မောင်မောင်မြင့်သိန်း(စက်မှုတက္ကသိုလ်) - မားကက်တင်းအနှစ်သာရ(၁၀)

နိဒါန်း

ယနေ့ခေတ် မားကက်တင်း၏ အခြေအနေ

မားကက်တင်းသည် ဆိုးဝါးသောအနေအထားတွင် ရှိနေသည်။ မားကက်တင်းသီအိုရီတော့ မဟုတ်။ သို့သော် မားကက်တင်းကို လက်တွေ့လုပ်ကိုင်သော အလေ့အထသာ ဖြစ်သည်။ ကုန်စည်သစ် (သို့မဟုတ်) | ဝန်ဆောင်မှုလုပ်ငန်းသစ်တိုင်းကို မားကက်တင်းစီမံချက် တစ်ခုဖြင့် အကူအညီပေးရန် လိုအပ်သည်။ ယင်းစီမံချက်သည် အချိန်နှင့် ငွေကြေးရင်းနှီးမြှုပ်နှံမှုနှင့် ဆက်သွယ်မှုကို ထေမိစေသော ကောင်းမွန်သည့် တုံ့ပြန်မှုကို ယူဆောင်ပေးသည်။ သို့သော်လည်း ကုန်စည်သစ်များ၊ ဝန်ဆောင်မှုလုပ်ငန်းသစ်များ၊ စီးပွားရေး လုပ်ငန်းအသစ်များ၏ ၇၅ % သည် အဘယ်ကြောင့် ဆုံးရှုံးနေပါသနည်း။ လုပ်ငန်းအားလုံးသည် ဈေးကွက်သုတေသန၊ အယူအဆဖွံ့ဖြိုးမှုနှင့် စမ်းသပ်မှု၊ လုပ်ငန်းစိတ်ဖြာသုံးသပ်မှု၊ ထုတ်ကုန်ပစ္စည်း ဖွံ့ဖြိုးတိုးတက်မှုနှင့် စမ်းသပ်မှု၊ ဈေးကွက်စမ်းသပ်မှုနှင့် စီးပွားရေးဆိုင်ရာ လုပ်ငန်းအစပျိုးခြင်းတို့ကို ဆောင်ရွက် သော်လည်း ယင်းဆုံးရှုံးမှုများ ဖြစ်ပျက်နေသည်။ ။

မားကက်တင်းသည် စီးပွားရေးလုပ်ငန်း မဟာဗျူဟာကို မောင်းနှင် သည်ဟု ယူဆရသည်။ ဈေးကွက်ရှာဖွေသူများ၏ အလုပ်သည် ကုမ္ပဏီအတွက် အခွင့်အလမ်းသစ်များကို သုတေသနပြုရန်ဖြစ်ပြီး မှန်ကန်သော လမ်းကြောင်း တွင် လုပ်ငန်းသစ်တစ်ခုကို ညွှန်ပြရန် STP ဟုခေါ်သော ဈေးကွက်စိတ်ဖြာခြင်း (Segmentation), ပစ်မှတ်ထားခြင်း (Targeting) နှင့် နေရာယူခြင်း (Positioning) ကို သေသေချာချာ အသုံးချရန်ဖြစ်သည်။ ထို့နောက် ဈေးကွက် ရှာဖွေသူများသည် ထုတ်ကုန်ပစ္စည်း (Product) /ဈေးနှုန်း (Price) နေရာ(Place) နှင့် ရောင်းအားမြှင့်တင်ခြင်း (Promotion) တည်းဟူသော 4P ကို ဖြည့်ပေးသည်။ သေချာသည်ကတော့ 4P သည် တစ်ခုနှင့်တစ်ခု ကိုက်ညီမှုရှိပြီး STP မဟာဗျူဟာနှင့်လည်း ကိုက်ညီမှုရှိသည်။ ပြီးလျှင် ဈေးကွက်ရှာဖွေသူများသည် စီမံချက်ကို အကောင်အထည်ဖော်ကြပြီး ရလဒ်များ ကို စောင့်ကြည့်ကြီးကြပ်ပေးသည်။ ရလဒ်များသည် စီမံချက်မှ သွေဖည်သော အခါ ပြဿနာဖန်တီးသောအရာမှာ အားနည်းညံ့ဖျင်းသော အကောင်အထည် ဖော်မှု ဖြစ်သလား၊ ဗလုံးဗထွေး ဈေးကွက်အရောအနှောဖြစ်သလား၊ လမ်းညွှန်မှု လွဲမှားသော STP ဖြစ်သလား (သို့မဟုတ်) အဆုံးစွန်အားဖြင့် လုပ်ရည်ကိုင်ရည် မရှိသော ဈေးကွက်သုတေသန ဖြစ်သလားဆိုတာကို ဈေးကွက်ရှာဖွေသူများက ဆုံးဖြတ်ရမည် ဖြစ်သည်။

သို့ရာတွင် ယနေ့ခေတ်တွင် မားကက်တင်းဌာနများစွာသည် ယင်း လုပ်ငန်းတစ်ခုလုံးကို မကိုင်တွယ် မဖြေရှင်းကြချေ။ ယင်းလုပ်ငန်းစဉ်ကို ဈေးကွက်ရှာဖွေသူများ၊ မဟာဗျူဟာရေးဆွဲသူများ၊ ဘဏ္ဍာရေးဆိုင်ရာ အမျိုး အစားများနှင့်အော်ပရေးရှင်းလုပ်ငန်းများ လုပ်ဆောင်နေသော လူများ ပေါင်းစပ် ရောနှောလုပ်ကိုင်ခြင်းဖြင့် ကိုင်တွယ်ဖြေရှင်းကြသည်။ တစ်နည်းအားဖြင့် ကုန်စည်သစ်တစ်မျိုး (သို့မဟုတ်) ဝန်ဆောင်မှုလုပ်ငန်းတစ်ခုသည် ပေါ်ထွက် လာပြီး ရောင်းချခြင်းနှင့် ပရိုမိုးရှင်းပြုလုပ်ခြင်းဟု အမည်တွင်သော ကုမ္ပဏီရှိ အခြားအရာများဖြင့် စိတ်ကူးပေါက်လာသောကြောင့် မားကက်တင်း၏ စစ်မှန်သောအမြင်ကို ချန်ထားရစ်ကြသည်။ မားကက်တင်းအများစုကို ပရိုမိုးရှင်းဟု ခေါ်သော Pလုပ်ငန်းတစ်ခုသို့ လျှော့ချကြသည်။ 4P အလုပ် မဟုတ်တော့ ချေ။ အကြောင်းမူကား ကုမ္ပဏီသည် ကောင်းစွာမရောင်းရသော ကုန်ပစ္စည်း တစ်ခုကို ထုတ်လုပ်ခြင်းဖြင့် အဆုံးသတ်သောကြောင့်ဖြစ်သည်။ မားကက်တင်း ၏လုပ်ငန်းတာဝန်အများစုမှာ အတင်းအကျပ် ရောင်းချခြင်းနှင့် ကြော်ငြာခြင်း မှတစ်ဆင့် ၎င်းအရှုပ်အထွေးများ ရှင်းလင်းပစ်ရန် ဖြစ်သည်။ ။

အောက်တွင် ဖော်ပြသည်မှာ (one- P မားကက်တင်း၏ ဥပမာ တစ်ခုပင်ဖြစ်သည်။) မားကက်တင်းပညာရှင် ဖီးလစ်ကော်တလာ (Philip Kotler) က အဓိကကျသော ဥရောပလေကြောင်းလိုင်းတစ်ခုမှ မားကက်တင်း ဒုဥက္ကဋ္ဌကို မေးလိုက်သည်။

“လေကြောင်းလိုင်းမှာ ကျွေးတဲ့အစားအစာနဲ့ ပတ်သက်လို့ ခင်ဗျား ဩဇာပေးသလား”

“မပေးပါဘူး၊ အဲဒါကို အကျွေးအမွေးတာဝန်ယူသူက လုပ်ပါတယ်”

“လေယာဉ်ခရီးသည်များကို ပြုစုစောင့်ရှောက်သူများ ငှားရမ်းခြင်း အတွက် စံချိန်စံညွှန်းတွေ ချမှတ်ရာမှာ ခင်ဗျား စကားပြောသလား”

“မပြောပါဘူး၊ အဲဒါကို လူ့စွမ်းအား အရင်းအမြစ်ဌာနက ကိုင်တွယ် ဆောင်ရွက်ပါတယ်”

“လေယာဉ်ပျံတွေ သန့်ရှင်းမှုကရော”

“အဲဒါက ပြုပြင်ထိန်းသိမ်းရေးဌာနရဲ့ အလုပ်လေ”

“ဒီလိုဆိုရင် ခင်ဗျားဘာလုပ်သလဲ”

“ကြော်ငြာခြင်းနဲ့ ရောင်းချခြင်းကို ကျွန်တော် စီမံခန့်ခွဲပါတယ်”

ရှင်းပါသည်၊ လေကြောင်းလိုင်းကို one- P လုပ်ငန်းတစ်ခုအနေဖြင့် မားကက်တင်းကို ပြုမူဆောင်ရွက်နေခြင်း ဖြစ်သည်။

ပို၍ ဆိုးဝါးသည်မှာ မားကက်တင်းသည် ကြော်ငြာခြင်းနှင့် ရောင်းချ ခြင်းကို ကောင်းစွာ မကိုင်တွယ် မဖြေရှင်းနိုင်ချေ။ အရောင်းကျဆင်းနေသော အခါ၊ ကြော်ငြာဘီလ်ရရှိသည့်အခါ သွက်သွက်ခါ တုန်လှုပ်သွားသော အလုပ် အမှုဆောင်အရာရှိချုပ် (CEO) တစ်စုံတစ်ယောက်ကို မေးကြည့်ပါ။

“ကြော်ငြာခြင်းက ကျွန်တော်တို့အတွက် ဘာလုပ်ခဲ့တာလဲ”

ဖီးလစ်ကော်တလာက မားကက်တင်းဒုဥက္ကဋ္ဌကို မေးလိုက်သည်။ အကောင်းဆုံးအဖြေကတော့ ကြော်ငြာခြင်းမပြုလုပ်ပါက အရောင်းသည် ပိုမို ဆိုးဝါးနေလိမ့်မည်ဟူ၍ ဖြစ်သည်။

“ဒါပေမဲ့ ရင်းနှီးမြှုပ်နှံမှုတစ်ခုအနေနဲ့ ကျွန်တော်တို့ ဘာကို ပြန်လည် ရရှိခဲ့သလဲ”

အဖြေကောင်းတစ်ခုတော့ မရှိချေ။

အလုပ်အမှုဆောင် အရာရှိချုပ်များသည် မားကက်တင်းနှင့်ပတ်သက် ၍ ထိုက်သင့်သည့်အားလျော်စွာ စိတ်မရှည်မှုများ ကြီးထွားနေကြသည်။

သူတို့သည် ဘဏ္ဍာရေး၊ ကုန်ထုတ်လုပ်မှု၊ သတင်းအချက်အလက် နည်းပညာ၊ ဝယ်ယူရေးတို့တွင် သူတို့၏ ရင်းနှီးမြှုပ်နှံမှုများအတွက် တာဝန်ခံကြရသည်ဟု ခံစားကြသည်။ သို့ရာတွင် သူတို့သည် သူတို့၏ မားကက်တင်း အသုံးပြုမှု မည်သို့ အောင်မြင်သလဲဆိုတာ မသိကြချေ။ အကူညီပေးခဲ့သည်မှာ မားကက်တင်းသည် အကြောင်းနှင့်အကျိုးကို ခြေရာခံရန် ပိုမိုခက်ခဲသော အဖြစ်အပျက်များ၏ ပိုမိုရှုပ်ထွေးနေသော အချိတ်အဆက်နှင့် ပတ်သက် နေခြင်းပင် ဖြစ်သည်။ သို့သော် အချို့တိုးတက်မှုကို သီအိုရီအားဖြင့် ပြုလုပ်ခဲ့ပြီး အခြားကုမ္ပဏီများက ယင်းကို လက်တွေ့ကျကျ ဝါယမစိုက်ထုတ်နေကြသည်။ ယင်းသည် ဘာကြောင့် သူတို့ကုမ္ပဏီတွင် မဖြစ်နိုင်သနည်း။

မားကက်တင်းသည် အနာဂတ်တွင် ပိုမိုစိန်ခေါ်လာလိမ့်မည်ကို အမှတ် လက္ခဏာများက အကြံပြုကြသည်။ အောက်ပါတို့ကို စဉ်းစားကြည့်ပါ။

နိုင်ငံနှင့်ယှဉ်သော အမှတ်တံဆိပ်များသည် သူတို့၏ အမှတ်တံဆိပ်တည်ဆောက်ခြင်းကို ထေမိစေရန် လုံလောက်သော အကောင်းဆုံး အရည်အသွေး (ပရီမီယံ)ရရှိရန် ပိုမိုခက်ခဲလာသည်ကို တွေ့ ရှိနေကြ သည်။ အဘယ်ကြောင့်နည်း။ ကုန်ပစ္စည်းပေးသွင်းသူများသည် Wal - Marten ၏ စီးပွားရေးလုပ်ငန်းကို အလိုရှိလျှင် Wal - Mart နှင့် ယင်းကို အတုခိုးသူများသည် ကုန်ပစ္စည်း ပေးသွင်းသူများထံမှ ပိုမိုနည်းပါးသော ဈေးနှုန်းများကို တိုက်တွန်းနေကြသည်။ ထို့ပြင် ဧရာမ လက်လီဆိုင်ကြီးများသည် ယင်းတို့ကိုယ်ပိုင်စတိုး အမှတ် တံဆိပ်များကို တိုး၍တိုး၍ ခင်းကျင်းနေကြသည်။ ယင်းအမှတ်တံဆိပ် များသည် နိုင်ငံအနှံ့ ကျယ်ပြန့်နေသော အမှတ်တံဆိပ်များနှင့် ညီမျှသော အရည်အသွေးအဆင့်သို့ ရောက်ရှိနေကြသည်။ စတိုးဆိုင် ကြီးများ၏ အမှတ်တံဆိပ်များသည် သုတေသန၊ ကြော်ငြာခြင်းနှင့် ရောင်းချခြင်းအတွက် ငွေပေးစရာမလိုချေ။ တစ်ဖန် Generation Y သည် ပိုမိုယုံကြည်မှုကင်းမဲ့သော ကြော်ငြာခြင်း ဖြစ်သည်ဟု ကြားသိနေရသည်။ Naomi Klein နှင့် သူမ၏ No Logo စာအုပ်သည် ပိုမိုကြော်ငြာထားသော အမှတ်တံဆိပ်များအတွက် လူအများအပြားက မည်မျှပေးသင့်သည်ကို တွေးတောစရာ ဖြစ်လာ သည်။ ထို့ပြင် ကြီးထွားရှင်သန်နေသော အမှတ်တံဆိပ်များသည် လူ့အဖွဲ့ အစည်း၏ ကုန်ကျစရိတ်များအပေါ်တွင် မည်သို့ အကျိုး သက်ရောက်သည်ကို တွေးတောစရာ ဖြစ်လာသည်။

ကုမ္ပဏီများသည် ယင်းတို့၏ ညံ့ဖျင်းသော လုပ်ဆောင်ချက်များ အတွက် နောက်ဆုံးပေါ် ကုသမှုအနေဖြင့် ဖောက်သည်ဆက်ဆံရေး စီမံခန့်ခွဲမှု (CRM) ကို လက်ခံယုံကြည်လာခဲ့ကြသည်။ ဝယ်သူ တစ်ဦးချင်းစီကို ဝယ်ယူရန် ဆွဲဆောင်ရာ၌ ပိုမိုကောင်းမွန်သော မှန်းဆမှုပြုရန် တစ်ဦးချင်းစီအကြောင်း ပုဂ္ဂလိက သတင်းအချက် အလက်များ စုဆောင်းခြင်းကို ဆိုလိုခြင်းဖြစ်သည်။ သို့သော် ပုဂ္ဂိုလ် ရေးရာ သတင်းအချက်အလက် စုဆောင်းခြင်းကို ဆန့်ကျင်မှုများ ကြီးထွားနေဆဲဖြစ်သည်။ ထို့ပြင် လူများသည် စာတိုက်မှ ပေးပို့လာသော မလိုသည့် ကြော်ငြာများ၊ အီးမေးလ်နှင့် ဖုန်းခေါ်ဆိုမှုများနှင့် ပတ်သက်၍ တိုး၍ တိုး၍ စိတ်မချမ်းမသာ ဖြစ်နေကြသည်။

သစ္စာရှိခြင်း အစီအစဉ် (Loyalty Schemes) များသည်ကောင်းမွန်သော idea တစ်ခုနှင့် ဆင်တူဟန် ရှိသည်။ ယင်းတို့၏ ပထမဦးဆုံး မွေးစားထားသူများအတွက် ကောင်းစွာ အလုပ်ဖြစ်သည်။ သို့သော် ယင်းတို့၏ ယှဉ်ပြိုင်ဖက်များတွင် ရွေးချယ်စရာ မရှိသော် လည်း ယင်းတို့ထံ မကြာခဏ ဝယ်ယူသူအစီအစဉ်များ စတင်ဆောင်ရွက်စရာရှိသည်။ ယနေ့ခေတ်တွင် စီးပွားရေးလုပ်ငန်းရှင် အများစုသည် ဗီဇာကတ်၊ မာစတာကတ်နှင့် American Express ကတ်တို့ကို ယူဆောင်အသုံးပြုကြသည်။ ။

ကုမ္ပဏီတစ်ခုသည် ပြည်တွင်းအတွက် ယင်း၏ကုန်ပစ္စည်းကို မည်မျှ ဈေးပေါပေါ ထုတ်လုပ်နိုင်သည် ဖြစ်ပါစေ ကိစ္စမရှိပါ။ ယင်းသည် တရုတ်နိုင်ငံကဲ့သို့ ဈေးအပေါဆုံး ထုတ်လုပ်နိုင်သည်။ တရုတ် နိုင်ငံသည် အရာရာတိုင်းကို ပိုမိုဈေးသက်သာစွာ ထုတ်လုပ်နိုင်ပြီး ယင်းကို ကောင်းမွန်အောင်ပြုလုပ်ဖို့ စတင်နေပြီဖြစ်သည်။ တရုတ် နိုင်ငံတွင် “သာ၍ နည်းသော ဈေးနှုန်းများနှင့် ပိုမိုကောင်းမွန်သော အရည်အသွေး” ဟူသော ဂျပန်ကစားနည်းကို တစ်ကျော့ပြန် လုပ်ရန် အစွမ်းရှိလိမ့်မည်ဖြစ်သည်။ ယင်းသည် လက်တင်အမေရိက နှင့် အရှေ့ဥရောပနိုင်ငံများကဲ့သို့ လုပ်အားစရိတ်နည်းနည်းနှင့် ကြော်ငြာမည့်နိုင်ငံများကို ရိုက်ချိုးလိုက်သလို ဖြစ်စေခဲ့သည်။

ထို့ကြောင့် မော်တော်ကားနှင့် အခြားစက်ရုံများသည်