ပီမိုးနင်း - အင်္ဂလိပ်သဒ္ဒါဖြတ်လမ်း

အင်္ဂလိပ်သဒ္ဒါဖြတ်လမ်း

               အင်္ဂလိပ်ဘာသာစကားကို တတ်ကျွမ်းရန် တိကျသေချာသော သဒ္ဒါနည်းဖြင့်သာ သင်ကြားလေ့လာမှတ်သားရမည်ဖြစ်က လူ ၁ဝဝ လျှင် ၉၉ ယောက်မျှ လိုက်နာသင်ကြားနိုင်မည် မဟုတ်ပေ။ အဘယ့်ကြောင့်ဆိုသော် ၎င်းသဒ္ဒါမှာ အလွန်တရာ ကျယ်ဝန်းလှသည်ဖြစ်၍ နှစ်ရှည်လများ ဆက်လက်သင်ကြားရမည်ပင်ဖြစ်၏။ သို့ဖြစ်၍ ကြိယာ၏ အသုံးအစွဲကို မှန်ကန်အောင် မှတ်သားလေ့ကျင့်ပြီးနောက် အများအားဖြင့် အစဉ်အလာ အသုံးပြုခဲ့သော စကားစပ်ပုံ ဆက်ပုံတို့ကို မှတ်သားရလေရာ ထိုနည်းလမ်း အစဉ်အလာတို့မှာလည်း ဖောက်ပြန်သော ခြွင်းချက်တွေ လွန်စွာများ သဖြင့် အင်္ဂလိပ်စာကို များများကြီးဖတ်ဖို့ အရေးကြီးလေသည်။ သဒ္ဒါကို အဘယ်မျှပင် တတ်စေကာမူ စာမဖတ်လျှင် စာမတတ်ဟုဆိုလျှင် လွဲမည် မဟုတ်ပေ။ သဒ္ဒါနည်းများကိုမှတ်ပြီး ထိုနည်းများအရ စာကို စပ်ဟပ် ရေးသားပြောဆိုတိုင်းမဖြစ်။ စာကို များစွာဖတ်သောသူသည် သဒ္ဒါကို အနည်းငယ်တတ်ယုံမျှဖြင့် စာတတ်နိုင်၏။ စာကို လုံးလုံးမဖတ်ဘဲ သဒ္ဒါ ကိုသာ တတ်သောသူမှာ စာကို လုံးလုံးကြီးမတတ်နိုင်ချေ။ သို့ဖြစ်၍ အင်္ဂလိပ်သဒ္ဒါ ဖြတ်လမ်းနည်းအကျဉ်းချုပ်မှာ အင်္ဂလိပ်စာကို များများ ဖတ်” ဟူသောစကားပင် ဖြစ်လေသည်။

           အင်္ဂလိပ်ဘာသာစကားမှာ verbသည် အရင်းအချုပ်ဖြစ်၏။ verb ကို ကောင်းစွာနားလည်ပြီးနောက် စာကို တွင်တွင်ဖတ်၍ တွင်တွင်မှတ် လျှင် ကြွင်းသောသဒ္ဒါ အပိုင်းများကို အလိုလိုပေါက်ရောက်နိုင်၏။

verb ဆိုသည်မှာ စကားဟု အဓိပ္ပာယ်ရ၏။ အကြောင်းမူကား

၎င်းစကားမပါလျှင် အဓိပ္ပာယ်ပြည့်စုံသောစကား မဖြစ်နိုင်။ ဥပမာ ...

Iam ကျွန်ုပ် ရှိသည် ဖြစ်သည်။ ဤစကား၌ ကျွန်ုပ်တစ်ခုတည်း နှင့် အဓိပ္ပာယ်မဖြစ်။ am ရှိသည်ဟူသောစကားပါမှ အဓိပ္ပာယ်ပြည့်၏။ သို့ဖြစ်၍ am ရှိသည်ကို verbဟု ခေါ်သည်။ you go မင်း သွားသည်။ ဤစကား၌လည်း go မပါလျှင် စကားမဖြစ်။ သို့ဖြစ်၍ go ကို verb ဟုခေါ်ရသည်။

verb သုံးမျိုး ရှိသည်......... 

(1) Transitive verb

(2) Intransitive verb

3) Auxiliary verb.

နံပါတ်(1) မှာ အခံရှိ၏။ ဥပမာ I  beat ငါ ရိုက်၏။ ၎င်း၌ ရိုက် လျှင် အရိုက်ခံရသူ ရှိရမည်။

နံပါတ်(2) မှာ အခံမရှိ။ I sleep ငါအိပ်၏။ အအိပ်ခံရသောသူ၊ အအိပ်ခံရသောအရာဟူ၍ မရှိနိုင်။ အိပ်ရာမှာလည်း အအိပ်ခံရသော အရာ မဟုတ်။ အိပ်သောနေရာမျှဖြစ်သည်။

နံပါတ်(3) မှာ အခြား verb များ၌ အချိန်ကာလခေါ် tense ကို ဖြစ်စေဖို့ရန်လည်းကောင်း၊ mood ခေါ် နည်းကိုပြဖို့ရန်လည်းကောင်း အကူအညီမျှဖြစ်၏။

ဥပမာ I will go. ငါ သွားမည်။ ၎င်းစကား၌ will မည် ဟူသော verbသည် goဟူသော verb ၏ အနာဂတ်ကာလကို ဖြစ်စေရန် ကူညီ ၏။ ထိုနံပါတ်(3) verb များမှာ အခြား verb များကို ကူညီသည့်အခါ မိမိတို့ပိုင်အဓိပ္ပာယ် ပျောက်၍နေ၏။ ဥပမာ I am ငါရှိ၏။

သို့သော်လည်း I am reading ငါ စာဖတ်နေသည်ဆိုရာ၌ am “ရှိသည် ဖြစ်သည်” အဓိပ္ပာယ်ပျောက်ပြီး စာဖတ်နေသည်ဟူသော အဓိပ္ပာယ်သက်ရောက်၏။

verb များမှာ to ကို ရှေ့ကတပ်လျှင် noun နာမ် ဖြစ်နိုင်သည်။ to sleep အိပ်ခြင်း၊ I want to sleep ငါ အိပ်ခြင်းကို အလိုရှိ၏။ (ငါ အိပ်ချင်၏)

to သည် ရည်ရွယ်ချက်ကိုလည်း ပြ၏။ I come ငါလာသည်။ to see ကြည့်ဖို့၊ I come to see ငါ ကြည့်ဖို့လာသည်။

verb မှာ ing တပ်လျှင်၊ လျက်၊ ရင်း၊ ခြင်း၊ အဓိပ္ပာယ်ရနိုင်၏။

I like. ငါ ကြိုက်၏။ dancing ကခြင်းကို။

 I like dancing. ကခြင်းကို ငါကြိုက်၏။

I eat ငါ စား၏ ။  dancing ကလျှက် : I eat dancing. ငါ ကရင်း-ကလျက် စား၏။

Auxiliary Verbs

အထောက်အပံ့ Verbs များ

To be ရှိခြင်း၊ ဖြစ်ခြင်း၊ ရှိဖို့ ဖြစ်ဖို့၊ being ရှိခြင်း ဖြစ်ခြင်း။ ရှိလျက်၊ ဖြစ်လျက်။ ရှိရင်း၊ ဖြစ်ရင်း၊ ရှိသဖြင့်၊ ဖြစ်သဖြင့်။ ရှိ၍၊ ဖြစ်၍၊ ရှိသောကြောင့် ဖြစ်သောကြောင့်၊ been ရှိပြီးသော၊ ဖြစ်ပြီးသော၊ Having been ရှိပြီးနောက် ဖြစ်ပြီးနောက်။ ဖြစ်ပြီးသဖြင့်၊ ရှိပြီးရကား၊ ဖြစ်ပြီးရ ကား၊ ရှိပြီး၍၊ ဖြစ်ပြီး၍၊ ရှိပြီးသောကြောင့် ဖြစ်ပြီးသောကြောင့်။

ကျက်မှတ်ရန်

 I am, Thou art, he is, It is, She is, This is, That is, dog is, boy is, book is, Mg.Ba is,

ငါ၊ သင်၊ သူ၊ ထိုဟာ၊ သူမ၊ သည်ဟာ၊ ဟိုဟာ၊ ခွေး၊ လူကလေး၊ စာအုပ်၊ မောင်ဘ၊ ရှိသည် ဖြစ်သည် (Present ယခု။ ဧကဝုစ်နှင့်ဆိုင်၏)

We are, You are, They are, These are, Those are, Dogs are, Boys are, Books are, Mg.Ba and Mg.Sein are,

ကျွန်ုပ်တို့၊ မင်းတို့၊ သူတို့၊ သည်ဟာများ၊ ဟိုဟာများ၊ ခွေးများ၊ လူကလေးများ၊ စာအုပ်များ၊ မောင်ဘနှင့် မောင်စိန် ရှိကြသည်။ ဖြစ်ကြသည်၊ {present ယခု၊ ဗဟုဝုစ်။}

I was, Thou was, He was, It was, She was, This was, That was, Dog was, Boy was, Book was, Maung Ba was, ရှိပြီး ဖြစ်ပြီး။ ပြီးပြတ်သွားသော အတိတ်ရိုးရိုး Past ဧကဝုစ်။}

We were, You were, They were, These were, Those

were, Dogs were, Boys were, Books were, Mg.Ba and Maung Sein were, ရှိကြပြီး ဖြစ်ကြပြီး။ { ပြီးပြတ်သောအတိတ်ရိုးရိုး Past ဗဟုဝုစ်။}

ထိုကျက်စာပိုဒ်တို့၌ ရုပ်၊ ကိန်း၊ ကာလကို သတိပြုပြီး ဆိုင်ရာ အတွဲတို့ မှတ်လေ။

I am being ငါ ရှိလျက်၊ ဖြစ်လျက်နေ၏။

Thou art being သင်၊ ရှိလျက် ဖြစ်လျက်နေ၏။

He, She, It, This, That, Dog, Boy, Mg.Ba is being.

သူ။ သူမ။ ထိုဟာ။ သည်ဟာ။ ဟိုဟာ။ ခွေး။ လူကလေး။ မောင်ဘ ရှိလျက်၊ ဖြစ်လျက်နေ၏။

 ထိုနည်းအတိုင်း သိအပ်သည်မှာ

We, You, They, These, Those, Dogs, Boys, Books, Mg. Ba and Mg. Sein are being ရှိလျက်၊ ဖြစ်လျက် နေကြ၏။

I was being ငါရှိလျက် ဖြစ်လျက် နေပြီးခဲ့၏။

Thou was being. သင်ရှိလျက် ဖြစ်လျက်နေပြီးခဲ့၏။

He, She, It, This, That, Dog, Boy, Maung Ba was being.

သူ၊ သူမ၊ ထိုဟာ၊ သည်ဟာ၊ ဟိုဟာ၊ ခွေး၊ လူကလေး၊ မောင်ဘ ရှိလျက် ဖြစ်လျက် နေခဲ့၏။

We, You, They, These, Those, Dogs, Boys, Books, Maung Ba and Maung Sein were being,

ရှိလျက် ဖြစ်လျက် နေခဲ့ကြ၏။

I have been, Thou hast been, He has been, She has been, It has been, This has been, That has been, Dog has been, Boy has been, Book has been, Mg.Ba has been gèle: ဖြစ်ခဲ့ပြီး အဓိပ္ပာယ်ရ၏။ သို့သော်လည်း ယခု မကြာမီကမှ ရှိခဲ့ ဖြစ်ခဲ့ သည်ကို ဆိုလိုသည်။

ဥပမာ I have been thereငါဟိုမှာ အခုပဲ ရှိခဲ့တယ်။ သို့မဟုတ် ဟိုကို မကြာမီက ရောက်ခဲ့တယ်။

I have been here three years.

ငါ သည်မှာ သုံးနှစ်ကြာပြီ။ ယခုလည်း သည်မှာပင် ရှိသေးသည် ဟုဆိုလိုသည်။ ဤစကား၌ အတိတ်နှင့်ပစ္စုပ္ပန်ဆက်၍နေသည်။ သုံးနှစ် အခါက သည်မှာရှိတာနှင့် ယခု သည်မှာရှိခြင်းဟာ ဆက်၍နေသည်။

I was here three years ago.

လွန်ခဲ့သောသုံးနှစ်တုန်းက ငါ သည်မှာရှိဖူးတယ်။ ဤစကား၌ ယခု သည်မှာရှိသေးသည်ဟု မဆိုလို။ သုံးနှစ်အခါတုန်းက ရှိဖူးသည်ကို သာ ဆိုလိုသည်။ has နှင့် have ကိုမှတ်လေ။

Had been gs I, You, We, They မှစ၍ မည်သည့်ကတ္တား နှင့်မဆို တွဲနိုင်သည်။ ရှိနှင့်ပြီး - ဥပမာ။

မင်း မနေ့က သည်ကိုလာတော့ ငါသည်မှာ ရှိနှင့်ပြီ။ Yesterday when you came here I had been here. မနေ့က မင်းသည်ကိုလာသောအခါ ငါသည်မှာ ရှိနေနှင့်ပြီ။ Will be, Shall be, ရှိလိမ့်မည်။ ဖြစ်လိမ့်မည်။ ရှိကြလိမ့်မည်။ ဖြစ်ကြလိမ့်မည်။ Will ၌ အလိုဆန္ဒ သဘောအဓိပ္ပာယ် ပါရှိ၏။ Shall မှာ တာဝန်ဝတ္တရားအဓိပ္ပာယ် သက်၏။ I will be ငါသည်မှာ ရှိမည်။ I shall be. ငါ သည်မှာ ရှိရမည်။ ရှိမှတော်မည်။ ရှိဖို့ ဝတ္တရားရှိသည်။

Shall အာဏာကိုလည်း ပြ၏။ You shall be hereမင်း သည် မှာ ရှိရမည်။

I will be here. ငါ သည်မှာရှိမည် ဟူရာ၌ စိတ်အကြံကိုလည်း ပြ၏။ I will not be. ငါ သည်မှာ ရှိမည်မဟုတ်။ ငါသည်မှာ ရှိနေဖို့ စိတ်မကူးဘူး။ မင်းက ငါ့ကို သည်မှာရှိနေဖို့ အမိန့်ပေးသော်လည်း ငါ ရှိနေမည်မဟုတ်။

Will I be. ငါ ရှိမလားဟူသော အမေးစကားမျိုးမရှိ။ ထိုကဲ့သို့ မေးလျှင် မိမိအလိုကို မိမိမသိ။ မိမိစိတ်ကို မိမိအစိုးမရသလိုဖြစ်၏။