သင်းမြမြကို - အစွမ်းပြတဲ့ကောင်းဘွိုင်

 မြင်းရိုင်း၊ နွားရိုင်းစီးအစွမ်းပြတဲ့ကောင်းဘွိုင်

          “ပက်စတား'က ကက်တပ်စ်တောင်ကြား မြင်းရိုင်းစီးတဲ့ပြိုင်ပွဲမှာ ဝင်ရောက်ယှဉ်ပြိုင်လိုက်သတဲ့။ သူနဲ့ အခြားသော ကောင်းဘွိုင်တွေက နွားရိုင်းစီးနိုင်တဲ့ အရည်အချင်းဘယ်လောက်ရှိတယ်ဆိုတာကို အစွမ်းပြရမှာပါ။       

          “ပက် အသေအချာပြိုင်နော်၊ မင်းနိုင်မှာ ... ငါတို့အားပေးနေတယ်” လို့ပက်သူငယ်ချင်းတွေက ဝိုင်းပြောကြတယ်။

          ပြိုင်ပွဲစတယ်ဆိုတာနဲ့ ပက်ကမြင်းစီးရင်း ရှေ့မှာပြေးနေတဲ့ နွားရိုင်းတစ်ကောင်ကို ကြိုးကွင်းနဲ့လှမ်းပစ်ပြီးဖမ်းလိုက်တယ်။

           “ရီး... ဟား၊ ရီး... ဟား”

          ပက်စတားနဲ့ တက်ဇ်ထရက်ပါတို့က ပြိုင်ပွဲ ၃ ခုပြီးတဲ့နောက်မှာ အကောင်းဆုံးဖြစ်နေတာ တွေ့ရတယ်။ နောက်ဆုံးအလှည့်ကတော့ မြင်းရိုင်းကို ဖမ်းရမှာဖြစ်သတဲ့။ 

          သူတို့က မြင်းရိုင်းကိုဖမ်းပြီးတက်စီးပြနိုင်မှသာ အနိုင်ရသူတွေဖြစ်မှာပေါ့။

          မြင်းရိုင်းကိုဖမ်းနိုင်တဲ့သူဟာ မြင်းရိုင်းပေါ်မှာ အနည်းဆုံး ၈ စက္ကန့်ကြာနေနိုင်အောင် ထိန်းချုပ်နိုင်စွမ်းရှိရမှာပါ။

          ဘန်ခရိစ်ဆိုတဲ့ ကောင်းဘွိုင်က မြင်းရိုင်းကို သတ်မှတ်စည်းကမ်းဘောင်ဝင်အောင်

 တက်စီးပြနိုင်ခဲ့တယ်။

             ဂျိုးလာရီရက်ဆိုတဲ့ ကောင်းဘွိုင်ကလည်း ပထမတစ်ယောက်ထက် ပိုပြီးကောင်းအောင် စီးပြနိုင်သတဲ့။   သို့သော်လည်း သူက မြင်းရိုင်းပေါ်မှာ၄ စက္ကန့်ကြာလောက်ပဲ နေနိုင်ခဲ့ပါတယ်။