မျိုးအံ့ - ပြည်သူလူထုအင်္ဂါကြီးငါးရပ်နှင့်မှတ်သားဖွယ်ရာမှတ်စုပဒေသာ

ပြည်သူလူထုရဲ့ အင်္ဂါကြီးငါးရပ်

          (က) ပြည်သူလူထုမရှိရင် တိုင်းပြည် မဖြစ်နိုင်ပါ။

          (ခ) အာဏာပိုင်တွေ လက်ကိုင်ထားကြတဲ့ အုပ်ချုပ်ရေးအာဏာ၊ တရားစီရင်ရေးအာဏာ၊ ဥပဒေ ပြုလုပ်ရေးအာဏာဆိုတဲ့ အချုပ်အခြာအာဏာ ကြီး ၃ ရပ်ဟာ မိုးပေါ်က ကျလာတာလည်း မဟုတ်ပါဘူး။ မြေကြီးထဲက ပေါက်ပြီးထွက်လာ တာလည်း မဟုတ်ပါဘူး။ ပြည်သူလူထုကြီးတစ်ရပ်လုံးက ပေးအပ်ထားတဲ့ အာဏာဖြစ်ပါတယ်။

          (ဂ) နိုင်ငံတော်သမ္မတကအစ အောက်ဆုံးပိတ် အမှုထမ်းတွေအထိ ရနေကြတဲ့ လစာငွေ တွေ ၊ထောက်ပံ့ကြေးငွေတွေဟာ ပြည်သူလူထုကြီးက အခွန်တော်ငွေအဖြစ်နဲ့ ပေးထားတဲ့ အစိုးရဘဏ္ဍာငွေထဲက ထုတ်ပေးရတဲ့ငွေဖြစ်ပါတယ်။

          (ဃ) အာဏာပိုင်တွေ စားသုံးနေကြတဲ့ ဆန်ရေစပါးတွေဆိုတာ ပြည်သူလူထုကြီးတစ်ရပ်လုံးက နဖူးကချွေး ခြေမအကျခံပြီး စိုက်ပျိုးလုပ်ကိုင်ပေးခဲ့ရတဲ့ ဆန်ရေစပါးတွေဖြစ်ပါတယ်။

          (င) အုပ်ချုပ်ရေးဘက်မှာရော၊ ရဲဘက်မှာရော၊ ကာကွယ်ရေးဘက်မှာရော၊ အစိုးရဌာနအသီးသီးမှာ ထိပ်ကလူတစ်စုနဲ့သာ အလုပ်လုပ်လို့ မဖြစ်ပါ ဘူး။ သူ့နေရာနဲ့ နေရာကိုလိုက်ပြီး ပြည်သူ့ဝန် ထမ်းအသီးသီးကို ခန့်ကြရပါလိမ့်ဦးမယ်။ ဒီပြည် သူ့ဝန်ထမ်းအသီးသီးဟာ ပြည်သူလူထုက မွေး ဖွားပေးလိုက်တဲ့ သားတွေ၊ သမီးတွေ ဖြစ်ပါ တယ်။ဒီအင်္ဂါကြီးငါးရပ်ကြောင့် ပြည်သူလူထုကို သူတို့ နဲ့ ထိုက်တန်တဲ့နေရာမှာ ထားရမယ်။ အဲဒီလိုထားပြီး အာဏာပိုင်တွေက ယဉ်ယဉ်ကျေးကျေး လေးလေး စားစား ဆက်ဆံကြရမယ်။

          ၂၄-၇-၁၉၆ဝ ညက နိုင်ငံတော်ဝန်ကြီးချုပ် ဦးနု၏ ပြည်သူ့ဝန်ထမ်းတို့အား အသံလွှင့်ပြောကြားသော မိန့်ခွန်း