လင်းယုန်မောင်မောင် - ကမ္ဘာကျော်ပုဂ္ဂိုလ်ကြီးများ၏ပြောင်ချက်နှင့်လှောင်ကွက်များ

ဒေါက်တာမာတင်လူသာကင်း (ဂျူနီယာ)

          ဒေါက်တာမာတင်လူသာကင်း (ဂျူနီယာ)သည် အမေရိကန်ပြည် တစ်ဝှမ်း၌ လူသိများ၍ ထင်ရှားကျော်ကြားသော လူမည်းခေါင်းဆောင် တစ်ဦးဖြစ်သည်။ သူသည် လူမည်းခေါင်းဆောင်တစ်ဦးပင် ဖြစ်သော် လည်း သူ၏ သီလ သမာဓိနှင့် ခိုင်မြဲသောယုံကြည်ချက်များကြောင့် အမေရိကန်သမ္မတ ကိုယ်တိုင်အပါအဝင် လူဖြူ အမေရိကန် အမျိုးသားများ ကပင် သူ့အား ကြည်ညိုလေးစားခဲ့ကြရသည်။

          အထူးသဖြင့် သူသည် အသားရောင်ခွဲခြားရေးစနစ်ကို တိုက်ဖျက် ရာ၌ အကြမ်းမဖက်သောအနုနည်းကို အသုံးပြုခဲ့ရာ လူမည်းများက တစ်ခဲနက် ထောက်ခံခဲ့ကြသလို လူဖြူများကလည်း အင်တိုက်အားတိုက် ပါဝင်လှုပ်ရှားခဲ့ကြသည်။

          အမေရိကန်အစိုးရက လူမည်းများအား နှိမ်ချသည့်သဘောဖြင့် စားသောက်ဆိုင်များတွင် လူမည်းများအား ဝင်ခွင့်မပြုဟု ကန့်သတ်ခဲ့ကြ သလို ဘတ်စ်ကားများကိုလည်း လူမည်းများမစီးရဟု အမိန့်ထုတ်ပြန်ထား

သည်။

          ထိုသို့ လူဖြူလူမည်း အသားအရောင်ခွဲခြားရေးကို ဆန့်ကျင်တိုက် ဖျက်ရာ မာတင်လူသာကင်းသည် အကြမ်းမဖက်ဘဲ အနုနည်းများကိုသာ အသုံးပြုကြရန် စည်းရုံးလှုံ့ဆော်ခဲ့ရာ လူမည်းများကလည်း မာတင်လူ

သာကင်း၏ အဟောအပြောကောင်းမှုကြောင့် တစ်သဝေမတိမ်း လိုက်နာခဲ့ ကြသည်။

          တစ်ခါသော် ဘတ်စ်ကားများတွင် လူမည်းများမစီးရဟု ကန့် သတ် ချုပ်ချယ်ထားခဲ့ရာ ထိုချုပ်ချယ်မှုကို အနုနည်းဖြင့် အာဏာဖီဆန် ရန် လူသာကင်း၏ညွှန်ကြားချက်များကို လူမည်းများက အတိအကျ လိုက်နာခဲ့ကြသည်။

          သို့စဉ်တွင် အသက် (၇၂) နှစ်အရွယ်ရှိ လူမည်းအမျိုးသမီးကြီး သည် သူမအလုပ်လုပ်သော စက်ရုံရှိရာ မိုင်ဝက်ခန့်ဝေးသော နေရာသို့ ဘတ်စ်ကားမစီးဘဲ ဆန္ဒပြသောအားဖြင့် နေ့စဉ်အသွားအပြန် လမ်း

လျှောက်သွားခဲ့သည်။ သူမ၏နေ့စဉ် လမ်းလျှောက်နေသည့် ပင်ပန်းမှု ဒဏ်ကို မကြည့်ရက်နိုင်သော မိတ်ဆွေတစ်ယောက်က မနေနိုင်သဖြင့် ဤသို့မေးခဲ့သည်။

          “အစ်မကြီး၊ ခုလိုဆန္ဒပြတဲ့အနေနဲ့ ဘတ်စ်ကားမစီးဘဲ နေ့တိုင်း အသွားအပြန် လမ်းလျှောက်ရတာ မမောဘူးလား၊ မပင်ပန်းဘူးလား”

          ဤတွင် (၇၂) နှစ်အရွယ်ရှိ အဘွားကြီးက ပြန်ဖြေလိုက်ပုံမှာ အသားအရောင်ခွဲခြားမှု ဆန့်ကျင်ရေးအတွက် သမိုင်းတွင်သွားသည်။ သူမက ပြန်ဖြေလိုက်သည်မှာ “ပင်ပန်းတာပေါ့ကွယ်။ ခြေထောက်တွေ လည်း နာတာပေါ့။ ဒါပေမဲ့ ဒီလိုလမ်းလျှောက်ရတဲ့အတွက် အဘွားရဲ့ စိတ်ဓာတ်ကတော့ ပင်လည်း မပင်ပန်းပါဘူး၊ နာလည်း မနာပါဘူး”

တရုတ်ခွေးထံမှ နည်းယူခဲ့ရသော မိုက်တိုက်ဆန်

          ကမ္ဘာ့လက်ဝှေ့ကျော် မိုက်တိုက်ဆန် ဆုရထားသော ခွေးကလေး တစ်ကောင်ကို မွေးထားခဲ့သည်မှာ ကြာပြီဖြစ်သည်။ ထိုခွေးမှာ တရုတ် အမျိုးအစားဖြစ်၍ ရှားပိုင်ဟု ခေါ်သည်။ နှာခေါင်းပြားပြားဖြင့် အလွန် အရုပ်ဆိုး၍ Bulldog ခေါ် ခွေးဘီလူးကဲ့သို့ ဖြစ်သည်။ အခြားခွေး များဖြင့် မကြာခဏခိုက်ရန်ဒေါသဖြင့် အကိုက်ခံရ၍ သူ့ကျောပြင်တွင် လည်း အမာရွတ်များဖြင့် ပြည့်နေပြီး ခန္ဓာကိုယ်မှာလည်း တုတ်ခိုင်ကြီး မားလှသည်။ “ဒီလိုရှားပိုင်ဆိုတဲ့ ခွေးအမျိုးအစားတွေဟာ တရုတ်ပြည်မှာ ဆိုရင် ရန်သူကို ခုခံကာကွယ်တဲ့နေရာနဲ့ တိုက်တဲ့ခိုက်တဲ့နေရာမှာ အင် မတန် နာမည်ကြီးပါတယ်။ ဒါကြောင့်မို့ ခွေးအကြောင်း ကျွမ်းကျင်တဲ့

လူတွေက ဒီခွေးတွေရဲ့ကျောမှာ အမြဲတမ်း အမာရွတ်တွေ ရှိနေတတ်ပါ တယ်”ဟူ၍ မိုက်တိုက်ဆန်က ရှင်းပြခဲ့သည်။

           တခြား ခွေးတစ်ကောင်ကောင်က သူ့ကို ကိုက်လိုက်ပြီဆိုရင် သူဟာ နောက်ကို ရုတ်တရက်ပြန်လှန်ပြီး ကိုက်တတ်ပါတယ်။

          လက်ဝှေ့ကြိုးဝိုင်းအတွင်းမှ တိုက်ဆန်၏ထိုးသတ်သည့် နည်းမှာ လည်း ရှားပိုင်ခွေးများကဲ့သို့ပင် ဖြစ်သည်။ တစ်ဖက်ရန်သူ၏ လက်သီး ချက်များကို ရှောင်တိမ်းရင်း ပူးကပ်၍ဖြစ်စေ၊ ခပ်လှမ်းလှမ်းမှဖြစ်စေ၊ ချက်ကောင်းကိုမိအောင် ပြန်လည်ထိုးသတ်ခြင်းသည် မိုက်တိုက်ဆန် အတွက် လက်ဝှေ့ကြိုးဝိုင်းအတွင်း နာမည်ကျော်ကြားစေခဲ့သည်ဖြစ်ရာ ထိုနည်းပရိယာယ်ကို တရုတ်ခွေး ရှားပိုင်အမျိုးအစားမှ ရယူခဲ့သည်ဟုပင် ဆိုနိုင်စရာရှိသည်။

ဟာသမင်းသားကြီး မောရစ္စချ်ဗဲလီယား

          ကမ္ဘာကျော်ရုပ်ရှင် ဟာသမင်းသားကြီး မောရစ္စဗဲလီယားသည် တစ်နေ့တွင် ပြဇာတ်ရုံတစ်ရုံသို့ ရောက်သွားခဲ့ရာ သူ့မိတ်ဆွေ လူရွှင်တော် ဖစ်လ်တစ်လ်ဖားရှိရာ ဇာတ်ရုံနောက်ဖေးသို့ သွားတွေ့ခဲ့သည်။

          ဇာတ်ရုံနောက်ဖေးတွင် ကချေသည်ချောချောလှလှ ကောင်မလေး များကို ကြည့်ရင်း မောရစ္စက “အင်း... ကျုပ်ဖြင့် အသက် (၂၀)လောက်တောင် ပိုပြီး ကြီးချင်စိတ်ပေါက်လာတယ်””ဟု ညည်းလိုက် သည်။ ဤတွင် သူ့မိတ်ဆွေက “ဘယ့်နှယ့်လဲဗျ၊ ခင်ဗျားဟာ မဟုတ် သေးပါဘူး။ အသက် (၂၀) လောက် ပြန်ငယ်ချင်တယ်လို့ ပြောစမ်းပါ”” ဟု သူ့အား လှမ်းပြောလိုက်သည်။

ကမ္ဘာကျော်ပုဂ္ဂိုလ်ကြီးများ၏ ပြောင်ချက်နှင့် လှောင်ကွက်များ

          ဤတွင်မှ ထိုစဉ်က အသက် (၇၃) နှစ် ရှိနေပြီဖြစ်သော မောရစ္စချ်ဗဲလီယားက “ကျုပ် တကယ်ပြောနေတာဗျ၊ နောက်ထပ် အသက် (၂၀) လောက် ကြီးချင်တယ်ဆိုတာ အမှန်ပဲ။ ဘာဖြစ်လို့လဲ ဆိုတော့ နောက်ထပ် နှစ် (၂၀) လောက်ကြီးနေရင် ကျုပ်အသက်က ၉ဝ ကျော်နေပြီမို့ ခုလို ကောင်မလေးချောချောလှလှတွေ တွေ့ရလို့လည်း ဘာမှထူးခြားမှာ မဟုတ်တော့ပါဘူး”ဟု သူ၏ ဇရာ၏သဘာဝကို ဖွင့်ဟပြောဆိုခဲ့သည်။

လင်းကွန်း၏ မိတ်ဆွေများ

          တစ်ခါက ပွင့်ပွင့်လင်းလင်း မေးတတ်သောသတင်းစာ ဆရာမ ကိလ်ထင်ဘတ်သည် သမ္မတကြီးလင်ကွန်းအား မေးခွန်းတစ်ခု မေးခဲ့ သည်။ “သမ္မတကြီးရှင့်၊ သမ္မတကြီးဟာ ရန်သူတွေကို သုတ်သင် မပစ်ဘဲ သိမ်သိမ်မွေ့မွေ့နဲ့ ကြင်ကြင်နာနာ စကားပြောတတ်တယ်လသိရပါတယ်။ အဲဒါ ဘယ်လိုအကြောင်းကြောင့်ပါလဲ”ဟု မေးခဲ့သည်။

           ထိုအခါ သမ္မတလင်ကွန်းက တိုတိုတုတ်တုတ်ပင် ပြန်ဖြေခဲ့ သည်။ “မဒမ် ခင်ဗျား၊ ကျွန်တော်ဟာ ကျွန်တော်ရဲ့ ရန်သူတွေကို သုတ်သင်ပစ်မယ်ဆိုရင် သူတို့နဲ့ အခုလိုမိတ်ဆွေ ဘယ်တော့ဖြစ်လာမှာလဲ ဗျာ” ဟု ပြောခဲ့ရာ အမျိုးသမီးမှာ ပါးစပ်အဟောင်းသား ဖြစ်နေခဲ့သည်။

သူဌေးရေနစ်တဲ့ကိန်း

          အမေရိကန်သမ္မတကြီး ဖရင့်ကလန့်ဒီရုစဗဲ့သည် အမေရိကန် ပြည်ထောင်စုကြီး၏ စီးပွားတိုးတက်ဖွံ့ဖြိုးရေးကို အထူးအာရုံစိုက်၍ဆောင်ရွက်ခဲ့သူဖြစ်သည်။ သူသည် အမေရိကန်ပြည်သူတို့၏ စီးပွားရေး အရ ထိပ်ဆုံးသို့ရောက်နေသော စီးပွားရေးလုပ်ငန်းရှင်ကြီးများအား အမြဲ တမ်း ဂုဏ်ပြုအားပေးခဲ့သည်။

          ဤတွင် သမ္မတကြီးရုစဗဲ့၏ သားတစ်ယောက်သည် ဂျူးမွန့်ဆိုသူ စီးပွားရေးလုပ်ငန်းရှင်ကြီး တစ်ယောက်၏သမီးနှင့် ထိမ်းမြား လက်ထပ်ခဲ့၏။ ဂျူးမွန့်မှာ အမေရိကန် စီးပွားရေးလုပ်ငန်းရှင်ကြီးများ အနက် ထိပ်ဆုံးသို့ရောက်နေသူ ဖြစ်သည်။ သို့ဖြင့် သမ္မတကြီး၏သားနှင့် အချမ်းသာဆုံးသူဌေးကြီး၏ သမီးမင်္ဂလာလက်ထပ်ပွဲမှာ ဝက်ဝက်ကွဲမျှ စည်ကားခဲ့သည်။ သူဌေးကြီး ဂျူးမွန့်၏ကျယ်ဝန်းလှသော ခြံကြီးအတွင်း မင်္ဂလာပွဲသို့ လာရောက်အားပေးကြသော ဂုဏ်သရေရှိ မင်းပရိသတ် အပေါင်းတို့နှင့် သောင်းသောင်းဖြဖြ ကြက်ပျံမကျစည်ကား ကျယ်ဝန်း လှ၏။ ထိုသို့ ပရိသတ်များဖြင့် ပြည့်ကျပ်စည်ကားနေခိုက် ရုတ်တရက် မမျှော်လင့်ဘဲ သဲကြီးမဲကြီး ရွာချလိုက်သော မိုးကြောင့် မင်္ဂလာပွဲ ကျင်းပရာ ခြံကြီးတစ်ခုလုံးမှာ ရေနစ်၍ စိုရွှဲနေခဲ့သည်။ သမ္မတကြီး တစ်ယောက်လုံး မိုးထဲရေထဲတွင် ရွှဲရွှဲစိုနေသောအဖြစ်ကိုကြည့်ကာ ခမည်း ခမက်ဖြစ်သူ သူဌေးကြီးဂျူးမွန့် အားရပါးရ လက်ခုပ်လက်ဝါးတီးကာ ရယ်မော၍ ကျယ်လောင်သောအသံကြီးဖြင့် အော်ဟစ်လိုက်ရာ ပရိသတ် အားလုံးမှာ ကိုယ့်အဖြစ်ကို မေ့သွားခဲ့ကြ၏။ သူဋ္ဌေးကြီးဂျူးမွန့် လှမ်း၍အော်ဟစ် ရယ်မောလိုက်ပုံမှာ “သူဌေး ရေနစ်တဲ့ကိန်း ဆိုက်တယ်ဆိုတာ ဒါမျိုးကို ပြောတာပေါ့” ဟူသတည်း။ 

အောက်ဆုံးထပ်ရောက်နေတာကိုး

          ရုပ်ရှင်လူရွှင်တော် မင်းသားကြီး ဟော့ပ်ဟုတ်သည် ဟာသဆန် ဆန် ပုံပြင်များကို မကြာခဏပြောတတ်သည်။ ပြောသည့်ပုံပြင်များမှာ သဘာဝမကျ ယုတ္တိမရှိသော်လည်း ကြားရသူတိုင်း ပွဲကျခဲ့ကြသည်။ တစ်နေ့တွင် ဘော့ပ်ဟုတ်က ရုပ်ရှင်ကြည့်ရာတွင် အရမ်းဝါသနာပါသော သူငယ်ချင်းနှစ်ယောက်အကြောင်းကို ဤသို့ပြောပြခဲ့သည်။