မောင်မောင်မြင့်သိန်း(စက်မှုတက္ကသိုလ်) - TOEFL IBT ဖြေနည်းလမ်းညွှန်

What is TOEFL iBT?

(TOEFL iBT ဆိုတာ ဘာလဲ)

TOEFL၏ အရှည်ကောက်အမည်မှာ The Test of English as a Foreign Language ဖြစ်သည်။ ယင်းသည် အင်္ဂလိပ်စာကို လူ တစ်ယောက်၏ နားလည်နိုင်စွမ်းနှင့် အသုံးပြုနိုင်စွမ်းကို တိုင်းတာရန် ပုံဖော် ထားသော စံသတ်မှတ်ထားသည့် စမ်းသပ်စစ်ဆေးမှု (Standardized Test) တစ်ခုဖြစ်သည်။ အမေရိကန်ပြည်ထောင်စုရှိကောလိပ်များ၊ တက္ကသိုလ်များ နှင့် အသက်မွေးဝမ်းကျောင်းလိုင်စင်ရ အဖွဲ့ အစည်းများတွင် ဝင်ခွင့်လုပ်ငန်း စဉ်၏ အစိတ်အပိုင်းအနေဖြင့် TOEFLအမှတ်များကို အသုံးပြုကြသည်။

TOEFL Test ကို Educational Testing Service (ETS) က စီမံဆောင်ရွက်ထုတ်လုပ်စစ်ဆေးခြင်းဖြစ်သည်။ ETS သည် New Jersey, | Princetonတွင် အခြေစိုက်သော ပုဂ္ဂလိက အကျိုးအမြတ်မယူသော ကုမ္ပဏီဖြစ်သည်။ ယခင်က TOEFL Test သည် Vocabulary နှင့် Grammar ကို မည်မျှသိသလဲ စမ်းသပ်ခဲ့သည်။ ယခုတော့ New TOEFL iBT Test ပေါ်လာခဲ့ပြီဖြစ်သည်။

TOEFL iBT ၏ ထူးခြားချက်များ

(1) TOEFL iBT သည် အင်္ဂလိပ်စာနှင့် ပတ်သက်၍ သင့်စွမ်းရည်ကို တိုင်းတာသည်။ သင့်နားလည်နိုင်စွမ်း အရည်အသွေးကိုလည်း တိုင်းတာသည်။ Test ၏ စုစုပေါင်းအမှတ်တစ်ဝက်သည် Readingနှင့် Listening စွမ်းရည်များပေါ်တွင် အခြေခံသည်။ English ပေါ်တွင်သင်မည်မျှ နားလည် လက်ခံနိုင်စွမ်းကို စစ်ဆေးသည်။ ကျန်အမှတ်တစ်ဝက်မှာ Speakingနှင့် Writing စွမ်းရည်များပေါ်တွ အခြေခံသည်။ English ကို အသုံးပြုလျက် သင်ကိုယ်တိုင် မည်မျှကောင်းကောင်း ဖော်ပြပြောဆိုနိုင်သလဲဆိုတာ စစ်ဆေးသည်။

(2) TOEFL iBT သည် သင့်အင်္ဂလိပ်စာ ကျွမ်းကျင်မှုများကို သင်မည်သို့ ကောင်းကောင်းပေါင်းစပ်နိုင်သည်ကို တိုင်းတာသည်။ ယင်း Test & Speaking and Writing Section များတွင် များစွာသော integrated Tasks or questionsပါဝင်သည်။ ယင်းမေးခွန်းများကို ဖြေဆိုသူအနေဖြင့် ဖတ်ရှုရမည်။ နားထောင်ရမည်။ ထို့နောက် သင်ဖတ်ရှုခြင်း (Reading)၊ နားထောင်ခြင်း (Listening) မှ ကြားသိမှုပေါ်အခြေခံ၍ ပြောဆိုခြင်း (Speaking) (သို့မဟုတ်) ရေးသားခြင်း (Writing) ပြုရမည်ဖြစ်သည်။ ယင်းသည် Integrated question ၏ သဘောသဘာဝပင် ဖြစ်သည်။

(3) TOEFL iBT တွင် Paper Base တွင်မေးခဲ့သော Structure Section wulacan lagapen English Grammar Knowledgeကို Test ၏ Skills Sections များတွင် တိုင်းတာသည်။ ဥပမာအားဖြင့် Speaking Test ဖြေဆိုသောအခါ အင်္ဂလိပ်သဒ္ဒါစည်းမျဉ်းများ (Rules of English Grammar) ကို မှန်ကန်စွာ အသုံးချရမည် ဖြစ်သည်။

(4) TOEFL iBT သည် Readingနှင့် Listening Passageများတွင် ပိုမိုစစ်မှန်သော ဘာသာစကားကို အသုံးပြုသည်။ ဥပမာအားဖြင့် Listening Sectionတွင် စကားပြောဆိုခန်းတွင် ပါရှိသည့် ပြောဆိုသူများသည် တစ်ဦးကိုတစ်ဦး ကြားဖြတ်ပြောနိုင်သည်။ ယင်းသည် စကားပြောဆိုရာတွင် လူနှစ်ဦး သဘာဝကျကျပြောဆိုပြုလုပ်သကဲ့သို့ပင်ဖြစ်သည်။

(5) TOEFL iBT သည် မှတ်စုမှတ်ခြင်း (Note-taking) ကို ခွင့်ပြုထားသည်။ သင့်အနေဖြင့် Test Sectionတိုင်းတွင် ဖြေဆိုသူသည် မှတ်စု မှတ်နိုင်သည်။

TOEFL iBT Scores (TOEFL iBT အမှတ်များ)

Section တစ်ခုစီအတွက် အမှတ်သည် Scale 0 မှ 30 ထိ ရှိသည်။ Total Test Score သည် 0 မှ 120 ထိ ရှိသည်။

Test Section

TOEFL iBT တွင် Test Section လေးခု ပါရှိသည်။

1. Speaking Section
2. Writing Section
3. Listening Section
4. Reading Section

Speaking Section

Speaking Section မှာ Six tasksပါရှိသည်။ မေးခွန်းနှင့် ပတ်သက်၍ ညွှန်ကြားချက်များကို နားထောင်ပြီး Task ကိုဖတ်ပါ။ Task နှစ်ခုတွင် Reading Passage, a Conversation (စကားပြောခန်း) (သို့မဟုတ်) လက်ချာ (Lecture) တို့ပါရှိသည်။ အခြားနှစ်ခုတွင် စကားပြောခန်း (Conversation)(သို့မဟုတ်) လက်ချာ (Lecture) သာ ပါရှိသည်။ Task တစ်ခုစီ အတွက် 40 (သို့) 60 secs ဖြေဆိုရမည်။

Speaking Section တွင် Task 1 နှင့် Task 2 သည် Independent Speaking Test ဖြစ်သည်။ ဖြေဆိုသူသည် အကျွမ်းတဝင်ဖြစ်သော Topic နှင့် ပတ်သက်၍ Short prompt ဖြင့် တုံ့ပြန်ဖြေဆိုရမည်။ Task 3 မှ Task 6 အထိသည် Integrated Skills Task များဖြစ်သည်။

ပထမဦးစွာ သင်ဖတ်ပြီးနားထောင်ပါ။ ထို့နောက် သင်ဖတ်ပြီး ကြားခဲ့ သည်နှင့် ပတ်သက်၍ (ပြောဆို) ဖြေဆိုရမည်။

သင်ဖတ်ပြီး နားထောင်စဉ် မှတ်စုထုတ်နိုင်သည်။ သင့်မှတ်စုကို တုံ့ပြန်စကား ပြောဆိုရန် အသုံးပြုပါ။ သင့်အနေဖြင့် ရှင်းရှင်းလင်းလင်း စုစုစည်းစည်း ပြောဆိုနိုင်ရမည်။ သင်ဖတ်ခဲ့၊ ကြားခဲ့သည့်အချက်များကို စုစည်း၊ ပေါင်းစပ်၍ ဖြေဆိုနိုင်စွမ်းရှိရမည်ဖြစ်သည်။

Task 1 : Describing Something from your own Experience(သင့်အတွေ့အကြုံမှ တစ်စုံတစ်ရာကို ဖော်ပြခြင်း)

ပုဂ္ဂိုလ်ရေးဆိုင်ရာ အတွေ့အကြုံပေါ် အခြေတည်၍ ၄၅ စက္ကန့်ကြာ ပြောဆို/ ဖြေဆိုရမည်။

Task 2 : Expression and Supporting an Opinion Based on Personal Experience

(ပုဂ္ဂိုလ်ရေးဆိုင်ရာ အတွေ့အကြုံပေါ် အခြေခံ၍ ထင်မြင်ချက်တစ်ခု ကို ဖော်ပြခြင်းနှင့် ထောက်ခံခြင်း) ၄၅ စက္ကန့် ပြောဆို/ ဖြေဆိုရမည်။ သင့် ကိုယ်ရေး အတွေ့အကြုံပေါ်အခြေခံ၍ သင့်ထင်မြင်ချက်ပေးပြီး ထောက်ခံ ပြောဆိုရမည်။

Task 3: Synthesizing and Summarizing Information

(သတင်းအချက်အလက်ကို ပေါင်းစည်းပြီး အနှစ်ချုပ်ခြင်း)

ဤ Taskတွင် Announcement(ကြေညာချက်)တစ်ခုကို ဖတ်ရ လိမ့်မည်။ ယင်း Announcement နှင့် ပတ်သက်၍ စကားပြောဆိုခြင်း (Conversation) ကို နားထောင်ရမည်။ အထက်ပါ ဖတ်ရှုမှုနှင့် နားထောင်မှု နှစ်ခုစလုံးမှ အချက်အလက်များကို ပေါင်းစပ်၍ အနှစ်ချုပ်ကာ မေးခွန်းကို ဖြေဆိုရမည်။

ယင်းတုံ့ပြန်မှုအတွက် ပြင်ဆင်ချိန် ၃၀ စက္ကန့်ရရှိပြီး ဖြေဆိုချိန် ၆၀ စက္ကန့် ခွင့်ပြုထားသည်။

Task 4: Synthesizing and Summarizing Information

(သတင်းအချက်အလက်ကို ပေါင်းစပ်၍ အနှစ်ချုပ်ခြင်း)

သက်ဆိုင်ရာ Topic များကို ဖတ်ပြီး နားထောင်ရမည်။ သင်ဖတ်ခဲ့။ ကြားခဲ့သည်နှင့်ပတ်သက်ပြီး မေးခွန်းတစ်ခုကို ၆၀ စက္ကန့်ကြာ တုံ့ပြန် ပြောဆို ဖြေဆိုရမည်။ ။

Task 5 : Summarizing a Conversation and Expressing an Opinion

(စကားပြောခန်းကို အနှစ်ချုပ်ပြီး ထင်မြင်ချက်ဖော်ပြခြင်း)

လူနှစ်ဦးက ပြဿနာတစ်ခုကို ဆွေးနွေးနေသော စကားပြောခန်း ကို အနှစ်ချုပ်ပြီး ယင်းပြဿနာအဖြေကို သင့် ထင်မြင်ချက်ဖြင့် ပြောဆိုရမည်။

Task 6 : Summarize a Lecture (လက်ချာတစ်ခုကို အနှစ်ချုပ်ခြင်း)

ပညာရေးဆိုင်ရာ လက်ချာ (Academic Lecture) အတွက် ၆၀ စက္ကန့်ကြာ ပြောဆိုရမည်။

ကျန်ရှိနေသော Section အပိုင်းတွေကို ဆက်လက်တင်ပြပါမည်။