မောင်လွင်ပြင် - သားသမီးထံမှသင်ခန်းစာများ

(၁)

စည်းကမ်းဆိုသည် မလိုအပ်သေးဘူးဆိုတာမရှိ

ယခင် ထွက်ခဲ့ပြီးတဲ့ စာအုပ် “ခေတ်သစ်ဖခင်မှာ ပါဝင်တဲ့ကြိုတင် စည်းကမ်းချမှတ်ရေးအပေါ် ပါမောက္ခကြီး ပြောတဲ့ ကြိုတင်သတိရစရာအချက် တွေကို ဖြည့်စွက် တင်ပြပါဦးမယ်။

ကြိုတင်စည်းကမ်းချမှတ်ရေးမှာ သတိထားရမယ့် အချက်များ - အသေးအဖွဲကိစ္စများနှင့် စပ်လျဉ်း၍ ကလေးတို့နှင့် တိုက်ပွဲကြေညာ ခြင်းသည် တစ်ဆိတ်တစ်အိတ်လုပ်ခြင်းနှင့် တူ၏။ တကယ်အရေး မကြီးသည့် ကိစ္စရပ်များအတွက် ရေးကြီးခွင်ကျယ်လုပ်လျှင် တကယ် အရေးကြုံသည့်အခါ ကလေးများက မည်သို့နားလည်မည်နည်း။

ထို့ကြောင့် ပြဿနာအတိမ်အနက်အလိုက် တကယ် အရေးကြီးသည့် အခါမှ တိုက်ပွဲဝင်လျှင် ကလေးတို့သည်လည်း တကယ် အရေးကြီးကြောင်း နားလည်တုံ့ပြန်နိုင်ပါလိမ့်မည်။ ။

ကြိုတင်စည်းကမ်းများ ချမှတ်မယ့် ကျွန်တော်တို့ ခေတ်သစ်ဖခင်တွေ ဟာ ဘာမဟုတ်တဲ့ အရေးမပါ၊ အသေးအဖွဲကိစ္စတွေကို ရေးကြီးခွင်ကျယ်လုပ် မနေဖို့ အရေးမပါတာတွေ အပေါ် ကြိုတင်စည်းမျဉ်း စည်းကမ်းသတ်မှတ်မနေ ဖို့လိုကြောင်း သတိပေးထားပါတယ်။ ။

အသေးအဖွဲကိစ္စကလေးတွေဟာ မိသားစုတွင်းမှာ ပေါ်ပေါက်တတ် စမြဲပါ။ ဒါကို ကျွန်တော်တို့ ဖခင်တွေ အသေးအဖွဲကို အသေးအဖွဲကလေးတွေတောင် မသိရကောင်းဘူးလားလို့ ဆိုစရာရှိပါတယ်။ ကျွန်တော်တို့ ဖခင် တွေဟာ ပညာရှိသတိဖြစ်ခဲတွေပါ။ စည်းနဲ့ကမ်းနဲ့၊ ဘောင်နဲ့ ကုလားနဲ့လုပ်လာ ကြပြီဆိုရင် အရာအားလုံးကို စည်းကမ်းမူဘောင်နဲ့အညီ လုပ်ဆောင်တတ်ချင် ကြပါတယ်။

ဟိုကိစ္စကိုတော့ စည်းကမ်းတကျလုပ်ထားပြီးတော့ ဒီကိစ္စကျတော့ စည်းလွတ်ဘောင်လွတ် ဖြစ်နေပါလား ဆိုတာမျိုး တစ်သမတ်တည်း သဘော ထားတတ်ကြပါတယ်။ အရာကိစ္စအားလုံးကို အကုန်လုံး စည်းကမ်းမူဘောင်ထဲ ပစ်သွင်းလိုက်ချင်ကြပါတယ်။

တကယ်တော့ သားသမီးတွေနဲ့ပတ်သက်တဲ့ အသေးအဖွဲကိစ္စကလေး တွေကို စည်းကမ်းတွေ ဘာတွေထုတ်ပြီး အရေးလုပ်မနေစမ်းပါနဲ့၊ အဲဒီလိုလုပ်လို့ လည်း ရနိုင်တာ မဟုတ်ပါဘူး။ ကလေးတွေနဲ့ အသေးအဖွဲကိစ္စတွေအတွက် စည်းကမ်းမရှိရကောင်းလား၊ မလိုက်နာရကောင်းလားဆိုပြီး တိုက်ပွဲခေါ်သံ ညီနေရင် အလကား ဘာမှ အကျိုးမရှိပါဘူး။ အဲဒီအတွက်နဲ့တခြား စည်းကမ်း နည်းလမ်းတကျ ကိစ္စတွေမှာ သားသမီးတွေနဲ့သဘောထား ကွဲလွဲနိုင်ပါတယ်လို့ ပါမောက္ခဆရာကြီးက ကြိုတင်သတိထားစရာ ချမှတ်ပေးထားတာဖြစ်ပါတယ်။

မိဘနဲ့ သားသမီးကြားမှာ ပဋိပက္ခပြဿနာတွေကတော့ ရှိစမြဲပါ။ ဘာပဋိပက္ခလဲ၊ ဘာပြဿနာလဲ၊ သေးသေးလား၊ ကြီးကြီးလားဆိုတဲ့ ပဋိပက္ခ အတိမ်အနက်လိုလည်း ဖခင်တွေ သိထားရပါမယ်။ ။

တကယ်တိုက်ပွဲဝင်သင့်တဲ့ ပဋိပက္ခကြီးကြီးမားမား ပေါ်ပေါက်လာပြီ ဆိုရင်တော့ မိဘနဲ့ သားသမီးကြား တိုက်ပွဲကတော့ ခေါ်ရပါတော့မယ်။ ဒီလို လုပ်ဆောင်ခြင်းဟာ မိဘက (ဖခင်က) သားသမီးတွေအပေါ် စိန်ခေါ်လိုခြင်း၊ ရန်ဖြစ်လိုခြင်းကြောင့် မဟုတ်ဘူးဆိုတာလည်း သားသမီးတွေ သိစေ ရပါမယ်။

ဖခင်တစ်ဦးဟာ မိမိချမှတ်ထားတဲ့ စည်းကမ်းကို လိုက်နာစေဖို့လိုက် ကိုလိုက်နာရမယ့် ကိစ္စအတွက် သားသမီးတွေအပေါ် တိကျပြတ်သားတဲ့ မူဝါဒ နဲ့ မိမိစည်းကမ်းတည်တံ့ရေး ပြောဆိုတိုက်ပွဲဝင်ရပါမယ်။ ဒီလိုတိုက်ပွဲဝင်တာ ဟာ ဒီစည်းကမ်းဟာ ဘယ်လောက်အရေးကြီးကြောင်း သားသမီးတွေကို သတိကြီးကြီးပေးလိုက်တာဖြစ်ပြီး၊ သူတို့နားလည် တုံ့ပြန်နိုင်ဖို့ ဖြစ်ပါတယ်။

ဖခင်တစ်ဦးဟာ ကိုယ့် စည်းကမ်းမူဘောင်ကို ကျောက်တိုင်ပမာ အသေခိုင်မာစေချင်ရင်၊ ကိုယ့်ဘက်က တိုက်ပွဲစတင်ပြီဆိုရင် တစ်ပြိုင်နက်ကိုယ့်ဘက်က စကားတည်ဖို့လည်း အရေးကြီးကြောင်း ပါမောက္ခကြီးက သတိ ပေးပါတယ်။

တကယ်လို့များ စကားမတည်ခဲ့ရင် အနာဂတ်ကာလမှာ သင့်သား သမီးတွေက သင့်အပေါ် ကရော်ကမယ်လုပ်မယ်၊ ဆက်ဆံမည်လို့လည်းဆိုပါ တယ်။ ဒါကြောင့်မို့လို့ စည်းကမ်းကို ခိုင်မာစေချင်လို့ အတိအလင်း ကြေညာ တိုက်ပွဲဝင်ပြီဆိုရင် စကားကို တည်တည်တံ့တံ့ပြောရမယ်။ ခုတစ်မျိုး၊ နောက် ် တစ်လတစ်မျိုး၊ နောက်တစ်နှစ်အကြာတစ်မျိုး အမျိုးမျိုး မပြောင်းလဲဖို့ သတိ ထားကြဖို့ ဆိုထားပါတယ်။