ကြည်မင်း - အချိန်မဖြုန်းနည်း

အချိန်ကို ထိရောက်စွာ သုံးတတ်ဖို့ လိုသည်

ကျွန်တော် ကြီးပြင်းလာခဲ့ရတဲ့အိမ်မှာ ဆိုရိုးစကားတစ်ခု ရှိပါတယ်။ ကမ္ဘာ့ ခေါင်းဆောင်တစ်ယောက်မှာတောင် တစ်နေ့ ၂၄ နာရီပဲ ရပါတယ်တဲ့။ ကျွန်တော် တို့ဟာ ကောင်းကောင်းနဲ့ အကျိုးရှိရှိနေချင်ကြတယ်။ ဒါပေမဲ့ ထင်သလို ဖြစ်ရဲ့ လား။ ဖြစ်ချင်တာတွေဖြစ်နိုင်ဖို့ ကိုယ့်အချိန်ကို ကိုယ်ဘယ်လိုသုံးစွဲကြရမှာလဲ။

လူဆိုတာ တစ်ယောက်တစ်မျိုးစီပါ။ အချိန်ကို သုံးစွဲရာမှာလည်း တစ်ယောက် တစ်ဘာသာပါ။ တချို့က သိပ်စနစ်ကျပြီး တချို့ကတော့ စနစ်မကျလှဘူး။

ကျွန်တော်ဝန်ထမ်းတစ်သက်မှာ ကျွန်တော်ဟာ အချိန်ကို ထိထိရောက်ရောက် အသုံးချနည်းတွေ တော်တော်များများ ရခဲ့ပါတယ်။ အရင်းစစ်လိုက်ရင်တော့ အချက် နှစ်ချက်ရပါလိမ့်မယ်။ ကိုယ့်အင်အားတွေကို နေရာတကျ အသုံးချပြီး အလုပ်ကို တွင်တွင်ကျယ်ကျယ် လုပ်နိုင်ဖို့ရယ်၊ လေးစားဂုဏ်ယူလောက်စရာ လုပ်ရပ်တွေ ပြီးမြောက်အောင်မြင်တဲ့ ဘဝတစ်ခု ဖြစ်လာဖို့အတွက် ထက်ထက်မြက်မြက် လုပ်နိုင် ဖို့ရယ်ပါပဲ။ အတိုပြောရရင်တော့ အချိန်ကို စနစ်တကျ ခန့်ခွဲပြီး တွင်တွင်ကျယ်ကျယ် နဲ့ ထက်ထက်မြက်မြက် လုပ်ဆောင်တတ်ဖို့ပါပဲ။

ဝန်ထမ်းသက် နှစ် ၃၀ ကျော်အတွင်းမှာ ကိုယ့်ကိုယ်ကိုယ် မညှာမတာ မေးခွန်းထုတ်ခဲ့ရတာတွေ ရှိပါတယ်။ ငါ ဘာဖြစ်ချင်တာလဲ၊ ငါ ဘယ်နေရာမှာ

အောင်မြင်ချင်တာလဲ၊ ငါ ဘာကောင်လဲ၊ ငါ ဟော့လို့ လက်မထောင်နိုင်အောင် ပါ ဘယ်လိုတွေ လုပ်ပြရမလဲ၊ ငါ့ အချိန်တွေကို ဘယ်လိုခန့်ခွဲမလဲ၊ အချိန်ပို ဘယ်လို တန်ဖိုးရှိရှိ သုံးမလဲ။အခု ဒီစာအုပ်မှာ ကျွန်တော်စုဆောင်းခဲ့တဲ့ အချိန်ချွေတာတာနည်း ၅ဝ ကို အခန်၊ ၇ ခန်းခွဲပြီး ဖော်ပြထားပါတယ်။

၁။ ကိုယ့်ကိုယ်ကိုယ်သိ

     ငါ ဘာကောင်လဲ၊ ဘဝမှာ ငါဘာဖြစ်ချင်တာလဲဆိုတာ သိရင် ဘာတွေကို ဘယ်လိုဦးစားပေးရမယ်ဆိုတာ သိတယ်။

၂။ ကိုယ့်အလုပ်ကိုယ်သိ

     အလုပ်ဟာ လူတိုင်းအတွက် အရေးကြီးတဲ့ဘဝပါ။ ကိုယ့်အလုပ်ရဲ့ ရည်ရွယ်ချက်ကို သိထားခြင်းအားဖြင့် ကိုယ့်အချိန်ကို ဘယ်လိုအကျိုးရှိရှိ သုံးရမယ်ဆိုတာ တွေ့လာပါလိမ့်မယ်။

၃။ ခိုင်ခိုင်မတ်မတ်ရှိ 

     ရည်ရွယ်ချက်ပြီးမြောက်ဖို့၊ ထိထိရောက်ရောက်အောင်မြင်ဖို့ အစီအစဉ်ချနည်းတွေ ဖြစ်ပါတယ်။

၄။ ထက်အောင်သွေး

     ဘာပဲလုပ်လုပ် မှန်မှန်ကန်ကန်နဲ့ ထိထိရောက်ရောက် လုပ်နိုင်ဖို့ အချိန်အသုံးချနည်းတွေပါ။

၅။ အဖွဲ့လိုက်လုပ်ရင် ပိုပြီး ထိရောက်စေနည်း

     အလုပ်အများစုဟာအဖွဲ့လိုက် ကိုယ့်တာဝန်နဲ့ကိုယ် လုပ်ကြရတာပါ။ အစည်းအဝေးတွေ ဘယ်လိုလုပ်မလဲ၊ တာဝန်ဘယ်လို ခွဲမလဲ၊ ဘယ်လိုပူးပေါင်းဆောင်ရွက် ကြမလဲဆိုတာတွေဟာ အချိန်ကို ထိရောက်အောင် သုံးစွဲရေးမှာ အရေးကြီးပါတယ်။

၆။ ဆက်သွယ်ရေးကောင်းအောင်

     အင်တာနက်ဖွင့်ပြီး မဟုတ်တာတွေမှာ အချိန်ကုန်နေတာတွေ၊ အမှိုက်စာတွေကို ဂျာနယ်၊ မဂ္ဂဇင်း တွေမှာ ရှာဖတ်နေတာတွေဟာ အချိန်ဖြုန်းတီးစေပါတယ်။ လေရှည် နေတာ ဝေ့ဝိုက်နေတာတွေကလည်း လုပ်ငန်းခွင် စီမံရေးမှာ အချိန်ကိုလေလွင့်စေပါတယ်။

၇။ အချိန်ကို ခွဲဝေသုံး

       လုပ်စရာတွေအတွက် ကျန်သမျှ အချိန်လေးကို ဘယ်လိုခွဲတမ်းချမလဲဆိုတာ သိမှ အချိန်ကို စီမံခန့်ခွဲမှု ကောင်းတယ်လို့ ခေါ်ပါတယ်။ ဒီ ၇ မျိုးကို စီမံတတ်ရင် အချိန်ကို နိုင်သူ ဖြစ်လာပါလိမ့်မယ်။ အချိန်ကို ကိုင်ပြီး၊ ဘဝကို ပဲ့ကိုင်တတ်သူများဖြစ်ကြပါစေ။