လူထုစိန်ဝင်း - လူတော်လူကောင်းနဲ့လူကြီးလူကောင်း

          ဒီမိုကရေစီနဲ့ဗဟုဝါဒဆိုတဲ့စကားလုံးတွေခေတ်စားနေတဲ့အချိန်မှာအလားတူလူပြောများတဲ့တခြားစကားလုံးတစ်ခု ရှိပါသေးတယ်။ အမှန်တရားဆိုတာ တစ်ခုတည်းရှိတာ မဟုတ်ဘူး။ ကြည့်သူတွေရဲ့ရှုထောင့်ကိုလိုက်ပြီး အမှန်တရားအမျိုးမျိုး ကွဲပြားခြားနားစွာ တည်ရှိနေ တယ် ဆိုတဲ့စကား ဖြစ်တယ်။

မရေရာမှုတွေနဲ့ ခေတ်

          (အမှန်တရားဆိုတဲ့အပေါ်မှာ ကိုသံသယပွားသူတချို့လည်းရှိသေးတယ်။ လူ့လောကမှာ သေချာရေရာတဲ့အရာဆိုတာ ဘာမှမရှိဘူး။ မသေချာ မရေရာမှုတွေကြားမှာ မျက်မမြင် ပုဏ္ဏားများ ဆင်စမ်းသလို စမ်းတဝါးဝါး နဲ့ ကိုယ်ထင်တာ ကိုယ်ပြောတာပဲဖြစ်တယ်လို့ဆို သူကဆိုကြတယ်။ အဲဒီအဆိုရဲ့နောက်ဆက်တွဲအဖြစ်အမှန်တရားကိုကိုင်စွဲတယ် ၊အမှန်တရားအတွက်စွန့်လွှတ်အနစ်နာခံတယ်ဆိုတဲ့ သူများကိုတစ်ယူသန်အယူသည်းသူမျက်ကန်းများအဖြစ် ပြက်ရယ်ပြုတာတွေ ကပ်ပါလာလေ့ ရှိတယ်။

အားပေးရာ ကျတယ် 

          အမှန်တရားကို ကိုင်စွဲလို့ ပြက်ရယ်ပြုတာ ကိစ္စမရှိဘူး။ ထင်ရာ စိုင်းပြီး မမှန်မကန် လုပ်နေတာတွေကို သူတို့လည်းသူတို့ ရှုထောင့်ကအမှန်တရားလို့ ယူဆပြီးလုပ်နေကြတာပဲ။ အပြစ်ပြောလို့မရဘူးဆိုတဲ့ သဘောထားမျိုးကတော့ မဟုတ်တာကို အားပေးအားမြှောက်ပြုရာကျတယ်။ သဘောမတူနိုင်ဘူး။ လူ့လောကမှာ အယူဝါဒအမျိုးမျိုးကို သည်းခံ ပြီး လူတိုင်းရဲ့လွတ်လပ်စွာကိုးကွယ်ယုံကြည်မှုကို လေးစားစွာ အတူတကွ ယှဉ်တွဲနေထိုင်ခြင်းကို လူ့ယဉ်ကျေးမှုလို့ သတ်မှတ်ခေါ်ဆိုခဲ့ကြတာ ဖြစ်တယ်။ အဲဒါဟာ ဒီမိုကရေစီရဲ့ အနှစ်သာရလည်း ဖြစ်တယ်။

တောင်တက်လမ်း အသွယ်သွယ်

          တောင်တစ်ကောင်ကိုတက်ဖို့ လမ်းကြောင်းအသွယ်သွယ် ရှိနိုင်တယ်။အယူဝါဒမျိုးစုံဟာတောင်တက်လမ်း အသွယ်သွယ်နဲ့ တူတယ်။ ဘယ်လမ်းကြောင်းက တက်မှ မှန်တယ်လို့သတ်မှတ်လို့မရဘူး။ဘယ်လမ်းကြောင်းကပဲ တက်တက် မလျှော့သော ဇွဲသတ္တိနဲ့ မမှိတ်မသုန်တက်ရင်နောက်ဆုံးမှာတောင်ထိပ်ဖျားကိုရောက်မှာသေချာတယ်။ တောင်ထိပ်ကို ရောက်အောင်တက်မယ်ဆိုတဲ့ ပြတ်သားရေရာတဲ့ ဦးတည်ချက်နဲ့ခိုင်မြဲတဲ့ ဇွဲသတ္တိမရှိဘဲ လမ်းတစ်ဝက်က နောက်ပြန်လှည့်တတ်တဲ့လူစားမျိုးကတော့တောင်ထိပ်ကိုဘယ်တော့မှရောက်မှာမဟုတ်ပါဘူး။လမ်းသွယ် တွေ များတာက အကြောင်းမဟုတ်ဘူး။ အဆုံးထိရောက်အောင် တက်ဖို့ သာ အရေးကြီးတယ်။

ထိပ်ဖျားဆိုတာ တစ်ခုပဲရှိတယ်

          တောင်တက်လမ်းတွေ ဘယ်လောက်ပဲများများ တောင်ထိပ်ဖျားကတော့ တစ်ခုပဲရှိတယ်။ နှစ်ခုရှိနေတယ်ဆိုရင်တောင်ထိပ်ဖျားလို့မခေါ်နိုင်ဘူး။ မမှိတ်မသုန်ခိုင်ကျည်တဲ့ဇွဲသတ္တိနဲ့တက်လာရင်ဘယ်လမ်းကြောင်းကပဲ တက်လာတက်လာ တောင်ထိပ်ဖျားကို မလွဲဧကန်ရောက်မှာသေချာတယ်။ ဗဟုဝါဒဆိုတဲ့အယူဝါဒမျိုးစုံဟာ အမှန်တရားဆိုတဲ့တောင်ထွတ်ဖျားကို ရောက်အောင်တက်တဲ့လမ်းသွယ်တွေပဲ။မရေမတွက် နိုင်လောက်အောင် အများကြီး ရှိနိုင်တယ်။ ဒါပေမယ့် တောင်ထိပ်ဖျား အခေါင်အထွတ်ဆိုတာကတော့ တစ်ခုပဲ ရှိနိုင်တယ်။ ဒါကြောင့် အခေါင် အထွတ်လို့ ခေါ်တာ ဖြစ်တယ်။

အမှန်တရား တစ်ခုတည်း

          အမှန်တရားဆိုတာ နှစ်ခု မရှိနိုင်ဘူး။ တစ်ခုတည်းရှိလို့ အမှန် တရားကို သတ်မှတ်တာ ဖြစ်တယ်။ အနောက်တိုင်းရှုထောင့် အမှန်တရား၊ အရှေ့တိုင်းရှုထောင့် အမှန်တရားရယ်လို့ မရှိဘူး။ လူ့လောက အမှန်တရား ဆိုတာ တစ်ခုတည်းပဲ ရှိတယ်။ အနောက်ရှုထောင့်၊ အရှေ့ရှုထောင့် အမှန် တရား တောင်ထွတ်များကိုသွားတဲ့ ချဉ်းကပ်လမ်းကြောင်း၊ လမ်းသွယ် တွေသာ ဖြစ်တယ်။ အမှန်တရား မဟုတ်ဘူး။ အရှေ့တိုင်းသားများက ၃၂ ကောဋ္ဌာသနဲ့ ဖွဲ့စည်းထားပြီး၊ အနောက်တိုင်းသားတွေက ၃၆ ကောသ အစုအဖွဲ့ကြီးသာဖြစ်ပြီး အောက်ဆီဂျင်ကို ရှူသွင်းပြီး အသက် ရှင်နေကြတာ အတူတူဖြစ်တယ်။

လူယဉ်ကျေးဆို တာ

          တောင်ထိပ်ကိုရောက်ဖို့ လမ်းကြောင်းတွေ အသွယ်သွယ်ရှိတာကို လက်ခံအသိအမှတ်ပြုပြီး တခြားလမ်းကြောင်းတွေက တက်နေကြသူများ ကို တောင်တက်ဖော်များအဖြစ် သဘောထားနိုင်သူများကို လူယဉ်ကျေး လို့ သတ်မှတ်ကြတယ်။

အလိုတူ အလိုပါပဲ

          လမ်းကြောင်းနဲ့ပန်းတိုင်ကိုရောထွေးပြီး အမှန်တရားဆိုတာ တစ်ခုတည်းရှိတာမဟုတ်ဘူးလို့ပြောနေကြတာ ဖြစ်တယ်။ လူ့လောက မှာ လူဆိုးနဲ့ လူကောင်းရယ်လို့ ခွဲခြားသတ်မှတ်ထားတဲ့ နှုန်းစံတွေရှိပြီးသားဖြစ်တယ်။ ဒါကို မရှုပ် ရှုပ်အောင် ကောင်းတယ်၊ ဆိုးတယ်ဆိုတာ ပုံသေကားကျ သတ်မှတ်ထားလို့မရဘူး။သူ့ဘက်ကအမှန်နဲ့ ကိုယ့်ဘက်က အမှန် မတူကြဘူး။ အမှန်တရား အများကြီးရှိတယ် စသဖြင့် ပြောနေကြတာဟာလူဆိုးတွေဘက်က ရှေ့နေလိုက်ပေးနေကြတာ ဖြစ်တယ်။ အလိုတူ အလိုပါပဲ ဖြစ်တယ်။

ရောင်တော်ပြန် ရောလွှတ်တာ

          ဒီမိုကရေစီနဲ့ ဗဟုဝါဒစကားလုံးတွေခေတ်စားနေတာနဲ့ရောင်တော်ပြန်ရောပြီး လူမသမာတွေကလူဆိုးလူကောင်းဆိုတဲ့ နှုန်းစံတွေ မတူကွဲပြား အမျိုးမျိုး အစားစား ရှိတယ်၊ အမှန်တရားဆိုတာလည်းအများကြီးရှိတယ်လို့ ကြွေးကြော် ဝါဒဖြန့်နေကြတာ ဖြစ်တယ်။ လူ့လောက မှာ မရေရာ မသေချာမှုတွေ ပြည့်နှက်နေပေမယ့် ရေရာ သေချာတာတွေ လည်း အများကြီး ရှိပါတယ်။ မတရားမှုနဲ့ တရားမှုကိုတိကျပြတ်သားစွာခွဲခြားသတ်မှတ်ချက်တွေ နိုင်ငံတိုင်း လူမျိုးတိုင်းမှာ ရှိပါတယ်။ တာလီဘန်တွေက ဈေးထဲမှာ ဗုံးခွဲတိုက်ခိုက်တာဟာ ရက်စက်ကြမ်းကြုတ် တဲ့ အကြမ်းဖက်မှုလို့ ယဉ်ကျေးတဲ့ လူသားတိုင်းက သတ်မှတ်ထားကြပါ တယ်။

ရက်စက်ကြမ်းကြုတ်မှုပဲ

          အလားတူပဲ အာဖဂန်နိုင်ငံက မူလတန်းကျောင်းကလေးပေါ် ကျချင် ကျ၊ လူအိုရုံပေါ် ကျချင်ကျ၊ ဆေးရုံပေါ် ကျချင်ကျ၊ဈေးထဲကျချင်ကျဘယ်နေရာကျကျလူတွေကြောက်လန့်သွားရင်ပြီးရောဆိုတဲ့သဘောနဲ့လေယာဉ်ပျံတွေပေါ်ကဗုံးတွေတရစပ်ကြဲချနေတဲ့အမေရိကန်ရဲ့လုပ်ရပ်တွေဟာလည်းလူမဆန်တဲ့ရက်စက်ကြမ်းကြုတ်မှုတွေပဲဖြစ်တယ်လို့ လူယဉ်ကျေးတိုင်းက သတ်မှတ်ကြပါတယ်။ အပြစ်မဲ့တဲ့အရပ်သူအရပ်သားတွေကို သတ်ဖြတ်

တာဟာ ဘယ်လိုအကြောင်းပြချက်မျိုးနဲ့မှ တရားတယ်လို့သဘောမထားနိုင်ဘူး။ဒီလိုလုပ်ရပ်ကိုမှန်တယ်လို့လည်း ဘယ်သူကမှ လက်မခံပါဘူး။

ဗြောင်လိမ်နေတာ

          ဒီလို ရက်စက်ကြမ်းကြုတ်မှုကြီးတွေကို ပြောင်ပြောင်တင်းတင်း ကျူးလွန်နေကြသူများက သူတို့ရဲ့ ရာဇဝတ်မှုတွေကို ဖုံးကွယ်ဖို့အတွက် အမှန်တရားဆိုတာ တစ်ခုတည်းရှိတာမဟုတ်ဘူး ဆိုတဲ့ အယူအဆကို ဝါဒဖြန့် ကြွေးကြော်နေတာဖြစ်တယ်။ သူတို့ရှုထောင့်ကကြည့်တဲ့ အမှန် တရားအတိုင်း ဆောင်ရွက်တာဖြစ်လို့ သူတို့ မလွန်ဘူး။ မမှားဘူး။ အမှန် တရားဆိုတာ လောကမှာ တစ်ခုတည်းပဲ ရှိပါတယ်။ သွားတဲ့လမ်းကြောင်း တွေသာ အသွယ်သွယ် များနေတာဖြစ်တယ်ဆိုတဲ့ အချက်ကို သဘော ပေါက်ထားဖို့ လိုပါတယ်။ အယူဝါဒတွေ အမျိုးမျိုးရှိနေတာနဲ့ အမှန် တရားတွေ အများကြီးရှိတယ်လို့ နားမယောင်သင့်ဘူး။ အယူဝါဒတွေက အမှန်တရား မဟုတ်ဘူး။ အမှန်တရားကိုသွားရာ လမ်းကြောင်းတွေသာ ဖြစ်တယ်။ အမှန်တရားဆိုတာ နှစ်ခု မရှိနိုင်ပါဘူး။

                                                                                                                The Hot News Journal 

                                                                                                               Vol.1, No. 2, 30 July 2010

ကိုယ့်ပေါင်ကိုယ် လှန်ထောင်းရတာ

          အိမ်က သွားရေးလာရေးလွယ်ကူတဲ့မြို့လယ်မှာရှိတာကြောင့်ဂျာနယ်သမားတွေအဝင်အထွက်များပါတယ်။ စာမူတောင်းဖို့ လာတဲ့လူ က လာတယ်။ သတင်းအတွက်၊ ဆောင်းပါးအတွက် မေးချင်မြန်းချင်လို့ လာတဲ့လူက လာတယ်။

နေ့စဉ်သတင်းစာခေတ်အတွက်

          လာတဲ့သူမှန်သမျှကို သိသိ၊ မသိသိ လက်ခံပြီး တတ်စွမ်းသမျှ သူတို့လိုအင်ဆန္ဒ ဖြည့်ဆည်းပေးပါတယ်။ သတင်းအလုပ်မှာသူတို့လေးတွေပျော်ပိုက်စေချင်တယ်။ တစ်ချိန်ချိန် ပုဂ္ဂလိက နေ့စဉ်သတင်းစာတွေထွက်လာတဲ့

အခါမှာ ကျင့်သားရပြီးသား သတင်းထောက်တွေ၊ အယ်ဒီတာ တွေ အလုံအလောက် ရှိနေစေချင်တယ်။စာနယ်ဇင်း အတတ်ပညာဆိုင်ရာနဲ့ ကျင့်ဝတ်အကြောင်းဆောင်းပါးတွေ အဆက်မပြတ်ရေးနေပေမယ့် လူချင်းတွေ့ဆုံစကား

ပြောရတာလောက် အရာမရောက်ဘူး။ စာရေးတာကကိုယ်ချည်းပြောရတာ။တစ်ဖက်သားရဲ့ထင်မြင်ယူဆချက်ကို မကြားရ ဘူး။ လူချင်းတွေ့ ပြောရတာကျတော့ အပြန်အလှန် မေးကြ၊ ပြောကြ၊