ဒေါက်တာစိုးသန်း - EnglishSpeakingအတွက်နေ့စဥ်သုံးဝါကျများ

:: ဤစာအုပ်ကို စာမြည်းဖတ်လိုပါက “စာမြည်းရန်အီးဘွခ်” ဆိုသည်ကိုရွေး၍ (Buy it now) ခလုတ် ကိုနှိပ်ကာ၀ယ်ယူပေးပါ၊ အခမဲ့ အမှာစာ (Order) တင်ပြီးသည့်နောက်တွင် ၄င်းအီးဘွခ်ပီဒီအက်ဖ်ဖိုင် ဒေါင်းလုပ်ဆွဲရန်လင့်ကို စာဖတ်သူ၏ အီးမေလ်ထဲသို့ ပို့လိုက်မည်ဖြစ်ပါသည်၊

:: ပုံနှိပ်စာအုပ် ၀ယ်ယူရန်အတွက်မူ “ပုံနှိပ်စာအုပ်” ဆိုသည်ကိုရွေး၍ (Buy it now) ခလုတ် ကိုနှိပ်ကာ ရှေ့ဆက်လုပ်ဆောင်၍၀ယ်ယူပေးပါ။
---------------------------

အမှာစကားဦး

          ဒီအခြေအနေလေးတစ်ခုကို စဉ်းစားကြည့်ပါ။ Please consider this scenarioသင်ဟာ formal schooling နဲ့ အထက်တန်းကျောင်း အောင်တဲ့အထိ အင်္ဂလိပ်စာသင်ခဲ့ရတယ်။ တက္ကသိုလ်က ဘွဲ့ရတဲ့ အထိလည်း အင်္ဂလိပ်စာသင်ခဲ့ရတယ်။ English as a compulsory subject အနေနဲ့ သင်ယူခဲ့ရတာ မူလတန်းမှ ဘွဲ့ရတဲ့အထိ ၁၅ နှစ်ခန့် ဆိုပါစို့ ။ အင်္ဂလိပ်စာကို ဝါသနာပါလို့၊ ဘဝတက်လမ်းမှာ အရေးကြီးတဲ့ ဘာသာစကားဖြစ်မှန်းသိလို့လည်း အပြင်အင်္ဂလိပ်စာသင်တန်းတွေလည်း တက်ခဲ့၊ တက်နေတယ် ဆိုပါစို့။ Speaking သင်တန်းတွေလည်း တက် တယ်... လေ့ကျင့်တယ်... ပြောဖို့ အခွင့်အရေးရှိလို့ အလုပ်မှာ၊ သင်တန်းမှာ၊ soical life မှာ အင်္ဂလိပ်စကားကိုလည်း အသုံးပြုနိုင်၊ သွက်လက်စွာပြောနိုင်သူတစ်ဦး ဆိုကြပါစို့ ။ အခြေအနေအရ လိုအပ်လာလို့ အောက်ပါ အဓိပ္ပာယ်ရတဲ့ ဝါကျလေးတွေကို အင်္ဂလိပ်လို ပြောဖို့ လိုလာတယ်။ အဲဒီလိုပြောမှလည်း ဆိုလိုချင်တဲ့ အဓိပ္ပာယ်ထိ ရောက်မယ်။ ကဲ အင်္ဂလိပ်လို ဘယ်လိုပြောမလဲ... စဉ်းစားကြည့်ပါ.....။

၁။ သူဟာ သူ့ရဲ့ စရိုက်အမှန်ကို ပြလိုက်တာပါ။

၂။ သူ ထိပ်မှာ ဆံပင်ပါးနေပြီ။

၃။ လုပ်လိုက်လေ ကြာသလားလို့။

၄။ စကားမလွှဲပါနဲ့ကွာ။

 ၅။ မင်းအင်္ကျီကို ပြောင်းပြန်ကြီး ဝတ်ထားတယ်။

၆။ မျက်နှာညို... ဘာအလိုမကျဖြစ်နေတာလဲ။

          ဒီလိုမျိုး ဝါကျလေးတွေဟာ အင်္ဂလိပ်လို သွက်သွက်လက်လက် ပြောဆိုတဲ့အခါမှာ ပြောဖို့ လိုအပ်လာမယ့် ဝါကျလေးတွေပါ။ ကျောင်းမှာ သင်ရတဲ့ အင်္ဂလိပ်စာမှာတော့ ဒါမျိုးတွေ မပါနိုင်ပါဘူး။ ဒီလိုမျိုး ဝါကျ လေးတွေကို အချက်ကျကျသုံးတတ်မှ စကားပြောကောင်းတယ် eloquent ဖြစ်တယ်။ communicative ဖြစ်တယ်လို့ ယူဆနိုင်မှာ ဖြစ်တယ်။ ဒီ အပေါ်မှာ ဥပမာပေးထားတဲ့ ဝါကျလေး ၆ ခုကို သင် အင်္ဂလိပ်လို လျင်မြန် စွာ ပြောနိုင်ဖို့ ခက်ခဲနေသေးတယ်ဆိုရင်တော့ ဒီစာအုပ်လေးဟာ သင့် အတွက် လက်ဆောင်ကောင်းတစ်ခုပါ။

          ဒီလိုဝါကျမျိုးလေးတွေကို ကျွန်တော်သုံးလေးလလောက် အချိန်ရ တိုင်း ထိုင်စဉ်းစားပြီး စုဆောင်းပြုစုထားတာပါ။

          “ဒီစာအုပ်လေးရဲ့ ထူးခြားချက်နှစ်ခု”

          - ဒီ Speaking စာအုပ်လေးဟာ တခြားမြင်တွေ့ကြရတဲ့ Speaking စာအုပ်တွေလို သူများမူရင်းစာအုပ်ကို ဘာသာပြန်ထားတာ မဟုတ်ပါ။ Situational dialogues တွေကို ဘာသာပြန်ထားတာ မဟုတ်ပါ။ အင်္ဂလိပ်လို fluently သွက်လက်စွာ ပြောချင်တဲ့သူတွေ တစ်ခါတစ်ရံမှာ ခဲရာခဲဆစ်ဝါကျလေးတွေကို အချက်ကျကျ သုံးနိုင်အောင် စုစည်းပေးထားတဲ့ ကျွန်တော့်ရဲ့ ပင်ကိုရေး ဝါကျတွေပါ။

          - နောက် ထူးခြားချက်တစ်ခုကတော့ ဒီဝါကျလေးတွေအတွက် အသံဖိုင် CD ထည့်ပေးထားခြင်း ဖြစ်ပါတယ်။ Native speakers အမေရိကန်လူမျိုး ခြောက်ဦးရဲ့ အသံကို အသုံးပြုထားတာ ဖြစ်လို့ အသံ ထွက်မှန်အောင် အသံအနိမ့်အမြင့်မှန်အောင်၊ pronunciation and intonation gaozas op:3360oodsam gocogsol. CD ဝါကျနံပါတ်လေးကို နှိပ်ပြီး ဝါကျတစ်ခုကို Native speaker ဖတ်ပြထား တာ၊ ပြောထားတာကို လိုက်နားထောင်၊ ကိုယ်လည်း ပြောကြည့်နဲ့ လေ့ ကျင့်ကြပါ။

          အင်္ဂလိပ်လို သွက်လက်စွာ ပြောနိုင်ဖို့ ဒီစာအုပ်လေးက အတိုင်းအတာတစ်ခုအထိ အထောက်အကူ ဖြစ်စေနိုင်မှာပါ။ ဝါကျလေးတွေကို အသံထွက်ပြီး ထပ်ခါထပ်ခါ ဖတ်ပြီး လေ့ကျင့်ရင်းနဲ့ အလွတ်ရ၊ ကိုယ်ပိုင် ဝါကျများဖြစ်အောင် လေ့ကျင့်ကြပါလို့ တိုက်တွန်းပါရစေ။

မေတ္တာဖြင့်

Dr. Soe Than

Ph.D. (English Studies)

University of Nottingham, U.K.

(soethan @au.edu)