မောင်မောင်မြင့်သိန်း(စက်မှုတက္ကသိုလ်) - Perparation For IELTS

IELTS ရဲ့ အရှည်ကောက်စာသားက International English Language Testing System ဖြစ်ပါတယ်။ တိုက်ရိုက်အဓိပ္ပာယ်ဖော်ရရင် နိုင်ငံတကာ အင်္ဂလိပ်ဘာသာစကား စစ်ဆေးမှုစနစ်ပဲ ဖြစ်ပါတယ်။ IELTSဟာ အင်္ဂလိပ်စကားပြောတဲ့နိုင်ငံတွေမှာ ပညာသင်ယူမယ့် အင်္ဂလိပ်စကားမပြောတဲ့ ကျောင်းသားတွေ (Non-English speaking students) ရဲ့ အင်္ဂလိပ်ဘာသာစကားကျွမ်းကျင်မှုတွေကို လက်ခံနိုင်ဖို့ ဒီဇိုင်းပြုလုပ်ထားတဲ့ စမ်းသပ်မှု ဖြစ်ပါတယ်။ အင်္ဂလိပ်ဘာသာစကားရဲ့ စတိုင်နဲ့ အဆင့်အတန်းကို ဒီIELTS မှာ တွေ့ရှိနိုင်ပါတယ်။ အင်္ဂလိပ်စကားပြောတဲ့ နိုင်ငံတွေမှာ ပညာဆည်းပူးခွင့် ရခဲ့ရင် အဲဒီ လေ့လာသင်ကြားမှုနယ်ပယ်မှာ ဆက်သွယ်ပြောဆိုရတဲ့ ပုံစံတွေကို မိတ်ဆက်ပေးခြင်းဖြင့် အဲဒီကောလိပ် (သို့မဟုတ်) သိပ္ပံတွေမှာ ပညာဆည်းပူး တဲ့ ကျောင်းသားတွေအတွက် ပြင်ဆင်မှုတစ်ရပ်ကို အထောက်အကူပြုတဲ့ စစ်ဆေးမှု ဖြစ်ပါတယ်။ ။

IELTS နဲ့ TOEFL မတူတဲ့အချက်ကတော့ TOEFL က Listening, Reading, Writing စစ်ပြီး IELTSက Listening, Reading, Writing နဲ့ Speaking ဆိုတဲ့ 4 Skills ကို စစ်ဆေးတာ ဖြစ်ပါတယ်။ စာရေးသူဟာ ဗြိတိန်နိုင်ငံကို ပညာတော်သင်အဖြစ် Post Graduate Diploma ကို သွားရောက်သင်ကြားစဉ်က ဒီလိုစာမေးပွဲမျိုးကို ဖြေဆိုခဲ့ရပါတယ်။ အဲဒါကြောင့် IELTS အတွက် ပြင်ဆင်နေကြသူတွေကို ရည်စူးပြီး ယခုလို ရေးသားတင်ပြရခြင်း ဖြစ်ပါတယ်။

Description of the test

 IELTS Test အတွက် (Two) versions ရှိပါတယ်။

(1) Academic Module

(2) General Training Module

(1) Academic Module

ဒီဂရီနဲ့ ဒီပလိုမာသင်တန်းတွေ ပေးစွမ်းနိုင်တဲ့ အဆင့်မြင့်ပညာရေး သင်ကြားပေးရာ တက္ကသိုလ်နဲ့ကောလိပ်ကို ဝင်ခွင့်ရလိုတဲ့ ကျောင်းသားတွေ အတွက် Academic Moduleကို စစ်ဆေးပါတယ်။

Test Format(စစ်ဆေးမှုပုံစံ)

1. Listening Skill(နားထောင်မှုစွမ်းရည်)

4 sections, around 40 questions

ခွင့်ပြုချိန် ၃ဝ မိနစ် + transfer time

2. Academic Reading Skill(စာဖတ်စွမ်းရည်)

3 sections, around 40 questions

ခွင့်ပြုချိန် ၆ဝ မိနစ်

3. Academic Writing Skill(ရေးသားမှုစွမ်းရည်) ၊

2 tasks

ခွင့်ပြုချိန် ၆ဝ မိနစ်

4. Speaking Skill(အပြောစွမ်းရည်)

ခွင့်ပြုချိန် ၁၀ မိနစ်မှ ၁၅ မိနစ် .

5. စုစုပေါင်း စမ်းသပ်ချိန် (Total test time)

၂ နာရီ ၄၅ မိနစ်

(2) General Training Module

Secondary School (or) Vocational Training course တွေကိုတက်ရောက်လိုတဲ့ ကျောင်းသားတွေအတွက် ဒီ module ကို အသုံးပြုပါတယ်။

Test Format (စစ်ဆေးမှုပုံစံ)

1. Listening Skill (နားထောင်စွမ်းရည်) – 4 sections, around 40 questions

ကြာမြင့်ချိန် ၃ဝ မိနစ် + transfer time

2. General Training Reading Skill(စာဖတ်စွမ်းရည်)

3 sections, around 40 questions

ခွင့်ပြုချိန် ၆ဝ မိနစ်

3. General Training Writing Skill(ရေးသားမှုစွမ်းရည်)

2 tasks

ခွင့်ပြုချိန် ၆ဝ မိနစ်

4. Speaking Skill(အပြောစွမ်းရည်)

ခွင့်ပြုချိန် ၁၀ မိနစ်မှ ၁၅ မိနစ် |

5. စုစုပေါင်း စမ်းသပ်ချိန် (total test time)

၂ နာရီ ၄၅ မိနစ်

Overall Band Score (or) Final Mark (စုစုပေါင်းရမှတ်)

IELTSဟာ အင်္ဂလိပ်ဘာသာစကားကို အသုံးပြုဖို့ သင့်စွမ်းရည်ကို စမ်းသပ်ခြင်းပဲ ဖြစ်ပါတယ်။ ကျွမ်းကျင်မှုကိုစမ်းသပ်တဲ့ listening, reading, writing & speaking စတဲ့ 4 skills စုစုပေါင်းရမှတ်ကို စစ် ဆေးလေ့ ရှိပါတယ်။ စွမ်းဆောင်ရည်ကို စစ်ဆေးတဲ့ skill တစ်ခုစီအတွက် Band Score ဟာ 9 to 1 ရှိပါတယ်။

Overall Bands တွေနဲ့ သူတို့ရဲ့ ဖော်ပြထားတဲ့အခြေအနေကို အောက်ပါအတိုင်း တင်ပြလိုပါတယ်။

1. Band score 9

Band Score 9 ရတဲ့သူဟာ Expert user (ဘာသာစကားကို ကျွမ်းကျင်စွာ သုံးတတ်သူ) ဖြစ်ပါတယ်။ IELTS ရဲ့ အမြင့်ဆုံးအမှတ် ရရှိ သူ ဖြစ်ပါတယ်။ ဘာသာစကားကို 4 Skills အတွက် အပြည့်အဝနားလည်ပြီး ရွှန်းရွှန်းဝေပြောတတ်သူ၊ တိတိကျကျ သင့်တော်သလို ရေးတတ်သူဖြစ်ပါ တယ်။

2. Band Score 8

Band Score 8 ရသူဟာ အလွန်ကောင်းမွန်စွာ အသုံးပြုသူ (very good user) ဖြစ်ပါတယ်။ သူ့မှာ ဘာသာစကားကျွမ်းကျင်မှုရှိပေမယ့် တိကျ မှု၊ သင့်တော်သလိုအသုံးပြုမှုနဲ့ စနစ်ကျမှု အနည်းငယ်လိုသေးတယ်။ သူဟာ အကျွမ်းတဝင်မရှိတဲ့ အခြေအနေတွေမှာ နားလည်မှု၊ လွဲမှားမှုရှိနိုင်တယ်။ ရှုပ်ထွေးတဲ့၊ အသေးစိတ်ကျတဲ့ ငြင်းဆိုမှုတွေ အသုံးပြုတယ်။

3. Band Score 7

Band Score7 ရသူဟာ ဘာသာစကားကို ကောင်းကောင်းအသုံး ပြုသူ (good user) ဖြစ်ပါတယ်။ အခြေအနေအချို့မှာ မတိကျမှု၊ နားလည်မှု၊ လွဲမှားမှုနဲ့ သင့်တင့်သလို အသုံးမပြုတတ်မှုတွေ သူ့မှာရှိပါတယ်။ ဒီအမှတ် ရသူဟာ ရှုပ်ထွေးတဲ့ ဘာသာစကားကို ယေဘုယျအသုံးပြုပြီး အသေးစိတ်ကျ သော အကြောင်းပြချက်ကို နားလည်သူ ဖြစ်တယ်။

4. Band Score 6

Band Score 6 ရသူဟာ Competent user ဖြစ်ပါတယ်။

မတိကျမှု၊ နားလည်မှုလွဲမှားမှုနဲ့ သင့်တင့်သလို အသုံးပြုမှုမရှိသော်လည်း သူဟာ ယေဘုယျအားဖြင့် ဘာသာစကားကို ထိရောက်စွာ အသုံးချတတ်သူ ဖြစ်ပါ တယ်။ အထူးသဖြင့် အကျွမ်းတဝင်ရှိတဲ့ အခြေအနေတွေမှာ ရှုပ်ထွေးတဲ့ဘာ သာစကားကို သင့်တင့်စွာနားလည်ပြီး အသုံးပြုနိုင်သူ ဖြစ်ပါတယ်။

5. Band Score 5

Band Score 5 ရသူဟာ Modest user ဖြစ်ပါတယ်။ 4 Skills မှာ အမှားများစွာရှိသော်လည်း အခြေအနေအရပ်ရပ်မှာ ခြုံငုံအဓိပ္ပာယ်ယူတတ် ပြီး အင်္ဂလိပ်ဘာသာစကားကို အသင့်အတင့် နားလည်အသုံးချတတ်သူ ဖြစ် တယ်။

6. Band Score 4

Band Score 4 ရသူဟာ Limited user ဖြစ်ပါတယ်။ အခြေခံ ပြည့်စုံမှုအနေဖြင့် ဒီအမှတ်ရသူဟာ အကျွမ်းတဝင်ဖြစ်တဲ့ အခြေအနေတွေမှာ အကန့်အသတ်ရှိပါတယ်။ ဒီအမှတ်ရသူဟာ 4 Skillsကို ရေးသား ပြောဆိုဖော်ပြမှုနဲ့ နားလည်မှုပြဿနာ အနည်းငယ် ကြုံရတတ်ပါတယ်။ ဒီအမှတ်ရ သူဟာ complex ဘာသာစကားကို အသုံးမပြုနိုင်တာ တွေ့ရပါတယ်။

7. Band Score 3

Band Score 3 ရသူဟာ Extremely limited ဖြစ်ပါတယ်။ ဒီအမှတ်ရသူဟာ အလွန် အကျွမ်းတဝင်ရှိတဲ့ အခြေအနေမှာ ယေဘု ယျအဓိပ္ပာယ်ကိုသာ နားလည်သူဖြစ်ပါတယ်။ ဒီအမှတ်ရသူဟာ ဆက်သွယ် ရေးပြုလုပ်တဲ့အခါ သိပ်အဆင်မပြေတာ တွေ့ရမှာပါ။ -

8. Band Score 2

Band Score 2 ရသူဟာ Intermittent user ဖြစ်ပါတယ်။ ဒီအမှတ်ရသူဟာ ရေးသားမှုနဲ့ ပြောဆိုမှုမှာ နားလည်မှု အခက်အခဲများစွာ ရှိနိုင်ပါတယ်။

9. Band Score 1

Band Score 1 ရသူဟာ Non user ဖြစ်ပါတယ်။ အင်္ဂလိပ်ဘာ သာစကား အသုံးပြုဖို့ စွမ်းရည်မရှိသူ ဖြစ်နေပါတယ်။

10. Band Score 0

Band Score 0 ရသူကတော့ test ကိုဖြေဖို့ မကြိုးပမ်းသူ ဖြစ်ပါ တယ်။

IELTS အောင်မှတ် (pass mark)

IELTS မှာ ပုံသေသတ်မှတ်ထားတဲ့ pass mark မရှိပါဘူး။ သင် တက်ရောက်မယ့် တက္ကသိုလ်၊ ကောလိပ်က ဆုံးဖြတ်မယ့် Band Score ကိုရရှိဖို့ လိုအပ်ပါတယ်။ ယေဘုယျ စည်းမျဉ်းအနေနဲ့ပြောရရင် Band 5 အောက် ရရှိသူဟာ academicလေ့လာဖို့ အမှတ်နိမ့်တယ်လို့ ယူဆရမှာဖြစ် ပါတယ်။ Band Score6အထက် ရသူတွေကတော့ တက္ကသိုလ်၊ ကောလိပ် တက်ရောက်ဖို့ လုံလောက်တဲ့အမှတ်ရသူတွေ ဖြစ်ပါတယ်။ Overall Band Score 5 (or) 6 ရသူဟာ Borderline မှာ ရှိနေပါတယ်။

ဆက်လက်ပြီးတော့ IELTS Testမှာပါဝင်တဲ့ Listening, Reading, Writing, Speaking Module တွေနဲ့ ပတ်သက်ပြီး ဆက်လက်ရှင်းလင်း တင်ပြသွားမှာ ဖြစ်ပါတယ်။