ကျော်မောင်မောင် - စရိတ်လစာနှင့်ချီးမြှင့်ငွေဥပဒေများ

စရိတ်၊ လစာနှင့် ချီးမြှင့်ငွေ ဥပဒေများ

ပြည်ထောင်စုမြန်မာနိုင်ငံတော်

နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ

ပြည်ထောင်စုအဆင့်ပုဂ္ဂိုလ်များ၏ချီးမြှင့်ငွေ၊ စရိတ်နှင့်အဆောင်အယောင်များ

ဆိုင်ရာဥပဒေ

(နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီဥပဒေအမှတ် ၂ / ၂၀၁၁)

၁၃၇၂ ခုနှစ်၊ ပြာသိုလဆန်း ၆ ရက်

(၂၀၁၁ ခုနှစ်၊ ဇန်နဝါရီလ ၁၀ ရက်)

နိဒါန်း

ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၄၄၃ တွင် ဖွဲ့စည်းပုံအခြေခံဥပဒေ အကောင်အထည်ဖော်ရေးအတွက် ကြိုတင်ဆောင် ရွက်ရန် လိုအပ်သည့် လုပ်ငန်းရပ်များကို နိုင်ငံတော်အေးချမ်းသာယာရေးနှင့်ဖွံ့ဖြိုး ရေးကောင်စီက ဆောင်ရွက်ပေးရန် ပြဋ္ဌာန်းထားသည့်အလျောက် နိုင်ငံတော်၏ ဥပဒေပြုရေး၊ အုပ်ချုပ်ရေးနှင့်တရားစီရင်ရေးလုပ်ငန်းများကို ချောမွေ့စွာဆောင်ရွက် နိုင်ရန်လည်းကောင်း၊ လွှတ်တော်အသီးသီးပေါ်ပေါက်လာသည့်အခါတွင်ဆောင်ရွက် ရန်ရှိသော လုပ်ငန်းများကို ဆောင်ရွက်နိုင်ရန်လည်းကောင်း၊ ကြိုတင်ဆောင်ရွက် ရမည့် လုပ်ငန်းရပ်များကို ဥပဒေနှင့်အညီ ဆောင်ရွက်နိုင်ရန်လည်းကောင်း သက်ဆိုင် ရာဥပဒေကို ပြဋ္ဌာန်းရန်လိုအပ်လာသည်။

သို့ဖြစ်ပါ၍ နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီသည် ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေအရ တာဝန်ထမ်းဆောင် ကြသော ပြည်ထောင်စုအဆင့်ပုဂ္ဂိုလ်များအား နိုင်ငံတော်နှင့် နိုင်ငံသားများ၏ အကျိုးကို သယ်ပိုးထမ်းဆောင်ကြရသည့် လုပ်ငန်းတာဝန်နှင့် လျော်ညီသော ချီးမြှင့်ငွေ၊ စရိတ် နှင့်အဆောင်အယောင်များကို ချီးမြှင့်နိုင်ရန်အလို့ငှာ ပြည်ထောင်စုသမ္မတမြန်မာ နိုင်ငံတော် ဖွဲ့စည်းပုံအခြေခံဥပဒေပုဒ်မ ၄၄၃နှင့်အညီ ဤဥပဒေကို ပြဋ္ဌာန်းလိုက်သည်။

အခန်း(၁)

အမည်နှင့်အဓိပ္ပာယ်ဖော်ပြချက်

၁။ဤဥပဒေကို ပြည်ထောင်စုအဆင့်ပုဂ္ဂိုလ်များ၏ချီးမြှင့်ငွေ၊ စရိတ်နှင့်အဆောင် အယောင်များဆိုင်ရာ ဥပဒေဟုခေါ်တွင်စေရမည်။ ဤဥပဒေတွင်ပါရှိသော အောက်ပါစကားရပ်များသည် ဖော်ပြပါအတိုင်း အဓိပ္ပာယ်သက်ရောက်စေရမည်

(က) ဖွဲ့စည်းပုံခြေခံဥပဒေဆိုသည်မှာ ပြည်ထောင်စုသမ္မတမြန်မာ

နိုင်ငံတော် ဖွဲ့စည်းပုံအခြေခံဥပဒေကိုဆိုသည်။

ပြည်ထောင်စုအဆင့်ပုဂ္ဂိုလ်များ ဆိုသည်မှာ ဤဥပဒေအလို့ငှာ နိုင်ငံတော်သမ္မတ၊ဒုတိယသမ္မတ၊ ပြည်သူ့ လွှတ်တော်ဥက္ကဋ္ဌ၊ အမျိုးသားလွှတ်တော်ဥက္ကဋ္ဌ၊ ပြည်ထောင်စုတရားသူကြီးချုပ်၊ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးဥက္ကဋ္ဌ၊ ပြည်ထောင်စု ရွေးကောက်ပွဲကော်မရှင်ဥက္ကဋ္ဌ၊ ပြည်သူ့လွှတ်တော်ဒုတိယဥက္ကဋ္ဌ၊ အမျိုးသားလွှတ်တော်ဒုတိယဥက္ကဋ္ဌ၊ ပြည်ထောင်စုဝန်ကြီး၊ ပြည်ထောင်စုရှေ့နေချုပ်၊ ပြည်ထောင်စုစာရင်းစစ်ချုပ်၊ ပြည်ထောင်စုရာထူးဝန်အဖွဲ့ ဥက္ကဋ္ဌ၊ ပြည်ထောင်စုတရားလွှတ်တော် ချုပ်တရားသူကြီး၊ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးအဖွဲ့ဝင် ပြည်ထောင်စုရွေးကောက်ပွဲကော်မရှင်အဖွဲ့ဝင်၊ဒုတိယဝန်ကြီး၊ ဒုတိယရှေ့နေချုပ်၊ဒုတိယစာရင်းစစ်ချုပ်နှင့် ပြည်ထောင်စုရာထူးဝန် အဖွဲ့ အဖွဲ့ဝင်တို့ကိုဆိုသည်။

ချီးမြှင့်ငွေ ဆိုသည်မှာ ပြည်ထောင်စုအဆင့်ပုဂ္ဂိုလ်များ ခံစား ခွင့်ရှိသည့် ဤဥပဒေတွင် သတ်မှတ်သော လစဉ်ချီးမြှင့်ငွေကိုဆိုသည်။

(ဃ)စရိတ် ဆိုသည်မှာ ပြည်ထောင်စုအဆင့်ပုဂ္ဂိုလ်များ တာဝန် ဖြင့် ခရီးသွားလာခြင်း၊ ခရီးသွားလာစဉ် ရပ်နားခြင်း၊ တည်းခို နေထိုင်ခြင်းနှင့်စားသောက်ခြင်းများအတွက် ခံစားခွင့်ရှိသည့် ဤဥပဒေတွင် သတ်မှတ်သော စရိတ်ငွေကို ဆိုသည်။

အဆောင်အယောင် ဆိုသည်မှာ ပြည်ထောင်စုအဆင့်ပုဂ္ဂိုလ် များထမ်းဆောင်ရသော တာဝန်နှင့်လျော်ညီစွာ ခံစားခွင့်ရှိသည့် ဤဥပဒေတွင် သတ်မှတ်သောအဆောင်အယောင်များကို ဆိုသည်။

အခန်း(၂)

ချီးမြှင့်ငွေ

နိုင်ငံတော်သမ္မတသည် လစဉ်ချီးမြှင့်ငွေကျပ် သိန်းငါးဆယ် ခံစားခွင့်ရှိ သည်။

ဒုတိယသမ္မတသည် လစဉ်ချီးမြှင့်ငွေ ကျပ်သိန်းလေးဆယ် ခံစားခွင့်ရှိသည်။

အောက်ပါပုဂ္ဂိုလ်များသည် လစဉ်ချီးမြှင့်ငွေကျပ် သုံးဆယ့်ငါးသိန်း ခံစား ခွင့်ရှိသည်

(က)ပြည်သူ့လွှတ်တော်ဥက္ကဋ္ဌ၊

(ခ)အမျိုးသားလွှတ်တော်ဥက္ကဋ္ဌ၊

(ဂ)ပြည်ထောင်စုတရားသူကြီးချုပ်။

အောက်ပါပုဂ္ဂိုလ်များသည် လစဉ်ချီးမြှင့်ငွေကျပ် သိန်းသုံးဆယ်ခံစားခွင့်ရှိ သည်

(က)နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးဥက္ကဋ္ဌ၊

တပ်မတော်သားဖြစ်သော ပြည်ထောင်စုအဆင့်ပုဂ္ဂိုလ်များသည် ပုဒ်မ၅၊ ပုဒ်မ၆နှင့်ပုဒ်မရတို့ပါ မိမိနှင့်သက်ဆိုင်သည့် လစဉ်ချီးမြှင့်ငွေနှင့် တပ်မတော် သားအဖြစ် ခံစားခွင့်ရှိသည့်လစာတို့အနက် မိမိနှစ်သက်ရာ ချီးမြှင့်ငွေ သို့မဟုတ် လစာတစ်မျိုးတည်းကိုသာ ခံစားခွင့်ရှိသည်။

ပြည်ထောင်စုအဆင့်ပုဂ္ဂိုလ်များသည် ဤဥပဒေပါ လစဉ်ချီးမြှင့်ငွေ ခံစား နေစဉ်အတွင်း နိုင်ငံ့ဝန်ထမ်း အငြိမ်းစားလစာကိုပါ ခံစားခွင့်ရှိသည်။သို့ ရာတွင် နိုင်ငံရေးပင်စင် ခံစားခွင့် ရရှိထားသူများသည် ဤကာလအတွင်း အဆိုပါ နိုင်ငံရေးပင်စင် ကိုခံစားခွင့်မရှိစေရ။