ခင်မောင်ညို(ဘောဂဗေဒ) - ခေါင်းဆောင်တို၏နှလုံးသား

ခေါင်းဆောင်တို့၏ နှလုံးသား

(Ken Blanchard and Spencer Johnson)

          လူတွေ မှန်မှန်ကန်ကန် လုပ်နေသည်ကို မိအောင် ဖမ်းခြင်းသည် အားကောင်းသော စီမံခန့်ခွဲမှု သဘော တရားဖြစ်သည်။ ကံဆိုးသည်မှာ ခေါင်းဆောင် အတော် များများသည် လူတွေအမှားလုပ်သည်ကို ရအောင်ဖမ်းရာ၌ ပါရမီရှိကြသည်။ ကျွန်တော်က ခေါင်းဆောင်များအနေဖြင့် အနည်းဆုံးတစ်ပတ်ကို တစ်နာရီခန့် မိမိတို့၏ လုပ်ငန်းခွင် အတွင်းလှည့်ကာ လူတွေ အမှန်လုပ်နေသည်ကို စောင့်ဖမ်း ရန် အမြဲတမ်းတိုက်တွန်းသည်။

(Ken Blanchard and Robert Lorber)

          ထိရောက်သော ခေါင်းဆောင်တစ်ယောက်သည် သူ့လူတွေ ရလဒ်ကောင်း ရရေးအတွက် အကူအညီပေးရန် ဦးစားပေးပြီး နည်းလမ်းနှစ်မျိုးဖြင့် ကူညီလေ့ရှိသည်။

(၁) သူတို့၏ ရည်မှန်းချက်ပန်းတိုင်တွေကို သေသေချာချာ သိရှိအောင် လုပ်ပေးခြင်း၊

(၂) ထိုရည်မှန်းချက်တွေ ရရှိအောင် ထောက်ကူခြင်း၊အားပေးခြင်း၊ နည်းပေးလမ်းပြလုပ်ခြင်း၊

(၃) တိုးတက်လာခြင်းကို ချီးကျူးပါ။ ထပ်တိုးတက်စရာတွေ ဖြစ်လာမည်။

(Ken Blanchard, Thad Lacinak,

Chuck Tompkins, and Jim Ballard)

          လုပ်ရည်ကိုင်ရည်ကောင်းတစ်ခု၏ နောက်တွင် အပြုသဘော တစ်ခုခု လိုက်လာသောအခါ သဘာဝကျစွာ ပင် လူတွေက ထိုအပြုအမူကို ဆက်လုပ်ချင်ကြသည်။ ဤနေရာတွင် မိမိက အပြုသဘော မတုံ့ပြန်မီ တိတိကျကျ၊ မှန်ကန်သော အပြုအမူတစ်ခု ပေါ်ထွက်လာသည် အထိ စောင့်ဆိုင်းမနေရန် အလေးပေးပြီး အရေးတကြီး ပြောကြား လိုသည်။ ထိုသို့ သာ စောင့်နေမည်ဆိုလျှင် တစ်သက်လုံး ထိုင်စောင့်နေရမည်။