မောင်မောင်မြင့်သိန်း(စက်မှုတက္ကသိုလ်) - နည်းပညာဆိုင်ရာအင်္ဂလိပ်စာအရေးအသား

Technical English Writing

နည်းပညာဆိုင်ရာ အင်္ဂလိပ်စာ အရေးအသား

သည်နေ့ခေတ်မှာ ကွန်ပျူတာ၊ အင်ဂျင်နီယာ၊ ဆေးပညာ၊ အိုင်တီ၊ သိပ္ပံ၊ အသုံးချ သိပ္ပံ စတဲ့ နည်းပညာရပ်ဆိုင်ရာ စာအုပ်တွေ အများကြီး တွေ့ရပါတယ်။ အဲဒီ အထဲမှာ ကျောင်းသုံး နည်းပညာ စာအုပ်များ၊ ကတ်တလောက်များမှာ ပါရှိတဲ့ ညွှန်ကြားလွှာများ (Instructions)၊ စီးပွားရေးလုပ်ငန်းသုံး ကက်တလောက်များ (Brochures) မှာ နည်းပညာဆန်ဆန် ရေးသာထားတာကို တွေ့ရပါတယ်။ ဒီ နည်းပညာဆိုင်ရာ အင်္ဂလိပ်အရေးအသား (Technical English Writing) ကို အင်ဂျင်နီယာ၊ ဆေးပညာ၊ အိုင်တီ၊ ကွန်ပျူတာ ကျောင်းသားတွေအပြင် ပြင်ပမှ လေ့လာသူတွေအတွက် ပြုစု တင်ပြလိုက်ပါတယ်။

Writing Guidelines for Instructions

ကျောင်းတွေမှာပဲ ဖြစ်ဖြစ် လုပ်ငန်းဌာနမှာပဲ ဖြစ်ဖြစ် ကောင်းမွန်တဲ့ Instructions (ညွန်ကြားချက်များ) က သင့်အလုပ် အောင်မြင်ဖို့၊ ဘေးကင်းဖို့ | အကူအညီပေးနိုင်ပါတယ်။ ဒီတော့ Instruction တွေ ရေးသားမှုတွေမှာ စနစ် တကျ လမ်းညွှန် ရေးသားတာတွေ တွေ့ရလိမ့်မယ်။

Prewriting (ကြိုတင်ရေးသားမှု) အနေနဲ့ ဒီ ညွှန်ကြားမှုတွေကို ဘယ် ပရိသတ် ဖတ်မလဲ ဆိုပြီး စဉ်းစားပြီး ရေးသားကြလေ့ ရှိပါတယ်။

ဖတ်မယ့်ပရိသတ် ပြီးရင် အချက်အလက် အသေးစိတ်တွေ ဖော်ပြ | ရေးသားရပါတယ်။ အဲဒီ အချက်အလက်တွေမှာ

- စာဖတ်သူကို ဘာပေးချင်သလဲ ဆိုတဲ့ ရည်မှန်းချက် (goal) ပါရှိရပါတယ်။

ဒီအကြောင်းအရာကို သူတို့ သိပြီးပြီလား။ သူတို့ ဘာကို လေ့လာချင် တာလဲ။ ဒါတွေကို စဉ်းစားပြီး Technical English နဲ့ ရေးသားရပါတယ်။

- လုပ်ငန်းစဉ် (Process) ကို စာရေးသူ နားလည်သလို စာဖတ် ပရိသတ် နားလည်အောင် ရေးသားရပါတယ်။ ။ ဒုတိယ အဆင့်ကတော့ ရေးသားမှု (Writing) အပိုင်း။

Instructions ရေးသာရာမှာ အပိုင်း (၃) ပိုင်း စုစည်း ရေးသားကြလေ့ ရှိပါတယ်။

(1) Beginning (အစပိုင်း)

ကိုယ် ညွှန်ကြားမယ့် လုပ်ငန်းစဉ် (process) ရဲ့ ခြုံငုံ သုံးသပ်ဖော်ပြမှု (Overview) ကို ရေးသားပြီး အဲဒါရဲ့ ရလာဒ် (Outcome)ကို ဖော်ပြရပါတယ်။ ဒီနေရာမှာ parts equipment (သို့) tools တွေ လိုအပ်ရင် ထည့်သွင်း ရေးသား ရပါတယ်။

ကဲ ဥပမာအနေနဲ့ Microscope Slide(အဏုကြည့်ကိရိယာ ဆလိုက်) ပြင်ဆင်မှု အဆင့်တွေကို Technical English နဲ့ ရေးသားထားတာ ရှင်းပြချင် ပါတယ်။

The following steps will help you propose a microscope slide to examine smears from mud found in a local pond. To get started, gather these materials;

. two or three craft sticks

. one glass microscope slide

. one plastic cover

. a microscope

ဓာတ်ခွဲခန်းမှာ microscope slide ကို ပြင်ဆင်ဖို့ ညွန်ကြားချက်တွေကို ခြုံငုံသုံးသပ်မှု (overview) ပေးပြီး စတင် ရေးသားထားတဲ့ နိဒါန်း (Beginning) ဖြစ်ပါတယ်။

ကဲ အထက်ပါ စာပိုဒ်ကို မြန်မာ ပြန်ဆိုကြည့်ရင် ...။

အောက်ပါအဆင့်များသည် အနီးအနား သတ်မှတ်နေရာအတွင်း ကန်ထဲ မှာ တွေ့ရသော ရွှံ့မှ အစွန်းအထင်းများကို စစ်ဆေးကြည့်ရန် အဏုကြည့် ကိရိယာ ဆလိုက် ပြင်ဆင်ဖို့ သင့်ကို ကူညီလိမ့်မည် ဖြစ်သည်။ စတင် ဆောင် ရွက်ရန် အောက်ပါ ပစ္စည်းများကို စုဆောင်းပါ။

လက်နှင့် ကိုင်တွယ်နိုင်သော တုတ်ချောင်း၊ နှစ်ချောင်း (သို့)သုံးချောင်း။

မှန်အနုကြည့်ကိရိယာ ဆလိုက်တစ်ခု။

ပလတ်စတစ်အဖုံး တစ်ခု။

အနုကြည့်ကိရိယာ တစ်ခု။

စာကိုယ် အလယ်ပိုင်း (middle) မှာတော့ စာဖတ်သူတွေကို Imperative verbs တွေ အသုံးပြုပြီး တစ်ဆင့်ပြီး တစ်ဆင့် (step-by-step) လိုအပ်တဲ့ အသေးစိတ် (details) ရေးသားရပါတယ်။ အဆင့်တွေကို နံပါတ်စဉ်ထိုးပြီး ရေးသားရပါတယ်။

Imperative verb (အမိန့်ပေး စေခိုင်း ကြိယာ) ကို ဥပမာပြရရင် go away (အဝေးကို သွားစမ်းပါ) သဘောမျိုး။

ကဲ ခုနက ရှင်းပြခဲ့တဲ့ Microscope slide ပြင်ဆင်မှုကို အဆင့်တွေနဲ့ စာကိုယ်မှာ ရေးပြချင်တယ်။ Imperative Verb တွေနဲ့ ရေးသားထားတာ သတိပြုပါ။

1. Carefully wash and dry the glass slide and the cover. Put the slide and cover on a clean, dry surface.

မှန်ဆလိုက်နဲ့ အဖုံးကို သေချာစွာ ဆေးကြောပြီး ခြောက်သွေ့ ပါစေ။ ဆလိုက်နဲ့အဖုံးကို သန့်ရှင်းပြီး ခြောက်သွေ့တဲ့ မျက်နှာပြင် (နေရာ) တွင် ထားပါ။

2. Using a craft, carefully scrape a small amount of mud, just enough to cover the tip of the stick. Craft stick ကို အသုံးပြုလျက် ရွှံ့ ပမာဏ အနည်းငယ်ကို သေချာစွာ ခြစ်ထုတ်ပါ။ တုတ်ချောင်းရဲ့ ထိပ်ကို ဖုံးမိရုံမျှသာ ခြစ်ထုတ်ပါ။
3. Place the stick in the center of side and wipe the stick gently to transfer the sample onto the slide. Then dispose of the stick. Stick ကို slide ရဲ့ အလယ်ဗဟိုမှာ ထားပြီး slide ပေါ်သို့ နမူနာကို ရွှေ့ပြောင်းရန် stick ကို သေချာစွာ သုတ်ပါ။ ပြီးလျှင် stick ကို ဖယ်ရှား ပစ်လိုက်ပါ။
4. Carefully place the plastic cover on the slide, directly on top of the sample. Apply slide pressure to spread out the sample.

ပလတ်စတစ်အဖုံးကို slide ပေါ်မှာ သေချာစွာ နေရာချထားပါ။ နမူနာရဲ့ ထိပ်ပေါ်သို့ တိုက်ရိုက်ထားပါ။ နမူနာကို ဖြန့်လိုက်ရန် ဖိအား အနည်းငယ် ကို အသုံးချပါ။

5. Place the slide under the microscope and adjust the microscope until you can see the sample clearly.

မိုက်ခရိုစကုပ် အောက်မှာ slide ထားပြီး နမူနာကို ရှင်းရှင်းလင်းလင်း မြင်နိုင်တဲ့အထိ မိုက်ခရိုစကုပ်ကို ချိန်ညှိပါ။

ပြီးလျှင် Ending (နိဂုံးပိုင်း) ကို Technical English နဲ့ ရေးတဲ့အခါ | ခုနက လုပ်ငန်းစဉ်နဲ့ ဆက်နွယ်နေတဲ့ အထူး အသေးစိတ် တစ်စုံတစ်ရာနဲ့ စာဖတ်သူကို အသိပေးရင်း အဆုံးသတ်ပါ။

ကဲ Ending အရေးအသားကို လေ့လာကြည့်ပါ။

Following these steps should give you a view of the cells living beneath the surface of the pond. Draw what you see, and write up in observation report.

အဲဒီ အဆင့်တွေကို လိုက်ပါ ဆောင်ရွက်ခြင်းဟာ ရေကန် မျက်နှာပြင် အောက်မှာ ရှင်သန်စေတဲ့ ဆဲလ်တွေရဲ့ မြင်ကွင်းတစ်ခုကို သင့်ကို ပေးသင့်တယ်။ သင် တွေးမြင်တာတွေကို ရေးဆွဲပြီး စူးစမ်းလေ့လာမှု အစီရင်ခံစာ တစ်စောင်ကို ရေးသားပါ။

အထက်ပါ Sample Instruction မှ Technical English ကို ရေးသားပြီး ရှင်းရှင်းလင်းလင်း တင်ပြသွားတာ တွေ့နိုင်ပါတယ်။

Technical English နဲ့ ပတ်သက်လို့ ယခုလ တင်ပြချင်တာကတော့ Describing a process လို့ ခေါ်တဲ့ လုပ်ငန်းတစ်ခု ဖော်ပြခြင်းပဲ ဖြစ်ပါတယ်။

Process တစ်ခုကို ဖော်ပြနေတဲ့ Diagram တွေကို Flow chart ပုံစံနဲ့ ပြလေ့ ရှိတယ်။ အဲဒါဟာ လုပ်ငန်းစဉ်ရဲ့ ကွဲပြားခြားနားတဲ့ အဆင့်တွေမှာ ဘာ ဖြစ်ပျက်နေသလဲဆိုတာ ပြသပါတယ်။

 

1. Understanding the Diagram

Look at the process diagram above and answer these questions by using Technical English.

အထက်ပါ process diagram ကို ကြည့်ပြီး အောက်ပါ မေးခွန်းကို Technical English အသုံးပြုပြီး ဖြေပါ။

1. What process dose diagram illustrate?

ဘယ် လုပ်ငန်းစဉ် diagram ကို ပုံဖော်ထားသလဲ။

အဲဒါကို Technical English အရေးအသားနဲ့ ရေးသားပြီး ဖြေကြည့် ရအောင်။

The diagram illustrates the process of producing black and white photographs.

ဒိုင်ယာဂရမ်က အမည်းနဲ့ အဖြူ ဓာတ်ပုံတွေ ထုတ်လုပ်ခြင်းရဲ့ လုပ်ငန်းစဉ်ကို ဖော်ပြထားပါတယ်။

Writing ပုံစံက Subject + Verb + Object ပုံစံနဲ့ ရေးသားထားတာ တွေ့နိုင်ပါတယ်။

2. What special workplace is needed? ဘယ်လို အထူး လုပ်ငန်းနေရာ လိုအပ်သလဲ။

A dark room is needed as a special workplace.

အမှောင်ခန်းဟာ အထူးလုပ်ငန်း နေရာအနေနဲ့ လိုအပ်ပါတယ်။ Subject+V-to-be (V1) + Past Participle (ed/en)ပုံစံနဲ့ ရေးသားထားတာ တွေ့နိင်ပါတယ်။ ဒါဟာ Simple present Tense သုံးတဲ့ Passive voice ပုံစံ အရေးအသားပဲ ဖြစ်ပါတယ်။

3. How many pieces of equipment are used in the process? ကိရိယာအစိတ်အပိုင်း ဘယ်နှခုကို ဒီလုပ်ငန်းစဉ်မှာ အသုံးပြုသလဲ။

Four main pieces of equipment are used in the process. They are a camera, a development tank, an enlarger and a chemical bath.

ပထမ ဝါကျက Passive Voice ပုံစံ ဖြစ်တယ်။ are used က simple Present Tenseကို ပြတဲ့ passive ပုံစံ ဖြစ်တယ်။ ဒုတိယ ဝါကျက ဖြစ်ကြောင်းပြ ရိုးရိုးဝါကျ ဖြစ်ပါတယ်။

1. Introducing the Description

Technical English အရေးအသားနဲ့ process တစ်ခုကို describing ပြုလုပ်တဲ့အခါ နည်းလမ်း သုံးခုကို ဖော်ပြ ရေးသားနိုင်တယ်။ ပြီးတော့ လိုအပ်တဲ့ ပစ္စည်း ကိရိယာကို ဖော်ပြ ရေးသားနိုင်တယ်။

ကဲ အောက်ပါ အရေးအသားကို လေ့လာကြည့်ပါဦး။ အရေးအသား ပုံစံ (၃) မျိုးကို နှိုင်းယှဉ်ကြည့်ပါ။

Sample (1)

The diagram shows that in order to produce black and white photographs, a dark room and four main pieces of equipment are needed, namely a camera, a development tank, an enlarger and a chemical bath.

အထက်ပါ ဝါကျမှာ Subject နောက်မှာ shows that ကို သုံးထားတာ သတိပြုပါ။

Sample (2)

The flow chart shows that the process of producing black and white photos is carried out in a dark room and involves the use of a chemical bath.

Subject + Veerb + object ပုံစံနဲ့ passive voice အရေးအသား တွဲသုံးထားတာ တွေ့ရပါတယ်။

Sample (3)

The flow chart indicates that four main pieces of equipment are used in the process of producing black and white photographs; a camera, a development tank, an enlarger and a chemical bath.

Shows that အစား indicates that ကို သုံးပြီး passive voice နဲ့  ပြန်ရေးထားတာ တွေ့ရပါတယ်။

III. Using passive Forms

တကယ်လို့ Flow chart ဟာ process မှာ ဘာဖြစ်ပျက်သလဲ ရှင်းပြဖို့ ရုပ်ပုံတွေထက် စကားလုံး (word) တွေကို အသုံးပြုမယ်ဆိုရင် သင့်ရဲ့ description မှာ အဲဒီ စကားလုံးတွေရဲ့ ပုံစံကို ပြောင်းလဲရမှာ ဖြစ်ပါတယ်။ အဲဒါကြောင့် ရေးတဲ့အခါ passive verb forms တွေကို အသုံးပြုဖို့ လိုအပ်ပါတယ်။

e.g (1) Images are captured by the camera and recorded onto a film in a camera.