မောင်မောင်မြင့်သိန်း(စက်မှုတက္ကသိုလ်) - အလုပ်အင်တာဗျူးအမေးအဖြေများ

အလုပ်အင်တာဗျူး အမေးအဖြေများ (၁)

Job Interview Q+A

လူ့စွမ်းအားရင်းမြစ်စီမံခန့်ခွဲမှု (Human Resource Manage...ant) မှာ ဝန်ထမ်းများ ရွေးချယ်ခန့်ထားခြင်းဟာ အရေးပါတဲ့လုပ်ငန်းစဉ် တစ်ခု ဖြစ်ပါတယ်။ တချို့ အလုပ်တွေမှာ ရေးဖြေစာမေးပွဲဖြေဆိုရပြီး အောင်မြင်မှ အင်တာဗျူးဖြေဆိုရတာတွေ ရှိပါတယ်။ တချို့ အလုပ်တွေကျတော့ လျှောက်လွှာရှင်တွေထဲက short list ရွေးချယ်ပြီး လူတွေ့အင်တာဗျူးကို မေးမြန်းပြီး သင့်တော်တဲ့ဝန်ထမ်းကို စိတ်ကြိုက်ရွေးချယ်ကြပါတယ်။

အဲဒါကြောင့် Job Interview(အလုပ်အင်တာဗျူးဟာ) အလုပ်ရှင်နဲ့ အလုပ်လျှောက်ထားသူ နှစ်ဦးကြားမှာ ၅၀၅ဝ မျှခြေသဘောရှိပါတယ်။ အလုပ်လျှောက်ထားသူ (Applicant) ဘက်က မိမိဖြေဆိုမယ့်ရာထူးနဲ့ ကိုက်ညီတဲ့ အရည်အချင်းပြည့်မီရင် အမေးအဖြေ (Q&A) အတွက် ကြိုတင် ပြင်ဆင်ထားသင့်ပါတယ်။

အလုပ်ရှင်ဘက်မှလည်း မိမိလိုချင်တဲ့၊ သင့်တော်တဲ့၊ အရည်အချင်း ပြည့်မီတဲ့ ဝန်ထမ်းတွေရရှိဖို့ HR ဌာနကရွေးချယ်ပြီး final အဆင့်မှာ သက်ဆိုင်ရာပုဂ္ဂိုလ်တွေက လစာအပါအဝင် ညှိနှိုင်းစရာတွေကို နောက်ဆုံး အနေနဲ့ ဆွေးနွေးပြီး အတည်ပြုရွေးချယ်ကြတာ တွေ့ရပါတယ်။

အခု ကျွန်တော် တင်ပြချင်တာကတော့ အလုပ်အင်တာဗျူးနဲ့ပတ်သက် ပြီး အင်တာဗျူးမှာ အမေးအများဆုံးခေါင်းစဉ်တွေနဲ့ အင်္ဂလိပ်- မြန်မာ နှစ်ဘာသာ ပြန်ဆိုနည်း (Q&A)ကို တင်ပြသွားမှာ ဖြစ်ပါတယ်။ အလုပ်ရှင် ဘက်က ဒီမေးခွန်းတွေရဲ့ သဘောကို သိရှိနိုင်သလို ဖြေဆိုသူဘက်မှလည်း မေးခွန်းရဲ့ အတိမ်အနက်ပေါ်မူတည်ပြီး ဖြေဆိုနိုင်ဖို့ အမေး အဖြေပုံစံနဲ့ တင်ပြလိုရင်း ဖြစ်ပါတယ်။

အမေးအများဆုံး တွေ့မြင်နေကျ အင်တာဗျူးမေးခွန်းပုံစံတွေကတော့...

(၁) ပုဂ္ဂိုလ်ရေးနှင့် မိသားစုအချက်အလက်

(Personal and Family Data)

(၂) ပညာရေးနောက်ခံ

(Educational Background)

(၃) အပြုအမူ ကြန်အင်လက္ခဏာများ

(Character Traits)

(၄) အစကနဦး ဆောင်ရွက်တတ်မှုနှင့် ဖန်တီးနိုင်စွမ်း

(Initiative and creativity)

(၅) စီမံခန့်ခွဲမှုစွမ်းရည်

(Management Ability)

(၆) အသက်မွေးဝမ်းကျောင်း ရည်မှန်းချက်များ

(Career Objectives)

(၇) ရည်မှန်းထားသော (ပစ်မှတ်ထားသော) အလုပ်အတွက် သင့်တော်မှု

(Suitability for Target Job)

(၈) လစာညှိနှိုင်းမှုများ ၊

(Salary Negotiations)

(၉) အတွေ့အကြုံနှင့်သင်တန်း

(Experience and Training)

(၁ဝ) နည်းပညာနှင့်ပတ်သက်၍ အရာရာကိုသိခြင်း

(Technology Know-How)

အလုပ်အင်တာဗျူး အမေးအဖြေများ

(၁၁) စိစဂ်မေးမြန်း စုံစမ်းသောမေးခွန်းများ

(Interrogation Questions)

(၁၂) ပြင်ပစိတ်ဝင်စားမှုများ

(Outside Interests)

(၁၃) အင်တာဗျူးမေးသူတို့ မေးမြန်းရန် မေးခွန်းများ

(Question to Ask the Interviewer) တို့ပဲ ဖြစ်ပါတယ်။

အထက်ဖော်ပြပါ မေးခွန်းပုံစံတွေကို ကြိုတင်လေ့လာပြင်ဆင်ရင်းနဲ့ အောင်မြင်မှု ရရှိနိုင်ပါတယ်။ အထူးသဖြင့် ပြည်ပနိုင်ငံခြားကုမ္ပဏီတွေ၊ ဖက်စပ်လုပ်ငန်း (Joint venture) & INGO & NGO အဖွဲ့အစည်းတွေမှာ အလုပ်လျှောက်လိုသူတွေအတွက် အဆင့်မြင့် အလုပ်အင်တာဗျူးမေးခွန်း တွေကို အထက်ပါခေါင်းစဉ်အလိုက် အမေးအဖြေ (Q & A) ပုံစံနဲ့ အင်္ဂလိပ်-မြန်မာ နှစ်ဘာသာနဲ့ ရေးသားတင်ပြသွားမှာ ဖြစ်ပါတယ်။

(၁) ပုဂ္ဂိုလ်ရေးနှင့် မိသားစုအချက်အလက်

(Personal and Family Data) ဆိုင်ရာ မေးခွန်းများနှင့် အဖြေများ

အင်တာဗျူးမေးခွန်းတွေအနက် ပုဂ္ဂိုလ်ရေးနဲ့ မိသားစုအချက်အလက် ဆိုင်ရာ မေးခွန်းတွေဟာ ကိန်းဂဏန်းအများဆုံး ပါရှိတတ်တယ်။ အဲဒါကြောင့် အလုပ်ရှာဖွေသူအများစုဟာ ကိန်းဂဏန်းဆန်တဲ့နည်းလမ်းဖြင့် ဖြေဆိုကြလေ့ ရှိပါတယ်၊ အမည်၊ အဆင့်အတန်းနဲ့ ကိန်းဂဏန်းတွေ ပါတတ်ပါတယ်။

မေးခွန်းအများစုဟာ တိကျတဲ့အလုပ်ကို ဆောင်ရွက်ဖို့ ဖြေဆိုသူရဲ့ အရည်အချင်းကို ဆုံးဖြတ်ပေးတဲ့မေးခွန်းတွေဖြစ်ပါတယ်။ ပုဂ္ဂိုလ်ရေးနဲ့ မိသားစုအမျိုးအစားတွေဟာ လျှောက်လွှာရှင်ရဲ့ ကိုယ်ရေးရာဇဝင်ထိပ်ဘက် မှာ ပါလေ့ရှိပါတယ်။ အင်တာဗျူး အစပိုင်းမှာ မေးလေ့ရှိပါတယ်။ ဒီမေးခွန်း ကို ဖြေဆိုနိုင်သူဟာ ပထမဆုံး အထင်ကြီးခံရမှု (First Impression) ကို ရရှိပါတယ်။

What are your parent's occupation?

မင်းမိဘတွေရဲ့ အလုပ်အကိုင်တွေက ဘာလဲ။

My father is a civil engineer in a construction company and my mother is a headmistress in No.1 State High School, Insein.

ကျွန်တော့်အဖေက ဆောက်လုပ်ရေးကုမ္ပဏီတစ်ခုက မြို့ပြ အင်ဂျင်နီယာတစ်ဦးဖြစ်ပြီး ကျွန်တော့်အမေကတော့ အင်းစိန် အထက (၁) မှ ကျောင်းအုပ်ဆရာမကြီး ဖြစ်ပါတယ်။

(2) Do you live with your parents?

မင်းမိဘတွေနဲ့ အတူနေပါသလား။

No. I don't. I stayed with my aunt in Yangon because I'm working as a marketing manager in a foreign company. So, I moved back in with my parents who live in Mandalay.

မဟုတ်ပါဘူးခင်ဗျာ။ ကျွန်တော်ဟာ ရန်ကုန်မှာ ကျွန်တော့် အဒေါ်နဲ့အတူ နေထိုင်ပါတယ်။ ဘာ့ကြောင့်လဲဆိုတော့ ကျွန်တော်ဟာ နိုင်ငံခြားကုမ္ပဏီတစ်ခုမှာ မားကက်ကင်းမန်နေဂျာတစ်ဦးအနေနဲ့ အလုပ်လုပ်နေလို့ပါ။ အဲဒါကြောင့် ကျွန်တော် မန္တလေးမှာနေထိုင်တဲ့ ကျွန်တော့်မိဘတွေဆီမှ ပြောင်းရွှေ့ခဲ့ရပါတယ်။

(3)How far do you live from that company?

အဲဒီကုမ္ပဏီမှ သင် ဘယ်လောက်ဝေးဝေးမှာ နေထိုင်သလဲ။

That company is located in downtown area. I live in Sanchaung Township, which takes about 20 minutes by taxi to reach that company.

အဲဒီကုမ္ပဏီက မြို့လယ်ကောင်မှာ တည်ရှိပါတယ်။ ကျွန်တော် က စမ်းချောင်းမြို့နယ်မှာ နေထိုင်ပါတယ်။ စမ်းချောင်းကနေ အဲဒီ ကုမ္ပဏီကိုရောက်ရှိဖို့ တက္ကစီနဲ့ဆိုရင် မိနစ် ၂၀ ခန့်ကြာပါတယ်။

(4) Do you speak foreign languages?

မင်း နိုင်ငံခြားဘာသာစကားတွေ ပြောတတ်သလား။

Yes, I do. I can speak only two foreign languages such as English and Chinese. Since I had passed matric exam, I attended these language classes. So, I try to speak with English and Chinese to increase my dealing with foreigners.

ဟုတ်ကဲ့။ ကျွန်တော် အင်္ဂလိပ်နဲ့ တရုတ် နိုင်ငံခြားဘာသာ စကားနှစ်မျိုးကိုသာ ပြောနိုင်ပါတယ်။ ဆယ်တန်းစာမေးပွဲ အောင်မြင် ခဲ့ကတည်းက ကျွန်တော်ဟာ အဲဒီဘာသာစကားသင်တန်းတွေကို တက်ရောက်ခဲ့ပါတယ်။ အဲဒါကြောင့် ကျွန်တော်နဲ့ နိုင်ငံခြားသားတွေ နဲ့ ဆက်ဆံမှုတိုးတက်ဖို့ အင်္ဂလိပ်နဲ့ တရုတ်ဘာသာစကားနဲ့ ပြောဆိုဖို့ ကြိုးစားပါတယ်။