ရွှေဥဒေါင်း - ဘာစကာဗျီလ်ခွေးကြီး

အခန်း [ ၁ ]

မစ္စတာ ရှားလော့(က) ဟုမ်း(စ်)

မစ္စတာ ရှားလော့(က)ဟုမ်း(စ်)သည် နံနက်စာစားရန် စားပွဲ၌ ထိုင်လျက်ရှိစဉ် ကျွန်ုပ်သည် ဆောင်းမီးဖိုအနီးရှိ ကော်ဇောပေါ်တွင်ရပ်လျက် ယမန်ညဉ့်က ဧည့်သည်တစ် ယောက် မေ့ကျန်ရစ်ခဲ့သော လမ်းလျှောက်တုတ်ကို ကောက် ယူကြည့်ရှုလေ၏။ ၎င်းတုတ်မှာ ခပ်တုတ်တုတ်ရှိ၍ သစ် သားဖြင့် ချောမွေ့စွာ ပြုလုပ်ထားလေသည်။ တုတ်၏လက် ကိုင်အောက်၌ ငွေကွပ်တစ်ခုပါရှိလေရာ ၎င်းအကွပ်ပေါ် တွင် “၁၈၈၄ ခုနှစ်၊ စီ-စီ-အိတ်(ချ) (C.C.H) ဝင် မိတ် ဆွေများထံမှ ဂျိမ်း၊ မော်တီမာ၊ အမ်-အာရ်-စီ-အက်(စ) (M.R.C.S) ထံသို့” ဟူသော စကားလုံးများ ထွင်းထားလေ သည်။

ဟုမ်း...ဘယ်နှယ့်လဲ ဝက်ဆင်၊ ဧည့်သည်ရဲ့ တုတ်မှ ဘယ်လိုကောက်နုတ်ချက်များ ရထားသလဲ၊ သူ့ကိုလည်း မတွေ့ လိုက်ရ၊ သူ့ကိစ္စကိုလည်း ကျုပ်တို့ မသိလိုက်ရလေတော့ ကံအားလျော်စွာ တွေ့ရတဲ့ ဒီပစ္စည်းဟာ အတော်အရေးကြီးနေတယ်။ ဒီတော့ တုတ်ကိုကြည့်ပြီး လူကို ဘယ်လို အကဲ ဖြတ်သလဲလို့ ကြားစမ်းပါရစေလားဗျာ”

နုပ်....(ကျွန်ုပ် မိတ်ဆွေကြီး၏ စဉ်းစားနည်းကို တတ်နိုင်သမျှ အတုခိုးလျက်) သူ့ကို နှစ်သက်ကြတဲ့ အထိမ်းအမှတ်အဖြစ်နဲ့ ဒီလက်ဆောင် ပေးထားကြခြင်းကို ထောက်ခြင်းအားဖြင့် ဒေါက်တာ မော်တီမာ ဆိုတဲ့ ပုဂ္ဂိုလ်ဟာ လူကြိုက်များတဲ့ ဆရာဝန်ကြီးတစ်ယောက် ဖြစ်ရ မယ်။ အရွယ်အားဖြင့် လူကြီးပိုင်းရောက်ပြီလို့ ဆိုချင်တယ်ဗျာ”

ဟုမ်း... ကောင်းတယ်ဗျို့”

ဟုမ်း... ဘာကြောင့်လဲဗျ”

နု... “သူဟာ တောပိုင်းမှာနေပြီး အများအားဖြင့် ခြေကျင် လျှောက်တဲ့ ဝါသနာရှိတယ်လို့ ဆိုချင်တယ်ဗျာ”

နုပ်... ဘာကြောင့်လဲဆိုတော့ ဒီတုတ်ဟာ မူလက တော်တော် ကောင်းသော်လည်း ကိုင်ပါများလွန်းလို့ ဘလချာဖြစ်နေတဲ့အတွက် မြို့သား ဆရာဝန်တစ်ယောက်ဆိုလျှင် ကိုင်လိမ့်မယ်လို့ မထင်ဘူး။ တုတ်အဖျားက သံအစွပ်ကလေးဟာ အများကြီး စားသွားတဲ့အတွက် သူကိုင်ပြီး တော်တော်ကြီး လမ်းလျှောက်ထားတယ်လို့ ဆိုချင်တယ်ဗျာ ။

ဟုမ်း... နေရာကျပါဗျာ”

နုပ်..နို့ပြီး စီ-စီ-အိတ်(ချ)ဝင် မိတ်ဆွေများထံမှဆိုတဲ့ စကား လုံးများ ရှိသေးတယ်။ ဒီဟာက အမဲလိုက်သင်းတစ်သင်းသင်း ထင်ပါ ရဲ့။ အဲဒီအသင်းများအတွက် ဒေါက်တာ မော်တီမာက ဆရာဝန်အလုပ် နဲ့ ပတ်သက်တဲ့ကိစ္စတစ်ခုခု ဆောင်ရွက်ပေးဖူးတဲ့အတွက် ကျေးဇူးတင် တဲ့ သဘောမျိုးနဲ့ ဒီတုတ်ကို လက်ဆောင်ပေးဟန်တူတယ်”

ဟုမ်း... တော်ပေတယ်၊ ဝက်ဆင် တကယ်တော်ပါပေတယ်။

ကျုပ်ဆောင်ရွက်ခဲ့တဲ့ အမှုကိစ္စကလေးများအကြောင်းကို ခင်ဗျားရေး သားရာတွင် ခင်ဗျားက ကိုယ့်အစွမ်းကို ကိုယ်နှိမ့်ချပြီး ဖော်ပြပေးတယ် လို့ ကျုပ်က ဝန်ခံရပေမယ်။ ခင်ဗျားက ကိုယ်တိုင် အလင်းရောင်ထွက် နိုင်တဲ့ အစွမ်းသတ္တိမရှိသော်လည်း အလင်းရောင်ကို သွယ်ဆက်ပေးနိုင် တဲ့ သတ္တိရှိတယ်လို့ ဆိုရပေမယ်။ တချို့လူများဟာ ကိုယ်တိုင် မတော် လှပေမဲ့ လူတော်များကို နှိုးဆွပေးသလို ပြုတတ်ကြတယ်။ ခင်ဗျားရဲ့ ကျေးဇူးအပေါ်မှာ အပုံကြီး များတယ်လို့ ကျုပ်က ဝန်ခံပါတယ်ဗျာ”

မစ္စတာ ရှားလော့(က)ဟုမ်း(စ်)သည် ကျွန်ုပ်အကြောင်းကို ယခင် က ဤမျှလောက် မပြောဖူးသည်ဖြစ်၍ ယခုပြောလိုက်သော စကားများ အတွက် ကျွန်ုပ်မှာ များစွာနှစ်သက်အားရခြင်း ဖြစ်မိသည်။ ယခင်ကမူ ကျွန်ုပ်၏ ချီးကျူးခြင်းများအတွက်သော်လည်းကောင်း၊ သူ၏ စဉ်းစား ဆင်ခြင်နည်းများကို လူအများသိအောင် ကျွန်ုပ်ကြိုးစားခြင်းများ အတွက်သော်လည်းကောင်း မစ္စတာရှားလော့(က)ဟုမ်း(စ) သည် မထီ တရီရှိခဲ့သည့်အတွက် ကျွန်ုပ်မှာ စိတ်ထဲက နာခဲ့ဖူးလေသည်။ ယခုမှာ ကျွန်ုပ်သည် သူ၏နည်းနာများကို သူကိုယ်တိုင်က ထုတ်ဖော်ချီးကျူး ခြင်းပြုရလောက်အောင် အသုံးပြုလိုက်သည်ဟု စဉ်းစားမိသဖြင့် စိတ် ကြီးဝင်မိလေ၏။ ၎င်းနောက် သူသည် တုတ်ကို ကျွန်ုပ်၏လက်မှယူ၍ အနည်းငယ်မျှကြာအောင် ကြည့်ရှုလေ၏။

ဟုမ်း...(နေရာတွင် ပြန်ထိုင်ပြီးနောက်) “သိပ်တော့ မနက်နဲလှ ဘူး၊ နို့ပေမဲ့ စိတ်ဝင်စားဖို့တော့ ကောင်းတယ်။ ဒီတုတ်မှာ အညွှန်း ကလေးတစ်ခု နှစ်ခုလောက်တော့ ပါတယ်။ ဒါကို အခြေပြုပြီးတော့ ကောက်နုတ်ချက်ထုတ်ယူကြရမှာပဲ”

နုပ်... အရေးကြီးတာထဲက ကျွန်တော် ရှန်းသွားတာများ ရှိ သလားဗျာ”

ဟုမ်း'ခင်ဗျားရဲ့ ကောက်နုတ်ချက်တွေဟာ အများအားဖြင့် ချော်တယ်ထင်တယ်ဗျို့၊ ခင်ဗျားဟာ ကျုပ်ကို နှိုးဆွပေးသလိုရှိတယ် လို့ ကျုပ်ပြောလိုက်တဲ့ စကားအဓိပ္ပာယ်က ပွင့်ပွင့်ပြောရလျှင် ခင်ဗျားရဲ့ လွဲခြင်းချော်ခြင်းများကို ကျုပ်တွေ့ရခြင်းဖြင့် ကျုပ်အဖို့ အမှန်သို့ရောက် အောင် လမ်းညွှန်ပေးသလိုဖြစ်တယ်လို့ ဆိုလိုခြင်းဖြစ်တယ်။ ဒီကိစ္စမှာတော့ ခင်ဗျား လုံးလုံးကြီးမှားတယ်လို့ မဆိုလိုပါဘူး။ ဒီလူဟာ တော ပိုင်းက ဆရာဝန်တစ်ယောက်ဖြစ်တယ်ဆိုတဲ့အချက်ကတော့ မှန်ပါ တယ်၊ အများကြီး လမ်းလျှောက်တတ်တယ်ဆိုတဲ့ တစ်ချက်လည်း မှန်ပါတယ်”

နုပ်....ဒါဖြင့် ကျွန်တော် မှန်တာပေါ့”

ဟုမ်း...... အဲဒီလောက်အထိပဲ မှန်တယ်”

နုပ်....နို့ ဒါပဲမဟုတ်လား”

ဟုမ်း...'မဟုတ်သေးဘူး ဝက်ဆင်၊ ဒီဟာ အားလုံးမဟုတ်သေး ဘူး၊ ဥပမာတစ်ခုပြရလျှင် ဆရာဝန်တစ်ဦးတစ်ယောက်သို့ လက်ဆောင်ပေးတယ်ဆိုခြင်းဟာ အမဲလိုက်သင်းတစ်သင်းထံမှမဟုတ် ဆေးရုံ တစ်ရုံထံမှ ဖြစ်ထိုက်တယ် မဟုတ်လား။ အိပ်(ချ)ဆိုတဲ့ အက္ခရာရှေ့က စီစီဆိုတဲ့ အက္ခရာများပါရှိခြင်းအားဖြင့် ချယ်ရင်ကရော့(စ်)ဆေးရုံလို့ မတွေးထိုက်ပေဖူးလား”

နုပ်... ခင်ဗျား မှန်ကောင်းမှန်ပေလိမ့်မယ်”

ဟုမ်း.. ခင်ဗျားမှန်းပုံ တော်တယ်။ ဒီအချက်က လက်ခံလိုက်လျှင် ဒီလူအကြောင်းကို ကောက်နုတ်ချက်ထုတ်ဖို့ အခြေခံအသစ်တစ်ခု ပေါ် ထွက်လာတယ်”

နုပ်.. 'ကောင်းပါပြီ။ စီစီအိပ်(ချ)ဆိုတဲ့ အက္ခရာမျိုးဟာ ချယ်ရင် ကရော့(စ)ဆေးရုံလို့ ဆိုလိုတယ်ထားပါတော့ ဘယ်လိုများ ကောက်နုတ်ချက် ထွက်လာနိုင်ပါသေးသလဲ”  

ဟုမ်း... ကျုပ်နည်းတွေကို ခင်ဗျားသိပြီး မဟုတ်ဘူးလား သုံး ကြည့်လေဗျာ”

နုပ်... 'ထင်ရှားနေတဲ့ ကောက်နုတ်ချက်တစ်ခုမှာတော့ ဒီလူဟာ တောင်ပိုင်းသို့ ပြောင်းရွှေ့ မသွားမီ မြို့ထဲမှာ ကုသဖူးတယ်လို့ စဉ်းစားမိ တာပဲ”

ဟုမ်း..ဒီထက်တစ်ဆိတ်လောက်ပိုပြီး စဉ်းစားနိုင်ပါသေးတယ်။ ဒီလက်ဆောင်မျိုးကို ဘယ်အချိန်အခါမျိုးမှာ ပေးတတ်သလဲတဲ့၊ ဒေါက်တာ မော်တီမာသည် တောပိုင်းမှာ ဆရာဝန်လုပ်ရန်အတွက် ချယ်ရင် ကရော့(စ) ဆေးရုံမှ နုတ်ထွက်တဲ့အခါမှာ ဖြစ်ရမယ်။ လက်ဆောင်ပေး တာကို ကျုပ်တို့သိတယ်။ မြို့ပိုင်းဆေးရုံမှ တောပိုင်းသို့ ပြောင်းရွှေ့ခြင်း ရှိဖူးတယ်ဆိုတာကိုလည်း ကျုပ်တို့သိတယ်။ ဒီတော့ကာ ဒီလက်ဆောင် ဟာ အဲဒီလိုပြောင်းရွှေ့တဲ့ အချိန်အခါမှာ ပေးတယ်လို့ တွေးယူလျှင် အတွေးခေါင်လွန်းတယ်လို့ မဆိုနိုင်ဘူးဟုတ်လား”

နုပ်....“ယုတ္တိတော့ပါတယ်” ။

ဟုမ်း'…ပြီးတော့လည်း လန်ဒန်မြို့ပေါ်မှာ ဆရာဝန်အဖြစ်နဲ့ အခြေတကျ ကုသဖူးတဲ့ ဆရာဝန်ကြီးတစ်ယောက်သာလျှင် မြို့ပိုင်း ဆေးရုံကြီးတစ်ခုမှာ ဆရာဝန်ဖြစ်နိုင်ခြင်းကို ထောက်သဖြင့်တစ်

ကြောင်း၊ အဲဒီလို ဆရာဝန်တစ်ယောက်သည် တောပိုင်းသို့ ရွှေ့ပြောင်းဖို့ စိတ်ကူးထည့်မည်မဟုတ်သဖြင့် တစ်ကြောင်း၊ ဒီလူဟာ မြို့ပိုင်းဆေးရုံ ကြီးမှာ ဆရာဝန်ကြီးတစ်ယောက် မဟုတ်ပေဘူးလို့ ကျုပ်တို့ ယူဆနိုင် တယ်။ ဒါဖြင့် သူဟာ ဘာလဲတဲ့ ဆေးရုံကြီးမှာလည်း နေခဲ့ဖူးတယ်။ ဆရာဝန်လည်း မဟုတ်ဘူးဆိုလျှင် ဘယ်လိုလူဖြစ်မလဲ။ ဆေးကျောင်း ထွက် လက်ထောက်ဆရာဝန်ကလေးတစ်ယောက် ဖြစ်ရမယ်။ တုတ်မှာ ကွင်းထားတဲ့ သက္ကရာဇ်ကို ထောက်ခြင်းအားဖြင့် လွန်ခဲ့တဲ့ ငါးနှစ်လောက်က ဆေးရုံကြီးမှ ပြောင်း ရွှေ့သွားတယ်လို့ ကျုပ်တို့ သိရတယ်။ ဒါကြောင့် လူကြီးပိုင်းရောက်နေတဲ့ ဆရာဝန်ကြီးတစ်ယောက်ဆိုတဲ့ ခင်ဗျားရဲ့ ကောက်နုတ်ချက်ဟာ ပျက်သွားပြီး အသက် ၃၀ အောက် လူငယ်တစ်ယောက် ပေါ်ထွက်လာတယ်လို့ ဆိုရပေလိမ့်မယ်”

နုပ်...(ရယ်မောခါဖြင့်) “ထားပါတော့လေ လူတစ်ယောက်ရဲ့ အသက်အရွယ်နဲ့ အလုပ်အကိုင်လောက်တော့ ကောက်နုတ်ချက်ထုတ် ယူဖို့ မခဲယဉ်းလှဘူး ထားပါတော့”

ကျွန်ုပ်သည် စာအုပ်စင်မှ ဆေးဆရာဝန်များ၏ အမည်နေရပ်များ ဖော်ပြပါရှိသည့် ဒါရက်တိုရီ”ခေါ် စာအုပ်ကို လှမ်းယူ၍ ၎င်းအမည် ပါရှိသော စာမျက်နှာကို လှန်ပြီးလျှင် အောက်ပါအတိုင်း ဖတ်ပြလေ သည်။ ။

ဂျိမ်းမော်တီမာ့၊ အမ်၊ အာစီအက်(စ)၁၈၈၂ ခုနှစ်၊ ဂရင်ပင်၊ ပတ္တမိုး ဒီဗွန်နယ် ချယ်ရင်ကရော့(စ်) ဆေးရုံ၌ ၁၈၈၂ ခုနှစ်မှ ၁၈၈၄ ခုနှစ်ထိ လက်ထောက်ဆရာဝန် လုပ်ဖူးသည်။ ဂရင်ပင်၊ တော်စလီနှင့် ဟိုင်း ဘားရိုးအကွက်များအတွက် ဆရာဝန်အဖြစ်နှင့် ဆောင်ရွက်ခဲ့ဖူးသည်။

ဟုမ်း...(ပြုံးစိစိမျက်နှာထားနှင့်) “ဘယ့်နှယ်လဲ ဝက်ဆင် အမဲ လိုက်သင်း မပါပါဘဲတကား။ နို့ပေမဲ့ တောပိုင်းက ဆရာဝန်ဆိုတဲ့ အချက်တော့ ထိုးထွင်းပါပေတယ်၊ ကျုပ်ရဲ့ ကောက်နုတ်ချက်တွေကတော့ တော်တော်မှန်နေတယ်၊ ဟော ပြောရင်းဆိုရင်း အိမ်ရှေ့တံခါးမှ ခေါင်းလောင်းသံ ကြားတယ်။ တုတ်ရှင်ရောက်လာပြီထင်တယ်။ နေရာက မရွေ့ပါနဲ့ ဝက်ဆင်၊ ခင်ဗျားနဲ့ လုပ်တူကိုင်ဖက်ချင်းလည်း ဖြစ်တယ်။ ခင်ဗျားရှိနေခြင်းဟာ ကျုပ်တို့ အသုံးဝင်ပါလိမ့်မယ်။ အကောင်းလား အဆိုးလားမသိ၊ ကိုယ့်ဆီကို တက်လာတဲ့ ခြေသံကြားရတဲ့ ယခုလို အချိန်မျိုးဟာ သိပ်အရေးကြီးတဲ့ အဆစ်အပိုင်းမျိုးပဲ ဆရာ ဝန်ကြီး ဒေါက်တာ မော်တီမာက စုံထောက်ရှားလော့(က) ဟုမ်း(စ)ဆီ ကို ဘယ်လိုကိစ္စမျိုးနဲ့ လာရောက်တယ် မပြောတတ်ဘူး ဝင်ခဲ့ပါလေ”

တောပိုင်းမှ ဆရာဝန်တစ်ယောက်ကို မျှော်လင့်လျက်ရှိသော ကျွန်ုပ်မှာ တံခါးမှဝင်လာသော ဧည့်ကို မြင်လိုက်ရသောအခါတွင် အံ့သြမိလေ၏။ ထိုသူမှာ အလွန်အရပ်မြင့်၍ ကြုံလှီသော လူတစ်ယောက် ဖြစ်လေရာ ၎င်း၏ ရှည်လှသော နှာခေါင်းသည် ငှက်နှုတ်သီးသဖွယ် ချွန်လျက်ထွက်နေလေ၏။

ထိုသူ၏ ပြာတာတာရှိသော မျက်လုံးများသည် တစ်လုံးနှင့် တစ်လုံး နီးကပ်စွာ တည်ရှိလျက် ရွှေကိုင်းတပ်ထားသော မျက်မှန်၏ နောက်မှ တောက်ပကြည်လင်စွာ ရှိနေကြ၍ စူးရှသော ကြည့်ခြင်းဖြင့် စူးစူးစိုက်စိုက် ကြည့်တတ်လေသည်။ အသက်ငယ်သော်ငြားလည်း ၎င်း၏ ရှည်လျားသောကျောသည် ခပ်ကိုင်းကိုင်းရှိရာ လမ်းလျှောက်သောအခါတွင် ဦးခေါင်းသည် ရှေ့သို့ ငိုက်စိုက်ထိုးလျက် အထက်စီး ကြည့်တတ်သည့် ဟန်အမူအရာမျိုး ဖြစ်နေလေသည်။ အခန်းထဲသို့ ဝင်လာသောအခါတွင် ထိုသူသည် ဟုမ်း(စ)၏လက်ထဲ၌ ကိုင်ထားသောတုတ်ကို မြင်သည်နှင့် ဝမ်းမြောက်သံနှင့် လွှတ်ခနဲအော်ထည့်၍ ဟုမ်း(စ)ဆီသို့ သုတ်သုတ် လှမ်းလေ၏။

သူ “သိပ်ပြီး ဝမ်းသာတယ်ခင်ဗျာ၊ ဒီမှာ မေ့ရစ်သလား၊ သင်္ဘောရုံး မှာ မေ့ရစ်သလားလို့ အမှန်မပြောနိုင်ဘူး။ ဘယ်နည်းနဲ့မှ ဒီတုတ်ကို ကျွန်တော် အပျောက်မခံနိုင်ဘူး ခင်ဗျာ”

ဟုမ်း... ချယ်ရင့်ကရော့(စ) ဆေးရုံကြီးမှ လက်ဆောင်မှတ် တယ်”

သူ... မှန်ပါတယ် ခင်ဗျာ”

ဟုမ်း...ဒါဖြင့် ကျုပ်တို့မှန်တာပေါ့။ ကိုင်း..ဒါထက် ဒေါက်တာ မော်တီမာ” .

သူ...မစ္စတာပါ ခင်ဗျာ။ မစ္စတာပါ အမ်၊ အာ၊ စီ၊ အက်(စ) ဘွဲ့ တစ်ခုတည်းရတဲ့ လူဖြစ်ပါတယ်။ ဒီဟာက မစ္စတာရှားလော့(က) ဟုမ်း(စ) မှတ်ပါတယ်”

ဟုမ်း...မဟုတ်ပါဘူး၊ ကျွန်တော့်မိတ်တွေ ဒေါက်တာ ဝက်ဆင် ဖြစ်ပါတယ်”

သူ... တွေ့ရတာ ဝမ်းသာတယ်ခင်ဗျာ၊ ခင်ဗျားမိတ်ဆွေနဲ့ တွဲပြီး ခင်ဗျားနာမည်ကိုလည်း ကြားရဖူးပါတယ်။ ခင်ဗျားနည်းနာတွေကို ကျွန်တော် အင်မတန် စိတ်ဝင်စားခဲ့ပါတယ် မစ္စတာဟုမ်း(စ)”

ဟုမ်း...ဧည့်သည်အား ကုလားထိုင်၌ထိုင်ရန် လက်ပြပြီးနောက် “ခင်ဗျားလက်ညှိုးကို ကြည့်ရခြင်းအားဖြင့် ကိုယ့်စီးကရက်ကိုကိုယ် လိပ်သောက်တတ်တယ်ထင်တယ်။ စီးကရက်သောက်ချင်လျှင် အားမနာ ပါနဲ့ သောက်နိုင်ပါတယ်”

ထိုသူသည် စီးကရက်စက္ကူနှင့် ဆေးကိုထုတ်၍ အံ့သြလောက် သော ကျင်လည်ခြင်းဖြင့် စီးကရက်တစ်လိပ်ကို လိပ်လေ၏။

ဟုမ်း.... ကျွန်တော့်နဲ့ ဆွေးနွေးစရာပြဿနာတစ်ခုရှိတယ် မှတ် တယ်”

သူ... အင်မတန် ထူးခြားနက်နဲတဲ့ ပြဿနာတစ်ခုနဲ့ ရင်ဆိုင်တွေ့ နေရာမှာ ကိုယ့်ကိုယ်ကိုယ် လက်တွေ့ မလုပ်တတ်တဲ့ လူတစ်ယောက် ဖြစ်ကြောင်း သိလေတော့ ခင်ဗျားဆီကို လာခဲ့တာပဲ”

ဟုမ်း.....ဒီလိုဆိုလျှင် ဘယ်လိုပြဿနာမျိုးဆိုတာကို ရှင်းလင်း အောင်ပြောပြလျှင် အကောင်းဆုံးပါပဲ ဒေါက်တာမော်တီမာ”

နိဒါန်း

ဘာစကာ႕လ်ခွေးကြီး ဝတ္ထုကို စုံထောက်မောင်စံရှား ' အမည်ဖြင့် ဘာသာပြန်ဆိုခဲ့ဖူးသော်လည်း အင်္ဂလန်မှ အဖြစ်အပျက်ကို မြန်မာပြည်သို့ ရွှေ့ပြောင်း သယ်ယူရခြင်း ဖြစ်သောကြောင့် သိမ်မွေ့သော အခြင်းအရာတို့၏ ထုံးစံ အတိုင်း အပြည့်အစုံမပါလာဘဲ အပြောင်းအလဲအားဖြင့် အချို့အဝက်မှာ ကပ်သပ်ကျန်နေရစ်သည်ကို တွေ့ကြရပေ | သည်။ အိမ်တစ်ဆောင်ကို ရှုခင်းသာယာသောကုန်းမြင့်မှ ( တစ်နေရာသို့ ပြောင်းရွှေ့ ဆောက်လုပ်သည့်အခါ ကျင် လည်သော ဗိသုကာသည် မချို့မယွင်းအောင် ဖျက်ယူ ရွှေ့ ပြောင်းနိုင်သည်ဆိုစေကာမူ ကုန်းမြင့်ကလေးမှာ မပါလာတော့သည်ဖြစ်၍ အိမ်ပေါ်မှ တွေ့ မြင်ရသော ရှုခင်းသည် | လည်းကောင်း၊ ကုန်းမြင့်ပေါ်၌ စွင့်စွင့်မတ်မတ် သပ်ရပ်လှသော မြက်ခင်းသည်လည်းကောင်း နောက်တစ်နေရာ - တွင် မတွေ့မမြင်ရတော့ချေ။

မောင်စံရှားအဖြစ်ဖြင့် ဖတ်ရသူတို့အဖို့မှာလည်း ဖတ် ပြီးပြီဖြစ်သဖြင့် ဖတ်ရန်မလိုဟု မအောက်မေ့ထိုက်ပေ။ ကြက်သားကို ကြော်၍ စားဖူးသော်လည်း နီနီရဲရဲကလေး ဖြင့် ကင်ထားသည့်အခါ တစ်မျိုးမွှေးကြိုင်၍ အရသာထူး ပြန်သကဲ့သို့ ရှိတတ်ပေသည်။ ။

အင်္ဂလိပ်စာကို လုံလောက်စွာမတတ်သဖြင့် အလေ့ အကျင့်ပြုလိုသူတို့အဖို့မှာလည်း အချို့စကားလုံးများ၏ သိမ်မွေ့သော အနက်အဓိပ္ပာယ်များကို မည်ကဲ့သို့ ပြန်ဆို ထားသည်ဟူ၍ အရေးယူသင့်က ယူကြစေရန် သင်ခန်းစာ တစ်ရပ်ကဲ့သို့ ဖြစ်စေနိုင်ပေလိမ့်မည်။ ။