ကျောက်ဘီလူးတင်မောင်ဆွေ - အိမ်မက်ကမ္ဘာ

:: ဤ အီးဘွခ်(အခမဲ့) ကို ဒေါင်းလုပ်ဆွဲယူရန် (Buy it now) ခလုတ် ကိုနှိပ်ကာ ရှေ့ဆက်လုပ်ဆောင်၍ ၀ယ်ယူပေးပါ၊ အခမဲ့ အမှာစာ (Order) တင်ပြီးသည့်နောက်တွင် အီးဘွခ်ပီဒီအက်ဖ်ဖိုင် ဒေါင်းလုပ်ဆွဲရန်လင့်ကို စာဖတ်သူ၏ အီးမေလ်ထဲသို့ ပို့လိုက်မည်ဖြစ်ပါသည်၊
:: mgyoe.com ရှိ အီးဘွခ်စာအုပ်များသည် အင်တာနက်ပေါ်၌ အချိန်ကြာမြင့်စွာကပင် ပြန့်နှံ့နေပြီးသား စာအုပ်များသာဖြစ်ပါသည်၊
:: စာဖတ်သူများ ဖတ်ချင်၍ရှာသည့်အခါတွင် အလွယ်တကူ ရှာဖွေတွေ့ရှိနိုင်ရန် စုစည်းထားပေးခြင်းမျှသာဖြစ်ပါသည်၊
:: စာအုပ်တိုက်များမှ ပြန်လည်ရိုက်နှိပ်ထုတ်ေ၀လျှင် ၄င်းအီးဘွခ်ဒေါင်းလုပ်လင့်များကို ပြန်လည်ဖြုတ်ချသွားမည်သာဖြစ်ပါသည်။

--------------------------------

အမှာစာ

ကျွန်တော်အသက် ခုနစ်နှစ်အရွယ်ဒုတိယတန်းကျောင်းသားလေး ဘဝ တုန်းက ဖြစ်ပါတယ်။ တဲန်နက်ဆီးပြည်က မက်မင်းဗီးလ်မြို့ရှိ ဘားနတ်ကျောင်းမှာ နေခဲ့တုန်းကပေါ့။ ကျောင်းသားတိုင်း မတက်မနေရ စုပေါင်း ဝတ်ပြုမှုကို ကျွန်တော်တက်ခဲ့ရတယ်။ ကျွန်တော်တို့ဟာ တစ်ခါတစ်ရံမှာ ဓမ္မ တေးတစ်ပုဒ်ကို စုပေါင်းပြီး သီဆိုခဲ့ကြရပါတယ်။

Go down, Moses

Way down in Egypt land,

Tell old Pharoah,

Let my people go.

သွားလော့၊ မိုးဇက်

အီဂျစ်မြေပေါ်ကိုသွား

ဘုရင်အိုကြီး ဖဲရိုးကိုပြော

 ငါ့လူတွေကို သွားလိုရာ သွားကြပါစေလို.။

            မိုးဇက်ဆိုတာ ဘယ်သူလဲ။ ဒီနာမည်ကို တနင်္ဂနွေ မက်သဒစ် ဝတ်ပြုကျောင်းမှာ ကျွန်တော် မကြားခဲ့ဖူးသေးဘူး။ ဖဲရိုးဆိုတာ ဘယ်သူမှန်း လည်း ကျွန်တော် နားမလည်ခဲ့သေးဘူး။ ဒါပေမယ့် ကျွန်တော့်စိတ်ထဲမှာ နားလည်ခဲ့တာ တစ်ခုတော့ရှိခဲ့တယ်။ လူတချို့ကို အနှောင်အဖွဲ့က လွှတ် ပေးရေးအတွက် ကျွန်တော် သီချင်းဆိုခဲ့ရတယ်လို. တွေးမိတယ်။ လူမည်း တွေအတွက်ပဲလို့ ကျွန်တော် ထင်ခဲ့မိပါတယ်။

         နောက်တော့ ဒီဓမ္မတေးဟာ အစ္စရေးနိုင်ငံသားတွေကို ရည်ညွှန်း ခဲ့တာကို ကျွန်တော် သိလာရတယ်။ လွတ်မြောက်မှုအတွက် ရင်ဖွင့်တေးသံ ဖြစ်တယ်။ ရက်စက်ကြမ်းကြုတ်တဲ့ ဘုရင်ဧကရာဇ်တချို့နဲ့ ကျွန်ပိုင်ရှင်ကြီး များရဲ့ အောက်မှာ ရောက်နေကြသူတိုင်း အချိန်တိုင်းမှာ သီဆိုရမယ့် တေး ဖြစ်ခဲ့ပါတယ်။

            အထက်တန်းကျောင်းသားဖြစ်လာတော့ ကျွန်တော်နားလည်လာ ခဲ့တာရှိတယ်။ စောစောပိုင်း ရာစုနှစ်ပေါင်းများစွာအတွင်းက အင်္ဂလန် နိုင်ငံနဲ. ဥရောပတချို့ဒေသတွေမှာ ရည်မှန်းချက်တွေအတွက် အိပ်မက် တည်ဆောက်ပေးကြသူများအချို့ ရှိခဲ့တယ်။ သူတို့က သူတို့လူမျိုးတွေဟာ “ကမ္ဘာဟောင်း”ကို စွန့်ခွာပြီး အမေရိကန်နိုင်ငံက “ကမ္ဘာသစ်” ရှိရာသို့ ထွက်ခွာသွား နိုင်ကြတယ်လို. ဆုံးဖြတ်ချက် ချမှတ်ခဲ့ကြတယ်။ သာမန် လူတစ်ယောက်ကို ဘုရင်တစ်ဆူနဲ့ တန်းတူထည့်တွက်တဲ့ လူ.အသိုင်းအဝိုင်း ရှိရာသို့ သွားရောက်ရေးအတွက်ပြုစုပျိုးထောင်ပေးတဲ့ အမြင်သစ်များ ဖြစ် တယ်။ နိုင်ငံတော်ရဲ့ အခွန်အကောက် စည်းကြပ်သူတွေရဲ့ ပစ္စည်းကို မသိမ်း ပိုက်နိုင်တဲ့ နယ်မြေ (သို.မဟုတ်) ပြည်သူတွေကို အခွန်စည်းကျပ်သူတို. ထင်တိုင်း ထောင်မချနိုင်တဲ့ နယ်မြေတစ်ခုသို့ သွားရောက်ရေးအတွက် စိတ် ကူးပြီး အိပ်မက်တွေ တည်ဆောက်ခဲ့ကြတာ ဖြစ်ပါတယ်။ ဒါပေမယ့် နယ်မြေ သစ်ကို ရှာဖွေရေးဟာ အခွန်အကောက်ပေးရတာ လွတ်မြောက်ရေးထက် အများကြီး ပိုလေးနက်ခဲ့တယ်။

           သူတို.ရဲ့ ဆန္ဒအိပ်မက်တွေက ဆာ သောမတ်စ် မောရဲ့ အတွေး အခေါ်တွေထက် ပိုပြီး ကြီးမားခဲ့တယ်။ ဆာ သောမတ်စ် မောက ကျွန်တော် တို.ရဲ. အလုပ်သမားတွေဟာ မှန်ပြတင်းပေါက်တွေပါတဲ့ အိမ်တွေမှာ မနေ ထိုက်ဘူးလား။ တစ်ပတ်မှာ တစ်ကြိမ် အသားစားနိုင်သူတွေ ဖြစ်မလာသင့် ကြဘူးလားလို့ ရေးသားခဲ့ပါတယ်။

            အမေရိကန် တော်လှန်ရေးခေါင်းဆောင်နဲ. တရားဟောဆရာ ပက်ထရစ် ဟင်နရီ ရေးခဲ့တာလည်းရှိတယ်။ အညှာအတာကင်းမဲ့တဲ့ ဘုရင်တစ်ဦးဖြစ်တဲ့ တတိယမြောက် ဂျော့ဘုရင်ရဲ့ ဖိနှိပ်မှုတွေကို ဆန်.ကျင်တိုက်ခိုက်ရေးအတွက် တိုက်တွန်းခဲ့ရာမှာ --

             “လက်ထိတ်သံကြိုးများ နှင့် ကျွန်စနစ်တို့ဖြင့် ရင်းနှီးပြီး ဝယ်ယူ ရလောက်အောင် လူ.ဘဝကပဲ ဈေးပေါလွန်းသလား။ ထိုနည်းဖြင့် ဝယ်ယူ ရလောက်အောင် ငြိမ်းချမ်းရေး အရသာတန်ဖိုးကပဲ ကြီးမားချိုမြသလား နိမိတ်ပြတော်မူပေးပါ---အို တန်ခိုးတော်ကြီးမား လှသော ဘုရားသခင်။ အခြားသူများ မည်သည့်နည်းလမ်းကို လိုက်ကြမည်ဆိုသည်ကို ကျွန်ုပ် မသိ ပါ။ ကျွန်ုပ်အတွက်မူ လွတ်လပ်ခြင်းကို ပေးသနားတော်မူပါ။ သို့တည်း မဟုတ် သေခြင်းတရားကိုသာ ပေးပါလော့” ဟု ပြောခဲ့ပါတယ်။

              လွတ်လပ်မှုကို တောင့်တခြင်းဟာ ကမ္ဘာပေါ်မှာ လူရယ်လို. ဖြစ်လာခဲ့တဲ့ လူ. သက်တမ်းနဲ.အမျှ ကြာရှည်နေပြီဖြစ်ပါတယ်။ အစားထိုး

ဖော်ပြရန် စကားလုံးသစ်များ မရှိပါ။ ပက်ထရစ် ဟန်နရီဟာ ခရစ်တော် မပေါ်မီ နှစ်ပေါင်း ၅၀၀ နီးပါးလောက်က ဂရိကဗျာဆရာ အက်စ်ကလက်စ် ရေးခဲ့တဲ့ စကားတွေကို ရိုးရိုးလေး ဆန်းသစ် မွမ်းမံပြော ဆိုမှုဖြစ်ခဲ့ပါတယ်။ အက်စ်ကလက်စ်က ဒီလို ရေးခဲ့ပါတယ်။

         “သေခြင်းတရားသည် ရက်စက်ကြမ်းကြုတ်မှုနှင့် နှိုင်းစာလိုက် သော် ပိုမိုကောင်းမွန်ပြီး ပိုမိုနူးညံ့သော ကံကြမ္မာတစ်ခု ဖြစ်ပေသည်”

            အမေရိကန် ရှေ့ဆောင်လမ်းပြပုဂ္ဂိုလ်တွေက လွတ်လပ်မှုကို ချစ်မြတ်နိုးသူတွေ၊ အရင်က မလုပ်နိုင်ခဲ့တာတွေကို သူတို့ လုပ်ပြနိုင်ကြလိမ့်မယ်လို. ယုံကြည်ခဲ့ကြတယ်။ အစိုးရရဲ့ အာဏာကို ချည်နှောင်ပေးတဲ့ ကန်.သတ်ချက်တချို့ကို စာနဲ့ ရေးပြနိုင်လိမ့်မယ်။ လူတစ်ဦးချင်းရဲ့ ကိုယ် ပိုင်လွတ်လပ်ခွင့်အတွက် ကျယ်ပြန်တဲ့ အတိုင်းအတာတွေကို သတ်မှတ် ဖော်ပြပေးနိုင်လိမ့်မယ်လို. ယုံကြည်ခဲ့ကြတယ်။ အဲဒါကြောင့် လူရဲ့ လွတ် လပ်ခွင့်ကို “မဂ္ဂနာ ကာတာ”ထက်ပိုပြီး အကာအကွယ်ပေးနိုင်မယ့် ဖွဲ့စည်း ပုံအခြေခံဥပဒေတစ်ခု ရေးဆွဲရေးအတွက် အဓိဌာန်ချထားသူတွေဟာ ဖီလာ ဒဲလ်ဖီးယားမြို့မှာ ညီလာခံတစ်ရပ်ကို ခေါ်ဆိုခဲ့ကြတယ်။ ( Magna Charta ခေါ် Magna Carta မှာ အင်္ဂလိပ်လူမျိုး တို.၏နိုင်ငံရေးနှင့် ပြည်သူ့ လွတ် လပ်မှုအခွင့်အရေးများကို အာမခံရန် ၁၂၁၅ ခုနှစ်တွင် ရေးဆွဲခဲ့သည့်စာချုပ် ဖြစ်သည်။)

               ပက်ထရစ် ဟဲန်နရီဟာ ဖီလာဒဲလ်ဖီးယားညီလာခံကို သံသယ ရှိခဲ့တယ်။ အဲဒါကြောင့် ညီလာခံကို တက်ရောက်ဖို. ငြင်းပယ်ခဲ့တယ်။ ညီလာခံကိုယ်စားလှယ်အချို့ရဲ့ လွတ်လပ်မှုအတွက် ခံစားချက် စိတ်ဓါတ် တွေကို ပက်ထရစ်က လျှော့တွက်ခဲ့တယ်။ အထင်မကြီးခဲ့ဘူး။ ပဲန်ဆယ်လ် ဗေးနီးယားပြည်နယ်က ၁၇၈၇ ခုနှစ်က သဘောတူညီခဲ့တဲ့ ဖွဲ့စည်းပုံအခြေခံ ဥပဒေကို အတည်ပြုဖို.ကြိုးစားခဲ့တာကို ပက်ထရစ်က တွေ.ခဲ့ရတယ်။ သဘောတူ ညီခဲ့တဲ့ ဖွဲ့စည်းပုံအခြေခံဥပဒေမှာ လွတ်လပ်စွာပြောဆိုခွင့်၊ လွတ်လပ်စွာရေးသားခွင့်၊ လက်နက်များကိုင်ဆောင်ခွင့်စတဲ့ ပြည်သူ.အခွင့် အရေးတွေကို အာမခံချက်တွေ မပါဘူးလို. ပန်ဆယ်လ်ဗေးနီးယား ပြည်နယ်က ကိုယ်စားလှယ်အချို့က ကန်.ကွက်ခဲ့ကြတယ်။ အရိုးသားဆုံး ပြည်သူတစ်ယောက်ကို နိုင်ငံတော်ရဲ့ လွန်ကဲပြင်းထန်တဲ့ အာဏာစက်က အကာအကွယ်ပေးနိုင်မယ့် အထောက် အထားတစ်ခုကို ရေးဖို.လိုကြောင်း တင်ပြခဲ့ကြတယ်။ သူတို့ရဲ့ ဆန္ဒ တွေကို အထောက်အကူပြုရေးအတွက် တိုက်တွန်းခဲ့ကြတယ်။

               ညီလာခံမှာ ကိုယ်စားလှယ်ဦးရေ ကိုရမ်ပြည့်ရေးအတွက် ပဲန် ဆယ်လ်ဗေးနီးယားပြည်နယ်က ကန်.ကွက်မယ့် ပုဂ္ဂိုလ်နှစ်ဦးကို သူတို. အိမ် တွေကနေ ထမ်းပြီးခေါ်ယူသွားရတဲ့အထိ ဖြစ်ခဲ့တယ်။ ဒါ့ကြောင့် ဖွဲ့စည်းပုံ