မောင်မောင်ထွန်း - ရင်းနှီးမြုတ်နှံမှုစီမံခန့်ခွဲခြင်း

သော့ချက် (၁)

ယုံကြည်အားထားလောက်သော မဟာဗျူဟာ+အချိန်မီရင်းနှီးမြှုပ်နှံမှု = စုရှင်တန်ဖိုး

ဒါက စီးပွားရေးလုပ်ငန်းမှာ အခြေခံအကျဆုံး ဥပမစာ တစ်ခုဖြစ်သည်။ အဖွဲ့ အစည်းဆိုင်ရာ ရင်းနှီးမြှုပ်နှံမှု၏ မူလအကျဆုံး ရည်ရွယ်ချက်မှာ အစုရှင်များအတွက် တန်ဖိုး ဖန်တီးပေးရန်ဖြစ်သည်။

စက်ရုံသစ်၊ ပစ္စည်းကိရိယာများနှင့် သုတေသနနှင့် ဖွံ့ဖြိုးရေးကဲ့သို့သော ပရောဂျက် စီမံကိန်းများတွင် သုံးစွဲခြင်း သည် ကုမ္ပဏီတစ်ခု၏ စီးပွားရေး မျှော်မှန်းချက်များကို အနာဂတ်နှစ်များစွာအထိ သက်ရောက်မှုရှိစေသည်။ ကုမ္ပဏီတစ်ခု၏ အစုရှယ်ယာတန်ဖိုးက ရင်းနှီးမြှုပ်နှံသူများ ၏ အနာဂတ်ငွေကြေးစီးဆင်းမှု၏ အကောင်းဆုံး ခန့်မှန်း ချက်တွေကို ထင်ဟပ်သောကြောင့် ယင်းအသုံးစရိတ်များသည် လုပ်ငန်းလည်ပတ်မှု ကုန်ကျစရိတ်တွေကို လျှော့ချ နိုင်သည်။ ထွက်ကုန်အရည်အသွေး ကြီးမားစေသည်။ သို့မဟုတ် ကုမ္ပဏီ၏ ယှဉ်ပြိုင်မှု အားသာချက်ကို တည် ဆောက်ပေးသည်၊ ရှယ်ယာတန်ဖိုးမြင့်တက်လာစေသည်။

အစုရှင်တန်ဖိုးအပေါ် အာရုံစိုက်လွန်းခြင်းသည် ကြွေးရှင်များ၊ ပေးသွင်းသူများ၊ ဖောက်သည်များ၊ အလုပ် သမားများနှင့် ဒေသကွန်မြူနီတီအသိုင်းအဝိုင်း အပါအဝင် ကုမ္ပဏီကို စိတ်ဝင်စားသူ အခြားသူများမှာ အရေးပါခြင်း မရှိဟု အဓိပ္ပာယ် မသက်ရောက်ပေ။ ဘယ်ကုမ္ပဏီမဆို ကုမ္ပဏီ၏ အခြား Stakeholders အစုရှယ်ယာပိုင်ရှင် များ၏ အကျိုးစီးပွားကို ဆက်တိုက် ဆန့်ကျင်လျှင်ကုမ္ပဏီ ၏ မျှော်မှန်းချက်တွေကို အန္တရာယ်ဖြစ်စေပြီး နောက်ဆုံး တွင် အစုရှင်တန်ဖိုးကို ဖျက်ဆီးလိမ့်မည်။ သို့သော်လည်း အစုရှင်များသည် ကုမ္ပဏီ၏ပိုင်ရှင်များဖြစ်သည်။ထို့ကြောင့် သူတို့က မန်နေဂျာ၏ ဆောင်ရွက်ချက်များကို ရှယ်ယာ ဈေးကွက်တန်ဖိုး ပေတံဖြင့် အဆုံးအဖြတ်ပြုလိမ့်မည်။

အစုရှယ်ယာ တန်ဖိုးပေါ် အာရုံစိုက်လွန်းခြင်းသည် မန်နေဂျာတွေအား ရေရှည်မျှော်လင့်ချက်များနှင့် ဆန့်ကျင် ပြီး သုံးလ တစ်ကြိမ် ဝင်ငွေတွေကို ပိုအလေးပေးရန် တွန်းအားပေးရာ ရောက်သည်ဟု ဝေဖန်ရေးသမားတွေက ဆို၏။ သို့သော်လည်း ကုမ္ပဏီတစ်ခုက အရင်းအသစ် သုံးစွဲမှုနှင့် R&D အစီအစဉ်တွေကို ကြေညာပြီး စတော့ ဈေးကွက်ကို ပြန်လည်စည်းရုံးမည်၊ အဲသလို အားထုတ်မှုတွေကို ဆုပေးမည်ဟု ပြောကြားလိုက်ပြီးနောက်တွင် အစု ရှယ်ယာ တန်ဖိုးတွေ တက်တတ်သည်ဟု လေ့လာချက် အမြောက်အမြားက သက်သေပြခဲ့ပါပြီ။

သို့သော် ကုမ္ပဏီတစ်ခုသည် ပေါ့ပေါ့တန်တန် အမှတ်တမဲ့နေလို့ မရနိုင်ပေ။ အစုရှယ်ယာတန်ဖိုး ဖန်တီး သည့် အရင်းသုံးစွဲမှု အစီအစဉ်များသည် အသေအချာ ဂရု တစိုက် အတတ်ပညာဖြင့် ဖန်တီးထားသော စီးပွားရေးဗျူ ဟာများဖြစ်သည်။ Coca-Cola, General Electric, Merck and Rocter & Gamble ထိုကဲ့သို့သောကုမ္ပဏီများသည် အစုတန်ဖိုး ဖန်တီးရာ၌ မှန်မှန်အောင်မြင် ခဲ့သော ကုမ္ပဏီများ ဖြစ်ကြသည်။ အဲသည် ကုမ္ပဏီအား လုံးတွင် ယှဉ်ပြိုင်မှုအားသာချက်တွေ တည်ဆောက်ရေးနှင့် ထိန်းသိမ်းရေးအတွက် ကြည်လင်ပြတ်သားသော ဗျူဟာ တွေရှိကြသည်။ ကောင်းစွာ တွေးခေါ်စဉ်းစားမှုမရှိဘဲ ရင်းနှီးမြှုပ်နှံမှုကို အသုံးပြုခြင်းနှင့် အားကိုးယုံကြည်လောက်သော စီးပွားရေး ဗျူဟာတစ်ခု၏ အောင်မြင်မှုကြောင့် ပေါ် ထွက်လာခြင်း မရှိသော ရင်းနှီးမြှုပ်နှံမှုကို အသုံးပြုခြင်း သည် အစုရှင်၏ ဓန ဥစ္စာကို ဖျက်ဆီးပစ်နိုင်၏။ ကုမ္ပဏီ တစ်ခုသည် မိမိ၏ အာရုံစူးစိုက်မှုကို ယှဉ်ပြိုင်မှု အားသာ ချက်မဲ့သည့် အဆက်အစပ်မရှိသော စီးပွားရေးနယ်ပယ်သို့ ရွှေ့ပြောင်းသောကြောင့် ဗျူဟာသည် တစ်ခု သို့မဟုတ် ရှာမှီးရရှိသော ဥစ္စာသည် ကုမ္ပဏီ၏ စူးစိုက်မှုကို မှုန်ဝါး စေသည်ဟု ဈေးကွက်က မြင်လျှင် အစုတန်ဖိုးတွေကျဆင်းသွားသည်ဟု လေ့လာချက် တော်တော်များများ က တွေ့ ရှိခဲ့လေသည်။

ဥပမာ AT&T ကုမ္ပဏီသည် ၁၉၈ဝ ပြည်လွန်နှစ် များ အလယ်က ကွန်ပျူတာ ထုတ်လုပ်ရေးသို့ ရွှေ့ပြောင်း ကြိုးစားခဲ့သည်။ နှစ်အတော်ကြာ အရှုံးပေါ်ပြီးနောက် ကုမ္ပဏီသည် ၁၉၉၁ တွင် ဒေါ်လာ ၇.၅ ဘီလီယံဖြင့် NCR ရယူကာ ကွန်ပျူတာ ထုတ်လုပ်ရေး ကတိကဝတ် ကို တိုးမြှင့်ဖော်ဆောင်ခဲ့သည်။ သို့ရာတွင် ရင်းနှီးမြှုပ်နှံသူ တွေက အဖျက်သဘော တုံ့ပြန်ကြသဖြင့် ယင်းအရောင်း အဝယ်ကြောင့် AT&T ၏ စုစုပေါင်း စတော့ဈေးကွက် တန်ဖိုး $ 4 - $ 6 ဘီလီယံခန့် ဆုံးရှုံးခဲ့လေသည်။ သို့သော် ကုမ္ပဏီက ၁၉၉၅ တွင် ကွန်ပျူတာထုတ်လုပ်ရေး ကို စွန့်လွှတ်လိုက်သောအခါ ပြန်လည်ဖွဲ့စည်းခြင်းကို ကြေညာလိုက်သည့်နေ့တွင် ကုမ္ပဏီ၏ စတော့ဈေးကွက် တန်ဖိုး ၁၀.၆ ရာခိုင်နှုန်း သို့မဟုတ် $ 9ဘီလီယံကျော် မြင့်တက်လာခဲ့သည်။

စီးပွားရေးဗျူဟာကောင်းတစ်ခုသည် ပြိုင်ဖက် ကုမ္ပဏီများပေါ်တွင် အသာစီးရရန် အလားအလာကောင်း များရှိသည်။ အကယ်၍ ကုမ္ပဏီတစ်ခုသည် ဝင်လာမှုကို ဟန့်တားနိုင်ခဲ့လျှင် ပြိုင်ဖက်တွေက မိမိကုမ္ပဏီ၏ စီးပွား ရေးထဲသို့ ကျူးကျော်ဝင်မလာနိုင်အောင် ဖယ်ထုတ်ပစ်နိုင် သည်။ သို့မဟုတ် အနည်းဆုံး ခေါင်းတစ်လုံး အသာရနိုင် သည်။ Merck ကို ဆေးဝါးထုတ်လုပ်ရေး ကုမ္ပဏီများသည် ဤနည်းဖြင့် Patent မူပိုင်ခွင့် ကာကွယ်ရေးကို အသုံးပြုခဲ့သည်။ အခြားယှဉ်ပြိုင်မှု အရင်းအမြစ်များတွင် တိုးတက်ဖွံ့ဖြိုးသော စီးပွားရေးတွေလည်း ပါဝင်သည်။ အကယ်၍လုပ်ငန်း လည်ပတ်မှု စကေးနှင့်အတူ ပျမ်းမျှ ထုတ်လုပ်ရေး ကုန်ကျစရိတ် ကျဆင်းလာလျှင်ကုမ္ပဏီတစ် ခုသည် မိမိပြိုင်ဖက်များထက် လုပ်ငန်းဆောင်ရွက်ရာ၌ အသာစီးရထားလျှင် ဈေးကွက်တွင် စရိတ်နည်းသော ထုတ်လုပ်သူအဖြစ် တည်ဆောက်နိုင်သည်။ အလားတူစွာ ဆက်စပ်ထုတ်ကုန်များစွာ ပါဝင်အောင် တိုးချဲ့ထားသော Procter & Gambleကဲ့သို့ ကုမ္ပဏီတစ်ခုသည် ထုတ် ကုန်တစ်ခုတည်းသာ ထုတ်လုပ်သောပြိုင်ဖက်များနှင့် နှိုင်း ယှဉ်ပါက ဈေးကွက်စီမံခန့်ခွဲရေးနှုန်း ကုန်ပစ္စည်း ဖြန့်ဖြူး ရေးတွင် စီးပွားဖြစ်နိုင်၏။

သူတို့၏ အရင်းအမြစ်က မည်သို့ပင်ဖြစ်ပါစေ ကုမ္ပဏီ၏ ဗျူဟာတစ်ခုသည် ယှဉ်ပြိုင်မှုအားသာချက်များ တည်ဆောက်လျှင် အရင်းသုံးစွဲမှု အလျဉ်ကို မှန်မှန်ကြီးရရှိ နိုင်ဖွယ်ရှိ၏။ သို့ရာတွင် အကယ်၍ ကုမ္ပဏီဗျူဟာ၏ ယုံကြည်အားကိုးရမှုကို ရင်းနှီးမြှုပ်နှံသူများ နားလည်လျှင် အဲသည် အသုံးစရိတ်များသည် မြင့်မားသော စတော့ ဈေး နှုန်းအဖြစ် ထင်ဟပ်ပေါ်လွင်လာလိမ့်မည်။