်ရေးအတွက် သက်စွန့်ဆံဖျား ကြိုးပမ်းဆောင်ရွက်ခဲ့မှုကြောင့် နိုင်ငံတော်က ကျေးဇူးဆပ်ခြင်းအထိမ်းအမှတ်အဖြစ် လွတ်လပ်ရေးမော်ကွန်း ဝင် (ပထမဆင့်) တံဆိပ် ချီးမြှင့်ဂုဏ်ပြုခြင်းခံရသည်။