နန္ဒာမိုးကြယ် - ရယ်ရွှင်မြူး ကလေးကဗျာများ

:: ဤစာအုပ်ကို စာမြည်းဖတ်လိုပါက “စာမြည်းရန်အီးဘွခ်” ဆိုသည်ကိုရွေး၍ (Buy it now) ခလုတ် ကိုနှိပ်ကာ၀ယ်ယူပေးပါ၊ အခမဲ့ အမှာစာ (Order) တင်ပြီးသည့်နောက်တွင် ၄င်းအီးဘွခ်ပီဒီအက်ဖ်ဖိုင် ဒေါင်းလုပ်ဆွဲရန်လင့်ကို စာဖတ်သူ၏ အီးမေလ်ထဲသို့ ပို့လိုက်မည်ဖြစ်ပါသည်၊

:: ပုံနှိပ်စာအုပ် ၀ယ်ယူရန်အတွက်မူ “ပုံနှိပ်စာအုပ်” ဆိုသည်ကိုရွေး၍ (Buy it now) ခလုတ် ကိုနှိပ်ကာ ရှေ့ဆက်လုပ်ဆောင်၍၀ယ်ယူပေးပါ။
---------------------------

အသံများ

“အောက်အိအီး.. အွတ်”

 ရင်ကော့ချီ ကြက်ဖတွန်နေပြီ။ 

“စိုးစီ.. စိုးစီ” .. 

ဟစ်ကာကြွေး နှံပြည်စုတ်ငှက်လေး။

အိမ်နောက်ဖေးက ခွေးတစ်ကောင်

တ “ဝုတ် ဝုတ်” . နဲ့ဟောင်၊ 

တ “ညောင် ညောင်” ကွယ့် အစာတောင်း 

ကြောင်မ ဗိုက်ဟောင်းလောင်း။

ချောင်းမြောင်းထဲရောက် 

ဘဲစူပါ တ “ဂပ် ဂပ်” .. နဲ့ကွာ၊

 “ပဲ.. ပဲ” မြည်တာ ဘယ်သူတုံး! 

ညီထွေးဖြေပါအုံး။     ။

ဟာသ

ရေချိုးရမှာ အပျင်းထူ 

အမြဲညစ်ပတ်သူ၊ 

နာမည်ကမူ အပျံစား 

“မောင်ရှင်းသန့်” ... တဲ့လား။ 

အသားရောင်က မည်းမှောင်စွာ 

မီးသွေးခဲလိုပါ။ 

အမည်သညာ ခေါ်တာကျ 

“မောင်ဖြူဖွေး” ... တဲ့ဗျ။ 

ဘယ်အခါမှ မငြိမ်ပေါင်

မျောက်မူးလဲတဲ့ကောင်၊ 

အဲသည်မောင်ကို အမည်ပေး 

“မောင်ရေခဲ” ... တဲ့လေး။ 

ငွေရေးကြေးရေး ကျပ်တည်းနေ

အမြဲ သူ မွဲတေ၊ 

ဒါပေမဲ့လေ အံ့ပါရဲ့.. 

“မောင်မောင်ဌေးကြွယ်” ... တဲ့။

ပြောစရာကွယ် ဤလောကီ 

လက်ဖျား ခါလောက်သည်။ 

လူနဲ့နာမည် စံတလွဲ 

တကယ့် ဟာသပဲ။     ။