စိတ်ကူးချိုချိုစာပေ
စစ်ကိုင်းဦးဘိုးသင်း - ဖလ်ဂူ့ရှင်
Couldn't load pickup availability
ဖလ်ဂူ့ ရှင်
လူတို့မည်သည် လောက၌ အေးချမ်းသာယာမှုကို လိုလားသည် ဟု ပြောဆိုကြပေလိမ့်မည်။ အေးချမ်းသာယာမှုကို ဆောင်ရွက်သည် ဟူ၍လည်း ပြောဆိုကြပေလိမ့်မည်။ ထိုသို့ ပြောဆိုရာ၌ ဂုဏ်ရှိသော သူက ပြောဆိုလျှင် ယုံကြည်ကြသူတို့လည်း များပေလိမ့်မည်။ သို့သော် တွေ့ကြုံဆုံဆိုက်မှု အရပ်သည်ကား အေးချမ်းသာယာမှုနှင့် ကျောချင်း ကပ်လျက်ရှိသည်သာ များပေသည်။ သတင်းလောကသည် အေးချမ်းသာယာမှု မရှိနိုင်။ ထိုသို့ အေးချမ်း သာယာမှု မရှိနိုင်ခြင်းကြောင့် ငိုကြွေးနေသော သူတို့သည် ရှိဘိသကဲ့သို့ ရယ်မောလျက် တန်ခိုးရှိပြီးလျှင် တင့်တယ်သောသူတို့လည်း ရှိပေသည်။ ထို့ကြောင့် အေးချမ်းသာယာမှု မရှိခြင်းသည် တစ်ဖက်က အမင်္ဂလာ ဖြစ်သဖြင့် တစ်ဖက်မှာ မင်္ဂလာရှိလေသည်။
သာဓက ပြရသည်ရှိသော် ဤသို့တည်း။ တောင်သူလယ်သမား တစ်ယောက်၏ အိမ်ကို ဝန်ကြီးတစ်ပါးသည် ဧည့်သည်အဖြစ်နှင့် ရောက် လာသည်။ ထိုတောင်သူလယ်သမား၏ အိမ်နှင့် ကြက်ဖကြီးသည် ကြက် အုပ်စုနှင့် တင့်တယ်ပျော်ပါးစွာ စားသောက်ပျော်ပါးလျက်ရှိသည်။
ထိုသို့ တောင်သူလယ်သမား၏ အိမ်သို့ ဝန်ကြီးသည် ဧည့်အဖြစ် နှင့် ရောက်လာသောကြောင့် အိမ့်ရှင်လယ်သမားကား ဂုဏ်ရှိသည်။ ငါ့မှာ ကျက်သရေမင်္ဂလာရှိသည်ဟု ၎င်း၏အဖြစ်တွင် အလွန်အေးချမ်း သာယာကာ ခဏချင်းအားဖြင့် ရှိကောင်းပေမည်။
လယ်သမား၏ သားသည်ကား ဝန်ကြီးအား ကောင်းသော ဟင်း လျာဖြင့် ဧည့်ခံကောင်းဖြစ်လိုသောကြောင့် ပျော်ပါးစွာနေသော ကြက် အုပ်စုကို လိုက်၍ဖမ်းတော့ပြီး။ လယ်သမားအိမ်မှာ သာယာအေးချမ်း သလောက်၊ လယ်သမား၏အိမ်မှ ကြက်တို့ကား သောင်းကျန်းခြင်းဘေး နှင့် တွေ့ကြရလေပြီ။ ဘယ်သူ သောင်းကျန်းသနည်း။ ကြက်သည်သောင်းကျန်းသလား၊ သာယာသည်ဆိုသော လယ်သမား၏အိမ်မှ သား သည် ကြက်များအပေါ်၌ သောင်းကျန်းလေသည်။
ထိုလယ်သမား၏သားသည် ကြက်ဖ မြီးကောင်ပေါက်တစ်ကောင် နှင့် ဥလုဆဲ ကြက်မဆူဆူတစ်ကောင်ကို ဖမ်း၍သတ်ပြီးသော် ဟင်းလျာကောင်းအဖြစ်နှင့် ဝန်ကြီးအား ကျွေးတော့ပြီ။ ကြက်ဥတွင်းထဲမှ ကြက်ဥ များကိုယူ၍ ဝန်ကြီး၏စားတော်ပွဲအတွက် အာဟာရကောင်းကို ဖြစ်စေ တော့သည်။
ထို့ကြောင့် လယ်သမားမှာ ဝန်ကြီး၏ ပွဲတော်စာကောင်းကို ဖြစ်စေ နိုင်သဖြင့် တင့်တယ်ကာ ဂုဏ်သိန်ကြီးမြင့်သော်လည်း ၎င်း၏အိမ်မှ ကြက်များမှာကား ကြောက်လန့်တကြား တွေ့ကြရလျက် အပေါင်း အသင်းထဲမှ ကြက်ဖတစ်ကောင်နှင့် ကြက်မတစ်ကောင် သေကြရသည့် ပြင် နောက်ကြက်ဦးရေတိုးပွားရန် ကြက်ဥ ဆယ့်ငါးလုံးလောက်လည်း ပျက်စီးရလေသည်။
ထို့ကြောင့် လောကသည် အမြဲတိမ်းစောင်းနေလျက် အနိမ့် အမြင့် ဟူ၍ ရှိလေသည်။ ပူပြင်းလျက်လည်း ရှိသည်။ ထိုသို့ ရှိခြင်းကြောင့်လောကသည် မင်္ဂလာရှိသည်။ ပျော်စရာကောင်းသည်ဟု ရေးလျှင်၊ ဤစာရေးဆရာကို အရူး လူမိုက်ဟု ဆိုကောင်း ဆိုပေမည်။ ကို ဆိုလျှင် ဆိုသောသူသည် အရာရှိကြီး၊ လခစားကြီး၊ ဝန်ကြီး၊ ဝန်ကြီးချုပ်၊ သမ္မတ၊ ငွေဝင်ကောင်းသူ၊ ကောင်းစားသောသူ၊ ဂုဏ်ရှိသောသူ စသည်ဖြင့် မလုပ်ချင်နှင့်။ ပြဆိုခဲ့သော လယ်သမား၏အိမ်မှ ကြက်ဖကြီးကဲ့သို့ ကြက်အုပ်စုနှင့်သာ နေပေတော့။
ထိုသဘောအရ ဖလ်ဂူရှင် ရေပိုင်က လူ့သျှတ္တရမှ ထုတ်၍ ဤသို့ သော နီတိကို ဆိုသည်။
လောကသည် အစဉ်မသာယာလျက်ရှိသည်။ ထိုသို့ မသာယာ ခြင်းကြောင့် လောက၏ တင့်တယ်သောအရောင်အဝါနှင့် မင်္ဂလာလည်း ရှိပေသည်။ ကမ္ဘာ၌ အကျင့်စာရိတ္တပျက်ပြားနေသော ခေတ်တွင်သာ ပညာရှိသူတော်ကောင်းတို့သည် ထင်ရှား၍ ရှင်ပစ္စေက ဗုဒ္ဓါ၊ ဘုရား ရဟန္တာတို့သည် ပွင့်နိုင်လေကုန်သည်။ ထိုသို့ နီတိစကားကို မောင်တော် ကလေး တက္ကသိုလ်မှအပြန်ကို မျှော်လင့်နေသော စောစိန်မြိုင်မင်းသမီး ကလေးသည် စဉ်းစားကာ တည်းဖြတ်ဝေဖန်လျက် ရှိနေသည်တွင် ခမည်းတော်မင်းကြီး တောက်ထိန်မှ အောက်ပါအမိန့်တော်သည် ရောက် လာ၍ မင်းသမီး စောစိန်မြိုင်သည် အနိမ့်သို့ ဆင်းကာ နာခံရလေ၏။
“သမီးတော် စောစိန်မြိုင်၊ နက်ဖြန် ညီလာခံတွင် ရံရွေတော် များနှင့်တကွဲ ဝင်ရောက်ခစားရမည်...”
နောက်တစ်နေ့ညီလာခံ၌...
“သမီးတော်...”
“အပါးတော်က ခစားလျက်ရှိကြောင်းပါဘုရား။”
“နားထောင်ဗျား ...”
“အမိန့်တော်သံကို ဦးထိပ်ပန်ဆင်လျက်ပါဘုရား "
“သူကောင်းတော်ကြီးများ ...”
“ဘုရား ”
“ခု ပန်းတောင်းနေပြည်တော် မြင်တင်နေပြည်တော် ရွှေမြင်းပျံ နေပြည်တော်တို့မှ မိတ်ဆက်မဟာမိတ်အားဖြင့် သူတို့၏သားတော်များ နှင့် မေတ္တာဆက်ရန် သမီးတော်ကိုလိုကြောင်း လက်ဆောင်ပဏ္ဏာ များစွာ ပြုကာ သဝဏ်လွှာနှင့် တောင်းလာကြသည်။ ဘယ်လို သဘောရကြ သလဲ သူကောင်းတော်ကြီးများ ..”
“သမီးတော်အား သနားသဖြင့် တင်ခွင့်ပြုတော်မူပါ ဘုရား ....”
“ကိုင်း တင်ဗျား ...”
“ခမည်းတော်မြတ် မိန့်တော်မူသည်မှာ သွယ်ဝိုက်သောသဘော နှင့် နိုင်ငံတော်၏အကျိုးဟု ယူဆလျှင်လည်း ယူဆနိုင်ပါသည်။ သို့ရာ တွင် စင်စစ် အရင်းခံသော်ကား ဘုန်းဘုရား သမီးတော်နှင့် တိုက်ရိုက် သက်ဆိုင်နေပါသည်။ ထို့ကြောင့် သမီးတော်ကိုယ်တိုင် ရွေးချယ်ခွင့်ကို မ,စသနားတော်မူပါ ဘုရား ...”
“ဘယ့်နှယ်လဲ သူကောင်းတော်ကြီးများ ...”
“ရွှေဘုန်းတော်ရှင်ဘုရား ..”
“နန်းရင်းဝန် သက်တော်ရှည်အမတ်ကြီး တင်ဗျား ..”
“သမီးတော် ထိပ်စုမြတ် လျှောက်တင်သော အရေးတော်သည် အလွန်လျော်ကန်သင့်မြတ်တော်မူပါသည် ရွှေဘုန်းတော်ရှင် ဘုရား ..”
“ညီလာခံသဘာက ဘယ်လိုများ သဘောသင့်ကြပါသလဲ သူတော်ကောင်းကြီးများ ...”
“ရွှေဘုန်းတော်ရှင်ဘုရား ...”
“အတွင်းဝန်မင်း တင်ဗျား ..” ။
