မောင်မြင့်ကြွယ် - ကြမ်းကြမ်းတမ်းတမ်း

တစ်

ဇန်နဝါရီလ လဆန်းပိုင်းတွင် အာရပ်နိုင်ငံ နှစ်နိုင်ငံ၌ ဖန်တီးယူလိုက်သော

မင်းပြောင်းမင်းလွဲ ကိစ္စရပ်များ ဖြစ်ပေါ်ခဲ့သည်။ တစ်နိုင်ငံတွင် အသက် ၃၀ အရွယ် ဘုရင်လေးတစ်ပါး ရုတ်တရက် ကွယ်လွန်သွားသည်။ ဤတွင်ဝမ်းကွဲညီအစ်ကို တစ်ယောက် ချက်ချင်း နန်းတက်သည်။ သူ နန်းတက်လျှင် နန်းတက်ချင်း “ဂျေရုဆလမ်တွင် အာရပ်တပ်မတော် ခြေမချနိုင်သေးသမျှ

သူ အေးအေးဆေးဆေး မနေနိုင်သေး ́ ဟု ရဲရဲတောက် ထုတ်ပြန်ကြေညာသည်။သို့သော် ဒီကိစ္စတွင် အဓိကဇာတ်ဆောင်မှာ ဘဏ္ဍာရေးနှင့် ရေနံ ဝန်ကြီးအဖြစ် တာဝန်ဆက်ခံသူ “ရှိတ်ဂမယ်တာဖတ်” ဆိုသူသာ ဖြစ်သည်။ သူက ပါလက်စတိုင်းနယ်မြေကို ပြန်လည်ရရှိအောင် ရေနံလက်နက်ကို အစွမ်း ကုန် အသုံးချရမည်ဟု စွဲစွဲမြဲမြဲ ယုံကြည်ထားသူ ဖြစ်သည်။

ဇန်နဝါရီလသည် ဥရောပတိုက်၌ အလွန်အအေးဓာတ် ကဲသောအချိန် ဖြစ်သည်။ ထို့ကြောင့် ဇန်နဝါရီလတွင် ရေနံ ဖြတ်တောက်သည့် လုပ်ငန်းကို စလုပ်ကြပြန်သည်။ တစ်ဖန် ရေနံဝန်ကြီး တာဖက် ကိုယ်တိုင် ဥရောပတိုက်ရှိ မြို့တော်ကြီးများသို့ လှည့်လည်သွားရောက်ပြီး ၁၉၅၃ ခုနှစ်က လို အလျှော့ပေးလိမ့်မည် မဟုတ်ကြောင်း လျှောက်ညာသည်။

“အနောက်နိုင်ငံအုပ်စုသည် အစ္စရေးနိုင်ငံကို ရေတစ်ဖန်ခွက်လောက်တောင် အကူအညီ မပေးရ”ဟု သူက တောင်းဆိုသည်။ အဆိုပါ အခြေအနေအထိ ရောက်မလာသေးသဲရွေ့ ဥရောပတိုက်နှင့် အမေရိကန်သို့ ရေနံ ၅၀ ရာနှုန်း ဖြတ်တောက်ထားမည် ဖြစ်ကြောင်း အတိအလင်း ပြောခဲ့သည်။ .

ရှိတ်ဂမယ်တာဖတ် လန်ဒန်၌ ရှိနေစဉ် ကျန်အာရပ်နိုင်ငံ တစ်နိုင်ငံမှ သမ္မတတစ်ဦးရုတ်တရက် ကွယ်လွန်သွားပြန်သည်။ ထို့ကြောင့် ကွယ်လွန်သူ သမ္မတနေရာတွင် ဗိုလ်မှူးကြီး ရှရစ်ဖ်က ဆက်ခံ ဆောင်ရွက်သည်။

ရှရစ်ဖ်သည် ဝါဒဖြန့်ချိရာတွင် အထူးကျွမ်းကျင်သူ ဖြစ်သည်။ သူကနိုင်ငံသူ နိုင်ငံသားများအား...။

"အနောက်နိုင်ငံတွေက ကျုပ်တို့ကို လူဝံတွေ့လို့ ကင်ပွန်းတပ်ကြတယ်၊ ကောင်းပြီ ကျုပ်တို့ကလည်း လူဝံတွေရဲ့ ခွန်အားနဲ့ အစွမ်းသတ္တိကို ပြန်ပြရသေးတာပေါ့”

ဟု ရဲရဲတောက် မိန့်ခွန်းခြွေခဲ့သည်။

 ဗိုလ်မှူးကြီးရှရစ်ဖ် ရည်ညွှန်းလိုက်သည့် ကိစ္စမှာ ဝါရှင်တန် သတင်းထောက်တစ်ဦးက သတင်းဆောင်းပါး တစ်ပုဒ်တွင် အာရပ်နိုင်ငံတချို့ မှ အာဏာရှင်ခေါင်းဆောင် တစ်ဦး နှစ်ဦးကို ရွှေလူဝံတွေဟု မိုက်မိုက်မဲ့မဲ့ထည့်ရေးခဲ့သောကြောင့် ဖြစ်သည်။

ဤတွင် “ဝါဒဖြန့်ချိရာ၌ အထူးကျွမ်းကျင်သော ရှရစ်ဇ်က ထိုကိစ္စသည် အာရပ်တစ်မျိုးသားလုံးအား ရည်ညွှန်းပြောဆိုကြလေဟန် ပုံကြီးချဲ့လိုက် ခြင်းသာ ဖြစ်သည်။

ထို့ကြောင့် ရှရစ်ဖ်က သူ့နိုင်ငံ၌ လုပ်သားပြည်သူများ သွေးကြွစေ မည့် မိန့်ခွန်းကို ပြောကြားနေစဉ် ရှိတ်ဂမယ့်တာဖတ်က လန်ဒန်မြို့တော်၌ သူ့ကို ဧည့်ဝတ်ပြုနေသော အိမ်ရှင်များ စိတ်မချမ်းမသာ ဖြစ်စေမည့် အထက်ပါ စကားကို ပြောကြားခဲ့ခြင်းဖြစ်သည်။ ရွှေလူဝံဇာတ်လမ်း စလေပြီ။

- နှစ် -

မတ်လသို့ ရောက်သောအခါ ရေနံ ဖြတ်တောက်မှုဒဏ်ကို ဥရောပ၊ အမေရိက နှင့် ဂျပန်နိုင်ငံတို့တွင် အလူးအလဲ ခံနေကြရပြီ ဖြစ်သည်။ ရေနံ တစ်စည်လျှင် ဒေါ်လာ ၃၀ အထိ ဈေးတက်လာသည်။ ရွှေ တစ်အောင်စလျှင် ဒေါ်လာ ၁၀ ဈေး ဖြစ်လာသည်။ ရှိတ်ဂမယ့်တာဖက်သည် ဝါရှင်တန်မှ မပြန်မီ သူ့ဘက်က လျှော့ပေးနိုင်မည့် နည်းလမ်းကို စဉ်းစား၍ မရသေးကြောင်း ပြောဆိုသွားသည်။ ဤကိစ္စသည် အချို့ အချို့သော ပုဂ္ဂိုလ်များအတွက် သွေးပျက်ဖွယ် ရာ အိပ်မက်ဆိုးကြီး ဖြစ်သော်လည်း အချို့ အချို့သော ပုဂ္ဂိုလ်များက အစ္စရေးကို ဖြိုခွဲရန် အကောင်းဆုံး နည်းလမ်းတစ်ခု ဖြစ်သည်ဟု ယူဆလာကြသည်၊ ရှိတ်မယ်တာဖတ်အတွက် ဆိုပါမူ သူ တစ်သက်လုံး မျှော်လင့်ထား ခဲ့သည့် ကိစ္စကြီးတစ်ရပ်ကို အကောင်အထည်ဖော်ရန် ပိုနီးစပ်လာခြင်း ဖြစ်သည်။

တာဖတ်၏ စီမံချက်တွင် အရေးအကြီးဆုံး အချက်မှာ တကယ်အချိန် ကောင်းတွင် အနောက်နိုင်ငံအုပ်စုကို မလှုပ်နိုင်အောင် ဖိကုပ်ပြီး အစ္စရေး ကို လက်နက် လုံးဝမပို့နိုင်အောင် အကျပ်ကိုင်နိုင်ရေးပင် ဖြစ်သည်။ တာဖတ်သည် အေဂျီယန်ပင်လယ်ပေါ်၌ ဖြတ်ပျံသန်းနေသော ဂျက်လေယာဉ်ပျံကြီးပေါ် မှ အောက်ဘက်သို့ ငုံကြည့်ရင်း သူ့အကြံအစည် အောင်မြင်ရေးသည် အင်္ဂလိပ်လူမျိုးတစ်ယောက်နှင့် ပြင်သစ်လူမျိုးတစ်ယောက်အပေါ်တွင် ထူးထူး ခြားခြား မူတည်နေကြောင်း တွေးနေမိသည်။

လီကက် 

ဂျင်းဂျူးလ်စ်လီကက်သည် အသက် ၄၂ နှစ် ရှိလေပြီ။ သူ့အတိတ် ဇာတ်ကြောင်းက ကြမ်းတမ်းခက်ထန်လှသလို လက်ရှိအနေအထားတွင်ဘဝသေနေပြီး အနာဂတ်ကာလတွင် မျှော်လင့်စရာ လုံးဝမရှိသလို ဖြစ်နေသည်။ သူ့ဘဝ လက်ရှိအနေအထားကို ကောင်းကောင်းကြီး သိနေသူ လီကက် သည် အယ်ဂျီးရီးယားရှိ ရှိတ်ဂယ်တာဖတ်၏ ညာလက်ရုံးဖြစ်သူက သူ့ထံသို့ ဆက်သွယ်ချဉ်းကပ်လာသောအခါ သူ တော်တော်ကြီး စိတ်သက်သာရာရသွား သည်။ ပဲရစ်ရှိ ဆန်တီ အကျဉ်းထောင်တွင် ထောင်ကျနေသူ လီကက်သည် မမျှော်လင့်ဘဲ ဗြုန်းစားကြီးထောင်က လွတ်လာပြီးနောက် တစ်ပတ်အကြာ၌ “အာမက်ရီးယဒ်” ဆိုသူက လူအစုလိုက်အပြုံလိုက် သတ်ပေးလျှင် ဒေါ်လာ နှစ်သိန်းပေးမည်ဟု ကမ်းလှမ်းဆက်သွယ်လာခြင်း ဖြစ်သည်။ အာမက်ရီးယဒ် က ရှင်းပြသည်။

“ဒီလုပ်ငန်းမှာ အဓိက ခေါင်းဆောင်ကတော့ အင်္ဂလိပ်လူမျိုး ဝင်တား ပဲ၊ ဒါပေမဲ့ မင်းက ဓားစာခံတွေ အားလုံးကို သတ်ပေးရမယ် ဝင်းတားကတော့ အဲဒီလောက် သွေးအေးအေးနဲ့ ရက်စက်လိမ့်မယ် မထင်ဘူး” , , , လီကက်က ဝင်ပြောသည်။ 

“သူ မလုပ်ရဲပါဘူး၊ ကျုပ် သစ္စာဖောက်ခံရပြီး ဆန်တီမှာ ထောင် ကျခင်တုန်းက မြေထဲပင်လယ်ဒေသမှာ သူနဲ့အတူ နှစ်နှစ်လောက် တွဲလုပ်ခဲ့ ဖူးတယ် ကျုပ် သူ့အကြောင်း သိတယ်၊ ဒီလူက သွေးကြောင်တတ်တယ်"

သာမန်လူတစ်ယောက်အဖို့ ယခုလို ကမ်းလှမ်းချက်မှာ မကြားဝံ့ လောက်အောင် ရက်စက်ကြမ်းကြုတ်မှုကြီးတစ်ခု ဖြစ်နေပေလိမ့်မည်။ လီကက် ကမူ ရီးယဒ်၏ အဆိုပြု ကမ်းလှမ်းချက်မှာ အင်မတန် အန္တရာယ်များသော လုပ်ငန်းတစ်ခုပင် ဖြစ်လင့်ကစား ရရှိမည့် ငွေကြေးပမာဏကလည်း များပြားလှသဖြင့် လက်ခံ ဆောင်ရွက်ရန် သဘောတူလိုက်သည်။

ဒုတိယကမ္ဘာစစ် ကာလက ပြင်သစ်တပ်မတော်မှ ဗိုလ်ကြီးတစ်ယောက် နှင့် အာရပ်မကလေးတစ်ဦး ခဏတာ တွေ့ဆုံကြရာမှ ဖြစ်ထွန်းလာသော ရလဒ်ကား လီကက်ပင်တည်း။ အယ်ဂျီးရီးယားရှိ ကွန်စတင်တိုင်းမြို့တွင် ကလေးကို မွေးဖွားသန့်စင်ပြီးနောက် ပြင်သစ် ဗိုလ်ကြီးက အာရပ်မကလေးကို

ငွေပေးပြီး ကလေးကို အပြတ်ယူခဲ့သည်။ နောက် သူက ခွင့်ယူပြီး ကလေးနှင့်အတူ ပြင်သစ်သို့ ပြန်လာသည်။

'တူလုံး သို့ ရောက်သောအခါ အမျိုးသမီးတစ်ဦးကို သူ့ဇနီးအဖြစ်ဟန်ဆောင်ခိုင်းပြီး ကလေးကို မွေးစာရင်း မှတ်ပုံတင်သည်။ ဇနီးအဖြစ်ဟန်ဆောင်ပေးသော မိန်းကလေးက ပြင်သစ်စစ်ဗိုလ်၏ ဇနီးဖြစ်သူသည် တခြားမြို့တွင် ရှိနေကြောင်း သိပင်သိသော်လည်း အပျော်တမ်းဝင်ကူညီခဲ့

ခြင်း ဖြစ်သည်။ ဤနည်းဖြင့် `ဂျင်းလ်စ်လီကက်သည် ပြင်သစ်နိုင်ငံသားဘဝသို့ ရောက်ရှိခဲ့သည်။

အကြောင်းရင်းမှန်ကို မသိသော အဒေါ်တစ်ယောက်က သူ့ကို အယ်ဂျီးရီးယားတွင် အရွယ်ရောက်သည်အထိ ပြုစုပျိုးထောင်ခဲ့သည်၊ အခန့်သင့်ပင် ပြင်သစ်စစ်ဗိုလ်၏ ဇနီးကလည်း လီကက်ကို မွေးစာရင်း မှတ်ပုံတင်ပြီး များမကြာမီ ကားတိုက်ခံရ၍ သေသွားခဲ့သည်။ လီကက် ၁၅ နှစ်သားအရွယ် ၁၉၅၀ခုနှစ်တွင်စစ်တပ်သို့ဝင်ရောက်အမှုထမ်းသည်။အယ်ဂျီးရီးယားတွင်အာရပ်များ၏ လွတ်လပ်ရေး ကြိုးပမ်းမှု တိုက်ပွဲကြီးများ ကြီးမားပြင်းထန်လာချိန်၌ သူလည်း ရာထူး အတက်မြန်လာသည်။

ဒီလို အတွေ့အကြုံများက သူ့ပင်ကိုစရိုက်နှင့် ပိုဟပ်စပ်သည်။  နှစ်ဆယ့် ခုနစ်နှစ်သား အရွယ်တွင် သောင်းကျန်းသူ အကြမ်းဖက်သမားတို့ကိုခြေရာခံသော အတတ်၊ ထောင်ချောက်ဆင်ဖမ်းသော အတတ်၊ ဖမ်းမိလာသူကို ညှဉ်းပန်းနှိပ်စက်၍ သတင်းပလင်း ရအောင် ညှစ်ယူနိုင်သော အတတ် စသည် ဖြင့် အတတ်မျိုးစုံ တတ်မြောက်လာသည်။ များမကြာမီ သူ့ဖခင်လိုဗိုလ်ကြီး အဆင့်သို့ ရောက်ရှိလာသည်။ 

သူ့ဖခင်သည် အယ်ဂျီးရီးယား၌ တိုက်ပွဲများ ဆိုးရွားပြင်းထန်နေချိန် တွင် အကြီးအကျယ် ဒဏ်ရာရရှိပြီး သေအံ့မူးမှုတွင် အဆိုးရွားဆုံး အမှားကြီးတစ်ခုကို ကျူးလွန်ခဲ့သည်။ ထိုအမှားမှာ သူက လီကက်ကို အမှန်အတိုင်း ဖွင့်ပြောပြခဲ့သည့် အမှားပင် ဖြစ်သည်။

“တကယ်တော့ မင်းအမေဟာ အာရပ် ကချေသည်တစ်ယောက်ပဲ”

သို့သော် သူ့စကားကို ဆက်ပြောရန် အခြေအနေမပေးပါ။ သူ့ကိုယ်သူ ပြင်သစ်နိုင်ငံသားကြီးတစ်ဦးအဖြစ် အကြီးအကျယ် ဂုဏ်ယူနေပြီး ဖမ်းမိလာ

သော အာရပ်သုံ့ပန်း မှန်သမျှကို အမြင်ကတ်ကတ်နှင့် ရက်ရက်စက်စက် ညှဉ်းပန်းနှိပ်စက်လေ့ရှိသော လီကက်က သူ့အဖေကို မညှာမတာ တွန်း ပစ်လိုက်မိသည်။ သူ သတိပြန်ဝင်လာချိန်၌ လီကက်၏ ဖခင်သည် ကွယ်လွန် ခဲ့ရရှာလေပြီ။ ။ " 

ထိုနောက်ပိုင်းတွင် လီကက်တစ်ယောက် ပိုကြမ်းတမ်းခက်ထန်လာ သည်။ အာရပ် အကြမ်းဖက်သမား မှန်သမျှကို သူကရက်စက်စက် တိုက်ခိုက် နှိမ်နင်းတော့သည်။

ပြင်သစ်သမ္မတ ဒီဂေါက အယ်ဂျီးရီးယားကို လွတ်လပ်ရေးပေးရန်” ဆုံးဖြတ်လိုက်သောအခါ အယ်ဂျီးရီးယားကို လွတ်လပ်ရေး မပေးလိုသော အိုအေအက်စ်အဖွဲ့နှင့် သူ ပူးပေါင်းခဲ့သည်။ သို့သော် နောက်ဆုံးတွင် အယ်ဂျီး ရီးယား လွတ်လပ်ရေး ရသွားသောအခါ သူ့အသက်ဘေးအတွက် အီဂျစ်သို့ အူယားဖားယား ထွက်ပြေးခဲ့ရသည်။

အလိပ်စကား၊ ပြင်သစ်စကားကိုသာမက အာရပ်စကားကိုပါ ရေရေ လည်လည် ပြောတတ် ဆိုတတ်သော လီကက်က သူ့နာမည်ကိုပါ ပြောင်းပစ် လိုက်ပြီး တွေ့သမျှ လူတိုင်းကို သူသည် အိုအေအက်စ်အဖွဲ့ကို အကြီးအကျယ် ဆန့်ကျင်တိုက်ခိုက်ခဲ့ကြောင်း ညာပြောသည်။ ဤတွင် 'အာမက်ယဒ်' နှင့် မိတ်ဆွေ ဖြစ်ခဲ့ရခြင်း ဖြစ်သည်။

၁၀ နှစ်လုံးလုံး လီကက်သည် အရှေ့ အလယ်ပိုင်းဒေသမှ ကနေဒါ နိုင်ငံ ကို့ဘက်မြို့နှင့် အမေရိကတွင် ရေမျောကမ်းတင်ပမာ လွင့်မျောနေခဲ့ သည်။ သူသည် မည်သည့်နေရာတွင်မှ ခပ်ကြာကြာ မနေရဲ။ သူ့ရာဇဝတ်မှုများ ပေါ်ပေါက်လာပြီး အဖမ်းမခံရမီ ရှောင်ပြေးနေခြင်းသာ ဖြစ်သည်။ ၁၉၅၂ ခုနှစ်တွင် မြေထဲပင်လယ်ဒေသသို့ ပြန်လာပြီး အင်္ဂလိပ်လူမျိုး၊ ဝင်းတားနှင့် အတူ မှောင်ခိုလုပ်ငန်းကို လုပ်ကိုင်ခဲ့သည်။ နှစ်နှစ်တိုင်တိုင် ထိုလုပ်ငန်းက တော်တော်ကလေး စီးပွား ဖြစ်ထွန်းခဲ့သည်။ ထို့နောက် မာဆေးမြို့တွင် ရဲသား တစ်ယောက်ကို ပြင်းထန်စွာ ဒဏ်ရာရရှိစေမှု၊ မှောင်ခိုမှုတို့ဖြင့် အဖမ်းခံရပြီး

ရုံးတင် တရားစွဲခံရသည်။ ထို့နောက် ပဲရစ်ရှိ ဆန်တီထောင်တွင် နှစ်ရှည်လများ ကျခံစေရန် အမိန့်ချမှတ်ခြင်း ခံရသည်။

သို့သော် မကြာမီ သူ ထူးထူးဆန်းဆန်း လွတ်မြောက်လာသည်။သူ ထောင်ကထွက်လာသောအခါ အယ်ဂျီးရီးယားလူမျိုးတစ်ယောက်က သူနှင့်လာတွေ့ဆုံပြီး ငွေအနည်းငယ်၊ အယ်ဂျီးရီးယားသို့ သွားရန် လေယာဉ်ပျံ လက်မှတ်တစ်စောင်ပြီးတော့ အာမက်ရီးယဒ်နှင့် သွားတွေ့ရမည့် လက်ဖက် ရည်ဆိုင်တစ်ဆိုင်၏ လိပ်စာ စသည်တို့ကို ပေးသွားသည်။

အာမက်ရီးယဒ်က အနောက်နိုင်ငံအုပ်စု မခံမရပ်နိုင်အောင် ဒေါသ ထွက်စေမည့် ကိစ္စတစ်ခုကို ဖန်တီးရန် ဖြစ်ကြောင်း ရှင်းပြသည်။ သို့သော် ရီးယဒ် ထုတ်မပြောသည့် အချက်တစ်ချက်တော့ ရှိသည်။ ထိုကိစ္စကြီး ဖြစ်လာလျှင် အနောက်နိုင်ငံအုပ်စုက အာရပ်နိုင်ငံများကို ကျီးအာသလို ဝိုင်းလာ

ကြမည်။ ဤအချက်ကို အခွင့်ကောင်းယူပြီး တာဖတ်က အနောက်နိုင်ငံများအား အာရပ်နိုင်ငံ အားလုံးက ရေနံ လုံးဝဖြတ်ပစ်ကြဖို့ မဲဆွယ်မည်။ ထိုကဲ့သို့ အနောက်နိုင်ငံအုပ်စု သွေးရူးသွေးတန်း ဖြစ်နေချိန်တွင် သူတို့က အစ္စရေးကို အပြတ်ဝင် ချေမှုန်းမည် ဆိုသည့် ကိစ္စကို မြှုပ်ထားခဲ့ခြင်းပင်။

မတ်လတွင် အနောက်နိုင်ငံအုပ်စု အကြီးအကျယ် တုန်လှုပ်ချောက်များ ပြီး မခံမရပ်နိုင် ဖြစ်သွားစေမည့် စီမံချက်၏ ပထမအဆင့်ကို စ,အကောင် အထည်ဖော်ရန် လီကက်က စတင်ကြိုးပမ်းသည်။ သူက အဏုမြူဗုံးတစ်လုံး ပြုလုပ်နိုင်အောင် စတင်လှုပ်ရှားသည်။