ပိုင် - နောက်ထပ်ဒေါက်တာဇီဗါးဂိုးတစ်ယောက်

:: ဤစာအုပ်ကို စာမြည်းဖတ်လိုပါက “စာမြည်းရန်အီးဘွခ်” ဆိုသည်ကိုရွေး၍ (Buy it now) ခလုတ် ကိုနှိပ်ကာ၀ယ်ယူပေးပါ၊ အခမဲ့ အမှာစာ (Order) တင်ပြီးသည့်နောက်တွင် ၄င်းအီးဘွခ်ပီဒီအက်ဖ်ဖိုင် ဒေါင်းလုပ်ဆွဲရန်လင့်ကို စာဖတ်သူ၏ အီးမေလ်ထဲသို့ ပို့လိုက်မည်ဖြစ်ပါသည်၊

:: ပုံနှိပ်စာအုပ် ၀ယ်ယူရန်အတွက်မူ “ပုံနှိပ်စာအုပ်” ဆိုသည်ကိုရွေး၍ (Buy it now) ခလုတ် ကိုနှိပ်ကာ ရှေ့ဆက်လုပ်ဆောင်၍၀ယ်ယူပေးပါ။
---------------------------

နောက်ထပ် ဒေါက်တာဇီဗားဂိုးတစ်ယောက် ၁ 

ရထားသံလမ်းတွေက ရှည်လျားသလောက်

ဘဝတွေက မဆုံးနိုင်

ငါတို့ ရပ်နေတာ အစမှာလည်းမဟုတ်

အဆုံးလည်းမဟုတ်

                  ၂၅၊ အောက်တိုဘာ၊ ၂၀၁၆။

နောက်ထပ်ဒေါကိတာဇီဗားဂိုးတစ်ယောက် ၂

နှင်းတွေရဲ့ အသံကို နားစွင့်ရင်းငါတို့အိပ်မပျော်နိုင်

မှောင်မိုက်ကြီးစိုးမှုတွေ လွင့်ပြယ်သွားဖို့ ဘယ်လောက်ကြာဦးမလဲ

မနက်ဖြန်ဟာ အဆိုးလား အကောင်းလား

ငါ့ကို ပွေ့ဖက်ထားပါဦးအချစ်ရယ်

                      ၂၅၊ အောက်တိုဘာ၊ ၂၀၁၆။

နောက်ထပ် ဒေါက်တာဇီဗားဂိုးတစ်ယောက် ၃

ဝက်အူချောင်းတစ်ဘူးနဲ့

ပျော်ရွှင်တဲ့ ပါတီတစ်ခု တိုးတိုးတိတ်တိတ် ကျင်းပကြတာပေါ့ မီးခိုးမထွက်စေနဲ့ အသံမထွက်စေနဲ့ ရင်ဘတ်ချင်းကပ်ထားတဲ့အခါ နောက်ထပ် ဘယ်လိုထိတ်လန့်ဖွယ်တွေမှ ငါတို့ကြားကို မတိုးဝင်နိုင်တော့ ငါတို့ဟာ ငါတို့ရဲ့ ဝင်သက် ထွက်သက်ကို တတ်နိုင်သလောက် ထိန်းသိမ်းထားရအောင်

                                                                         ၂၅၊ အောက်တိုဘာ၊ ၂၀၁၆။

နောက်ထပ် ဒေါက်တာဇီဗားဂိုးတစ်ယောက် ၄

ညတွေမှာ

အရာရာဟာ ဖြူဆွတ်နေတယ်

မယုံကြည်ရတဲ့ အဖြူတွေ

၂၅၊ အောက်တိုဘာ၊ ၂၀၁၆။

နောက်ထပ်ဒေါက်တာဇီဗားဂိုးတစ်ယောက် ၅

ကိုယ်ထူထောင်ထားရတဲ့ဘဝဟာ သေနတ်ပြောင်းမှာဆိုရင်

ငါတို့ဟာ နောက်ထပ်တစ်နေရာကို သွားမှဖြစ်မယ်

ပိုပြီးကောင်းလာမယ်ထင်ရတဲ့ တစ်နေရာပေါ့

ပိုပြီးဆိုးမလာနိုင်ဘူးလို့ ထင်ရတဲ့ တစ်နေရာပေါ့

တစ်နေရာတည်းကို ဖက်တွယ်ထားရတာဟာ

သေခြင်းတရားနဲ့ နီးကပ်လှတယ် ပြီးတော့ ယုံကြည်မှုလည်း မဆန်ဘူး

                                              ၂၅၊ အောက်တိုဘာ၊ ၂၀၁၆။