ဒေါက်တာစိုးခိုင် - ဆီးချိုရောဂါနှင့်နေထိုင်ခြင်းအမေးအဖြေ၁၁၁

          ဆီးချို(သွေးချို ရောဂါသည် ကမ္ဘာပေါ်တွင် အလွန်ကျယ်ပြန့်စွာ ဖြစ်ပွားနေသော ကူးစက်ရောဂါမဟုတ်သည့် အဖြစ်အများဆုံး ရောဂါတစ်မျိုး youloopin mopmuş:6969:38g World Health Organization (WHO) အရှေ့တောင်အာရှအဖွဲ့၏ ခန့်မှန်းချက်အရ ၁၉၉၅ ခုနှစ်မှာ လူ ၁ဝဝ မှာ ၂.၄ ယောက်ဟာ ဆီးချိုရောဂါခံစားနေရပြီး ရာခိုင်နှုန်းအားဖြင့် ၂.၄% ဖြစ်ပါတယ်။ ၂၀၂၅ ခုနှစ်မှာ ၃.၂% လူ ၁ဝဝ မှာ ၃.၂ ယောက်အထိ တိုးပွားလာလိမ့်မယ်လို့ ခန့်မှန်းထားပါတယ်။ ကမ္ဘာ့လူဦးရေ သန်း ၇ဝဝဝ ခုနစ်ဘီလီယံနှင့် မြန်မာနိုင်ငံရဲ့ လူဦးရေ သန်း ၅ဝ နဲ့ ဆက်စပ်စဉ်းစားကြည့် ရင် ဒီရောဂါရဲ့ ဖြစ်ပွားမှုနှုန်းမြင့်မားမှုကို ခန့်မှန်းကြည့်နိုင်ပါတယ်။ ၂၀၀၀ ခုနှစ် ကိန်းဂဏန်းအရ တစ်ကမ္ဘာလုံးမှာ ဆီးချိုရောဂါဝေဒနာရှင်ပေါင်းဟာ ကမ္ဘာ့လူဦးရေရဲ့ ၂.၈%ကို လူဦးရေ ၁ဝဝဝ ပေါ်မှာ အခြေခံပြီး တွက်ချက် ခန့်မှန်းထားပါတယ်။ ၂၀၁၀ ခုနှစ် ခန့်မှန်းချက်အရ တစ်ကမ္ဘာလုံးမှာ အမျိုးအစား ၂ Type II Diabetes ရောဂါဝေဒနာရှင်ပေါင်း ၂.၈၅ ဘီလီ ယံရှိပြီး အရွယ်ရောက်သူ Adult လူဦးရေရဲ့ ၆% ရှိကြောင်း တွေ့ရှိရ ပါတယ်။//

          အဲဒီရောဂါဟာ ကမ္ဘာပေါ်မှာရှိတဲ့ ဖွံ့ဖြိုးဆဲနဲ့ ဖွံ့ဖြိုးပြီးနိုင်ငံတွေမှာ ကျယ်ကျယ်ပြန့်ပြန့် ဖြစ်ပွားနေတဲ့ ရောဂါအမျိုးအစားဖြစ်ပြီး ဖွံ့ဖြိုးမှုအောက် အခြေအနေရှိတဲ့ နိုင်ငံတွေ underdevelop Countries မှာတော့ ဖြစ်ပွား မှု နည်းပါးတာ တွေ့ရပါတယ်။ ဆီးချိုရောဂါ ဖြစ်ပွားသူ အရေအတွက်ဟာ ၁၉၈၅ ခုနှစ်မှာ ၃ဝ,ဝဝဝ,ဝဝဝ သန်းသုံးဆယ်ရှိပြီး ၁၉၉၅ ခုနှစ် ၁၀ နှစ် အကြာမှာတေ့ ၁.၃ ဘီလီယံနဲ့ ၂၀၀၅ ခုနှစ် နောက်ဆယ်စုနှစ်တစ်ခုအကြာ မှာ ၂.၁၇ ဘီလီယံအထိ ရောက်ရှိတိုးပွားလာတာ တွေ့ရပါတယ်။ ရောဂါ ဝေဒနာရှင် အများဆုံးနိုင်ငံတွေကို အောက်ပါအတိုင်း တွေ့ရပါတယ်။

အိန္ဒိယနိုင်ငံ                               ၃၁၇ဝဝဝဝဝ             ၃၁ သန်း၊

တရုတ်ပြည်သူ့သမ္မတနိုင်ငံ           ၂၀၈ဝဝဝဝဝ           ၂၀.၈ သန်း

အမေရိကန်ပြည်ထောင်စု           ၁၇၇ဝဝဝဝဝ            ၁၇-၇ သန်း

အင်ဒိုနီးရှားနိုင်ငံ                         ၈၄ဝဝဝဝဝ              ၈.၄ သန်း

ဂျပန်နိုင်ငံမှာ                             ၆၈ဝဝဝဝဝ               ၆.၈ သန်း

တို့ ဖြစ်ကြပါတယ်။

          ကမ္ဘာ့ကျန်းမာရေးအဖွဲ့ WHO ရဲ့ ၂၀၁၁ ခုနှစ် အစီရင်ခံစာမှာ တစ်ကမ္ဘာလုံးမှာ ဆီးချိုရောဂါဝေဒနာရှင် ၀.၃၄၆ ဘီလီယံ (၃၄၆ သန်း) ရှိပြီး ၂၀၀၄ ခုနှစ်က ဝေဒနာရှင်ပေါင်း ၃၄ဝဝဝဝဝ (၃.၄) သန်းဟာ သွေး တွင်း သကြားဓာတ်မြင့်မားခြင်း Hyperglycaeia ရဲ့ နောက်ဆက်တွဲ ဆိုးကျိုးကြောင့် သေဆုံးပြီး ၈၀ % ကျော်ဟာ တစ်ဦးချင်းဝင်ငွေ နည်းပါး နိမ့်ကျတဲ့ နိုင်ငံတွေနဲ့ အလယ်အလတ်အဆင့်ရှိ နိုင်ငံတွေမှာ ဖြစ်ပွားတာ တွေ့ရပါတယ်။

          ၂၀၁၃ ခုနှစ်က တစ်ကမ္ဘာလုံးမှာ ဆီးချိုဝေဒနာရှင် သန်း ၃၈၂ သန်းရှိ ပြီး ၉၀ % ဟာ အမျိုးအစား ၂ Type II ဆီးချိုဝေဒနာရှင်တွေဖြစ်ကြပါ တယ်။ ကြိုတင်ခန့်မှန်းချက်အရ ၂၀၁၅ ခုနှစ်မှာ တစ်ကမ္ဘာလုံးရှိ ဆီးချိုရောဂါဝေဒနာရှင်ဦးရေဟာ သန်းပေါင်း ၅၉၂ သန်း ၀.၅ ဘီလီယံရှိလာမယ် လို့ မျှော်မှန်းရပါတယ်။ ၂၀၁၂ ခုနှစ်မှ ၂၀၁၃ ခုနှစ်အတွင်း ဆီးချိုရောဂါကြောင့် လူပေါင်း ၁၅ဝ၀ဝဝဝဝ (၁၅) သန်းခန့် အသက်ဆုံးရှုံး ခဲ့ကြရပြီး ၅၁ဝဝဝဝဝဝ (၅၁)သန်းကြားအထိ သေဆုံးမှုဖြစ်ခဲ့တယ်လို့တွေ့ရှိရပြီး သေဆုံးရခြင်း အကြောင်းရင်းထဲမှာ အဆင့် ၈ ရှိပါတယ်။

         ၂၀၁၃ ခုနှစ်မှာ တစ်ကမ္ဘာလုံးမှာ ဆီးချိုရောဂါကြောင့် ကုန်ကျစရိတ် အမေရိကန်ဒေါ်လာ ၅၄ဝ ဘီလီယံ ရှိခဲ့ပြီး အမေရိကန်ပြည်ထောင်စု တစ် နိုင်ငံမှာပဲ ၂၀၁၂ ခုနှစ်ရဲ့ ဆီးချိုရောဂါကြောင့် ကုန်ကျစရိတ်ဟာ ၂၄၅ ဘီလီယံရှိခဲ့ပါတယ်။

          သုတေသနလေ့လာတွေ့ရှိချက်အရ အာရှတိုက်နိုင်ငံသား (အထူး သဖြင့် တောင်အာရှနိုင်ငံသားတွေ)ဟာ ဆီးချိုရောဂါဖြစ်ပွားနိုင်ခြေ ပိုများတာတွေ့ရှိရပြီး ဆန်နှင့်ဆန်ထွက်ပစ္စည်းနဲ့ ပြုလုပ်စီမံတဲ့ အစားအစာ တွေကို အဓိကထားစားသုံးမှုရဲ့ ရလဒ်နဲ့ အချိုးကျတူညီတာ တွေ့ရပါ တယ်။

          အမျိုးသမီး တောင်အာရှ Pacific Islander ခေါ်တဲ့ တောင်ပစိဖိတ် သမုဒ္ဒရာကျွန်းနေ နိုင်ငံသားများ၊ လက်တင်အမေရိကန်နိုင်ငံ Latino နဲ့ အမေရိကတိုက် မူလ တိုင်းရင်းသား လူမျိုးစုများဟာ ဆီးချိုရောဂါ ဖြစ်နိုင်မှု နှုန်း ပိုပြီးမြင့်မားကြောင်းလည်း တွေ့ရရှိရပါတယ်။

          ယခု ရေးသားဘာသာပြန်တင်ပြမယ့် စာအုပ်ဟာ စင်ကာပူနိုင်ငံ Straitines Publishing House SPH ရဲ့ စီစဉ်မှုဖြင့် Focus Publishing Ltd က ၂၀၁၅ ခုနှစ် ဇန်နဝါရီလမှာ ပထမအကြိမ် ရိုက်နှိပ်ထုတ်ဝေခဲ့ ပြီး  Singapore press Holdings ကဖြန့်ချီခဲ့တဲ့ ကျန်းမာရေး ပညာပေး စာအုပ်ဖြစ်ပါတယ်။ ဖွံ့ဖြိုးပြီးနိုင်ငံတစ်ခုဖြစ်တဲ့ စင်ကာပူနိုင်ငံမှာ နိုင်ငံသား အများစုဟာ ကိုယ်အလေးချိန် လွန်ကဲများပြားလာမှု Over-Weight ကနေ အလွန်အမင်းဝဖြိုးမှု obesity အဆင့်ကို ရောက်ရှိလာပြီး ဆီးချိုရောဂါ ဖြစ်ပွားမှုနှုန်း မြင့်မားလာတာကြောင့် ပြည်သူလူထုရဲ့ ကျန်းမာရေးကို အဆင့်မြှင့်အသိပေးလိုတဲ့ ရည်ရွယ်ချက်နဲ့ ထုတ်ဝေခဲ့တဲ့ စာအုပ် ဖြစ်ပြီး Health No.1 Health Guide က ဖြည့်စွတ်အကြံပြု ပူးပေါင်း ပါဝင် ဆွေးနွေးတင်ပြထားတဲ့ ဆီးချိုဝေဒနာရှင်များအတွက် အလွန်အသုံးဝင်မယ့် လက်စွဲစာအုပ် Guide book ဖြစ်ပါတယ်။ ပြည်ထောင်စုသမ္မတ မြန်မာနိုင်ငံတော်မှာလည်း ၂၀၁၃ -၂၀၁၄ ခုနှစ် သုတေသနပြုလုပ်တွေ့ရှိ ချက်အရ တစ်နိုင်ငံလုံးမှာ ဆီးချိုရောဂါဖြစ်ပွားမှုနှုန်း ၃% မှ ၆ % အကြား ရှိကြောင်း ခန့်မှန်းတွေ့ရှိရပါတယ်။ အဲဒါကြောင့် မြန်မာနိုင်ငံရှိ ဆီးချိုသွေးချိုဝေဒနာရှင်များနှင့် ဖြစ်ပွားနိုင်ခြေ အနေအထားရှိ နိုင်ငံသားများအတွက် ကျန်းမာရေးပညာပေးဆိုင်ရာ စာအုပ်စာတမ်းများ၊ ဆောင်းပါးများကို စေတနာရှေ့ထား ရေးသားထုတ်ဝေနေကြတဲ့ ကျန်းမာရေးအသိပေးစာပေများ ရဲ့ ဝန်ဆောင်မှုကဏ္ဍမှာ တစ်တပ်တစ်အား ပါဝင်နိုင်စေဖို့ ဒီစာအုပ်ကို ကြိုးစားပြီး ဘာသာပြန်ရေးသားတင်ပြလိုက်ပါတယ်။ စာဖတ်သူများ ဆီးချို ရောဂါမဖြစ်ပွားရအောင် ကြိုတင်ကာကွယ်ခြင်း၊ ဖြစ်ပွားခံစားနေခြင်းရှိမရှိ စစ်ဆေးဖော်ထုတ်ခြင်း၊ မှန်ကန်ထိရောက်စွာ ကုသမှုခံယူပြီး အသက်ဉာဏ် စောင့် အသိဉာဏ်မြင့်မားစွာ နေထိုင်မှုပုံစံ Life Style ကို ပြုပြင်ချမှတ်ပြီး ကျန်းမာရွှင်လန်းစွာ နေထိုင်နိုင်ကြပါစေကြောင်း ဆုမွန် ကောင်းတောင်း အပ်ပါတယ်။