ဆရာတော်ဘဒ္ဒန္တ၀ေပုလ္လ - သစ္စာအဓိဌါန်ပညာအကျင့်လမ်း

သစ္စာဟူသည်မှာ ဤကမ္ဘာ ဤလောက၌ ထည်ထည် ဝါဝါ တင့်တင့်တယ်တယ် ခန့်ညားစွာ တည်ရှိနေသော တရား တစ်ခုဖြစ်ပါသည်။ ထိုသစ္စာကား လောကတွင် အမှန်တရားပင် ဖြစ်ပါသည်။ ထိုအမှန်တရားသည် လောကတွင် မရှိမဖြစ်၊ သူမပါလျှင်မပြီး၊ သူ့ကိုမတွေ့သေးလျှင် အမှန်မဖြစ်နိုင်၊ သူ့ကို တွေ့ပါမှ အမှန်တရားသည် ဖြစ်ပေါ်လာနိုင်သကဲ့သို့ ဤမျှပင် သစ္စာသည်၊ ဤမျှပင် အမှန်တရားသည် လောကတွင် တန်ဖိုး ကြီးမားလွန်းလှပါသည်။

ဤအမှန်တရားသစ္စာကို မတွေ့မမြင်သေးသရွေ့ ဤ လောက၊ ဤကမ္ဘာကြီးသည် အမှောင်အတိသာ ဖြစ်နေတတ်ပါ သည်။ အလင်းရောင် မတွေ့မမြင်ရသေးဟု ဆိုလိုပါသည်။

ဥပမာဆိုရသော် ကမ္ဘာတည်စ ကမ္ဘာဦးလူသား အစများသည် အလင်းရောင်မရှိ အမှောင် အတိသာ ဖြစ်နေတတ်ပြီး အလင်း ရောင်ကို မက်မက်မောမော တမ်းက ရှာဖွေသကဲ့သို့တည်း။ ထိုအခါ နေမင်းသည် တပေါင်းလပြည့်ကျော်တစ်ရက်နေ့မှစ၍ ကမ္ဘာလောကကြီးတစ်ခုလုံးအား အမှောင်ကိုခွင်း၍ အလင်း

ဆောင်သကဲ့သို့ တင့်တယ်စွာ ထွန်းလင်း တောက်ပလာ၍ ကမ္ဘာဦးလူသားများ အားရဝမ်းသာ ပျော်မြူး ရွှင်လန်းလာကြ ကုန်တော့၏။ ထို့ကြောင့် သစ္စာတရားသည် အလင်းရောင်နှင့် အသွင်ဏ္ဌာန် တူလှတော့၏ဟု မှတ်သား နာယူသင့်လှ၏။ သစ္စာတရားကို မတွေ့မမြင် မကျင့်သုံးသရွေ့ အမှန်တရားကို တွေ့ရှိရပြီဟု မယူဆအပ်ပေ။ လောကီကိစ္စ တရားများကို လည်းကောင်း၊ လောကုတ္တရာကိစ္စတရားများကိုလည်းကောင်း ကျင့်သုံး ဆောင်ရွက်ကြရာတွင် သစ္စာတရားသည် လွန်စွာမှအရေး ကြီးလှပါသည်။ သစ္စာတရားနှင့် သစ္စာပေတံဖြင့် တိုင်းတာ၍ ကျင့်သုံးဆောင်ရွက်သင့်ပါသည်။ ထိုအခါ မည်သည့်ကိစ္စသည် အမှန်တရားဖြစ်သည်ကိုလည်းကောင်း၊ အမှားတရား ဖြစ်သည် ကိုလည်းကောင်း ကွက်ကွက်ကွင်းကွင်း လင်းလင်းထင်ထင် အမှန်တရားကို သိမြင်လာရတော့၏။ ထိုအခါ သစ္စာတရားသည်

ဖြောင့်မတ်သော အမှန်တရားကို လက်ကိုင်ထားတတ်သည့် အဂတိမလိုက်စားသည့် (တရားသူကြီး နှင့် အသွင်သဏ္ဌာန် တူလှတော့၏ဟု မှတ်သားသင့်ပါသည်။ ထို့အပြင် လောက၏ ဆောင်ပုဒ်များလည်း ရှိပါသေး၏။ ထိုဆောင်ပုဒ်မှာ (သစ္စာ

သမာဓိ တည်သောအခါဝယ် နွယ်မြက်သစ်ပင် ဆေးဖက်ဝင်၏) ဟု ဆိုရိုးစကား ရှိခဲ့ပါသေး၏။ သစ္စာတရားသည် ဤမျှ အစွမ်းထက်ပါသေးသည်။ သစ္စာသာ ရှိပါစေ၊ သစ္စာသာ မှန်ပါစေ ထိမိကိုင်မိသော အရာဝတ္ထု ပစ္စည်းမှန်သမျှ၊ သစ်ရွက် သစ်ဥ သစ်ဖုမှန်သမျှ ဆေးဖက်ဝင်နိုင်၏။ ရောဂါဝေဒနာ အနာ များကို ပျောက်ကင်းစေနိုင်သည်ဟု ဆိုလိုရင်းဖြစ်ပါသည်။ ထိုအခါ သစ္စာတရားသည် ဆေးကုသရာ၌ ကျွမ်းကျင်လိမ္မာ

သော သမားတော်ကြီးနှင့်လည်း အသွင်သဏ္ဌာန်တူလှ၏ဟု သိမှတ်ကြကုန်ရာ၏။ ထို့ကြောင့် မှန်ကန်သောသစ္စာတရားသည် `မကောင်းကျိုး မှန်သမျှတို့ကို တွန်းလှန် ချေဖျက်နိုင်ပြီး ကုသိုလ်ကောင်းမှုဘက်၌ အမှန်တရားအတိုင်း ရပ်တည်ပေးလာ တတ်ခြင်းကြောင့် မကောင်းသူကိုပယ်၍ ကောင်းသူကိုကယ်တင် တတ်သော လောကနှင့် လူတို့ကို ကြည့်ရှု မ-စတတ်သော သိကြားမင်းနှင့်လည်း ပုံသဏ္ဌာန်တူလှပေသည်။ သာဓက ဥပမာ ထုတ်ဆိုပါဦးအံ့။ ဤလောက ဤကမ္ဘာကြီးတွင် ဘုရားရှင်များ ပစ္စေကဗုဒ္ဓါများ၊ ရဟန္တာများတို့သည် အကယ်၍ မပွင့်လာခဲ့ သည်ရှိသော်၊ မဖြစ်လာခဲ့သည်ရှိသော် (သစ္စာတရား) သည် လည်း ရှိလာမှာ မဟုတ်ခဲ့ချေ။ ဖြစ်ပေါ်လာမှာ မဟုတ်ခဲ့ချေ။ သစ္စာတရားကို မည်သို့မည်ပုံရှိသည်ကို သိမြင်ကြလိမ့်မည် မဟုတ်ပါပေ။ ဤလောက ဤကမ္ဘာကြီးတွင် သစ္စာလေးပါး တရားမြတ်ကို ပိုင်းခြားထင်ထင် သိမြင်တော်မူသော သဗ္ဗညုတ ဗုဒ္ဓဘုရားရှင်သည် ပွင့်ထွန်းပေါ်ပေါက်လာခဲ့၍သာ လူတို့သည်

သစ္စာတရားကို စာတွေ့ အားဖြင့် သိမြင်လာကြကုန်၏။ ဝိပဿနာတရားကို အားထုတ်ခြင်းဖြင့် သစ္စာတရားကို ပညာသိ သိမြင်လာနိုင်ကြကုန်၏။ ထို့ပြင် ဗုဒ္ဓမြတ်စွာဘုရားရှင်သည် စတင်ပွင့်ထွန်းလာသည်နှင့်တပြိုင်နက် လောကနှင့်လူသားများ အတွက်သော်လည်းကောင်း၊ နတ်၊ ဗြဟ္မာများအတွက်သော် လည်းကောင်း စတင်၍ ဟောကြားတော်မူသော ပထမဦးဆုံး

သော တရားသည်ပင်လျှင် သစ္စာလေးပါးကို အဓိကထား၍ | ဟောကြားတော်မူသော ဓမ္မစက္ကသုတ်တော်ကို မိဂဒါဝုန်တော

တွင် စတင်၍ ဟောကြားတော်မူခဲ့သည်မဟုတ်ပါလား။ ထိုသို့ လျှင် မိဂဒါဝုန်တောတွင် ဟောကြားအပ်သော ဓမ္မစကြာ တရားတော်ကို နာကြားရခြင်းသည်ပင်လျှင် ဒုက္ခသစ္စာ၊ သမုဒယသစ္စာ၊ နိရောဓသစ္စာ၊ မဂ္ဂသစ္စာဟု ဆိုအပ်သော သစ္စာလေးပါး မြတ်တရားတို့ကို သိမြင်ကြ၍ နတ်၊ ဗြဟ္မာ အပေါင်းတို့သည် ကုဋေနှင့်ချီ၍ ကျွတ်တန်းဝင်ကြရကုန်၏။ ဤသည်လျှင် သစ္စာတရား (ဝါ) မှန်ကန်သောတရားသည်

လောကကမ္ဘာကြီးတွင် အမှန်တရားဘက်က ရပ်တည်နေ၍ များစွာသော အရိယာပုဂ္ဂိုလ်များ၊ များစွာသော သရဏဂုံ တည်နေသော ပုဂ္ဂိုလ်များ၊ များစွာသော ရဟန္တာ ပုဂ္ဂိုလ်များ၊ များစွာသော ဥပသကာ သူတော်ကောင်းများ ဖြစ်ထွန်း ပေါ်ပေါက်၍ လာကြကုန်၏။ သစ္စာတရားသည် ဤမျှ အရေး ကြီးသော ကဏ္ဍမှ ရပ်တည်လျက်ရှိပါ၏။ ဤစာအုပ်ကဏ္ဍ၌ အကျွန်ုပ် ကျမ်းပြုအရှင် ဝေပုလ္လရာမသည် လွန်ခဲ့သောနှစ်ပေါင်း

(၄၀) အတွင်း တန်ခိုးကြီးမားသော ဘုရားစေတီတော်များတွင် လည်းကောင်း၊ သမိုင်းဝင် သိုက်ဝင် တောင်များတွင်လည်း ကောင်း အဓိဋ္ဌာန်ပြု၍၊ သစ္စာပြု၍ ပညာဖြစ်အောင်၊ သိဒ္ဓိဖြစ်လာ အောင် ကျင့်ကြံအားထုတ် ပွားများလာခဲ့သည်များကို စုစည်း၍ ဤ 'သစ္စာအဓိဌာန်အကျင့်လမ်း” စာအုပ်ကို ရေးသား စီရင်အပ် ပါသည်။ မင်း

ဤ အဓိဋ္ဌာန်အကျင့်လမ်း စာအုပ်တွင် ပါဝင်သော | အဓိဋ္ဌာန်ဝင်ပုံ၊ သစ္စာအဓိဌာန်ပြပုံ၊ အဓိဋ္ဌာန်အားဖြင့်ဆုတောင်းပုံ စသည်များသည် အကျွန်ုပ် ကျမ်းပြု အရှင် ဝေပုလ္လရာမ ဆရာတော်ကိုယ်တော်တိုင် ကိုယ်တွေ့၊ လက်တွေ့ ကျင့်ဆောင် အားထုတ် ပွားများလာခဲ့သော နည်း၊ နိဿယများဖြစ်ကြောင်း ဖော်ပြအပ်ပါသည်။ လက်တွေ့အောင်မြင်လာခဲ့ပါပြီ။ ကိုယ်တွေ့ ထူးခြားစွာ ပညာရပ်များ ဖြစ်ပေါ်လာစေခဲ့ပါပြီ။ ထို့ကြောင့် (သစ္စာတရား အားကောင်းလာခဲ့သည်ရှိသော် သိဒ္ဓိအမျိုးမျိုးတို့ကို ရစေနိုင်ပါသည်။)၊ (သစ္စာတရား၊ အဓိဋ္ဌာန်တရား များစွာ

အောင်မြင်ထားသော ပုဂ္ဂိုလ်များ၌မူ လောကီပညာအမျိုးမျိုး၊ လောကုတ္တရာပညာ အမျိုးမျိုးတို့ကို ရရှိခံစားစေတတ်ပါသည်) ဤမျှပင် သစ္စာတရားသည် မှန်ကန်သောတရားအားဖြင့်၊ မှန်ကန်သော တရားနည်းလမ်းကျသော အောင်မြင်မှု၊ တိုးတက်မှု၊ ကြီးပွားမှု၊ ချမ်းသာမှုတို့ကို ပေးစွမ်းနိုင်ပါ သည်။ ထိုနည်းတူစွာ ပင် သစ္စာတရားကို အခြေခံ၍၊ မူတည်၍ အဓိဋ္ဌာန်အကျင့်ကို ထပ်ခါတလဲလဲ အဖန်တလဲလဲ အားထုတ်အောင်မြင်နေသော

ပုဂ္ဂိုလ်များသည်လည်း မိမိ အားထုတ် အောင်မြင်နေသော အဓိဋ္ဌာန်အကျင့်တန်ခိုးကြောင့် လိုအင်ဆန္ဒ ရည်မှန်းချက် ပန်းတိုင်မှန်သမျှ အောင်မြင်ပြီးစီးရတတ်ပါသည်။ ထို့ကြောင့် လက်တွေ့၊ ကိုယ်တွေ့၊ ကျင့်ဆောင် ပွားများ အားထုတ်လာ ခဲ့သော သစ္စာအဓိဋ္ဌာန် အကျင့်လမ်း အားထုတ်ပုံ အားထုတ်နည်း များကို ယခုအချိန်အခါမှစတင်၍ ရေးသားဖော်ပြပေတော့အံ့။ အကျင့်လိုလား ပညာ အမျိုးကောင်းသား၊ အမျိုးကောင်းသမီး တို့သည် ယခုကျမ်းပြု အရှင် ကျွန်ုပ်ဆရာအရှင် ရေးသားဖော်ပြ မည် ဖြစ်သော သစ္စာအဓိဌာန်အကျင့်လမ်းကို လေးစားယုံကြည် စွာ လေ့လာမှတ်သား နာယူကြ၍ ကျင့်ကြံပွားများ အားထုတ် ကြကုန်ရာသတည်း။