မောင်မောင်မြင့်သိန်း(စက်မှုတက္ကသိုလ်) - ဖေါက်သည်ဆက်ဆံရေးစီမံခန့်ခွဲမှုCRM

ဖောက်သည်တွေကို ဘယ်လိုဝန်ဆောင်မှုပေးကြမလဲ

လက်ဖက်ရည်ဆိုင်တစ်ဆိုင်သို့ ကျွန်တော်တို့အုပ်စု ဝင်လိုက်သည် နှင့် စားပွဲထိုးကောင်လေးတစ်ဦး ရောက်လာသည်။

“ဆရာတို့ ဘာသုံးဆောင်မလဲ ခင်ဗျာ”

စားပွဲပေါ်တွင် မုန့်အစုံချထားသည်။ ကျွန်တော်တို့မှာသော လက်ဖက် ရည်၊ ကော်ဖီမစ် မကြာခင် ရောက်လာသည်။ ထိုစားပွဲထိုးကောင်လေးသည် ခပ်လှမ်းလှမ်းမှ ကျွန်တော်တို့၏ လိုအပ်ချက်ကို ဖြည့်ဆည်းရန် ကြည့်နေ သေးသည်။ ကျွန်တော်တို့ ငွေရှင်းမည်လုပ်တော့ ကျသင့်ငွေကို ချက်ချင်း တွက်၍ ကောင်တာသို့ ပြောလိုက်သည်။ ပြီးတော့ သူကိုယ်တိုင် ကျသင့်ငွေကို ယူပြီး ကောင်တာသို့ သွားပေးသည်။

ဒါက လက်ဖက်ရည်ဆိုင်မှ လျှပ်တစ်ပြက်တွေ့ကြုံရတဲ့ ဖောက်သည် တွေ (စားသုံးသူတွေ) ကို ကျေနပ်အောင် ဖြည့်ဆည်းပေးတဲ့ စားပွဲထိုးကောင် လေးရဲ့ ဝန်ဆောင်မှုပါပဲ။ စားသုံးသူတွေကျေနပ်အောင် ဝန်ဆောင်မှု ကောင်း ကောင်းပေးခြင်းပါပဲ။

ယှဉ်ပြိုင်မှုတွေ အပြိုင်အဆိုင်တွေ များလာသောအခါ ဝန်ဆောင်မှု ကောင်းကောင်းပေးသော စီးပွားရေးလုပ်ငန်း၊ ဈေးဆိုင်များကို စားသုံးသူများ က နှစ်သက်ကြသည်။ ဒါကြောင့် အသေးစားလုပ်ငန်းပဲဖြစ်ဖြစ်၊ ကိုယ်ပိုင် လုပ်ငန်းပဲဖြစ်ဖြစ်၊ ကုမ္ပဏီကြီးပဲဖြစ်ဖြစ် ဝန်ဆောင်မှုကောင်းကောင်းပေးဖို့ လိုအပ်လာပြီဖြစ်ပါသည်။

ကမ္ဘာတစ်ဝန်းတွင် အောင်မြင်နေသော စီးပွားရေးအဖွဲ့ အစည်းလုပ်ငန်း များသည် ဝန်ဆောင်မှုကောင်းကောင်းပေးခြင်းဖြင့် တိုးတက်ကြီးထွားလာကြ သည်။

သည်တော့ ဖောက်သည် (စားသုံးသူ/ သုံးစွဲသူ/ဝယ်ယူသူ) အားလုံးကို ဝန်ဆောင်မှုပေးနိင်ဖို့ ဖောက်သည်ဝန်ဆောင်မှု (Customer Service) ၏ အဓိပ္ပာယ်သဘောတရားကို သိထားဖို့လိုပါသည်။

စင်စစ် ဖောက်သည်ဝန်ဆောင်မှုဆိုသည်မှာ ဖောက်သည်များ၏ မျှော်လင့်ထားမှုများ၊ ရရှိစေသော ကုန်ပစ္စည်းများနှင့် ဝန်ဆောင်မှုလုပ်ငန်း များကို အဖွဲ့ အစည်းများနှင့် ယင်း၏ ပုဂ္ဂိုလ်တစ်ဦးချင်းစီက ကူညီပံ့ပိုးပေး ခြင်းပင် ဖြစ်ပါသည်။ သည်နေရာမှာ အဖွဲ့ အစည်းအပိုင်းအနေဖြင့် ဆောင် ရွက်ပေးစရာတွေ ရှိလာသည်။

- ဖောက်သည်ဝန်ဆောင်မှုတွေကို အဖွဲ့ အစည်းဆိုင်ရာ ဖွဲ့စည်းမှု၏ တစ်သားတည်းဖြစ်သော၊ သီးခြားခွဲထုတ်၍မရသော အစိတ်အပိုင်း တစ်ခုအနေဖြင့် ရှုမြင်ရမည်ဖြစ်သည်။

- ဖောက်သည်ဝန်ဆောင်မှုအတွက် ပူးပေါင်းဆောင်ရွက်တတ်သော သယ်ယူပို့ဆောင်ပေးမှုနှင့် စီမံခန့်ခွဲမှုကို သေသေချာချာလုပ်ဆောင်ရန်လိုအပ်သည်။

- အဖွဲ့ အစည်း၏ ဖွဲ့စည်းမှုအရ ဖောက်သည်ဝန်ဆောင်မှု၏ သယ်ယူပို့ဆောင်ပေးမှုကို ကူညီနိုင်ရန် လိုအပ်သည်။ - ဖောက်သည်ဝန်ဆောင်မှုသည် အဖွဲ့ အစည်း၏ ထိပ်ပိုင်းဆိုင်ရာစီမံခန့်ခွဲမှု အကူအညီ လိုအပ်သည်။

- ဖောက်သည်ဝန်ဆောင်မှုသည် စီးပွားရေးလုပ်ငန်းတစ်ခုလုံးရှိ လူတိုင်းနှင့် ပါဝင်ပတ်သက်နေသည်။ သက်ဆိုင်ရာဌာနခွဲအားလုံးက ဒါကို ပါဝင်ဆောင်ရွက်ဖို့ အခန်းကဏ္ဍကိုယ်စီ ရှိကြသည်။

- အဖွဲ့ အစည်းက အသင်းအဖွဲ့ (Team) အနေဖြင့် လုပ်ငန်းတာဝန်သတ်မှတ်ထားရမည်။ဒါမှ လူတိုင်းတူတူ လုပ်နိုင်ကြမည်။ သည်လိုနှင့် အထူးကောင်းမွန်သောဝန်ဆောင်မှု ပေးစွမ်းနိုင်သည်။

- အသင်းအဖွဲ့ အနေနှင့် အလုပ်လုပ်ခြင်းသည် လုပ်ငန်းဆောင်ရွက်မှုကို ပိုမိုမြင့်မားတိုးတက်စေသည်။

 ပုဂ္ဂိုလ်တစ်ဦးချင်းအနေဖြင့် ဝန်ဆောင်မှုပေးခြင်း

- ဖောက်သည်ဝန်ဆောင်မှုဌာန ဖွဲ့စည်းပြီး ယင်းဌာနတွင် အတွေ့အကြုံရှိသူများ၊ ကျွမ်းကျင်သူများ ပါဝင်ရမည်။ - တစ်ဦးချင်းအနေဖြင့် လိုအပ်သော ကျွမ်းကျင်မှုများနှင့် အသိပညာဗဟုသုတ ရှိရမည်။ ။

- လိုအပ်သောကျွမ်းကျင်မှု ရရှိစေရန် ခန့်အပ်တာဝန်ပေးမှုအပြင်လေ့ကျင့်သင်တန်းပေးရမည်။ - လူပုဂ္ဂိုလ်တစ်ဦးချင်းက ဖောက်သည်အား ကူညီပံ့ပိုးခြင်းသည်လူလူချင်းဆက်ဆံမှု၏ အသွင်လက္ခဏာတစ်ရပ်ဖြစ်သည်။

- သဘာဝအားဖြင့် ဖောက်သည်ဝန်ဆောင်မှုသည် တစ်နေရာနှင့်တစ်နေရာ မတူနိုင်။ သို့သော် ဖောက်သည်ကျေနပ်မှု ရရှိရေးကိုတော့အဓိက ဆောင်ရွက်ရမည်သာ ဖြစ်သည်။

- အဖွဲ့ အစည်းအတွင်းရှိ ထိပ်ပိုင်းဆိုင်ရာ စီမံခန့်ခွဲသူများမှ အောက်ခြေဝန်ထမ်းများအထိ ဖောက်သည်ဝန်ဆောင်မှုနှင့် ပါဝင်ပတ်သက်နေ သည်ကို သတိပြုပါ။

ဖောက်သည်များကို အကူအညီပေးခြင်း

- ဖောက်သည်ဝန်ဆောင်မှုအား စီမံချက်ချခြင်းနှင့် အကောင်အထည်ဖော်ခြင်းကို အစီအစဉ်ကျသော လုပ်ငန်းစဉ်အဖြစ် ဆောင်ရွက်ရမည်။

- ယင်းစီမံချက်များသည် ရေတိုနည်းဗျူဟာများအပြင် ရေရှည်မဟာဗျူဟာများနှင့် ကိုက်ညီရမည်။ ။

- အဖွဲ့ အစည်းတွင်လည်း ထိရောက်အကျိုးရှိသော စနစ်များနှင့်လုပ်ထုံးလုပ်နည်းများ ရှိရမည်။

- ဖောက်သည်ဝန်ဆောင်မှုပေးသော နည်းလမ်းများကို သူ့နေရာနှင့်သူအဆင်ပြေအောင် အသုံးပြုတတ်ရမည်။

ထုတ်ကုန်ပစ္စည်းများ

ဖောက်သည်ဝန်ဆောင်မှုပေးရာတွင် ထုတ်ကုန်ပစ္စည်းများ၏ အမျိုးအစား သဘောသဘာဝကို သိထားရမည်။ ဥပမာ စားသုံးကုန်ပစ္စည်းများ (ပေါင်မုန့်၊ ဆပ်ပြာမှုန့်)၊ တာရှည်ခံပစ္စည်းများ (တယ်လီဗီးရှင်း၊ မော်တော်ကား)၊ စက်မှုလုပ်ငန်းသုံး ကုန်ပစ္စည်းများ (ဥပမာ- ဆေးဝါးကုန်ကြမ်း)၊ ဝန်ဆောင်မှုလုပ်ငန်းများ (ဥပမာ- ဘဏ်လုပ်ငန်းနှင့် အာမခံလုပ်ငန်း)

အချို့ ကုန်ပစ္စည်းများက လက်ဆုပ်လက်ကိုင်ပြနိုင်သည်။ (ဥပမာဟိုတယ်အခန်း)၊ အချို့ကျတော့ လက်ဆုပ်လက်ကိုင် မပြနိုင်ချေ။ (ဥပမာဆေးဝါးကုသမှု)

အဖွဲ့ အစည်းများအနေဖြင့် မိမိတို့၏ အဓိက ကုန်ပစ္စည်းများကို သိထားရမည်။ ဈေးကွက်လိုအပ်ချက်ကို ကျေနပ်စေသော ကုန်ပစ္စည်းများ ဖြစ်သင့်သည်။

ဝန်ဆောင်မှုလုပ်ငန်းများ

ဖောက်သည်ဝန်ဆောင်မှုသည် ဖောက်သည်အား တစ်စုံတစ်ရာ အကျိုးဖြစ်ထွန်းမှု ရရှိစေခြင်းဖြစ်သည်။ စင်စစ် ဝန်ဆောင်မှုလုပ်ငန်းသဘာဝ က ပြောင်းလဲနိုင်သည်။ ထုတ်ကုန်ပစ္စည်း၊ ဈေးကွက်နှင့် ဖောက်သည်မျှော်လင့်ထားမှုများ စသည့် အဓိကအချက်များပေါ်တွင် မူတည်သည်။ ဥပမာ- လေယာဉ်ပျံပေါ်တွင် ခရီးသည်များ ခြေဆန့်ရန် နေရာအဆင်ပြေခြင်း သည် ဝန်ဆောင်မှုကောင်းမွန်မှုပင် ဖြစ်သည်။

ဝန်ဆောင်မှုလုပ်ငန်းသည် ဈေးကွက်တစ်ခုမှတစ်ခုသို့ ကွာခြားနေ သည်။ လုပ်ငန်းတစ်ခုမှတစ်ခုသို့ ကွဲပြားနေသည်။ အဖွဲ့ အစည်းတစ်ခုမှ တစ်ခုသို့ ခြားနားနေသည်။ ထို့ကြောင့် ဖောက်သည်ဝန်ဆောင်မှုတွင် ပြောင်းလွယ်ပြင်လွယ်မှုသည် အဓိက အရေးကြီးသည်ကို တွေ့ရသည်။

ဖောက်သည်မျှော်လင့်ထားမှုများ ရရှိပါစေ

တယ်လီဖုန်းဆက်ခြင်းဖြင့် စုံစမ်းကာ မဂ္ဂဇင်း၊ ဂျာနယ်တွင် ကြော်ငြာ ကြသည်။ လူကိုယ်တိုင်လာရောက်ပြီး မျက်နှာချင်းဆိုင် ဆွေးနွေးညှိနှိုင်းကာကြော်ငြာထည့်ကြသည်။ ဤသည်မှာ ဖောက်သည်က အဖွဲ့ အစည်းထံ လာရောက်ခြင်းဖြစ်သည်။ အဖွဲ့ အစည်းနှင့် ထိတွေ့ခြင်းဖြစ်သည်။ ဖောက်သည်ကတော့ သူတို့လက်ခံရရှိသင့်သည့် ဝန်ဆောင်မှုအဆင့်ကို မျှော်လင့် ထားကြသည်။ သည်တစ်ပတ်မျက်နှာဖုံးကြော်ငြာ အချိန်မီတင်ချင်သည်ကို ဂျာနယ်၊ မဂ္ဂဇင်းတိုက်က ဆောင်ရွက်ပေးနိုင်မည်ဟု မျှော်လင့်ထားသည်။ သူမျှော်လင့်ထားသလို ဖြည့်ဆည်းပေးလိုက်တော့ ဖောက်သည်ကျေနပ်သွား သည်။ ဤသည်မှာ ဂျာနယ်၊ မဂ္ဂဇင်းတိုက်၏ ဖောက်သည်ဝန်ဆောင်မှု ကောင်းမွန်ခြင်း ဆောင်ရွက်ချက်ပင်။

တစ်ခါတစ်ရံမှာတော့ မျှော်လင့်ထားမှုများသည် ဖောက်သည်တစ်ဦး နှင့် တစ်ဦး မတူကြချေ။ ကွဲပြားခြားနားသည့် သဘာဝရှိသည်။ ဖောက်သည် မျှော်လင့်ထားမှုများသည် အဖွဲ့ အစည်းက သိမြင်နားလည်ထားသော မျှော်လင့်ထားမှု ဖြစ်ချင်မှဖြစ်မည်။ အဖွဲ့ အစည်း၏ ကုန်စည် (သို့မဟုတ်) ဝန်ဆောင်မှုကို ဖောက်သည်က ကျေနပ်သဘောကျသွားလျှင် ဖောက်သည်မျှော်လင့်ထားမှုများ ပြည့်ဝသွားသည်။ ဖောက်သည်မျှော်လင့်ထားမှုကို အဖွဲ့ အစည်းက မဖြည့်ဆည်းပေးနိုင်လျှင် ဖောက်သည်ထံမှ မကျေနပ်ချက် များ၊ ငြင်းခုံမှုများ ရရှိတတ်သည်။ ထိုအခါ ဖောက်သည်သည် မိမိအဖွဲ့ အစည်း နှင့် မဆက်သွယ်တော့ဘဲ မိမိ၏ယှဉ်ပြိုင်ဘက်များထံ ရောက်သွားတတ်သည်။

ဖောက်သည်များ

ဖောက်သည်များ၏ မျှော်လင့်ထားမှုများသည် ဝန်ဆောင်မှုပေးစွမ်းခဲ့ သောအဆင့်ကို ဆုံးဖြတ်ပေးသည်။ ဖောက်သည်တစ်ဦးနှင့်တစ်ဦး မတူနိုင် ချေ။ ထို့ကြောင့် ဖောက်သည်အားလုံးကို သီးခြားစီ ပြုမူဆက်ဆံသင့်သည်။ ဖောက်သည် မျှော်လင့်ထားမှုအဆင့်သည် တစ်ချိန်လုံး ပြောင်းလဲနေသည်ကို ငြင်းခုံဆွေးနွေးရာမှ ဝန်ဆောင်မှုအဆင့် ပိုမိုမြင့်မား တိုးတက်လာသည်ကို တွေ့ရသည်။ အဖွဲ့အစည်းအတွင်း ဖောက်သည်ဝန်ဆောင်မှု ဆောင်ရွက်သော ပုဂ္ဂိုလ်များနှင့် ယှဉ်တွဲလုပ်ဆောင်နေသည့် ဌာနတွင်းဖောက်သည်များကို လည်း ဂရုစိုက်သင့်သည်။ ယင်းတို့နှင့်လက်တွဲသော ပြင်ပဖောက်သည်များ မျှော်လင့်ထားမှုကို ဖြည့်ဆည်းပေးသင့်သည်။

ဤသည်ကြောင့် ဖောက်သည်များကို ဝန်ဆောင်မှုပေးရာတွင် အဖွဲ့ အစည်းများ၊ လုပ်ငန်းများ၊ ပုဂ္ဂိုလ်များသည် ဖောက်သည် မျှော်လင့်ထားမှုများ