စိတ်ကူးချိုချိုစာပေ
ဒေါက်တာစိုးသန်း - ရောင်စုံအင်္ဂလိပ်စာ၀ါကျများအတွဲ(၁)
Couldn't load pickup availability
- မင်းရဲ့ အဓိပ္ပာယ်မရှိတဲ့ပြက်လုံးတွေနဲ့ ဒီလောက်အရေးကြီးတဲ့ ကိစ္စတစ်ခုကို
မင်းက ပေါ့ပျက်ပျက်လုပ်နေတာ။
You are making light of such a serious issue with your silly jokes.
ဒီဝါကျမှာ မှတ်သားသင့်တဲ့ အသုံးဟာ 'to make light of something' ဖြစ်ပါတယ် light (noun) ဟာ အလင်းရောင် light (adjective) ဟာ ပေါ့ပါးသော။ အရေးကြီးတဲ့ကိစ္စကို အရေးမကြီးသယောင်ပြုလုပ်တာကို to make light of လို့သုံးတယ်။
silly = stupid (အသုံးမကျသော၊ မိုက်မဲသော)
- သူ့ရဲ့ အခန်းဖော်ကို သတ်လိုက်မှုကြောင့် သူ့ကို ထောင်ဒဏ် ၂၈ နှစ်ချမှတ်လိုက်တယ်။
He has been sentenced to 28 years in prison for murdering his roommate.
Sentence ဟာ (Noun) ဆိုရင် ဝါကျ (Verb) လိုသုံးရင်တော့ ဉပဒေ ချိုးဖောက်၍ အပြစ်ဒဏ်ချမှတ်သည်လို့ အဓိပ္ပာယ်ရတယ်။
3 . သက်သေအထောက်အထား ခိုင်လုံမှုမရှိ၍ တရားရုံးက သူ့ကို လူသတ်မှုဖြင့်စွပ်စွဲထားရာမှ လွှတ်ပေးလိုက်သည်။
The court acquitted him of the murder due to a lack of evidence.
ဒီဝါကျမှာ due to ကို အသုံးပြုပုံကိုမှတ်ပါ။ due to = because of + Noun တစ်ခုခုကြောင့်ဖြစ်တယ်လို့ အကြောင်းပြချင်ရင် သုံးတယ်။
- အများပြည်သူနဲ့ဆိုင်တဲ့နေရာမှာ သူဟာ ဟန်းဖုန်း အော်ကြီးဟစ်ကျယ်ပြောနေတယ်။
He was gabbing too loudly on his cell phone in a public place.
talking too loudly လည်း ရပါတယ်။ ဒါပေမဲ့ gabbing လို့သုံးပုံကို မှတ်လိုက်ပါဦး။ hand phone ဆို လူတိုင်းသိပေမယ့် American တွေက cell phone အသုံးများတယ်။
- ပညာရေးဆိုတာ တစ်သက်လုံးလုပ်ရမယ့်အလုပ် (သေမှပဲပညာရှာတာရပ်ပါ။)
Education is a life-long process.
- သူဟာ အခြောက်မုန်းသူဖြစ်ပြီး မိန်းမလျာတွေကိုမုန်းတီးတဲ့အကြောင်းတွေ ပြောတယ်။
He is a homophobe and he says hateful things about gays.
မိန်းမလျာတွေ၊ ယောက်ျားလျာတွေကို မနှစ်မြို့ခြင်းစိတ်ကို homophobia . လို့ခေါ်တယ်။ ယောကျ်ားလျှာကို lebsian / tom boy လို့သုံးတယ်။
ယောက်ျားဖြစ်ရဲ့နဲ့ မိန်းမလိုဝတ်စားသူကို crossdresser လို့ခေါ်တယ်။
လူ့အခွင့် အရေးတွေကို မချိုးဖောက်ရန် တောင်းဆိုတဲ့ Rights Groups တွေ နိုင်ငံတကာ မှာ အများကြီးရှိတဲ့အထဲက LGBT Rights ဆိုတဲ့အဖွဲ့ ကိုလည်း သိထားသင့် တယ်။
lesbian, gay, bisexual နဲ့ transgender people's rights တွေကို ကာကွယ်တောင်းဆိုပေးတဲ့ goza activists နဲ့ ဖွဲ့စည်းထားတာပါ ။ Thailand မှာတော့ lady boy တွေ များပုံရပါတယ်။ အထက်တန်းကျောင်းတချို့မှာ ကျား၊ မ အိမ်သာအပြင် transgender toilet ဆိုပြီး အိမ်သာ သုံးခုခွဲပေးထားတယ်။ နိုင်တယ်။
- ငါ မင်းကို ပျင်းအောင် အသေးစိတ်တွေမပြောတော့ပါဘူး။
I won't bore you with the details.
- ငါ မနေ့က သွားဆရာဝန်ဆီသွားတယ်။ ကြောက်စရာအသေးစိတ်တွေ မင်းကိုမပြောတော့ပါဘူး။
I went to see the dentist yesterday; I will spare you the gory details.
- လောလောဆယ် ငါ့ဘဏ်အကောင့်ထဲမှာ ပိုက်ဆံသိပ်မရှိတော့ဘူး (ပါးပါးလေးပဲကျန်တော့တယ်)။ My bank account is stretched a little thin at the moment.
- မင်း ဘာလို့ငါ့ကို မျက်မှောင်ကြုတ်ပြီးကြည့်နေတာလဲ။
Why are you frowning at me?
တစ်ခုခုကို မကြိုက်ဘူး၊ ခွင့်မပြုချင်ဘူး၊ မျက်နှာသာမပေးဘူးဆိုလည်း frown at ကို သုံးရတယ်။ . Her conservative parents frown at her living together with her partner. သူမရဲ့ အဖော်နဲ့ လက်မထပ်ဘဲ အတူနေ တာကို သူမရဲ့ ရှေးရိုးကျတဲ့မိဘတွေက မကြိုက်ကြဘူး။ living together ကို တော့ ဘယ်မိဘကမှ ကြိုက်မှာမဟုတ်ပါဘူး။
- ဒူးရင်းသီးအနံ့ကြောင့် ငါ အန်ချင်သလိုဖြစ်သွားတယ်။
The smell of durian almost made me puke.
puke / vomit / throw up အားလုံး အန်တယ်လို့ အဓိပ္ပါယ်ရတယ်။
- သူ့ရဲ့ ဟန်းဖုန်းကိုထုတ်လိုက်ပြီး ဓာတ်ပုံတစ်ပုံ ဖျတ်ခနဲရိုက်လိုက်တယ်။
He pulled out his cell phone and snapped off a picture.
- ငါဟာ စာရင်းကိုင်တစ်ယောက်ဖြစ်ဖို့ မွေးလာတာမဟုတ်ဘူး၊ သေလောက်အောင်ပျင်းစရာကောင်းတဲ့အလုပ်။
I am not cut out to be an accountant; the job bores me to death.
ဒီဝါကျမှာ cut out to be သုံးတာကို မှတ်ထားပါ။ He is cut out to be a footballer. သူဟာ ဘောလုံးသမားဖြစ်ဖို့ မွေးလာတာ။ အရမ်းပျင်းဖို့ကောင်း တယ်ဆို very boring လို့ ပုံမှန်သုံးရင်ရတယ်။ bore to death က ပိုလှတာ ပေါ့။ The old man bores me to death with his regular lecture. ဘိုးတော်က တွေ့တာနဲ့ သူ့ရဲ့ ပျင်းစရာ lecture ပေးတော့တာပဲ။
- သူ့ရဲ့ အရင်အလုပ်ရှင်ကတော့ သူ့ကောင်းကြောင်း ရွှန်းရွှန်းဝေအောင် ထောက်ခံချက်ပေးထားတယ်။
His previous boss has given him a glowing recommendation.
- ငါဟာ အကောင်းမြင်သမားတစ်ယောက်သာမဟုတ်ခဲ့ရင် အမြဲတမ်း စိတ်ဓာတ်ကျနေတဲ့ဘဝမျိုး နေခဲ့ရမှာ။
If I were not such a positive person, I would live in a constant state of depression.
ဒီဝါကျမှာ If clause / conditional type 2 structure သုံးတာကို မှတ်ပါ။ လက်ရှိအခြေအနေကို ပြောပေမယ့်လည်း တကယ်မဟုတ်လို့ unreal past tense ကိုသုံးပါတယ်။If I were a millionaire, I would buy you a new condo.ငါသာ သန်းကြွယ်သူဌေးကြီးဖြစ်ခဲ့ရင် ငါ မင်းကို ကွန်ဒိုအသစ် ဝယ်ပေးမှာပေါ့။ (တကယ်တော့ ငါ့မှာပိုက်ဆံမရှိ၊ စိတ်ကူးကြည့်တာပါ။)
အကောင်းမြင်စိတ်ရှိတာ၊ အမြဲအပြုသဘောမြင်တဲ့စိတ်ကို positive mindset, positive attitude လို့ခေါ်တယ်။ optimistic (adjective) : လည်း သုံးလို့ရတယ်။ အဆိုးမြင်တက်သောက pessimistic (adjective), negative attitude လို့သုံးပါတယ်။
- ကျွန်တော်က လွယ်လွယ်နဲ့မူးတဲ့သူ၊ ဝိုင်တစ်ခွက်လောက်သောက်လိုက်ရင် နောက်ကောက်ကျသွားပြီ (ဖင်ထောင်အောင်မူးတော့တာပဲ)။
