ပါရဂူ - ဂင်္ဂါနှင့်ဧရာ၀တီ

                      မဟတ္တမဂန္ဒီနှင့် မြန်မာပြည်

                လတ်ဆတ်သစ်လွင်သော နေရောင်ခြည် ဖြာကျနေသဖြင့် ရန်ကုန် မြစ်ပြင်တွင် အရောင်တလက်လက် တောက်ပနေသည်။ ပင်လယ်ကူး သင်္ဘောဆိပ်၌ ယနေ့ ခါတိုင်းနှင့်မတူဘဲ ကမ်းလုံးညွှတ်မျှ လူတွေ ဖွေးဖွေး လှုပ်နေကြသည်။ နံနက် ၆ နာရီမထိုးခင်ကပင် ဘရွတ်ကင်းလမ်း(ဗိုလ်က လေးဈေးလမ်း) သင်္ဘောဆိပ်၌ လူတွေ တဖွဲဖွဲရောက်လာကြရာ နေမြင့်လာ လေ ပရိသတ်များလာလေ ဖြစ်သည်။ ကျန်းမာရေးဆေးရုံအနီး၌ စုဝေး ရောက်ရှိနေကြသော ပရိသတ်များမှာ အိန္ဒိယလူမျိုးများသာလျှင် များပြီး မြန်မာလူမျိုးများမှာမူ ဖြိုးဖြိုးဖြောက်ဖြောက်သာ တွေ့ရသည်။ သင်္ဘော ဆိပ်အတွင်း၌ကား မြန်မာအမျိုးသား အမျိုးသမီးများနှင့် ရဟန်းသံဃာတော် များ အတော်များများ ရောက်နေကြသည်။ ပရိသတ်ကြီးသည် နံနက် ၆ နာရီကျော်ကျော်လောက် ရန်ကုန်ဆိပ်ကမ်းကပ်မည့် ပင်လယ်ကူးသင်္ဘော ကြီးနှင့် ပါလာသော ပုဂ္ဂိုလ်ကြီးတစ်ဦးကို ကြိုဆိုရန် စုဝေးရောက်ရှိနေကြ ခြင်းဖြစ်သည်။

ရန်ကုန်မြစ်အတွင်း တဖြည်းဖြည်း ခုတ်မောင်းလာသော အက်စ် အက်စ် အရွန်ဒါ ပင်လယ်ကူးသင်္ဘောကြီးသည် ၆ နာရီခွဲလောက်တွင် ရန်ကုန်ဆိပ်ကမ်းတည့်တည့် ရောက်လာသည်။ ကာလကတ္တားမှ ၁၉၂၉ ခု မတ်လ ၅ ရက်နေ့က ထွက်လာသော ပင်လယ်ကူးသင်္ဘောကြီးသည်သုံးရက်အကြာ မတ်လ ၈ ရက်နေ့၌ ရန်ကုန်သို့ ရောက်လာသည်။

ပင်လယ်ကူးသင်္ဘောကြီး ရန်ကုန်မြစ်လယ်တွင်း၌ပင် ရှိနေစဉ် ဆိပ်ကမ်းမှ သင်္ဘောလေးတစ်စင်းသည် ပင်လယ်ကူးသင်္ဘောကြီး ရှိရာသို့ ဦးတည်ခုတ်မောင်းသွားသည်။ ထိုသင်္ဘောလေးပေါ်၌ ရန်ကုန်မြူနီစီပယ်ကော်ပိုရေးရှင်းဥက္ကဋ္ဌ မစ္စတာရာဖီ၊ ဒေါက်တာပီ၊ ဂျေ-မေဟတာ၊ ဒေါက်တာ ဒူးဂဲ စသော အိန္ဒိယအမျိုးသားများနှင့်တကွ ဦးချစ်လှိုင်၊ ဦးပေါ်ထွန်း စသော နိုင်ငံရေးခေါင်းဆောင်များ အပါအဝင် စုစုပေါင်း မြို့မျက်နှာဖုံး လူကြီး ၁၂ ဦးတို့ ပါသွားကြသည်။ ထိုပုဂ္ဂိုလ်များသည် ပင်လယ်ကူး သင်္ဘောကြီး တွင် ပါလာသော ပုဂ္ဂိုလ်ကြီးကို သင်္ဘောကြီးကမ်းမကပ်ခင် ရှေ့ပြေးသွား ရောက်ကြိုနှင့်သောပုဂ္ဂိုလ်များဖြစ်သည်။ ရှေ့ပြေးပုဂ္ဂိုလ်များသည် ပင်လယ် ကူးသင်္ဘောကြီးပေါ် တက်သွားကြသောအခါ ပြည်သူတစ်ရပ်လုံး မျှော်လင့် စောင့်စားကြသော ပုဂ္ဂိုလ်ကြီးကို တွေ့ကြသည်။ ထိုပုဂ္ဂိုလ်ကြီးကား ထိုအချိန် ကပင် အိန္ဒိယတစ်ပြည်လုံး၌သာမက ကမ္ဘာတစ်ဝန်းလုံး၌ နာမည်ကျော်ကြား နေပြီဖြစ်သည့် အိန္ဒိယပြည်သူတို့၏ ဖခင်ကြီး မဟတ္တမဂန္ဒီ ဖြစ်လေသည်။

ပင်လယ်ကူးသင်္ဘောကြီးသည် ဆိပ်ကမ်းသို့ တရွေ့ရွေ့ ကပ်လာ သည်။ ဆိပ်ကမ်းကပ်သည်နှင့်တစ်ပြိုင်နက် “မဟတ္တမဂန္ဒီ ကီ'ဟူသော တစ်ခဲနက်ဟစ်ကြွေးသံကြီးသည် ပတ်ဝန်းကျင်တစ်ဝိုက်၌ ပွင့်ထွက်သွားလု မတတ် တုန်ဟည်းပဲ့တင်ထပ်သွားလေသည်။ ဆိပ်ကမ်းပေါ်မှ လူများထဲက သတင်းထောက်များနှင့် လူတချို့မှာ မဟတ္တမဂန္ဒီသင်္ဘောပေါ်က ဆင်း အလာကို မစောင့်နိုင်ဘဲ မဟတ္တမဂန္ဒီကိုကြည့်ရန် သင်္ဘောကြီး ဆိုက်ဆိုက် ချင်း သင်္ဘောကြီးပေါ် ခပ်သုတ်သုတ်တက်သွားကြသည်။ သို့သော်လည်း သူတို့သည် သင်္ဘောပေါ်၌ ဦးချစ်လှိုင်တို့လူစုကိုသာ မြင်ရပြီး မဟတ္တမ ဂန္ဒီကို မမြင်ရ ဖြစ်နေကြသည်။ ဘယ်မှာ မြင်မည်နည်း။ သူတို့က ပထမ ခန်း၊ ဒုတိယခန်းတို့၌ မဟတ္တမဂန္ဒီကို လိုက်ရှာနေကြသည်။ မဟတ္တမဂန္ဒီ၏ အကြောင်းကို သူတို့မသိကြ။ တစ်ခါက မီးရထားပေါ်တွင် လူတစ်ဦးက မဟတ္တမဂန္ဒီအား“ဘာဖြစ်လို့ တတိယတန်း စီးရသလဲ”ဟု မေးသောအခါ ဂန္ဒီက “စတုတ္ထတန်းမရှိလို့”ဟု ပြန်ဖြေဖူးသည်။

ယခုလည်း မဟတ္တမဂန္ဒီသည် တတိယတန်းခေါ် ကုန်းပတ်ကစီးလာ သည်။ မဟတ္တမဂန္ဒီ ကီဈေးဟူ၍ တစ်ခဲနက် ဟစ်အော်ကြွေးကြော် နေသော ကြွေးကြော်သံများကြားထဲကပင် ဂန္ဒီသည် သင်္ဘောပေါ်မှ ဆင်း လာသည်။ လက်ယာဘက်မှ မစ္စတာရာဖီကလည်းကောင်း၊ လက်ဝဲဘက်မှ ဦးချစ်လှိုင်နှင့် ဦးပေါ်ထွန်းတို့ကလည်းကောင်း ဝန်းရံလိုက်ပါလာကြသည်။ ဂန္ဒီသည် ဒိုတီခေါ် နံငယ်ပိုင်းကလေးကိုသာ ဝတ်ရုံထားသည်။ မျက်နှာက မူ ပြုံးလျက်။ပုလိပ်များ သတင်းစာဆရာများ ဓာတ်ပုံဆရာများ ဂန္ဒီ၏ဘေးပတ် လည်၌ ဝိုင်းရံနေကြသည်။ လန်ဒန်အတ် ရုပ်ရှင်ကုမ္ပဏီက ထိုရှုကွင်းကို ရုပ်ရှင်ရိုက်ယူသည်။

သင်္ဘောဆိပ်ရှိ ဧည့်ခံနေရာသို့ ရောက်လာသောအခါ ဂန္ဒီကို ပန်းကုံး စွပ်ကြသည်။ ထို့နောက် ကားဖြင့် ဘုရားလမ်းစိန်ရောင်ခြည် ဘုရားဝင်း အတွင်းရှိ ဒေါက်တာ ပီ-ဂျေ-မေဟတာ၏အိမ်သို့ ခေါ်သွားသည်။ ဒေါက်တာ ပီ-- မေဟတာသည် ဂန္ဒီကြီး၏ မိတ်ဟောင်း ဆွေဟောင်း ဖြစ်သည်။ ဂန္ဒီ၏ကား ဖြတ်မောင်းသွားသည့် လမ်းဘေးနှစ်ဖက်၌ အိန္ဒိယလူမျိုး လူထုပရိသတ်ကြီးသည် မကြုံစဖူး ထူးထူးခြားခြား ပြည့်ကျပ်နေလေသည်။ မြန်မာလူမျိုး ရဟန်း ရှင်လူ ပရိသတ်လည်း မနည်းပေ။ ဂန္ဒီ၏ကား ဖြတ်မောင်းသွားသော လမ်းတစ်လျှောက်၌ 'မဟတ္တမဂန္ဒီ ကီ'ဟူသော ဟစ်အော်ကြွေးကြော်သံများမှာ ပေါ်ပြီးရင်းပေါ်လာရင်း ဖြစ်နေလေသည်။ အိန္ဒိယလူမျိုးတချို့မှာ အုတ်နံရံများပေါ်တက်ကြည့်သူကကြည့်၊ ဓာတ်တိုင် နှင့်အုန်းပင်များပေါ်တက်ကြည့်သူက ကြည့်နေကြသည်။ အိန္ဒိယအမျိုး သားတစ်ယောက်သည် အုန်းပင်ပေါ်ဖက်တက်သွားသည်။ အုန်းပင် အလယ်သို့ရောက်စဉ် ဂန္ဒီ၏ကားဖြတ်လာသဖြင့် ခြေထောက်နှစ်ဖက်ကို ချိတ်ပြီး လက်ခုပ်တီးလေသည်။ ထိုအခိုက် ခြေထောက်မထိန်းနိုင်တော့ဘဲ

အောက်ဘက်လျှောကျသွားသည်။ ကဗျာကသီ လက်နှစ်ဖက်ဖြင့် အုန်းပင် ကို ဖက်ထားလိုက်သဖြင့် ကံကောင်းထောက်မသွားသည်။ သို့မဟုတ်ပါ က အုန်းပင်ပေါ်က တလိမ့်ခေါက်ကွေး လိမ့်ကျသွားနိုင်သည်။ တည်းခိုမည့် အိမ်သို့ရောက်လာသည့်တိုင်အောင် အိမ်ရှေ့တွင် “ဂန္ဒီကီးဟူသော ကြွေး ကြော်သံများ တော်တော်နှင့် စဲမသွားသဖြင့် အိမ်ရှင်က အနူးအညွတ်တောင်းပန်ယူရလေသည်။ ထိုအချိန်က ဂန္ဒီနှင့် သူ့ဇနီးလည်း ပါလာသည်။ သို့သော် လည်း ဂန္ဒီ၏ဇနီးသည်ဂန္ဒီနှင့်အတူ လူထုပရိသတ်ကြားထဲက ဖြတ်မသွားဘဲ ကားတစ်စီးနှင့် တစ်နေရာမှ ကွေ့ပတ်ပြီး တည်းခိုမည့်နေအိမ်သို့ အရင်သွား နှင့်သည်။

ထိုနေ့၌ပင် ဖိုက်စကွဲယား ပန်းခြံ (ဗန္ဓုလပန်းခြံ)၌ ရန်ကုန်မြူနီစီပယ် က ကြီးမှူး၍ မဟတ္တမဂန္ဒီအတွက် ဂုဏ်ပြုဧည့်ခံပွဲ ကျင်းပပြုလုပ်သည်။ ထိုဧည့်ခံဂုဏ်ပြုပွဲ၌ မြူနီစီပယ်ကော်ပိုရေးရှင်းဥက္ကဋ္ဌ မစ္စတာရာဖီက ဥက္ကဋ္ဌ အဝတ်အစား ဝတ်ရုံလျက် မဟတ္တမဂန္ဒီအား သြဘာစာဖတ်ကြားဆက် သည်။ ဩဘာစာ ဖတ်ကြားပြီးသောအခါ ဆရာတော် ဦးနာဂိန္ဒက “မဟတ္တ မဂန္ဒီ အသက်ရှည်ပါစေ၊ ချမ်းသာပါစေ၊ ကြံတိုင်းအောင်ပါစေ'ဟု ကြွေးကြော် သည်ကို ပရိသတ်အားလုံးကလိုက်၍ ကြွေးကြော်ကြသည်။ ရန်ကုန်မြူနီ စီပယ်ကော်ပိုရေးရှင်းသမိုင်း၌ အစိုးရပိုင်းကမဟုတ်သော အရပ်သား တစ်ယောက်အား ထိုကဲ့သို့ ဂုဏ်ပြုခြင်းသည် ပထမဆုံးအကြိမ်ဖြစ်သည်။ မြူနီစီပယ်ကော်ပိုရေးရှင်းဥက္ကဋ္ဌ ဆက်သော ဩဘာစာ၌ လွန်ခဲ့သည့် ၁၅ နှစ်အတွင်း ရန်ကုန်မြို့ကြီး အရှိန်အဟုန်နှင့် တိုးတက်ပြောင်းလဲလာခြင်းကို ဂုဏ်ယူစွာ စကားစပ်ထားသည်။ ထိုအချက်ကို ပြန်ကြားသည့်အနေဖြင့် ဂန္ဒီက သူ၏မိန့်ခွန်း၌ “မြန်မာပြည်ရောက်လာတဲ့အခါတိုင်း ကျွန်ုပ် ဟိုဟိုသည်သည် လည်ပတ်ခဲ့ပါတယ်။ မြန်မာအမျိုး သား အမျိုးသမီးများကို ကျွန်ုပ်ချစ်ခင်တယ်။ မိတ်ဆွေတို့ ဩဘာစာထဲမှာ မြန်မာလူမျိုးတွေဟာ စိတ်ကောင်းစေတနာရှိကြောင်း ပွင့်ပွင့်လင်းလင်းရှိကြောင်း ဖော်ပြထား တယ်။ မြန်မာလူမျိုးတွေ အတိုင်းထက်အလွန် စိတ်ကောင်းစေတနာ ရှိကြ တယ်ဆိုတာ ကျွန်ုပ်သိပါတယ်။ ရန်ကုန်မြို့ထဲက လမ်းတွေကို မိတ်ဆွေ ဒေါက်တာမေဟတာနဲ့ အတူ ကျွန်ုပ် လည်ခဲ့ဖူးပါတယ်။ ယခုတစ်ဖန် ထပ်လည်မယ်ဆိုရင်တော့ ရန်ကုန်မြို့ လမ်းကျယ်ကြီးတွေထဲမှာ မျက်စိ လည် လမ်းမမှားဘဲ နေမှာမဟုတ်ဘူး။ မိတ်ဆွေတို့ရဲ့ ကြီးကျယ်ခမ်းနားတဲ့ လမ်းတွေမှာ ကားနဲ့ဖြတ်သွားရင်း နာရီပိုင်းအတွင်းလောက်မှာပဲ ရန်ကုန်မြို့ ကြီး ဘယ်လိုပြုပြင်ပြောင်းလဲနေတယ်ဆိုတာ ကျွန်ုပ်မြင်ပါတယ်။ မိတ်ဆွေ တို့ရဲ့ မြို့ပြတိုးတက်ပြောင်းလဲမှုဟာ တောကျေးလက်က မြန်မာလူမျိုးတောင်သူလယ်သမားတွေရဲ့ တိုးတက်မှု ရောင်ပြန် အစစ်အမှန်ဖြစ်ပါစေလို့ ကျွန်ုပ်မျှော်လင့်ပါတယ်။ ကျွန်ုပ်အနေနဲ့ ဝန်ခံရမှာကတော့ အိန္ဒိယနိုင်ငံက မြို့ကြီးပြကြီးများရဲ့ တိုးတက်မှုဟာ အိန္ဒိယနိုင်ငံ တောင်သူလယ်သမားများရဲ့ တိုးတက်မှုအစစ်အမှန် လုံးဝမဟုတ်ဘူးဆိုတဲ့ အချက်ဖြစ်ပါတယ်”ဟု မိန့်ကြား သွားသည်။

ဘုန်းတော်ကြီးများကလည်း ရွှေတိဂုံဘုရားတွင် မဟတ္တမဂန္ဒီအတွက် ဧည့်ခံဂုဏ်ပြုပွဲကျင်းပပြုလုပ်ကြသည်။ ထိုဂုဏ်ပြုပွဲ၌ ဘုန်းတော်ကြီးများ သာမက လူပုဂ္ဂိုလ်များလည်း အများအပြား တက်ရောက်ကြသည်။ ဘုန်း တော်ကြီးများနှင့် လူပုဂ္ဂိုလ်များသည် နယ်ချဲ့လက်အောက်မှ လွတ်မြောက် ရေးအတွက် တိုက်ပွဲဝင်ရာ၌ ဂန္ဓထံမှ နည်းသစ်လမ်းသစ်များ ရယူလိုသည့် ဆန္ဒ ရှိနေကြသည်။ ထို့ပြင် ဘုန်းတော်ကြီးများသည် ဂန္တီအား ဗုဒ္ဓကို ကြည် ညိုလေးစားသူ၊ ဗုဒ္ဓတရားကို ကျင့်သုံးလိုက်နာသူအဖြစ် မြင်ကြသည်။ တူညီသော ဦးတည်ချက်အတွက် ထိုပုဂ္ဂိုလ်ကြီးနှင့် လက်တွဲပြီး ကြိုးပမ်း ပြုလုပ်ပါက အကျိုးဖြစ်ထွန်းနိုင်စရာ များစွာရှိသည်ဟုလည်း ယုံကြည် ကြသည်။ ရွှေတိဂုံဘုရားတွင် စုဝေးရောက်ရှိလာကြသည့် ရာပေါင်းများစွာ

သော ရဟန်းပုဂ္ဂိုလ်များနှင့် ထောင်ပေါင်းများစွာသော လူပုဂ္ဂိုလ်များ၏ ကိုယ်စား ဦးပေါ်ထွန်းက မဟတ္တမဂန္ဒီသည် သူ၏ မြင့်မြတ်သော ပုံစံနမူ နာဖြင့် အိန္ဒိယနှင့် မြန်မာနိုင်ငံ၏ လွတ်လပ်ရေးအတွက်လမ်းခင်းပေး ကြောင်း စသည်ဖြင့် ဂန္တီအား ဂုဏ်ပြုပြောကြားသွားလေသည်။

ထိုအခမ်းအနား၌ မဟတ္တမဂန္ဒီက ရဟန်းပုဂ္ဂိုလ်များအား “မြန်မာ နိုင်ငံ၌ နိုင်ငံရေးလှုပ်ရှားမှုကို ဘုန်းကြီးများ ဦးဆောင်ဦးရွက်ပြုကြောင်း ကြားသိရတဲ့အတွက် တပည့်တော် ဝမ်းမြောက်ဝမ်းသာ ဖြစ်မိပါတယ်။ သို့ သော်လည်း နိုင်ငံရေးတိုက်ပွဲကို ခေါင်းဆောင်တဲ့အခါမှာ အရှင်ဘုရားများ ၏ ပခုံးပေါ်မှာ ကြီးလေးတဲ့တာဝန်ရှိနေပါတယ်။ တပည့်တော်အနေနဲ့ အရှင် ဘုရားများကို တောင်းပန်လျှောက်ထားလိုတာကတော့ အရှင်ဘုရားများဟာ သံသယကင်းလောက်အောင် ဖြူစင်သန့်ရှင်းမှုရှိရုံမျှသာမက ညစ်ကြေးကင်း စင်တဲ့ ဖြူစင်သန့်ရှင်းမှုနဲ့ ကြီးမားတဲ့ ပညာဉာဏ်ကိုလည်း ရောနှောပေါင်း စပ်ထားသင့်ပါတယ်။ တပည့်တော်တို့ဟာ အခု ဗုဒ္ဓရှင်တော်မြတ်ဘုရားရဲ့အရိပ်အာဝါသအောက်မှာ ထိုင်နေကြတယ်။ တပည့်တော်တို့ကို အရိပ် အာဝါသပေးနေတဲ့ ဗုဒ္ဓရှင်တော်ဘုရားဟာ လွတ်လပ်ရေးအတွက် လှုပ်ရှား မှုမှန်သမျှကို လမ်းညွှန်ပေးနိုင်တော်မူပါစေ”ဟူ၍ လျှောက်ထား ပြောပြသွား လေသည်။

၈ ရက်နေ့ ညနေ ၆ နာရီတွင် ဗားကရာကျောင်းတိုက်တွင်း၌လည်း မဟတ္တမဂန္ဒီအတွက် ဧည့်ခံဂုဏ်ပြုပွဲ ကျင်းပပြုလုပ်သည်။ ထိုဂုဏ်ပြုပွဲ သို့လည်း ရဟန်း သံဃာတော်များနှင့်တကွ မြန်မာလူမျိုး၊ အိန္ဒိယလူမျိုး အမြောက်အမြား တက်ရောက်လာကြရာ ကျောင်းမျက်နှာစာတစ်ခုလုံး ပြည့် ကျပ်သွားလေသည်။ ကိုးထပ်ကြီးဘုရားတောင်ဘက်၌ စင်မြင့်တစ်ခုဆောက်လုပ်ထားသည်။ ၇ နာရီလောက်တွင် မဟတ္တမဂန္ဒီသည် ဒေါက်တာ ပီ--မေဟတာနှင့်အတူ ကြွလာသည်။ စင်မြင့်ပေါ် ဂန္ဒီရောက်သောအခါ မြန်မာအသင်းချုပ်ကြီး၏ စက္ကရီတေရီ မောင်မောင်စုက ဂန္ဒီကို ပန်းကုံးစွပ် ကြိုဆိုသည်။ စင်မြင့်ပေါ်၌ ဂန္ဒီနှင့်အတူရှိနေကြသော ရဟန်းပုဂ္ဂိုလ်များမှာ ဦးဝိမလဗုဒ္ဓိ(ဂင်္ဩဝါဒပေါင်းချုပ် ၁၉၂၉) ရေးသူ၊ ဦးနာဂတို့ ဖြစ်ကြပြီး လူပုဂ္ဂိုလ်များမှာ ဝတ်လုံတော်ရ ဦးဘစီ၊ ဦးမြင့်၊ ရမ်းဗြဲဦးမောင်မောင်၊ မောင်မောင်စုတို့ ဖြစ်ကြသည်။

ဗဟိုသံဃာ့အဖွဲ့ချုပ် သြဝါဒခံမြန်မာအသင်းချုပ် (ဂျီ-စီ-ဘီ-အေ) စက္ကရီတေရီ မောင်မောင်စုက မဟတ္တမဂန္ဒီ မြန်မာနိုင်ငံသို့ လာရောက်သည့် အတွက် လွတ်လပ်ရေးတိုက်ပွဲမှာ သွေးထွက်သံယိုမရှိစေရဘဲ ဆောင်ရွက် ရေး၌ စိတ်အားထက်သန်စေဖို့ဖြစ်လာကြောင်း၊ မြန်မာနိုင်ငံ၌ ၁၉၂၁ ခုနှစ် ကတည်းက မဟတ္တမဂန္ဒီတီထွင်သော နည်းစနစ်အတိုင်း ဆောင်ရွက်လာ ခဲ့ကြောင်း၊ ဒိုင်အာခီအုပ်ချုပ်ရေးပေးသည့်အခါ လက်မခံဘဲ ဥပဒေပြုအဖွဲ့ ကို သပိတ်မှောက်ခဲ့ကြောင်း၊ သပိတ်မှောက်သည့် အတွက် သပိတ် ဂျီ-စီ-ဘီ-အေ ဟု အမည်တွင်ခဲ့ကြောင်း၊ ဒိုင်အာခီအုပ်ချုပ်ရေးလက်အောက် ၌ တောင်သူလယ်သမားများမှာ အခွန်များစွာ ထမ်းဆောင်ရသည့်အတွက် အကြီးအကျယ် ဒုက္ခတွေ့နေကြရကြောင်း၊ ယခု မတ်လ ၂၂ ရက်နေ့၌တောင်ငူမြို့တွင် အစည်းအဝေးကျင်းပပြီး ဗြိတိသျှကုန်ပစ္စည်းများကို သပိတ်မှောက်ရန်နှင့် တိုင်းရင်းဖြစ် အဝတ်အထည်များကို ဝတ်ဆင်ရန်