မောင်ရဲဝင်း - အမှတ်ရဖွယ်ကမ္ဘာကျော်လက်သီးပွဲကြီးများ

အမှတ်ရဖွယ် ကမ္ဘာကျော်လက်သီးပွဲကြီးများ

“အမေရိကန်နိုင်ငံကို ပြန်လာနိုင်ခွင့်ရရေးအတွက် ကျုပ်ဟာ လူဖြူကြီး ဂျက်စ်ပီးလားဒ်ကို အရှုံးပေးလိုက်တာပါ။ အဲဒီတုန်းက ကျုပ် အလဲထိုးခံရ တာ မဟုတ်ပါဘူး။ ကျုပ် လှဲအိပ်နေတုန်းမှာ မျက်နှာကို နေရောင်ထိုးလို့ လက်နဲ့ကာထားရပါသေးတယ်ဗျာ။ လူဖြူတွေက ကျုပ်ကို အတော်မုန်းတီး တဲ့အချိန်ပေါ့ ဗျာ” ဟု တစ်ချိန်က ဟဲဗီးဝိတ်ချန်ပီယံဖြစ်ခဲ့သူ ကပ္ပလီကြီး ဂျက်ဂျွန်ဆင်က သူ့ပွဲနှင့်ပတ်သက်၍ ထုတ်ဖော်ပြောကြားခဲ့ရာ လက်ဝှေ့ ကမ္ဘာ၌ လှုပ်လှုပ်ရွရွဖြစ်သွားခဲ့သည်။

ဂျက်ဂျွန်ဆင်သည် ကမ္ဘာ့ဟဲဗီးဝိတ် လက်ဝှေ့လောကတွင် ထင်ပေါ် ကျော်ကြားခဲ့သူ ချန်ပီယံတစ်ဦးလည်းဖြစ်သည်။ လူဖြူလက်ဝှေ့သမားများကို တစ်ဖက်သတ် ထိုးသတ်အနိုင်ယူပြီး ပွဲကြည့်ပရိသတ်များဘက်သို့ လှည့် ကြည့်ကာ သူ့ရွှေသွားများ ပေါ်အောင် ပြုံးရယ်ပြတတ်၍လည်း လူဖြူ ပရိသတ်များက သူ့ကို မုန်းတီးခဲ့ကြသည်။

“ဒီထောင်ထွက်လူဆိုး မြေအောက်ကမ္ဘာက ရာဇဝတ်သားတွေနဲ့ ကျုပ် ချန်ပီယံ ဖလွိုက်ကို ပတ်ပတ်သက်သက်မလုပ်နိုင်ဘူး။ စိန်ခေါ်သူ အဆင့်(၁) ဒီဘက်ကို ရောက် လာပါစေ၊ မထိုးနိုင်ပါဘူးဗျာ။ ကျုပ်တို့က လက်ဝှေ့သမား စစ်စစ်နဲ့ပဲ ထိုးမယ်ဗျို့” ကမ္ဘာ့ဟဲဗီးဝိတ်လက်ဝှေ့ချန်ပီယံသရဖူကို ဖလွိုက် ပက်တာဆင် ရယူထားစဉ်က သူ့ဆရာ မန်နေဂျာ ကတ်ဒီအမာတိုက လူသိရှင်ကြား ထုတ်ဖော်ပြောဆိုကြေညာခဲ့သည်။

ပက်တာဆင်ထံမှ ချန်ပီယံသရဖူကို ရယူရန် ထိပ်သီးစိန်ခေါ်သူအားလုံး ကို အလဲပွဲများ၊ အမှတ်ပွဲများနှင့် အောင်နိုင်ခဲ့သူ ဆန်နီလစ္စတန်အမည်ခံ လူ့ဘီလူးကြီးသည် နံပါတ်(၁)နေရာသို့ ရောက်လာပြီး သရဖူပွဲတောင်းခံနေ၍ချန်ပီယံ ပက်တာဆင်ဆရာက မထိုးသတ်နိုင်ကြောင်း ကြေညာခဲ့သည်။

လူ့ဘီလူးကြီး(ဝါ) ဝက်ဝံကြီးအမည်တွင်ခဲ့သော ချားလ်စ်ဆန်နီလစ္စတန် သည် ထောင်ထွက်လူဆိုးကြီးတစ်ဦးဖြစ်ပြီး သူ့အသိုင်းအဝိုင်းက အထူး သဖြင့် သူ့ကို ကြိုးကိုင်နေသူများမှာ မြေအောက်ကမ္ဘာမှ လူဆိုးဘုရင်များ ဖြစ်နေခဲ့သည်။ ယင်းအချက်ကို အကြောင်းပြကာ ပက်တာဆင်အုပ်စုသည် နှစ်အတန်ကြာ ဆန်နီလစ္စတန်ကို ရှောင်နေခဲ့သည်။

*

လက်သီးဘုရင်များ

ကမ္ဘာအားကစားလောကတွင် ဘောလုံးပွဲပြီးလျှင် လူကြိုက်အများဆုံး အားကစားပွဲမှာ လက်ဝှေ့ပွဲပင်ဖြစ်သည်။ လက်သီးထိုးကြိတ်ကြသည့် လက် ဝှေ့ပွဲများသည် ပရိသတ်စိတ်အာရုံကို ဆွဲကိုင်နိုင်စွမ်းရှိပေသည်။ အထူး သဖြင့်... ကြေးစားလက်ဝှေ့ပွဲများကို ကမ္ဘာတစ်ဝန်းမှ ပရိသတ်က အထူး စိတ်ဝင်စား နှစ်သက်ကြသည်။ ကမ္ဘာ့ဟဲဗီးဝိတ်လက်ဝှေ့ပွဲများဆိုလျှင် ဝင်ငွေ ဒေါ်လာသန်းပေါင်းများစွာရပြီး လက်ဝှေ့သမားများဆိုလျှင်လည်း သန်း ကြွယ်သူဌေးများ ဖြစ်လာခဲ့သည်။

ကြေးစားလက်ဝှေ့ပွဲများသည် အမေရိကန်တွင် ထင်ပေါ်ကျော်ကြား လူကြိုက်များပြီး ဥရောပတစ်ခွင်၌ပါ နာမည်ကြီးကျော်ကြားအောင်မြင်လာခဲ့ သည်။ ထို့ အတူ တောင်အမေရိက၊ အမေရိကအလယ်ပိုင်း၊ အာရှနှင့် အာဖရိကတို့တွင်ပါ ကျယ်ပြန့်စွာ လူကြိုက်များနေပြီဖြစ်သည်။ အမှန်စင်စစ် ကြေးစားလက်ဝှေ့ပွဲများနှင့် အမေရိကန်နိုင်ငံသည် ခွဲခြားမရအောင် တွဲဖက် နေပေသည်။ အမေရိကန်မှ ပေါ်ထွက်လာသော ကြေးစားလက်ဝှေ့သမား များသည် ကမ္ဘာ့လက်ဝှေ့လောက၌ ကျော်ကြားအောင်မြင်ကြပြီး ကမ္ဘာ့ ချန်ပီယံသရဖူများကိုပါ ရယူခဲ့ကြသည်။

အမေရိကန်ကြေးစားလက်ဝှေ့လောက အောင်မြင်ကျော်ကြားအောင် အဓိကဖန်တီးနိုင်ကြသူများမှာ ငွေကြေးချမ်းသာသော ပြိုင်ပွဲ ပွဲသွင်းသူများ၊ ပရိသတ်များကြောင့်မဟုတ်ဘဲ လူမည်းကပ္ပလီများ လက်ဝှေ့စွမ်းရည် ထက် မြက်မှုများကြောင့်သာဖြစ်သည်။ အမေရိကန် လက်ဝှေ့သမားများအနက် အသားဖြူလက်ဝှေ့ကျော်များသည် ကပ္ပလီအသားမည်း လက်ဝှေ့သမားများ ကဲ့သို့ အောင်မြင်ကျော်ကြားခြင်းမရကြချေ။ လူမည်းကပ္ပလီများ လက်ဝှေ့လောက၌ အောင်မြင်ကျော်ကြားလာခြင်းမှာ အမေရိကန် လူနေမှုစနစ်အရ လူမည်းများသည် အစဉ်အမြဲ အနှိမ်ခံနေရသောကြောင့် ဖြစ်ပေသည်။ လူမည်းများသည် လူဖြူများအပေါ် အောင်နိုင်မှုလမ်းစ ရှာမတွေ့ဘဲဖြစ်နေရာ တစ်ခုတည်းသော အောင်မြင်မှုထွက်ပေါက်အဖြစ် လက်ဝှေ့ကို ရွေးချယ်ခဲ့ ကြခြင်းဖြစ်သည်။

ကမ္ဘာ့ဟဲဗီးဝိတ် လက်ဝှေ့သရဖူကို ရယူခဲ့သူများအနက် လူဖြူ ချန်ပီယံ များမှာ ဇွတ်အတင်းအဓမ္မ မြှောက်ပင့်ရေးသားခဲ့ကြ၍သာ နာမည်ကြီး ထင် ပေါ်ခဲ့ခြင်းဖြစ်ပေသည်။ အမှန်စင်စစ် လူဖြူဟဲဗီးဝိတ်လက်ဝှေ့သမားများ အရည်အသွေးနှင့် လက်ဝှေ့အဆင့်အတန်းတို့မှာ လူမည်းကပ္ပလီများကို လုံးဝမမီပါချေ။ ဟဲဗီးဝိတ်ချန်ပီယံဖြစ်ခဲ့ကြသော လူဖြူများအနက် ဂျပ်ဒမ်ဆီ၊ ဂျင်းတန်နေနှင့် ရော်ကီမာဆီယာနိုတို့ နာမည်ကြီး ထင်ပေါ်ခဲ့ကြသည်။ သူတို့လူစု နာမည်ကြီး လူကြိုက်များရခြင်းမှာ လူမည်းများကြီးစိုးမှုကို တွန်း လှန်ရေးအတွက် လက်နက်သဖွယ် အသုံးချလိုခြင်း၊ ယင်းအသုံးချမှုအတွက် ဖန်တီးရေးသားပေးကြခြင်းတို့ကြောင့်သာဖြစ်သည်။

ရော်ကီမာဆီယာနိုဆိုလျှင် ရှုံးပွဲမရှိဘဲ အနားယူသွားသည့် ဟဲဗီးဝိတ် ချန်ပီယံအဖြစ် မြှောက်စားချီးမြှင့်ခြင်းခံခဲ့ရသည်။ တစ်စုံတစ်ရာ တင်စား ဖော်ပြရာ၌လည်း မာဆီယာနိုကိုသာ တင်စားရေးသားတတ်ကြသည်။ အကယ်၍ ရော်ကီသာ လူဖြူမဟုတ်ဘဲ လူမည်းတစ်ဦးဖြစ်ခဲ့ပါလျှင် သာမန် ဟဲဗီးဝိတ်လက်ဝှေ့ချန်ပီယံတစ်ဦးအဖြစ် ဇာတ်သိမ်းသွားပေလိမ့်မည်။ ဟဲဗီး ဝိတ်လက်ဝှေ့လောကကို ကောင်းစွာလေ့လာပါက လူမည်း ကပ္ပလီသုံးဦးသာ ယနေ့အထိ လက်ဝှေ့စွမ်းရည် အထက်ဆုံးနှင့် အောင်မြင်မှုအရှိဆုံးဖြစ် သည်ကို တွေ့မြင်ရပေလိမ့်မည်။

ဟဲဗီးဝိတ်လက်ဝှေ့ချန်ပီယံများအနက် လက်ဝှေ့ပညာ၊ စွမ်းရည် အထက်ဆုံး လက်ဝှေ့သမားများမှာ ကပ္ပလီကြီး ဂျက်ဂျွန်ဆင်(၁၉၀၈၁၉၁၅)၊ ဂျိုးလူး(၁၉၃၇-၁၉၄၉)နှင့် မိုဟာမက်အလီ(ကလေး (၁၉၄၆၁၉၇၀၊ ၁၉၇၄ မှ ယနေ့အထိ) တို့သာ ဖြစ်ကြသည်။ သူတို့သုံးဦးသည်သာ လက်ဝှေ့ပညာ၊ စွမ်းရည်ထက်ကြသည့် ပြိုင်ဘက်အများဆုံးနှင့် ယှဉ်ပြိုင် ထိုးသတ်ခဲ့ကြသည်။

ဂျိုးလူးဦးသည် အရှုံးပွဲမရှိဘဲ အနားယူသွားပြီးမှ ငွေကြေးကျပ်တည်း၍ ကြိုးဝိုင်းတွင်းသို့ တစ်ပတ်ပြန်ကျော့ဝင်လာစဉ် ရော်ကီမာဆီယာနိုကို ရှုံးခဲ့ ရခြင်းဖြစ်သည်။ ဂျိုးလူးပီး ချန်ပီယံဖြစ်စဉ်က ရော်ကီသည် လက်ဝှေ့ပင် မထိုးသတ်သေရကား အသက်ကွာခြားမှုသည်လည်း အဓိကအကြောင်း တစ်ရပ် ဖြစ်ခဲ့သည်။ ထို့အတူ ရော်ကီအနိုင်ရခဲ့သော ဂျိုးဝါးလ်ကော့မှာလည်း ဂျိုးလူဦးခေတ် (ဒုတိယကမ္ဘာစစ်မတိုင်မီ)ကပင် လက်ဝှေ့ထိုးသတ်နေခဲ့သူ ဖြစ်ပြီး ရော်ကီထက် အသက် ၁၅ နှစ်နီးပါး ကြီးသူဖြစ်သည်။ ။

ဟဲဗီးဝိတ်လက်ဝှေ့ထက် ကိုယ်အလေးချိန် တစ်ဆင့်နိမ့်ပြီး ပရိသတ် စိတ်ဝင်စားမှုရှိသော လက်ဝှေ့အတန်းမှာ လိုက်ဟဲဗီးဝိတ်တန်းပင်ဖြစ်သည်။ လိုက်ဟဲဗီးဝိတ်တန်းမှ ထင်ရှားကျော်ကြားသည့် ချန်ပီယံများမှာ ကပ္ပလီကြီး အာချီမိုးနှင့် မကြာသေးမီကမှ အနားယူသွားသူ ကပ္ပလီ ဘော့ဘ်ဖော်စတာတို့ ဖြစ်ကြသည်။

လိုက်ဟဲဗီးဝိတ်ချန်ပီယံတစ်ဦးဖြစ်ခဲ့သူ ဘီလီကွန်း (၁၉၃၉-၄၁) နာမည်ကြီးသည်ဆိုရာ၌ ဂျိုးလူးစီးအရှိန်ကြောင့်သာဖြစ်ပေသည်။ ဘီလီကွန်းသည် ဟဲဗီးဝိတ်တန်းသို့တက်ကာ ချန်ပီယံ ဂျူးလူးကို စိန်ခေါ်ထိုးသတ်ခဲ့သောပွဲကြောင့် နာမည်ကြီးခဲ့ခြင်းသာ ဖြစ်သည်။ အာချီမိုးကား သက်တမ်း အရှည်ဆုံး ဟဲဗီးဝိတ်ချန်ပီယံတစ်ဦးဖြစ်ကာ ဟဲဗီးဝိတ်သရဖူကို မကြာခဏ တက်ရောက်ယှဉ်လုခဲ့သူလည်းဖြစ်သည်။

ကမ္ဘာ့လိုက်ဟဲဗီးဝိတ်ချန်ပီယံသရဖူကို အတန်းတစ်တန်းကျော်တက်ပြီး ရယူခဲ့ သူ ကပ္ပလီတစ်ဦးမှာ နိုင်ဂျီးရီးယားပြည်သား ဒစ်တိုက်ဂါးဖြစ်သည်။ ဒစ်တိုက်ဂါးသည် မစ်ဒယ်လ်ဝိတ်တန်းချန်ပီယံဖြစ်ပြီး သူ့အတန်းထက် တစ်ဆင့်မြင့်သော ဝဲလ်တာဝိတ်တန်းကိုကျော်ကာ လိုက်ဟဲဗီးဝိတ်ချန်ပီယံ ဖြစ်လာခဲ့သူဖြစ်သည်။ ဝဲလ်တာဝိတ်တန်းနှင့် မစ်ဒယ်လ်ဝိတ်တန်းတို့တွင် နာမည်ကြီးခဲ့သူချန်ပီယံများမှာ ကပ္ပလီများသာဖြစ်သည်။ ဟဲဗီးဝိတ်တန်း ချန်ပီယံများကဲ့သို့ နာမည်ကြီးခဲ့သူ ဝဲလ်တာဝိတ်နှင့် မစ်ဒယ်လ်ဝိတ်ချန်ပီယံ တစ်ဦးမှာ ကပ္ပလီကြီး ရှူးဂါးရေးရော်ဘင်ဆင်ပင် ဖြစ်သည်။

ဝဲလ်တာဝိတ်တန်းမှ နာမည်ကြီး ကမ္ဘာ့ချန်ပီယံများမှာ ကပ္ပလီ ဟင်နရီ အမ်း စထရောင်း (၁၉၃၈-၄၀)၊ ကာမင်ဘာစီလီယို(၁၉၅၅-၅၇)၊ ကျူးဘား မှ ကပ္ပလီ ဘင်နီ (ကစ်)ပရက်(၁၉၆၀-၆၁-၆၂)၊ ကပ္ပလီ အီမီးလ်ဂရစ်ဖ်သ် (၁၉၆၁-၆၂-၆၃-၆၆) တို့ဖြစ်ကြသည်။ ဘာစီလီယိုနှင့် ဂရစ်ဖိသ်တို့သည် မစ်ဒယ်လ်ဝိတ်တန်း ချန်ပီယံများလည်း ဖြစ်ခဲ့ကြသည်။ ။

မစ်ဒယ်လ်ဝိတ်တန်းတွင် ဂါးရေးရော်ဘင်ဆင်သည် အောင်မြင်မှု အရှိဆုံး၊ အကျော်ကြားဆုံးဖြစ်ပြီး လူဖြူချန်ပီယံများအနက် ဂျိန်းဖူးလ်မားနှင့် ပေါလ်ပင်ဒါတို့သာ အောင်မြင်ခဲ့ကြသည်။ လူဖြူချန်ပီယံ တိုနီဇေးလ်နှင့် ရော်ကီဂရာဇီယာနိုတို့လည်း အောင်မြင်မှုအတော်အသင့် ရှိခဲ့ကြသည်။ လိုက် ဝိတ်တန်းတွင် ကပ္ပလီ ဂျိုဘရောင်းနှင့် အစ္စမေးလ် လဂူနာတို့သာ အောင်မြင် ကျော်ကြားခဲ့ကြသည်။

ဖဲသားဝိတ်တန်းတွင် ဝဲလ်တာဝိတ်နှင့် လိုက်ဝိတ်ချန်ပီယံဖြစ်ခဲ့သူ ကပ္ပလီ ဟင်နရီ အမ်းစထရောင်း၊ ကစ်ဘတ်စ်ဆယ်၊ ဒေမီမိုးတို့သာ အောင် မြင်ကျော်ကြားခဲ့ကြသည်။ လူဖြူများမှာမူ သူတို့ကဲ့သို့ စွမ်းရည်မထက်ခဲ့ကြချေ။

ဘင်တန်ဝိတ်တန်းတွင် ဘရာဇီးပြည်သား အယ်ဒါဂျိုဖာ(၁၉၆၁-၆၅)နှင့် အမေရိကန်ကပ္ပလီ မန်နူဝဲလ်အောတစ်(၁၉၄၂-၄၇-၅၀) တို့နှစ်ဦးသာ အကျော်ကြားဆုံး အောင်မြင်မှုအရှိဆုံးဖြစ်သည်။ ဖလိုင်းဝိတ်တန်းတွင်အာဂျင်တီးနားပြည်သား ပတ်စ်လျူဝဲလ် ပရက်စ် (၁၉၅၄-၆၀)၊ ထိုင်းနိုင်ငံမှ ပုန်ကင်းပက်ချ် (၁၉၆၀-၆၂-၆၃-၆၄-၆၅) နှင့် ချတ်ချိုင်းချိုင်နွိုင်း(၁၉၆၆၆၉ )တို့သာ နာမည်ကြီး အောင်မြင်ခဲ့ကြသည်။

မောင်ရဲဝင်း

အမှတ်ရဖွယ် ကမ္ဘာကျော်လက်သီးပွဲကြီးများနှင့်ပတ်သက်၍

လက်ဝှေ့ပွဲများကို ကမ္ဘာတစ်ဝန်းမှ စိတ်ဝင်စားကြသကဲ့သို့ မြန်မာနိုင်ငံမှ လည်း အလွန်ပင် စိတ်ဝင်စားအာရုံပြုကြပါသည်။ အထူးသဖြင့် ဟဲဗီးဝိတ် | လက်ဝှေ့ပွဲများကို မြန်မာပြည်သူတို့ ပို၍စိတ်ဝင်စားကြသည်။

လွန်ခဲ့သောနှစ်ပေါင်း ၂၀ ကျော်က ရန်ကုန်မြို့လယ်မှ နိုင်ငံခြားရုပ်ရှင် များပြသသည့် ပလေဒီယံ (ယခု ပပဝင်း)၊ အိပ်ဆယ်စီယာ(ယခု ဝဇီရာ) ရုံများတွင် မာဆီယာနို၊ ဝါးလ်ကော့၊ အာချီမိုး၊ ချားလ်စ် စသည့် လက်ဝှေ့ကျော်များ ထိုးသတ်သည့် သတင်းရုပ်ရှင်များကို အထူးကြော်ငြာပြီး ပြသခဲ့ရာ လူကြိုက်များခဲ့ပေသည်။

ယနေ့ခေတ်တွင်မူ အလီ ဆွဲဆောင်လှုပ်ရှားမှုများကြောင့် မြန်မာပြည်မှ ပို၍ပင် စိတ်ဝင်စားလာကြပါသည်။ မူလက လက်ဝှေ့ချန်ပီယံများ ထိုးသတ် ခဲ့သော ပွဲကြီးပွဲကောင်းများကို ထည့်သွင်းဖော်ပြရန် စီစဉ်ခဲ့ပါသည်။ လက် တွေ့တွင် အကောင်းဆုံးလက်ဝှေ့သမားများ ထိုးသတ်ခဲ့သော ပွဲကြီးပွဲ ကောင်းများကိုသာ ဖော်ပြနိုင်ခဲ့ပါသည်။ ။

ယခုစာအုပ်တွင် ဟဲဗီးဝိတ် ချန်ပီယံများ ထိုးသတ်ခဲ့သော ပွဲကြီး ပွဲကောင်းများနှင့် သူတို့ဘဝ ဇာတ်လမ်းအကျဉ်းချုပ်ကို အများဆုံး ဖော်ပြထားပါသည်။ ဟဲဗီးဝိတ်ချန်ပီယံမဟုတ်သူမှာ ရေးရော်ဘင်ဆင်တစ်ဦးသာ ပါဝင်ပေသည်။ မူလက အာချီမိုး၊ ဒစ်တိုက်ဂါးနှင့် ဂျိုဟန်တို့အကြောင်းကို ထည့်ထားသော်လည်း စာမျက်နှာ အခက်အခဲ ရှိ၍ ချန်လှပ်ထားခဲ့ရပါသည်။

သို့သော်လည်း အာချီမိုးနှင့် ဂျိုဟန်ဆင်တို့ လက်ဝှေ့ပွဲ ထိုးသတ်ပုံများကို ဂျူးလူး၊ ရော်ကီမာဆီယာနို၊ ပက်တာဆင်တို့အကြောင်း၌ အများဆုံး ပါဝင်ထားပေသည်။ ထို့ပြင် မိုဟာမက်အလီအကြောင်းကို စောစောပိုင်းကရေးသားထားသည့်စာမူများကို မသုံးတော့ဘဲ အသစ်ပြန်လည်ရေးသားရန် အကြောင်းပေါ်လာခဲ့ပါသည်။

၁၉၇၆ ခုနှစ် မေလကထုတ်ဝေခဲ့သော မိုဟာမက်အလီကိုယ်တိုင် clos :GO:69:39:0699 (The Greatest- My Own Story) စာအုပ်ကြီးကို ကျွန်တော့်အစ်ကိုတစ်ဦး ဇူလိုင်လဆန်းက ဝယ်ယူလာခဲ့ရာ အလီ လက်ဝှေ့ပွဲများနှင့် သူ့အကြောင်းကို အသစ်ပြန်လည်ရေးသားခဲ့ရပါ တော့သည်။ ။

ယခင်က အလီနှင့်ပတ်သက်၍ သိထားသော အချို့အချက်အလက်များ သည် ယခုစာအုပ်ပါအချက်အလက်များနှင့် လုံးဝကွဲပြားနေခြင်းကိုလည်း သိရပါတော့သည်။ စာရှုသူများ မြည်းစမ်းနိုင်ရန် စာအုပ်သစ်ကြီးမှ ထုတ် နုတ်ပြီး ရေးသားဖော်ပြထားပါသည်။ အလီနှင့်ပတ်သက်၍ ခရေစေ့တွင်းကျ သူ့ပင်ကို စာအုပ်အတိုင်း ရေးသားဖော်ပြရပါလျှင် ယခုစာအုပ်မျိုး နှစ်အုပ် ဖြစ်သွားပါမည်။

နောင်အခြေအနေပေးပါက လက်ဝှေ့ချန်ပီယံ ထိပ်သီးများဖြစ်ကြသည့် ဂျက်ဒမ် ဆီ၊ အာချီမိုး၊ ဒစ်တိုက်ဂါး၊ ဂရစ်ဖစ်သ်၊ ပုန်ကင်းပက်ချ်(ထိုင်း).. စသူတို့ ထိုးသတ်ခဲ့သည့် ပွဲကြီးပွဲကောင်းများကို ရေးသားပါဦးမည်။

ယခုစာအုပ်တွင် လက်ဝှေ့ပွဲကြီးများကို ဖော်ပြထားရာ၌ ပက်တာဆင်နှင့် လစ္စတန် ပွဲကြီးများ၊ အလီနှင့် ဖရေဇီယာ၊ ဖိုမန်နှင့် ဖရေဇီယာ၊ အလီနှင့် ဖိုမန်ပွဲကြီးများ ပါဝင်နေရာ မထပ်စေရန် သူတို့အားလုံးအကြောင်း၌ မဖော် ပြဘဲ တစ်ဦးစီခွဲပြီး ရေးသားထားပါသည်။

ယခုစာအုပ်ရေးသားရာ၌ ပီတာဟဲလား ရေးသားသော (ကြိုးဝိုင်းထောင့် မှာ) စာအုပ်ကြီးကို အခြေခံထားပြီး ဂျိုးလူဦးအတ္ထုပ္ပတ္တိစာအုပ်၊ ရော်ကီ မာဆီယာနိုအတ္ထုပ္ပတ္တိ စာအုပ်များ၊ လက်ဝှေ့မဂ္ဂဇင်း (၁၉၅၃-၁၉၇၆) များကို အခြေခံထားကာ ရေးသားဖော်ပြထားပါသည်။

ကမ္ဘာကျော် လက်ဝှေ့ဘုရင်များ ထိုးသတ်ခဲ့သော လက်ဝှေ့ပွဲကြီးများ အကြောင်းကို စာဖတ်သူများ ကျေနပ်နှစ်သက်သည်ဆိုလျှင်ပင် အားရ ကျေနပ်မိပါတော့သည်။

မောင်ရဲဝင်း