ဆရာဦးလှထွန်း(နာဂသိန်မြန်မာစာ) - တက္ကသိုလ်ဝင်တန်းလက်တွေ့လေ့ကျင့်စာစီစာကုံးများ

ကျွန်ုပ်အထူးစိတ်ဝင်စားသော ဘာသာရပ်

                                                                 မောင်အောင်မြတ်

                       ကျွန်ုပ်သည် အထက်တန်း ပညာသင်ကြားရေးကျောင်း၏ တက္ကသိုလ် ဝင်တန်း၌ ပညာသင်ကြားနေသော ကျောင်းသားတစ်ဦး ဖြစ်ပါသည်။ သိပ္ပံတွဲ ဘာသာယူသဖြင့် မြန်မာစာ၊ အင်္ဂလိပ်၊ သင်္ချာ၊ ရူပဗေဒ၊ ဓာတုဗေဒ၊ ဇီဝဗေဒဟူသည့် ဘာသာရပ်များကို သင်ကြားရပါသည်။ ထိုဘာသာရပ်များအားလုံးသည် . သူ့အရာနှင့် သူ စိတ်ဝင်စားဖွယ်ကောင်းသည်မှာ မှန်ပါ၏။ သို့ရာတွင် ထိုဘာသာရပ်များထဲမှ ကျွန်ုပ်အထူးစိတ်ဝင်စားသော ဘာသာရပ်တစ်ခုရှိပါသည်။ ထိုဘာသာရပ်နှင့် ပတ်သက်သည့် အထူးစိတ်ဝင်စားရသည့် အကြောင်းကိုလည်း ဖော်ပြပါမည်။

                  ကျွန်ုပ်အထူးစိတ်ဝင်စားသော ဘာသာရပ်မှာ အင်္ဂလိပ်စာ ဖြစ်ပါသည်။ ထိုအင်္ဂလိပ်စာဟူသော ဘာသာရပ်ကို ငယ်စဉ်ကတည်းက နှစ်သက်ခဲ့ပါသည်။ တစ်နည်းအားဖြင့် ကျွန်ုပ်၏ အင်္ဂလိပ်စာ အခြေခံ အစပျိုး မြစ်ဖျားခံရာလည်း ဖြစ်ပါ၏။ ငယ်စဉ်က နှစ်သက်မိသည်မှာ သင်ကြားပေးသော ဆရာမ၏ စွမ်းဆောင်မှု ကြောင့်ဟု ဆိုရပါမည်။ အဘယ့်ကြောင့်ဆိုသော် ထိုဆရာမကကျွန်ုပ်တို့ကလေးများကို စာလုံးများ လှပမှုရှိရန် သင်ကြားပေးပါ၏။ သင်ကြားပြီးသော် မည်သူတတ်မြောက်သည်ကိုမေး၍ ကျွန်ုပ်တို့အား မုန့်ကျွေးပါ၏။ ငယ်စဉ် ကတော့ အင်္ဂလိပ်စာ သင်ပြီးချိန်၌ မုန့်စားရစမြဲ ဖြစ်သဖြင့် နှစ်သက်ရခြင်း ဖြစ်ပါ၏။

ကျွန်ုပ် စတုတ္ထတန်းသို့ ရောက်သောအခါ အင်္ဂလိပ်ဆရာမ ဒေါ်စန်းရင်ကကျွန်ုပ်တို့အား မြန်မာပြည်ကို နယ်ချဲ့အင်္ဂလိပ်တို့က အုပ်ချုပ်ခဲ့ကြကြောင်း၊ ကမ္ဘာ တစ်ဝက်ခန့်ကိုလည်း အင်္ဂလိပ်တို့က သိမ်းပိုက်ခဲ့ကြကြောင်း ပြောပါသည်။ ဆက် လက်၍ “ကမ္ဘာသုံးစကားသည်လည်း အင်္ဂလိပ်စကား ဖြစ်သောကြောင့် အင်္ဂလိပ်စာ နားလည်ပါမှ ကိုယ်အလိုရှိရာ နိုင်ငံခြားစာအုပ်များကို ဖတ်နိုင်မည်” ဟု ပြော၍ ကျွန်ုပ်တို့အား အင်္ဂလိပ်စာ သင်ပေးလေ့ရှိ၏။ ဆရာမသည် စာသင်ရာ၌နည်း ကျွမ်းကျင်၏။ မကားလုံးများကိုလည်း ကောင်းစွာနားလည်အောင် ရှင်းပြတတ်၏။ ထိုသို့သော ကျေးဇူးကို ထိုစဉ်က မသိခဲ့သော်လည်း ယခုမှသိရ၌ ဆရာမကို အလွန် ကျေးဇူးတင်လျက်ရှိပါသည်။

ထို့နောက် အထက်တန်းသို့ရောက်သောအခါ ဆရာမ ဒေါ်စိန်စိန်၏ သင် ကြားမှုကြောင့် ဆထက်ထမ်းပိုး အင်္ဂလိပ်စာ ဘာသာရပ်ကို ဝါသနာပါလာပါ သည်။ ဆရာမက မိမိရည်မှန်းချက်သို့ ဖြတ်သန်းရောက်ရှိရန်အတွက် တက္ကသိုလ် စာမေးပွဲသည် အရေးပါအရာရောက်ကြောင်း ပြောကြားပါသည်။ ထို့ကြောင့် အင်္ဂလိပ်စာ သေချာတတ်ရန် လိုသည်ဟုဆို၍ အင်္ဂလိပ်စာရလျှင် အခြားဘာသာ ရပ် အများစုမှာ အင်္ဂလိပ်စကားနှင့် ရေးထားသော စာများသာဖြစ်ကြောင်း ပြောကြားပါသည်။ ထို့ကြောင့်လည်း ကျွန်ုပ်တို့၏ စာလုံးတစ်လုံးစီကို စေ့စေ့စပ်စပ် ရှင်းပြပါသည်။ စကားလုံးအတွဲလေးများကိုလည်း အဓိကထား၍ အသုံးအနှုန်း မှန်ကန်အောင် သင်ကြားပေးသည့်အတွက်လည်း စိတ်ဝင်စားဖွယ်ကောင်းပါ၏။

. ကျွန်ုပ်၏ အခြားအတွေ့ အကြုံများကို တင်ပြရလျှင် ကျွန်ုပ်ငယ်စဉ်က မိဘ များက ရွှေသွေးဂျာနယ်ကို အပတ်စဉ် ဝယ်ပေးပါ၏။ အစပိုင်း၌ မြန်မာစာနှင့် ရေးထားသော စာအုပ်တို့သာ ဖတ်တတ်ပါသည်။ ထို့နောက်မှ အင်္ဂလိပ်စာကိုပါ တဖြည်းဖြည်းတွဲ၍ ဖတ်တတ်လာသောကြောင့် ပျော်စရာလည်း ကောင်းသည့် အပြင် စိတ်ဝင်စားစရာလည်း ကောင်းပါသည်။

အလယ်တန်းသို့ ရောက်သောအခါ၌လည်း အင်္ဂလိပ်စာနှင့်ရေးထားသော ကမ္ဘာကျော် အီစွတ်ပုံပြင်များကို ဖတ်ခိုင်းပါသည်။ ထို့နောက် ပသီဝတ္ထုများ ကိုလည်း ဖတ်ရပါသည်။ ထို့နောက်မှ “ကမ္ဘာပတ်လည် ရက်ရှစ်ဆယ်” ဟူသော . ဘာသာပြန်ဝတ္ထုကို စ၍ဖတ်ခိုင်းပါ၏။ ထိုဝတ္ထု၌ အင်္ဂလိပ်-မြန်မာ နှစ်ဘာသာဖြင့် ရေးသားထား၍ မြန်မာလို ဖတ်သကဲ့သို့ အင်္ဂလိပ်လိုလည်း ဖတ်ရပါ၏။ ထို့ပြင် နဝမတန်းသို့ ရောက်သောအခါ၌လည်း တခြားဝတ္ထုတိုကလေးများကို တစ်စတစ်စံ ဖတ်ဖြစ်လာသည်။ ထိုပုံပြင်၊ ဝတ္ထုတိုကလေးများမှာ ရယ်ဖွယ်ရာလည်း ကောင်းပါ၊ ၏။ ရသမျိုးစုံလည်း ပေးပါ၏။ ထို့ကြောင့် စိတ်ဝင်စားဖို့လည်း ကောင်းပါ၏။

တက္ကသိုလ်ဝင်တန်းကျောင်းသားများ၏ အင်္ဂလိပ်စာကို ဘာသာရပ်သင်ခန်းစာများထဲတွင် တစ်ခုအဖြစ် ထည့်ထား သည်မှာ အလွန်သင့်လျော်လှပါသည်။ အင်္ဂလိပ်စာသည် ကမ္ဘာသုံးစကား တစ်ခု ဖြစ်သည့်အပြင် အနောက်တိုင်း၏ တိုးတက်သောနိုင်ငံများ၌လည်း အင်္ဂလိပ် စကားနှင့် ရေးကြ၊ ပြောကြပါသည်။ ထို့ကြောင့် ၎င်းတို့ဆီမှ အကြံဉာဏ်နှင့် စိတ်ကူးတို့ကို ကျွန်ုပ်တို့လိုအပ်ပါသည်။ ထို့ကြောင့် အင်္ဂလိပ်စာတတ်ရန် အရေးကြီး ပါသည်။ ထို့ကြောင့်လည်း နိုင်ငံတော်အစိုးရက ကျောင်းသူကျောင်းသားများ အတွက် သူငယ်တန်း ‘အေ၊ဘီ၊စီ မှ စ၍ အထက်တန်း ဝတ္ထုဆောင်းပါးများအဖြစ် တဖြည်းဖြည်း မြှင့်တင်ပေးခဲ့ပါသည်။ ထို့ကြောင့်ပင် ကျွန်ုပ်တို့သည် မည်သည့် အတန်းအရွယ်၌ မည်သို့သော အင်္ဂလိပ်စာအဆင့်ကို ရသင့်သည်ဟူသော အချက် ကိုလည်း သိရပါ၏။ -

ကျွန်ုပ်၏ အင်္ဂလိပ်စာ လေ့လာဆည်းပူးမှုကိုပြလျှင် ပထမ ကျွန်ုပ်၏ သူငယ်တန်းဆရာမမှ စရပေလိမ့်မည်။ သူသည် သင်ခန်းစာအပြီး၌ မုန့်ကျွေးသဖြင့် သဘောကျခြင်းဖြစ်ပါ၏။ ထို့နောက်တွင် ဆရာမဒေါ်စန်းရင်၏ သင်ကြားမှုကို ကျွန်ုပ် သေချာလေ့လာဆည်းပူးခဲ့ပါ၏။ ထို့အပြင် ဆရာမဒေါ်စိန်စိန်၏ သင်ပြပေးမှု၊ စကားပြောကောင်းမှုသောကြောင့် အင်္ဂလိပ်စာ လေ့လာလိုစိတ် ပြင်းပြခဲ့ပါ၏။ ထို

အချိန်မှစ၍ အင်္ဂလိပ်စာကို အထူးစိတ်ဝင်စားမိသည်ကို သတိထားမိပါ၏။ ငယ်စဉ် န ကတည်းက မိဘတို့ဖတ်သော ဂျာနယ်၊ ပုံပြင်ကလေးများအား ကျွန်ုပ်မဖတ်လျှင် ဖြစ်ပါသည်။ သို့သော် ကျွန်ုပ်၏အင်္ဂလိပ်စာ စိတ်ဝင်စားမှုကြောင့်သာ ဖတ်ခဲ့ခြင်း ဖြစ်ပါသည်။ နဝမတန်း၌ဖတ်ခဲ့ရသော ဝတ္ထုတိုကလေးများမှာ ကျွန်ုပ်စိတ်အား တက်ကြွစွာ ဖတ်လိုသောဆန္ဒဖြင့် ဖတ်ခဲ့ခြင်းဖြစ်ပါ၏။ ထို့ကြောင့်ပင် ငယ်စဉ် ကတည်းက အင်္ဂလိပ်စာကို ဝါသနာပါသည်ရော၊ စိတ်ဝင်စားသည်ပါ မသိမသာ တိုးတိုးလာခြင်း ဖြစ်မည်ထင်သည်။ ။

ကျွန်ုပ်အထင် အင်္ဂလိပ်စာသည် ကမ္ဘာသုံးစကား ဖြစ်သောကြောင့်လည်း ကောင်း၊ အနောက်နိုင်ငံများမှ အကြံဉာဏ်တို့ကို ယူနိုင်သောကြောင့် လည်းကောင်း ကျွန်ုပ်ပို၍စိတ်ဝင်စားရခြင်း ဖြစ်သည်။ အင်္ဂလိပ်စာမတတ်လျှင် သာမန်ဆေးစာရွက် ကလေးကိုပင် ဖတ်နိုင်မည်မဟုတ်ပါ။ ထို့ပြင် နိုင်ငံခြားသို့ ခရီးထွက်သော အခါ၌ လည်းကောင်း၊ အလည်အပတ် သွားသောအခါ၌လည်းကောင်း အင်္ဂလိပ်စကားဖြင့် ရေးရ၊ ပြောရသည်။ အင်္ဂလိပ်စာတတ်လျှင် ဘာသာပြန်ဝတ္ထုများကို ရေးသူတို့အဖို့၌ လည်း အဆင်ပြေမည်ဖြစ်သည်။ သဘာဝတရားကြီးက ဖန်တီးပေးထားသော ကြောင့် ကျွန်ုပ်တို့နိုင်ငံမှာ ဘာသာစကား တစ်မျိုးထက်ပို၍ အလိုအလျောက်လက်တွေ့ လေ့ကျင့် စာစီစာကုံးများ တတ်ရသော နိုင်ငံဖြစ်ရာ အင်္ဂလိပ်စာသည် အထူးပင် စိတ်ဝင်စားဖွယ်ကောင်းသော ဘာသာရပ် ဖြစ်သည်။