မင်းပုည - ဂန္ဒီ သို့မဟုတ် မဟာလူသား

(၁)

သေမှာမကြောက်နဲ့

အရူးတစ်ယောက်ရဲ့ ကျည်ဆန်နဲ့ 

ကျွန်ုပ်သေရမယ်ဆိုရင်

 ပြံးပြုံးကြီး အသေခံလိုက်ပါမည်။

ကျွန်ုပ် စိတ်မဆိုးပါ။ 

ကျွန်ုပ်၏ နှလုံးသားထဲမှာ

ကျွန်ုပ်၏ နှုတ်ခမ်းတွေထက်မှာ

ဘုရားသခင် ရှိနေမှာပါ။

တစ်ခုတော့ ကတိပေးပါ။ 

အဲသလိုများ ဖြစ်လာခဲ့ရင် 

 ခင်ဗျား မျက်ရည်မကျဘူးဆိုတာတော့ 

ကတိပေးပါ။

 

ကျွန်ုပ်က အဲဒီလို ပြောလိုက်တော့ ဘယ်လိုအဖြေပေးကြ မလဲ။ အခု မပေးနိုင်ရင် အေးဆေးမှ ပေးပါ။ ကျွန်ုပ်က နိုင်ငံ အတွက် လုပ်နေတာ။ လူမျိုးအတွက် လုပ်နေတာ။

အဲဒီလို လုပ်နေတာကို အာဏာ အရူးတွေက ကြိုက် ချင်မှ ကြိုက်ကြမှာ။ ဘာဖြစ်လို့လဲဆိုတော့ သူတို့ရဲ့ အတ္တဆန် တဲ့ လုပ်ရပ်တွေကို ကျွန်ုပ်က ထုတ်ဖော်ပြောနေတာလေ။ အဲဒါ ဟန့်တားနေသလို ဖြစ်နေတာပေါ့။

ဒါကြောင့် အဲဒီအရူးတွေထဲက တစ်ယောက်ဟာ ကျွန်ုပ် ကို အချိန်မရွေး သေနတ်နဲ့ ပစ်နိုင်တယ်။ အဲဒါကို ဝမ်းနည်းပူ ဆွေးပြီး သောကမျက်ရည်များ ကျနိုင်ပါတယ်။ ဒီလိုမျက်ရည်ကျ ရင် ပျော်ရွှင်ကျေနပ်နေကြလိမ့်မယ်။ အဲဒါကြောင့် မျက်ရည်မကျ ဖို့ တောင်းတာပါ။

ဒီထက်ရှင်းအောင် ပြောရရင် ကျွန်ုပ် အဲဒီအရူးရဲ့ သေနတ် ကျည်နဲ့ သေသွားခဲ့ရင် ကျွန်ုပ် လုပ်ခဲ့တဲ့ ငြိမ်းချမ်းရေးအလုပ်တွေ ဆက်လုပ်ပါ။

 

နိုင်ငံနဲ့ လူမျိုးအတွက် ကြိုးစားလုပ်ဆောင်ကြပါ။ လွတ် လပ်ရေး မရသေးလို့ တိုက်ပွဲဝင်ခဲ့ကြသလို လွတ်လပ်ရေးရပြီး လည်း အရင်းရှင်ဝါဒကို တိုက်ပွဲဝင်ကြပါ။

လူမျိုးတိုင်း ခပ်ပေါ့ပေါ့ မနေကြပါနဲ့။ လေးလေးနက် နက် ပြောဆိုနေထိုင်တာကို ကျွန်ုပ်လိုလားပါတယ်။ သဘောလည်း ကျပါတယ်။ ကမ္ဘာပေါ်မှာ အိန္ဒိယနိုင်ငံဟာ အင်မတန် ကြီးမားတဲ့ နိုင်ငံတစ်ခု ဖြစ်ပါတယ်။ဒီနိုင်ငံကြီး တစ်ပါးသူများရဲ့ လက်အောက်ကို ကျရောက် သွားတယ်ဆိုတာ အလွန်ရှက်စရာ ကောင်းပါတယ်။ နိုင်ငံသား တိုင်း စည်းလုံးမှုအားနည်းလို့ လေ့လာမှု အားနည်းလို့ပဲ ပြောရ မှာပါ။

 

ကျွန်ုပ် အပြစ်တင်ပြီး ပြောဆိုနေတာ မဟုတ်ပါဘူး။ နိုင်ငံနဲ့လူမျိုးတွေအတွက် နှမြောလို့ပါ။ အဲဒါကြောင့် ပြောရတာ ပါ။ ကျွန်ုပ်တို့နေထိုင်တဲ့ နိုင်ငံကြီး တစ်ပါးသူ လက်အောက်ကို ကျရောက်တာဟာ များစွာနစ်နာပါတယ်။ ။

သူတို့ ပြုသမျှ နုနေရပါတယ်။ သူတို့ထုတ်တဲ့ ဥပဒေ အတိုင်း နေရပါတယ်။ ပြန်ပြောသူကလည်း ပြစ်ဒဏ်ခံရတတ် ပါတယ်။"

ကျွန်ုပ် ပြောချင်ပါတယ်၊ ပြစ်ဒဏ်ခံရတာကို မကြောက် ကြပါနဲ့။ နိုင်ငံနဲ့လူမျိုး ဒုက္ခရောက်မှာကိုသာ ကြောက်ကြပါ၊ စိုးရိမ်ကြပါ။ ကျွန်ုပ်တို့က တွန်းလှန်တိုက်ခိုက်မှ နောင်လာ နောင်သားများအတွက် အေးချမ်းမှာပါ။ 

 

ကျွန်ုပ်တို့မှာ တာဝန်တွေ အများကြီး ရှိပါတယ်။ ဒီတာဝန် တွေကို ပြီးပြတ်အောင် ထမ်းဆောင်သွားနိုင်မှ အနာဂတ်အိန္ဒိယ နိုင်ငံကြီး အေးချမ်းသွားမှာ ဖြစ်ပါတယ်။ အဲဒါကြောင့် ကျွန်ုပ် ပြောချင်ပါတယ်။ “အနာဂတ် အိန္ဒိယနိုင်ငံ တိုးတက်ဖို့အတွက် ကျုပ်တို့ လူကြီးတွေမှာ တာဝန်ရှိပါတယ်”

ဒါကြောင့် ကျွန်ုပ်အပါအဝင် အားလုံးက တာဝန်သိသိ လက်ဆင့်ကမ်းအမွေကို ခွဲပေးကြဖို့ လိုအပ်ပါတယ်။

 

ခုလို ပြောရတာ ကျွန်ုပ် တစ်ယောက်တည်းအတွက် မ ဟုတ်ဘူး။ ပြည်သူအားလုံးအတွက် ပြောတာပါ။ အမှန်တော့ ကျွန်ုပ်ဟာ အိန္ဒိယနိုင်ငံအတွက် လူလာဖြစ်တာလို့ ထင်နေမိတယ်။

ကျွန်ုပ်တစ်ယောက်တည်းရဲ့ ဆန္ဒကို တင်ပြတာပါ။ အခြား သူများလည်း ကျွန်ုပ်လို ဆန္ဒရှိမယ်လို့ ယုံကြည်နေပါတယ်။

အမှန်တော့ အိန္ဒိယနိုင်ငံဟာ ကမ္ဘာပေါ်မှာအ မြင့်မြတ်ဆုံးနိုင်ငံလို့ သတ်မှတ်ရင်လည်း သတ်မှတ်နိုင်ပါတယ်။

 

ကျွန်ုပ်ကတော့ ဒီလိုပဲ သတ်မှတ်ချင်ပါတယ်။ မြင့်မြတ် တဲ့နိုင်ငံမှာနေထိုင်တဲ့ လူများရဲ့ စိတ်ထားဟာ မြင့်မြတ်ပါတယ်။ အဲဒါကြောင့် တိုင်းတစ်ပါးသားများကို တွန်းလှန်တဲ့အခါ မြင့် မြတ်တဲ့ စိတ်ထားနဲ့ တွန်းလှန်ရမှာပါ။ ကျွန်ုပ်ကတော့ အကြမ်း မဖက် အနုနည်းနဲသာ တောင်းဆိုနေပါတယ်။

အဲဒါကြောင့် အစမှာ ကျွန်ုပ် ပြောခဲ့ပါတယ်။ အရူးတစ် ယောက်ရဲ့ ကျည်ဆန်နဲ့ ကျွန်ုပ် သေရမယ်ဆိုရင် * ပြုံးပြုံးကြီး အသေခံလိုက်ပါမည် ဆိုတာလိုပေါ့။ ပြည်သူများ ကျည်ဆန်ကို မကြောက်ပါနဲ့။ နိုင်ငံနဲ့ လူမျိုးတို့ရဲ့ အပြစ်တင်မှာကိုသာ ကြောက်ကြပါလို့ ပြောချင်ပါတယ်။

 

(၂)

လူသားတစ်ယောက် မွေးဖွားခြင်း 

တိုင်းပြည်အားလုံး၏ 

ယဉ်ကျေးမှုများက ကျွန်ုပ်၏ အိမ်ကို . 

လွတ်လွတ်လပ်လပ်ကြီး ဖြိုလှဲပစ်လိုက်တာ၊ 

ကျွန်ုပ် လိုချင်သည်။ 

သို့သော်.. ကျွန်ုပ်၏ ရပ်တည်ချက်အား ဖြိုလှဲမည်ကိုမူ

ကျွန်ုပ် ငြင်းဆိုသည်။ 

 

ကျွန်ုပ်၏မျိုးတို့မှာ ဘာဟိနယဇာတ်နွယ်ဝင်များ ဖြစ်ကြ တယ်။ မူလက ကုန်စုံဆိုင် ရောင်းချဟန်ရှိတယ်။ သို့သော် ကျွန်ုပ် ၏အဘိုးမှစ၍ ဆွေစဉ်သုံးဆက်တို့မှာ ၎င်းတို့သည် ကာသိယာ ဝဒ်ပြည်နယ်များတွင် နန်းရင်းဝန်များ ဖြစ်ကြပါတယ် ။

ကျွန်ုပ်၏အဘိုးဖြစ်သူ ဥတ္တမချန်းဂန္ဒီ သို့မဟုတ် ဥတ္တဂန္ဒီ ဟာ စည်းကမ်းကြီးသူတစ်ယောက်။ နန်းတွင်း အရှုပ်အထွေးများကြောင့် သူ့ဟာသူ နန်းရင်းဝန် ဖြစ်နေတဲ့ ပေါ်ဘန်ဒါကိုစွန့်ခွာပြီး - ဂျန၁ကဒ်ကို ပြောင်းရွှေ့ခဲ့တယ်။ ဂျနာဂဒ်မှာ သူဟာ နယ်စားကိုဘယ်ဘက်လက်နဲ့ အလေးပြုပါတယ်။ အဆိုပါအပြုအမူကို မြင် | တဲ့လူများက မေးကြပါတယ်။

အဲဒါကို သူက.. “ညာဘက်လက်သည် ပေါ်ဆန်ဒါအား သစ္စာခံပြီးဖြစ် တယ်” - ဟု ဖြေကြားခဲ့တယ်။

 

ဥတ္တဂန္ဒီဟာ ပထမဇနီး ကွယ်လွန်ပြီးနောက် အိမ်ထောင် | သစ် ထူထောင်ပါတယ်။ ပထမဇနီးနဲ့ သားလေးယောက် ရရှိပြီး ဒုတိယအိမ်ထောင်နဲ့ သားနှစ်ယောက် ရရှိခဲ့ပါတယ်။ ကျွန်ုပ် ငယ်စဉ်က ဥတ္တဂန္ဒီရဲ့ သားများဟာ မိခင်တစ်ဦးတည်းမှ မဟုတ် ကြောင်း မသိခဲ့ပေ။

၎င်းတို့အနက် ပဉ္စမသားမှာက ရမ်ချန်းဂန္ဒီ သို့မဟုတ် ကမ္ဘာဂန္ဒီ ဖြစ်ပြီး၊ ဆဋ္ဌမသားမှာ ကူလစီဒက်စ်ဂန္ဒီ ဖြစ်တယ်။ ၎င်းတို့နှစ်ဦးစလုံးမှာ ပေါ်ဘန်ဒါတွင် နန်းရင်းဝန်များ ဖြစ်ကြပါ တယ်။

 ကမ္ဘာဂန္ဒီဟာ ကျွန်ုပ်ရဲ့ မွေးသဖခင် ဖြစ်ပါတယ် သူဟာ ရာဂျစ္စတန်နစ် တရားရုံးရဲ့ တရားသူကြီးတစ်ဦးလည်း ဖြစ်ပါ တယ်။အဆိုပါတရားရုံးများမှာ ယခုအခါ မရှိသော်လည်း ထို အခါက နယ်စား၊ မြို့စားများနဲ့ ၎င်းတို့ရဲ့ လက်အောက်ငယ်သား များရဲ့ အမှုအခင်းများကို စီရင်ဆုံးဖြတ်ရန် အလွန်ကို ဩဇာရှိ ပါတယ်။ , ,

သူဟာ ရာဂျ်ဂေါ့မှာ လည်းကောင်း၊ ဗန်ကာနာမှာ လည်း ကောင်း နန်းရင်းဝန် ဖြစ်ခဲ့တယ်။ အလားတူ ကမ္ဘာဂန္ဒီဟာ ဇနီးတစ်ယောက်ဆုံးလျှင် နောက်တစ်ယောက် လက်ထပ်ခဲ့ရာ စုစုပေါင်း ဇနီးလေးယောက် ရှိခဲ့ပါတယ်။

သူ့ရဲ့ ပထမဆုံးနဲ့ ဒုတိယဇနီးများမှ သမီးနှစ်ယောက် ထွန်း ကားခဲ့တယ်။ နောက်ဆုံးဇနီး ပုတလီဆိုင်မှ သမီးတစ်ယောက်နဲ့ သားသုံးယောက် ထွန်းကားရာ ကျွန်ုပ်မှာ အငယ်ဆုံးဖြစ်လေ တယ်။

ကျွန်ုပ်၏ ဖခင်မှာ သူ့အမျိုးကို ချစ်သူဖြစ်ပါတယ်။ တော် တယ်၊ မှန်ကန်တယ်၊ ရဲရင့်တယ်၊ ရက်ရောတယ်။ သို့ရာတွင် စိတ်တိုတတ်တယ်။ တစ်စုံတစ်ခုသော အတိုင်းအတာအထိ သူ ဟာ မ,ဘက်ကို လိုက်စားခဲ့လေတယ်။

အဘယ်ကြောင့်ဆိုသော် စတုတ္ထအကြိမ် အိမ်ထောင်ပြု သောအခါ သူ့အသက်မှာ လေးဆယ်ကျော်နေပြီ။ သို့သော် ကျွန်ုပ် ဖခင်မှာ လာဘ်ကြောင့် ပျက်စီးမှု လုံးဝမရှိခဲ့ပေ။ အိမ်ထောင် အတွင်းတွင်ရော အပြင်အပတွင်ပါ ဖခင်ရဲ့ ဘက်မလိုက်မှာကျော်ကြားလှပါတယ်။ ဖခင်ရဲ့ ပြည်နယ်အပေါ် သာရှိမှုမှာ အများသိတဲ့ကိစ္စ ဖြစ်ပါတယ်။တစ်ခါက ဘုရင်ခံရဲ့ နိုင်ငံရေးကိုယ်စားလှယ်ဟာ သူ့ရဲ့ ဖခင်ဖြစ်တဲ့ ရာဂျ်ဂေါနယ်စားကို စော်ကားမော်ကား ပြောပါ တယ်။

အဲဒီအခါ ချက်ချင်းထပြီး ချေပပါတယ်။ နိုင်ငံရေးကိုယ် စားလှယ်ဟာ စိတ်ဆိုးပြီး သူ့ကို တောင်းပန်ခိုင်းပါတယ်။

ဖခင်က မတောင်းပန်ပါ။ အဲဒီကိစ္စအတွက် နာရီအနည်း ငယ် အချုပ်ခံရပါတယ်။ ကျွန်ုပ်ရဲ့ဖခင်ဟာ ပစ္စည်းဥစ္စာ စုဆောင်း "ရန် ရည်ရွယ်ချက်မရှိသူ ဖြစ်လေရာ သူကွယ်လွန်တဲ့အခါ အမွေ ပစ္စည်း အနည်းငယ်သာ ကျန်ရစ်ခဲ့ပါတယ်။

ဖခင်မှာ အတွေ့အကြုံမှအပ အခြားပညာမရှိ။ အများဆုံး ဆိုရရင် ဖခင်ရဲ့ ပညာအရည်အချင်းမှာ ဂျဂျာရတ္တိဘာသာ ပဉ္စမ တန်းသာ ရှိပါတယ်။ ပထဝီဝင်နဲ့ သမိုင်းကို သူ လုံးဝနားမလည်။

သို့သော် ဖခင်ရဲ့ အတွေ့အကြုံက သူ့အား ခက်ခဲတဲ့ ပြဿနာရပ်များကို ဖြေရှင်းရန်နဲ့ ရာပေါင်းများစွာတဲ့ လူများအားစီမံအုပ်ချုပ်ရန် အထောက်အကူပြုပါတယ်။ အလားတူ ဖခင်ဟာ ဘာသာရပ်ဆိုင်ရာ အသိဉာဏ်လည်း များစွာမရှိ။

 

များစွာသော ဟိန္ဒူတို့ကဲ့သို့ ဘုရားသွား ကျောင်းတက် ခြင်း၊ ဘုန်းကြီးဟောတဲ့တရားကို နာခြင်းမှ ရရှိတဲ့ အသိဉာဏ်လောက်သာ ရှိပါတယ်။ ဖခင်မှာ မသေမီက ခင်မင်တဲ့ ဗြဟ္မာ ၊ တစ်ဦးရဲ့ အကူအညီနဲ့ ဂီတ(ဘဝဝါဂီတကျမ်းစာ)ကို လာခဲ့ ပါတယ်။ ဂီတမှ ဂါထာအချို့ကို ဘုရားရှိခိုးတိုင်း ဆိုလေ့ရှိပါ တယ်။

အဲဒါက ဖခင်ရဲ့ စိတ်နေသဘောထား။ မိခင်ရဲ့ အကြောင်း ( အထူးခြားမှတ်မိသည်မှာ ကျွန်ုပ်ရဲ့ မိခင်မှာ သူတော်စင် ဖြစ်လေတယ်။ မိခင်မှာ ဘာသာရေးတွင် နက်နဲစွာ ကိုင်းရှိုင်းလှပါတယ်။ နေ့စဉ် ဘုရားဝတ်ပြုဆုတောင်းခြင်း မရှိဘဲ ထမင်းစားရန် မစဉ်းစားပေ။

 

* ဗိဿနိုးဘုရားကျောင်းကို သွားရခြင်းဟာ မိခင်အတွက် နေ့စဉ်ဝတ္တရားကြီးတစ်ခု ဖြစ်ပါတယ်။ ကျွန်ုပ် မှတ်မိသလောက် ဆိုရရင် မိခင်က မိုးတွင်းလေးလ ဥပုသ်သီလသီတင်း ဆောက် တည်ခြင်းကို မည်သည့်အခါမှ မလစ်လပ်ပေ။

မိခင်ဟာ အပြင်းအထန်ဆုံး သီလကို ဇွဲကောင်းကောင်း နဲ့ ဆောက်တည်တတ်ပါတယ်။ မကျန်းမာခြင်းဟာ မိခင်အတွက်  သီလကို ချိုးဖောက်ရန် ဆင်ခြင်တစ်ခု မဟုတ်ပေ။ တစ်ခါက မိခင်နေမကောင်းလျက်နဲ့ ဆန္ဒရနဥပုသ်ကို အပျက်မခံ။

 

မှတ်ချက်။ ဆရူရနဥပုသ်ဟာ လရဲ့အဘိုးအဆုတ်ကို မူ တည်ပြီး နေ့စဉ်စားတဲ့ အစားအစာကို စားခြင်း လျှော့ခြင်း ပြု လုပ်ရတယ်။ လဆုတ်ရက်များမှာ အစားအစာကို လျှော့ပြီးစားရ ပါတယ်။

နှစ်ရက် သုံးရက်ဆက်ပြီး အစားမစားတဲ့ ဥပုသ်ဆောက် တည်ရခြင်းဟာ မိခင်အတွက် ဘာမှမဟုတ်ပေ။ ချတ္တုမာသ(မိုးလေးလ)အခါမှာ တစ်နေ့တစ်ထပ်စားပြီး နေခြင်းက မိခင်အတွက် - အကျင့်ဖြစ်နေပါတယ်။ ဤမျှနဲ့ မတင်းတိမ်ဘဲ တစ်ရက်ခြား အစာမစားဘဲ ဥပုသ်စောင့်လေ့ ရှိပါတယ်။

တစ်ခါမှာ မိခင်ဟာ နေကိုမမြင်ရဘဲ ထမင်းမစားရန် အဓိဋ္ဌာန်ပြုလိုက်ပါတယ်။ ကျွန်ုပ်တို့ကလေးများမှာ မိုးပေါ်မော့ ပြီး နေထွက်မည့်အချိန်ကို မျှော်ရတယ်။ မိုးဥတု အလယ်ကာလမှ | နေကလည်း တစ်နေ့လုံး နေတစ်ခါထွက်ရန် အလွန်ခဲယဉ်းလှ တယ်။

တစ်ခါတစ်ရံ နေထွက်လာသဖြင့် ကျွန်ုပ်တို့မှာ ဝမ်းသာ အားရ မိခင်ထံပြေးပြီး သတင်းပို့ပါတယ်။ မိခင်မှာ သူကိုယ် တိုင် ကြည့်ဦးမယ်ဟုဆိုကာ ထွက်ကြည့်ပါတယ်။

အဲဒီအချိန်မှာ နေဟာ တိမ်ထဲကို ဝင်ရောက်ပုန်းကွယ် သွားတယ်။ အဲဒီလိုနဲ့ မိခင်ဟာ ထမင်းမစားရတဲ့ ရက်ပေါင်း အတော်ကို များပါတယ်။ ထိုအခါများမှာ မိခင်က “ထမင်းမစား ရတာ အရေးမကြီးပါဘူး၊ ဘုရားသခင်က ဒီနေ့ ငါ့ကို ထမင်း မစားစေချင်ဘူး”လို့ ပျော်ပျော်ရွှင်ရွှင်ပြီး အိမ်မှုတာဝန်ကို ဆက် လက်ထမ်းဆောင်နေပါတယ်။

တကယ်တော့ ကျွန်ုပ်ရဲ့ မိခင်မှာ စဉ်းစားဉာဏ် အတော် ပင် ရင့်သန်ပါတယ်။ ပြည်နယ်ရေးရာကိစ္စများကိုလည်း အလုံးစုံ သိပါတယ်။ နန်းတွင်းမှ အမျိုးသမီးများဟာ မိခင်ကို လေးစား ကြပါတယ်။ မိခင်ရဲ့ အသိဉာဏ်ကို ချီးကျူးကြပါတယ်။ - ကျွန်ုပ်ဟာ မိခင်နဲ့ အတူ မကြာဏ လိုက်သွားတတ် တယ်။ မိခင်နဲ့ ရာကျော် ပြည်နယ် နယ်စားရဲ့ မိခင် မုဆိုး မကြီး ရင်းနှီးစွာ ဆွေးနွေးတိုင်ပင်ကြတာကို မကြာခဏ တွေ့ခဲ့ရပါ တယ်။