မင်းထက်မောင် - ဒီလိုညနေခင်းမျိုးမှာငါစဥ်းစားနေမိတာ

ဒီလိုညနေခင်းမျိုးမှာ ငါစဉ်းစားနေမိတာ

ငွေပန်းဖြူဖြူဖွေးဖွေးကလေး

ငွေပန်းဖြူဖြူဖွေးဖွေးကလေး

ခြောက်သွေ့ညစ်နွမ်း ရနံ့ပြယ်လွင့်လို့

လမ်းပေါ်မှာ ပြားချပ်နေ။

ဟိုယခင် ရက်တွေတုန်းကတော့

သူ့မိခင် ပင်ယံထက်ဆီမှာ

လန်းဆန်းမြူးကြွ လှသွေးရည်ဝနေခဲ့ပေလိမ့်။

၁၊ ၈၊ ၂၀၁၂။

ငါတို့ခေတ်ရဲ့ နတ်မြင်းပျံ

တရားမဝင် နံပါတ်မဲ့ဆိုင်ကယ်တွေ

မြက်ရိုင်းတွေမျိုးပွားသလို ပွထများပြား

ရန်ကုန်မြို့ရဲ့ အစွန်အဖျား။

ရပ်ကွက်ကြို ရပ်ကွက်ကြားက

လမ်းတိုလမ်းသွယ်များမှာ ဆူညံပြေးလွှား

ငါတို့ခေတ်ရဲ့ နတ်မြင်းပျံတွေလား။

ဧည့်သည်ကြီးရဲ့ လက်ဆောင်တေး

“ဆေးလိပ်လည်းကို

နေလည်းသိပြီ

 ငါ့ကို ပြန်ပို့ကြပါလေတဲ့ သူ့ကဗျာ။

ဧည့်သည်ကြီး ပြန်သွားတာကြာခဲ့ပြီ

သူထားရစ်ခဲ့တဲ့ လက်ဆောင်လေးတစ်ပုဒ်ကတော့

လူတိုင်းရဲ့ ရင်ထဲလှုပ်ခတ်ဆဲ။

၁၊ ၈၊ ၂၀၁၂။