ဗိုလ်မှုးဘရှင် - အနော်ရထာအရင်ကမြန်မာနိုင်ငံ

မြန်မာနိုင်ငံသားတို့၏သမိုင်းအစ

          ရှေးခေတ် မြန်မာနိုင်ငံရာဇဝင်ဆရာတို့ကမူ ကျွန်ုပ်တို့၏သမိုင်းစဉ် သည် မြတ်စွာဘုရားလက်ထက်တော်မတိုင်မီ (၆ရာစုဘီစီ)ကပင်စသည်ဟု အစဉ်အလာအရ ဆိုပြုခဲ့ကြသည်။ ယင်းအဆိုပြုချက်ထက်ပင်စော၍ ကျွန်ုပ် တို့၏သမိုင်းစဉ်သည် မစခဲ့သလော။

          မြေထဲပင်လယ်အရှေ့ပိုင်းရှိ အီဂျစ်၊ ဘေဘီလုံစသော နိုင်ငံတို့တွင် လူတို့၏သမိုင်းစဉ်သည် ဘီစီ ၄ဝဝဝ ကျော်က စခဲ့ကြောင်း ခိုင်လုံသော အထောက်အထားများအရ သိနိုင်သည်။ အလားတူပင် တရုတ်ပြည် ဝေမြစ်ဝှမ်း တွင်လည်းကောင်း၊ အနောက်ပါကစ္စတန်ပြည် အိန္ဒုမြစ်ဝှမ်းတွင်လည်းကောင်း လူတို့၏သမိုင်းစဉ်သည် ဘီစီ ၃၀၀၀ ကျော်က စခဲ့ကြောင်း ဖေါ်ထုတ်ပေး သည့် အထောက်အထားများကို တွေ့ခဲ့ရပြီဖြစ်သည်။

          မြတ်စွာဘုရားလက်ထက်မတိုင်မီကပင် ကျွန်ုပ်တို့၏သမိုင်းစဉ် စခဲ့ သည်ဟူသော ရှေးခေတ်ရာဇဝင်ဆရာတို့၏အဆိုမှာ သိပ္ပံနည်းကျစွာ စစ်ဆေး ခြင်းကို ခံနိုင်မှုမရှိသော အဆိုဖြစ်သည်ဟု အချို့က စောဒကတက်ခဲ့ကြ၏။ သိပ္ပံနည်းကျစွာ လေ့လာသိရှိရသော ရှေးဦးလူများ၊ ကျောက်ခေတ်ဟောင်းကျောက်ခေတ်လယ် ကျောက်ခေတ်သစ်လူများဖြစ်သည့် သမိုင်းမတင်မီခေတ် လူတို့၏အကြောင်းကို အခြားအခြားသော နိုင်ငံတို့တွင် တွေ့ရှိနိုင်သလို ကျွန်ုပ် တို့နိုင်ငံတွင်လည်း မတွေ့ရှိနိုင်သလော။

          လူတို့၏သမိုင်းစဉ်ဟူရာ၌ အသက်ရှင်နေမှုအတွက် ယင်းလူတို့က ကြိုးပမ်းဆောင်ရွက်ခဲ့ပုံများ အကြောင်းပင် ဖြစ်သည်ဟု ရိုးရိုးပင် နားလည် နိုင်ပေသည်။ အသက်ရှင်နေရန် ကြိုးပမ်းခြင်းဆိုသည်မှာ စားဝတ်နေရေးအ တွက် ဖန်တီးဆောင်ရွက်မှုများပင် ဖြစ်သည်။ ယင်းသို့ဆောင်ရွက်ရာတွင် ကုန် ထုတ်စွမ်းအားများ၊ ကုန်ထုတ်ကရိယာများကို အနည်းနည်းအဖုံဖုံတီထွင် အ သုံးပြုလာခဲ့ကြရသည်။ ဤတွင် ကုန်လုပ်ဆက်ဆံရေးသည် မလွဲမသွေပေါ် ပေါက်လာရသည်။ ယင်းကုန်လုပ်ဆက်ဆံရေး၏နည်းနှင့်အသွင်တို့ကို အခြေ ပြု၍ လူတို့၏စီးပွားရေး၊ လူမှုရေး၊ နိုင်ငံရေးနှင့်ယဉ်ကျေးမှုတို့သည် ပုံတည် ပေါ်ပေါက်လာခဲ့သည်။ ပြောင်းလွဲလာခဲ့ရသည်။ ဤဖြစ်စဉ် ဖြစ်ရပ်တို့မှာ အ ဆန်းတကြယ် အံ့ဘွယ်သရဲဖြစ်ရပ်များ မဟုတ်။ ဖြစ်ရိုးဖြစ်စဉ်အတိုင်း ဖြစ်ခဲ့ သည့်သာမန်ဖြစ်စဉ်၊သဘာဝကျသော ဖြစ်စဉ်၊ ရိုးရိုးကလေး ဖြစ်ပျက်လာခဲ့သော ဖြစ်စဉ်သာ ဖြစ်သည်။ ဤဖြစ်စဉ်သည်ပင်လျှင် လူတို့၏သမိုင်း ဖြစ် သည်။

အနော်ရထာအရင်က

          ဥရောပတိုက်သား သမိုင်းဆရာတို့က ခိုင်လုံသော မြန်မာနိုင်ငံ၏ သမိုင်းစဉ်သည် အနော်ရထာမင်းကြီးလက်ထက်လောက်ကမှ စသည်ဟု ဆိုခဲ့ သည်ဖြစ်ရာ အနော်ရထာမင်းကြီး မတိုင်မီက ကျွန်ုပ်တို့၏သမိုင်းစဉ်သည် မည်သို့ရှိခဲ့သနည်း။ ကျွန်ုပ်တို့၏ကုန်လုပ်စွမ်းအား၊ ကုန်လုပ်ဆက်ဆံရေး၊ စီး ပွားရေးစနစ်နှင့်ယဉ်ကျေးမှုတို့သည် မည်သို့ရှိခဲ့သနည်း။ ကျွန်ုပ်တို့နိုင်ငံတွင် မည်သည့်ကာလလောက်ကစ၍ လူတို့နေထိုင်လာခဲ့ကြသနည်း။ သမိုင်းမတင် မီခေတ်က လူတို့၏စီးပွားရေးနှင့်လူမှုရေးဘဝတို့သည် မည်သို့ရှိခဲ့သနည်း။ ကျွန်ုပ်တို့နိုင်ငံတွင် သမိုင်းတင်ခေတ်သည် မည်သည့်အချိန်လောက်က စတင် ခဲ့သနည်း။ သမိုင်းတင်ခေတ်စသည်မှ အနော်ရထာမင်းကြီးလက်ထက်(၁၁ရာ စုအေဒီ)အထိ ကျွန်ုပ်တို့နိုင်ငံသားတို့၏ဖြစ်စဉ်သည် မည်သို့ရှိခဲ့သနည်း။ ဤ အမေးတို့၏ အဖြေများကို သိလိုကြမည်သာ ဖြစ်ပေသည်။

          သိပ္ပံနည်းကျကျ စစ်ဆေးခြင်းကို ခံနိုင်သော ခိုင်လုံသည့်မူရင်း အ ထောက်အထားများနှင့်အကိုးအကားများ ရှိမှသာ ယင်းအမေးများကို ဖြေဆို နိုင်ချိမ့်မည်။

          ယင်းသို့ ဖြေနိုင်စွမ်းရှိစေမည့် အထောက်အထားများ ရှိပါသလား။ ရှိပါသည်။ နှံ့နှံ့စပ်စပ် ပြည့်ပြည့်စုံစုံ ရှာဖွေလေ့လာခြင်း၊ တူးဖေါ်လေ့လာခြင်း မပြုနိုင်သေးသည့်တိုင်အောင် မြေပြင်လွှာပေါ်မှ အလွယ်တကူ ကောက်ယူရ ရှိနိုင်သော ရှေးဟောင်းအထောက်အထားများ အတော်အသင့် ရှိနေပါသည်။ ထို့ပြင် ဆက်စပ်ယူရမည့်ဘာသာဗေဒနှင့်မနုဿဗေဒအထောက်အထားများ ကိုလည်း အတော်အသင့် ရှာဖွေနိုင်ပါသည်။

          လက်လှမ်းမှီသမျှသော အထောက်အထားများကို အခြေပြု၍ ကျွန်ုပ် တို့နိုင်ငံအတွင်း နေထိုင်သွားခဲ့ကြသော သမိုင်းမတင်မီခေတ်လူများနှင့်အနော် ရထာမင်းကြီးလက်ထက်အထိ ဖြစ်သော သမိုင်းတင်ခေတ်အတွင်း နေထိုင်ခဲ့ ကြသော ရှေးလူတို့အသက်ရှင်နေမှုအတွက် လုံးပမ်းခဲ့ကြရပုံတို့ကို ဖေါ်ပြရာ ဖြစ်သော ထိုရှေးဟောင်းလူတို့၏ကုန်လုပ်ဆက်ဆံရေးနှင့်ယဉ်ကျေးမှုဆိုင်ရာ အကြောင်းခြင်းတများကို ခေတ်ပြောင်းတော်လှန်ရေး ဆင်နွှဲလျက်ရှိကြကုန်သော လုပ်သားပြည်သူတို့ထံ အကြမ်းအားဖြင့် တင်ပြရန်ဟူသော ဦးတည်ချက် ဖြင့် “အနော်ရထာအရင်က မြန်မာနိုင်ငံ (မြန်မာနိုင်ငံ ခေတ်ဟောင်းသမိုင်း) စာတန်းများကို ရေးသားပြုစုရခြင်း ဖြစ်ပါကြောင်း။

ပြည်ထောင်စုသမိုင်းဟူသည်

          ပြည်ထောင်စုမြန်မာနိုင်ငံ၏သမိုင်းဆိုရာ၌ လူများစုဖြစ်သော မြန်မာ စကားကို ပြောဆိုသူ တိုင်းရင်းသားတို့၏သမိုင်းကိုသာ ဆိုလိုသည်မဟုတ်ပါ။ ပြည်ထောင်စု မြန်မာနိုင်ငံအဖြစ်ပါဝင်ဖွဲ့စည်းထားအပ်သော ပြည်ထောင်စု တိုင်းရင်းသားအားလုံးတို့ အကျုံးဝင်သောသမိုင်းဖြစ်သည်။ အမြင်အားဖြင့် လည်းကောင်း၊ ပြောဆိုသော ဘာသာစကားအရလည်းကောင်း ဤတိုင်းရင်း သားတို့၏အသွင်အမျိုးမျိုး ဆောင်၍ ကွဲပြားသယောင်ရှိ၏။ စီးပွားရေးအခြေ အနေနှင့်ယဉ်ကျေးမှုအသွင်တို့တွင်လည်း ဆူကြုံနိမ့်မြင့် အဆင့်အမျိုးမျိုးတွင် ရောက်လျက်ရှိကြ၏။

          ယင်းသို့ ကွဲပြားခြားနားလင့်ကစား ဤတိုင်းရင်းသားအားလုံးတို့၏ ယဉ်ကျေးမှုတို့သည်လည်းကောင်း၊ သမိုင်းစဉ်သည်လည်းကောင်း၊ တနည်းဆိုသော် ပြည်ထောင်စုယဉ်ကျေးမှုသည်လည်းကောင်း၊ ပြည်ထောင်စုသမိုင်းစဉ် သည်လည်းကောင်း တူညီသော အရှိန်အဟုန် သို့မဟုတ် အစဉ်အလာပေါ် တွင် တည်နေသည်ဟု ဆိုနိုင်သည်။ ယင်းတို့၏အခြေခံမှာလည်း မူရင်းအား ဖြင့် တူညီသည်သာ ဖြစ်၏။

          ဤတိုင်းရင်းသားတို့၏စီးပွားရေး၊ လူနေမှုဘဝနှင့်ယဉ်ကျေးမှုတို့ကို ပြောင်းလဲစေခဲ့သော အကြောင်းတရားများသည်လည်းကောင်း၊ အစဉ်အလာ တို့သည်လည်းကောင်း ထပ်တူထပ်မျှသာ ရှိခဲ့သည်ဖြစ်၏။

အစကို ရှာသော်

          ပြည်ထောင်စုယဉ်ကျေးမှုနှင့်ပြည်ထောင်စုသမိုင်းစဉ်၏အစသည် အ ဘယ်နည်း။ မည်သို့ စတင်ခဲ့၍ မည်သို့အဆင့်ဆင့် ပြောင်းလဲလာခဲ့သနည်း။

          ဤအကြောင်းကို လေ့လာရာတွင် ပြည်ထောင်စုမြန်မာနိုင်ငံတခု တည်းကို ကွက်၍ လေ့လာရန် မဖြစ်နိုင်ပေ။ ယခုခေတ်တွင် အပြည်ပြည်ဆိုင် ရာ နယ်နိမိတ်များဖြင့် ပိုင်းခြားထားသော အရှေ့တောင်အာရှနိုင်ငံတို့ကို တ ကွဲတပြားစီ မြင်တွေ့နေရသည်။ သမိုင်း၏ခေတ်ကာလ အတိုင်းအဆနှင့်ကြည့်သော် ယင်းသို့နယ်နိမိတ်ဆွဲ၍ ကွဲပြားလာသည်မှာ မနေ့တနေ့ကကိစ္စမျိုးသာ ဖြစ်သည်။

          ပထဝီအနေအထားအရ မြန်မာနိုင်ငံသည် အရှေ့တောင်အာရှရှိ လော၊ ယိုးဒယား၊ မလေး၊ ကမ္ဘောဒီးယား၊ တောင်နှင့်မြောက်ဗီယက်နမ်နိုင်ငံ တို့နှင့်ရေ၊ မြေတကြောတည်း တစပ်တည်း တပြေးတည်း ဖြစ်သည်။ ဤသို့ တစပ်တည်းရှိသော အရှေ့တောင်အာရှတွင် ရှေးခေတ်ဟောင်းအတွင်းက လူ တို့၏လှုပ်ရှားရွှေ့ပြောင်းနေထိုင်မှု၊ ယဉ်ကျေးမှုစတင်ပုံတည်မှု၊ ပြန့်နှံ့မှုနှင့် ပြောင်းလဲမှုတို့မှာ နိုင်ငံကိုလိုက်၍ တသီးတခြားစီဖြစ်ပေါ်လာခဲ့ခြင်းမဟုတ်။ ကြမ်းတပြေးတည်း ရှိသည့်အားလျော်စွာ တလျှောက် တပြေးတည်း ဖြစ်ပေါ် ပြောင်းလဲခဲ့ခြင်းသာ ဖြစ်သည်။

          သို့ဖြစ်၍ ပြည်ထောင်စုနိုင်ငံ၏ခေတ်ဦးပိုင်းသမိုင်းကို လေ့လာရာတွင် အရှေ့တော်အာရှတရပ်လုံးနှင့်ဟပ်၍ ဆက်စပ်၍ လေ့လာရန် လိုအပ်သည် ဟုဆိုခြင်းဖြစ်သည်။

          အရှေ့တောင်အာရှနှင့်လူအစ လူသည် အဓိကဖြစ်သည်။ လူသည် သမိုင်းကို ဖန်တီးသူလည်း ဖြစ် သည်။ မြန်မာနိုင်ငံသမိုင်း၏အစကိုဆိုလျှင် အရှေ့တောင်အာရှသမိုင်းအစ ကို ဆိုရမည်။ အရှေ့တောင်အာရှသမိုင်းအစကိုဆိုလျှင် ထိုဒေသ၏လူတို့၏ အစနှင့်ပင် စတင်ရမည်ဖြစ်သည်။

ဗိုနီယိုကျွန်း

          အရှေ့တောင်အာရှတွင် ကမ္ဘာဦးလူ၏အစကို တွေ့ခဲ့ရပြီးဖြစ်သည်။ ဗိုနီယိုကျွန်း၏အနောက်ပိုင်းတွင် နီအား ́ ဟုခေါ်သောဂူရှိသည်။ ရှေးဦးလူတို့ နေသွားခဲ့သောဂူဖြစ်သည်။ ဤတွင် တူးဖေါ်တွေ့ရသော အထောက်အထား ကို ရေဒီယိုကာဘွန်နည်းနှင့်စမ်းသပ်ကြည့်သောအခါ ခရစ်မပေါ်မီနှစ်ပေါင်း ၂၁၉၅ ခန့်ကဟု အတန်ခိုင်လုံစွာ သိရသည်။

ကျားဝါးလူမှ မနုဿလူသား

          ဤထက်စောသည်ဟု ယူဆရသော လူ၏အစကို ဂျာဝါးကျွန်းတွင် တွေ့ရသည်။ ဂျာဝါးကျွန်း ဆိုလို ́မြစ်ဝှမ်းတွင် ကမ္ဘာဦးလူ၏ကျောက်ဖြစ်ရုပ် ကြွင်းကို တွေ့ခဲ့ရသည်။ ထိုကမ္ဘာဦးလူကို ကျားဝါးလူဟု ခေါ်သည်။ ထိုမြစ်ဝှမ်း တွင်လည်းကောင်း၊ ဂျာဝါးကျွန်းတောင်ပိုင်း ဒီဂျက် ဒေသတတွင်လည်း ကောင်း၊ ဩစတြေးလျတိုက် မယ်လဘုန်းမြို့ အနီး ကဲလော ဒေသတွင်လည်း ကောင်း ကမ္ဘာဦးလူအဆင့်မှ မနုဿလူသားအဆင့်သို့ အဆင့်ဆင့် ပြောင်း လဲတိုးတက်လာသောလူတို့၏ကျောက်ဖြစ်ရုပ်ကြွင်းများကို တွေ့ခဲ့ရသည်။

1. Niah
2. Pithican-throid
3. Homo Sapien
4. Solo
5. Wadjak
6. Keilor

လူပေါ်ပေါက်ပြီးနောက် အဆင့်ဆင့်ပြောင်းလဲခဲ့ပုံ

          အရှေ့တောင်အာရှတွင် လူပေါ်ပေါက်ခဲ့ပြီးနောက် အဆင့်ဆင်တိုး တက်ပြောင်းလဲခဲ့ပုံကိုသမိုင်းမတင်မီခေတ် ဘူမိဗေဒပညာရှင်တို့က ဤသို့ဖြစ် ခဲ့ဟန်တူသည်ဟု ယူဆကြ၏။

          ရှေးဦးစွာ ဝါးလူ၏အသွင်မှ ဆိုလိုလူအသွင်”၊ ယင်းမှ ဝဒ်ဂျက် ကဲလော မနုဿလူသားအသွင်သို့ ရောက်လာခဲ့၏။ အရှေ့တောင်အာရှတွင် ဤရှေးအကျဆုံးသော မနုဿလူသားတို့မှ ပြောင်းလဲလာသောအသွင်မှ ယနေ့ တိုင် ရှိနေသော သြစတြေးလွိုက် လူ၏အသွင်ဖြစ်သည်။

          မြိတ်ကျွန်းစုရှိ ဆလုံမလေးတို့တွင်လည်းကောင်း၊ မလေးကျွန်းဆွယ် အလယ်ပိုင်း တောနက်အတွင်းနေ ဆကိုင် လူတို့တွင်လည်း ဩစတြေးလွိုက် လူတို့၏အသွင်ကို ထင်ထင်ရှားရှား တွေ့နိုင်ပေသည်။

          ရှေးဦးလူတို့ပြန့်နှံ့ခဲ့ပုံ ယခုခေတ်တွင် အင်ဒိုနီးရှားကျွန်းစုသည် အရှေ့တောင်အာရှကုန်းမ နှင့်ပင်လယ်ခြားလျက် ရှိ၏။ ရှေးကျလှသော ခေတ်တခေတ်ကသော် တစပ် တပြေးတည်း ရှိခဲ့သည်ဟု ဘူမိဗေဒပညာရှင်တို့က ဆိုကြ၏။ ရှေးဦးလူတို့ သည် တနေရာတည်းတွင် စွဲစွဲမြဲမြဲနေခဲ့ခြင်းမရှိ။ ပြန့်နှံ့၍ သွားလာနေခဲ့ကြ ဟန်တူသည်။ အကြောင်းမှာ ဤရွာဝါးလူတို့ထက် တိုးတက်နေသော အခြား လူတို့၏အထောက်အထားတို့ကို အခြားဒေသများ၌ တွေ့ခဲ့ရခြင်းကြောင့်ဖြစ် ပေသည်။

          တရုတ်ပြည် ပီကင်းမြို့ အနီး ချူကိုတယန်ဂူတို့တွင် တွေ့ရသောကမ္ဘာ

1. Solo Man
2. Australoid
3. Sakai