မောင်ခေတ်ထွန်း - ကလေးများအတွက်ဗဟုသုတဉာဏ်စမ်းပဟေဠိ(၂)

ကလေးများအတွက် ဉာဏ်စမ်းပဟေဠိ အမှာစာ

          ဤ “ကလေးလူငယ်များအတွက် ဉာဏ်စမ်းပဟေဠိ” စာအုပ်သည် ကလေးလူငယ်များ ပညဗဟုသုတကြွယ်ဝစေရန် ရည်ရွယ်၍ စာအုပ်စာတမ်းပေါင်း မြောက်မြားစွာထဲမှ ထုတ်နုတ် ပြုစုရေးသားထားသည့် စာအုပ်ဖြစ်ပါသည်။ မြန်မာ၊ အင်္ဂလိပ် စာအုပ်စာတမ်းများ များပြားလှ၍ မှီငြမ်းပြုစာအုပ်များ၏ အမည် များကို မဖော်ပြတော့ပါ။ ဤစာအုပ်မှတစ်ဆင့် ကလေးများ စာအုပ် စာတမ်းများကို ရှာဖွေဖတ်ရှုလိုစိတ် တိုးပွားစေရန် ရည်သန်၍ ပြုစုထုတ်ဝေခဲ့ခြင်း ဖြစ်ပါသည်။ နိုင်ငံရေး၊ စီးပွားရေး၊ သမိုင်း၊ ပထဝီ၊ အာကာသ၊ သိပ္ပံ၊ ဆေးပညာ၊ စာပေနှင့် အနုပညာ၊ ယဉ်ကျေးမှု စသည်ဖြင့် ကဏ္ဍစုံမှ ဗဟုသုတအဖုံဖုံတို့ကို ရွေးနုတ် ဖော်ပြထားပါသည်။ အဆိုပါ စာအုပ်စာတမ်းများကို ရေးသားကြ သူများ အားလုံးကိုလည်း အထူးကျေးဇူးတင်ကြောင်း ဖော်ပြအပ် ပါသည်။

          ဤဉာဏ်စမ်းပဟေဠိများကို မူလက “ရတနာပန်းခင်း ရုပ်စုံမဂ္ဂဇင်းတွင် လစဉ်ဖော်ပြခဲ့ပါသည်။ ယခု တစုတစည်းတည်း ထုတ်ဝေလိုက်ခြင်း ဖြစ်ပါသည်။

          ယခု စာအုပ်သည် အမှတ်စဉ် (၂) ဖြစ်၏။ နောင်တွင် အတွဲစဉ်များအဖြစ် ဆက်လက်ထုတ်ဝေသွားမည် ဖြစ်ပါသည်။

          ကလေးလူငယ်များသည် ပညာဗဟုသုတ တိုးတက် ကြွယ်ဝနိုင်ကြပါစေ...

မောင်ခေတ်ထွန်း

 

၁။ “အဖေနေ့” Father's Day နှင့် “အမေနေ့” Mother'sDay ကို မည်သည့်အချိန်များက မည်သည့်နိုင်ငံ မည်သည့် မြို့တွင် စတင်ကျင်းပခဲ့ကြသနည်း။

၂။ “စစ်အေးတိုက်ပွဲ The Cold War ပြီးစီးကြောင်းကို မည်သည့် ခုနှစ်က မည်သည့်တိုင်းပြည်က သမ္မတများက တရားဝင်ကြေညာခဲ့ကြသနည်း။

 ၃။ ကမ္ဘာ့မီးတောင်၏ ရ၅ ရာခိုင်နှုန်း မီးတောင်များရှိပြီး မီးတောင် မကြာခဏပေါက်ကွဲသည့်ဒေသမှာ မည်သည့်ဒေသ ဖြစ်သနည်း။

၄။ Taurus Mountains' တောင်များရှိသည့် တိုင်းပြည်မှာ မည်သည့်တိုင်းပြည် ဖြစ်သနည်း။

၅။ “အန်ဒမန်ပင်လယ်” Andaman Sea သည် မည်သည့်သမုဒ္ဒရာတွင် ပါဝင်သနည်း။ ။

၆။ ကလေးမွေးသည့်အခါ ဇောက်ထိုးကလေးမွေးသည့် သတ္တဝါမှာ မည်သည့်သတ္တဝါ ဖြစ်သနည်း။

၇။ William the Lion souasi 579800 af was boasတိုင်းပြည်က ဘုရင်ဖြစ်သနည်း။ ။

၈။ ၁၈၆၁ ခုနှစ် ဧပြီလ ၁၂ ရက်နေ့တွင် စတင်ဖြစ်ပွားခဲ့သောစစ်ပွဲမှာ မည်သည့်စစ်ပွဲ ဖြစ်သနည်း။

၉။ စပိန်နိုင်ငံ၊ ဖီဂူရပ်စ် Figureas မြို့တွင် မွေးဖွားခဲ့ပြီး သူ့ လက်ရာ ပန်းချီကားများကို စပိန်နိုင်ငံ၌ ပြတိုက်ဖွင့်လှစ်၍ပြသခံရသည့် ပန်းချီပညာရှင်ကြီးမှာ မည်သူဖြစ်ပါသနည်း။

၁၀။ အင်္ဂလန်နိုင်ငံ၏ ပဉ္စမမြောက် ဟင်နရီဘုရင် Henry V သည် မည်သည့်အသက်အရွယ်တွင် ၁၄ဝ၃ ခုနှစ်က ဖြစ် ပွားခဲ့သော “ရုရှီဘာရီ စစ်ပွဲ” The Battle of Shrewsbury ၌ ကိုယ်တိုင်ပါဝင်ကာ ရန်သူကို ရင်ဆိုင်တိုက်ခိုက်ခဲ့သနည်း။

၁၁။ “လ”မျက်နှာပြင်ပေါ်တွင် ဖုံးလွှမ်းနေသော ဖုန်မှုန့်ကို မည်သို့ခေါ်ဆိုပါသနည်း။

၁၂။ ကမ္ဘာပေါ်တွင် အိမ်မြှောင် Lizard အမျိုးအစားပေါင်း မည်မျှရှိသနည်း။

၁၃။ ထရန်စစ္စတာ Transistor ကို မည်သည့်ခုနှစ်က တီထွင်ခဲ့ပါသနည်း။

၁၄။ Uranus Planet ယူရေးနပ်စ်ဂြိုဟ်ကို မည်သူက စတင်တွေ့ရှိခဲ့ပါသနည်း

၁၅။ ၁၉ ရာစု အစောပိုင်းကာလက အိန္ဒိယနိုင်ငံတွင် ဒုံးကျည်ကိုမည်သူက စတင်အသုံးပြုခဲ့ပါသနည်း။

၁၆။ ကမ္ဘာပေါ်တွင် ပထမအရှည်လျားဆုံးမြစ်မှာ မည်သည့်မြစ်ဖြစ်၍ ဒုတိယအရှည်လျားဆုံးမြစ်မှာ မည်သည့်မြစ်ဖြစ်ပါသနည်း။ ။

၁ရ။ ၁၉၄၈ ခုနှစ် လွတ်လပ်ရေးနေ့ အထိမ်းအမှတ်အဖြစ် ထုတ်ဝေခဲ့သော စာအုပ်ဖြစ်ကာ “မြန်မာရာဇဝင်”ဟူသော ဝေါဟာရအစား “မြန်မာ့သမိုင်း”ဟူသော ဝေါဟာရကို ပထမဆုံး အသုံးပြုခဲ့သည့် သမိုင်းပညာရပ်ဆိုင်ရာ စာအုပ်မှာ မည်သည့်စာအုပ်ဖြစ်၍ အဆိုပါစာအုပ်ကို ပြုစုရေးသားသူမှာ မည်သူဖြစ်ပါသနည်း။

၁၈။ မြန်မာပြည်တွင် ကာတွန်းကို ပထမဆုံး စတင်ရေးဆွဲသူမှာမည်သူဖြစ်ပါသနည်း။

၁၉။ Dolorimeter သည် မည်သည့်အရာကို တိုင်းတာသောကိရိယာဖြစ်သနည်း။ ။

၂၀။ “အို”အမျိုးအစားသွေးသည် မည်သည့်သွေးအမျိုးအစားနှင့်မဆို ရောနှောနိုင်သည်ဖြစ်ရာ အဆိုပါ “အို”သွေးအမျိုးအစားကို မည်သို့ခေါ်ကြသနည်း။ ။

၂၁။ သေဒဏ်ပေး လျှစ်စစ်ကုလားထိုင် The Electric Chairကို စတင်တီထွင်ခဲ့သူမှာ မည်သူနည်း။

၂၂။ လွန်ခဲ့သည့် နှစ်ပေါင်း ၁၂ဝဝ ခန့်က ကမ္ဘာမြေပြင်ပေါ်တွင်ပေါက်ရောက်ခဲ့ကာ ယနေ့ထက်တိုင် မပျောက်ကွယ် ဆက်လက်ရှိနေခဲ့သည့် အပင်မှာ မည်သည့်အပင်ဖြစ်သနည်း။ ၂၃။ တစ်နေ့တာအတွင်း နေရှိရာနေရာသို့လိုက်၍ မျက်နှာမူနိုင်အောင် ပြုလုပ်ထားသည့် ဘုရင်တစ်ပါး၏ ရုပ်တုမှာ မည်သည့်ရုပ်တုဖြစ်၍ အဆိုပါရုပ်တုမှာ မည်သည့်နိုင်ငံတွင်ရှိသနည်း။ ။

၂၄။ အပိုလို အာကာသယာဉ်မှူးများ ကမ္ဘာ့မြေပြင်သို့ ယူဆောင်လာခဲ့သည့် လကမ္ဘာ၏ မြေသားသက်တမ်းမှာ မည်မျှရှိသနည်း။ ။

၂၅။ နတ်သမီးပုံပြင်များ Fairy Tales ကို မည်သည့်အချိန်ကပထမဆုံး စတင်စုစည်းခဲ့သူမှာ မည်သူဖြစ်ပါသနည်း။

၂၆။ ရှေးခေတ် အီဂျစ်လူမျိုးများသည် မည်သည့်အခါတွင် သူတို့၏ မျက်ခုံးမွေးများကို ရိတ်ကြသနည်း။

၂၇။ အမေရိကန် တော်လှန်ရေးစစ်ပွဲ The American Revolutionary War သည် ၁ရ၈၃ ခုနှစ်တွင် အဘယ်ကြောင့်ပြီးဆုံးသွားရသနည်း။ ။

၂၈။ ကမ္ဘာပေါ်တွင် လူနာကို အပ်စိုက်ကုထုံးဖြင့် ကုသနည်းစနစ်ကို မည်သည့်အချိန်က မည်သူ စတင်အသုံးပြုခဲ့ပါသနည်း။

၂၉။ အိန္ဒိယပျံလွှားငှက် Indian Swift သည် တစ်နာရီလျှင်မည်မျှအကွာအဝေးအထိ ပျံသန်းနိုင်သနည်း။ ။

၃၀။ “အိပ်စက်လမ်း လျှောက်ခြင်း’ Sleep-walking သည် လူကြီးများနှင့် ကလေးများတွင် မည်သူပို၍ အဖြစ်များသနည်း။ ။

၃၁။ အစာအိမ် ၄ ခုရှိသော သတ္တဝါ မည်သည့်သတ္တဝါဖြစ်ပါသနည်း။ ။

၃၂။“အလံ” Flag ကို မည်သည့်လူမျိုးများက စတင်ပြုလုပ် အသုံးပြုခဲ့ပါသနည်း။

၃၃။ ကဗျာလင်္ကာ ၄ဝဝ ကျော် ဖွဲ့ဆိုခဲ့ကာ ကဗျာအများစုမှာ အမျိုးသမီးတစ်ဦးသို့ ရည်ညွှန်းဖွဲ့ဆိုခဲ့ပြီး ဥရောပစာပေလောကအပေါ် ဩဇာလွန်စွာ သက်ရောက်ခဲ့သည့် ကဗျာ ဆရာမှာ မည်သည့်နိုင်ငံက ကဗျာဆရာဖြစ်ပါသနည်း။

၃၄။ “အစရှိသဖြင့်'၊ “အမည်နာမတပ်၍ မဆိုနိုင်သော အရာ များ”၊ “သဗ္ဗရနံ့ပေါင်း'၊ “ဗြုတ်စဗျင်းတောင်း ́ ဟု အဓိပ္ပာယ် ရသည့် Etc. (အင်္ဂလိပ်စာလုံးပေါင်း Ecetera) သည် မည်သည့်ဘာသာစကားမှ ဆင်းသက်လာသော စကားလုံးဖြစ်၍ မည်သည့်အချိန်ကာလက စတင်သုံးစွဲခဲ့ပါသနည်း။

၃၅။ NOW ၏ အရှည်အမည်ကို ဖော်ပြပါ။

၃၆။ ၁၉၄၁ ခုနှစ်၊ မေလ ၈ ရက်နေ့က မစ္စစပီမြစ်ကြီး Mississippi River ကို စတင်တွေ့ရှိခဲ့သူမှာ မည်သူဖြစ်ပါသနည်း။

၃ရ။ ပထမဦးဆုံး ရုပ်ရှင်အော်စကာဆု Oscars ပေးပွဲကို မည်သည့်နှစ်၊ လ၊ ရက်တွင် ကျင်းပခဲ့ပါသနည်း။

၃၈။ ဂျပန်နိုင်ငံတွင် “ဘိုးဘွားများဂုဏ်ပြုနေ့” Respect for | the Aged Day ကို နှစ်စဉ် မည်သည့်အချိန်တွင် ကျင်းပကြသနည်း။

၃၉။ မြန်မာစာပေပညာရှင်ကြီး “လယ်တီပဏ္ဍိတဦးမောင်ကြီးကို မည်သည့်အချိန်က မည်သည့်ဒေသတွင် မွေးဖွားခဲ့ပါ သနည်း။

၄၀။ မသေနိုင်သော နတ်ငှက်ဖြစ်သည်ဟု ဆိုကြ၍ အာရေဗျတောကြီးမျက်မည်းတွင်ရှိသည်ဟု ယူဆခဲ့ကြကာ အလွန် လှပသော ငှက်ဖြစ်ပြီး မီးရှို့ခံရ၍ တစ်ကိုယ်လုံး ပြာကျသော်ငြားလည်း ပြာမှပြန်၍ နဂိုအတိုင်းသာမက ပို၍နုပျို သန်စွမ်းလာသည်ဟု ဆိုကြကာ တချို့ဒဏ္ဍာရီများက နှစ် ၅ဝဝ အသက်ရှည်သည့်ငှက်မဟုတ်ဘဲ နှစ်ပေါင်း ၉၂၀၀ အသက်ရှည်သည့်ငှက်ဟု ဆိုကြသောငှက်မှာ မည်သည့်ငှက်ဖြစ်ပါသနည်း။

၄၁။ ဒုတိယကမ္ဘာစစ်အတွင်း မြန်မာ့ရှေးဟောင်းအမွေအနှစ် ပုဂံဒေသအား မဟာမိတ်စစ်တပ်မှ ဗုံးကြဲတိုက်ခိုက်မှု ကင်းဝေး ၍ စစ်နယ်မြေမသတ်မှတ်မိစေရန် မေတ္တာရပ်ခံ ဆောင်ရွက်ခဲ့သူမှာ မည်သူနည်း။

၄၂။ လက်ရေးတိုပညာသည် မည်သည့်အချိန်က စတင်ထွန်းကားခဲ့ပါသနည်း။

၄၃။ W.F.U.N.A ၏ အရှည်ကောက်အမည်ကို ဖော်ပြပါ။

၄၄။ လန်ဒန်မျှော်စင် London Tower သည် မည်သည့်အကြောင်းကြောင့် ထင်ရှားရသနည်း။ ။

 ၄၅။ “မနုကျယ်ဓမ္မသတ်”ကို မည်သည့်ဘုရင် လက်ထက်တွင်မည်သူက ပြုစုခဲ့ပါသနည်း။ ။

၄၆။ စူးအက်တူးမြောင်း Suez Canal ကို နိုင်ငံပိုင်ပြုလုပ်သည့်နှစ်မှာ မည်သည့်နှစ်ဖြစ်သနည်း။

၄၇။ “သက်တန့်’ Rainbow တွင် အရောင်ဘယ်နှ မျိုးရှိ၍အရောင်များမှာ မည်သည့်အရောင်များ ဖြစ်ကြသနည်း။

၄၈။ အိန္ဒိယနိုင်ငံ၏ Father of the Nation ဆိုသည့် ပုဂ္ဂိုလ်မှာ မည်သူနည်း။

၄၉။ ၁၉၆၅ ခုနှစ်၊ သြဂုတ်လအတွင်း ကျင်းပခဲ့သော မီရှီဂန်တက္ကသိုလ်၏ အရှေ့တိုင်းပညာရှင်များ ကွန်ဖရင့်တွင် ဖတ်ကြားခဲ့ကာ ယင်းကို ထပ်မံဖြည့်စွက်၍ ပုံနှိပ်ထုတ်ဝေခဲ့သည့် Burmese History Before 1287 အေဒီ ၁၂၈၅ ခုနှစ် မတိုင်မီ မြန်မာ့သမိုင်းစာအုပ်ကို ရေးသားခဲ့သူမှာ မည်သူနည်း။

၅၀။ မြန်မာနိုင်ငံ ကိုလိုနီခေတ်တွင် ပထမဆုံးအကြိမ် အစိုးရသိန်းထီဌာနကို မည်သည့်အချိန်တွင် စတင်ဖွင့်လှစ်ခဲ့၍ ထီလက်မှတ်တစ်စောင်လျှင် မည်သည့်နှုန်းဖြင့် ရောင်းချခဲ့သနည်း။

၅၁။ ရန်ကုန်မြို့ရှိ ဆူးလေစေတီတော်အနီးရှိ သမိုင်းဝင် ရန်ကုန်မြို့တော်ခန်းမကို မည်သည့်အချိန်တွင် စတင်ဆောက်လုပ်ခဲ့သနည်း။

၅၂။ ဝိုင်အမ်ဘီအေဆရာတင် ရေးစပ်သည့် “တို့ဗမာသီချင်း”ကိုရန်ကုန်တက္ကသိုလ် သထုံဆောင် သဟာယနှင့် စာဖတ်ခန်းမတွင် မည်သည့်အချိန်က ပထမဆုံး သီဆိုခဲ့ကြသနည်း။

၅၃။ ၁၉၂၁ ခုနှစ်၊ သြဂုတ်လ ၁၄ ရက်နေ့တွင် ဖွင့်လှစ်ခဲ့သော“အမျိုးသားကောလိပ်”ကို မည်သည့်နေရာတွင် ဖွင့်လှစ်ခဲ့သနည်း။

၅၄။ ကမ္ဘာ့ပထမဆုံး သိပ္ပံဝတ္ထုမှာ မည်သည့်ဝတ္ထုဖြစ်၍ မည် င်သည့်ခုနှစ်တွင် ရေးသားခဲ့သနည်း။

၅၅။ ဥရောပတိုက်သားများထဲမှ မြောက်အမေရိကသို့ ပထမဆုံးခြေချသူများမှာ မည်သူတို့ဖြစ်ကြသနည်း။

၅၆။ သံဘူးအဖုံးဖွင့်ကိရိယာကို မည်သည့်ခုနှစ်တွင် မည်သူကစတင်တီထွင်ခဲ့သနည်း။ ။ ၅၅။ အမေရိကန်နိုင်ငံမှ စာပေနိုဘယ်ဆုကို ပထမဆုံးရရှိခဲ့သူအမျိုးသမီးစာရေးဆရာမှာ မည်သူဖြစ်၍ ဆုကို မည်သည့်ခုနှစ်တွင် ရရှိခဲ့သနည်း။

၅၈။ ကျွန်ုပ်တို့၏ကမ္ဘာတွင် ရေထုရာခိုင်နှုန်း မည်မျှဖုံးလွှမ်းနေသနည်း။

၅၉။ ကမ္ဘာ့မြေပြင်ပေါ်မှ လေထုထဲသို့ နှစ်စဉ် လေထုညစ်ညမ်းစေသည့် စက်ရုံမီးခိုး၊ အမှိုက် စသည်တို့ကဲ့သို့ ညစ် ညမ်းစေသော ပစ္စည်းတန်ပေါင်း မည်မျှထုတ်လွှင့်လျက်ရှိသနည်း။

၆၀။ မော်တော်ကား မတော်တဆ ဖြစ်ပွားမှုကြောင့် ခြေထောက်တစ်ဖက် ဖြတ်လိုက်ရကာ ပထမဦးဆုံး မသန်စွမ်း သူအဖြစ် ၁၉၉၈ ခုနှစ်တွင် ခြေထောက်တစ်ဖက်တည်းဖြင့် ဧဝရက်တောင်ထိပ်သို့ အောင်မြင်စွာ တက်ရောက်ခဲ့သူမှာ မည်သူဖြစ်ပါသနည်း။