ဦးခင်မောင်(ဘဏ်) - ပန်းချီကဏ္ဍသစ်

ပန်းချီကဏ္ဍသစ်ခေတ်ပန်းချီ သို့မဟုတ် မော်ဒန်အတ်

The New Decade and MODERN ART

Questionnaires - စောဒက

မေး - မော်ဒန်ပန်းချီကားတချို့ ကြည့်ရတာ ကလေးတစ်ယောက်ရေးဆွဲသလိုပဲ၊ လူတိုင်းဝင်ရေး

ပြီး မော်ဒန်ဆိုရင် ဘယ်လိုလဲ။

ဖြေ - ထင်သလိုမဟုတ်ပါ၊ အခု ရေးကြည့်ပေါ့။ ဖြစ်၊မဖြစ်၊ ကိုယ်စောင့်နတ်က ပြောပါလိမ့်မယ်။

မေး - အဲဒီပန်းချီဆရာတွေဟာ Classic ဆိုတဲ့ သင်ရိုးပန်းချီတတ်ရဲ့ လား။

ဖြေ - ယနေ့အထိ တွေ့ရသလောက်မှာ သူတို့ဟာစိတ်ကူးပေါက်သလို လျှောက်ရေးနေပေမဲ့ သူတို့အလုပ်ရင်းက တချို့ပန်းချီကောလိပ်၊အနုပညာကျောင်းတွေမှာ၊ ပရော်ဖက်ဆာကြီး တွေနဲ့ ဆရာတွေဖြစ်ကြောင်း တွေ့ရပါတယ်။ အစစ်အမှန်ရေးနည်း သင်ပြီး၊ တတ်ပြီးဟုထင်ပါသည်။

မေး - သင်ရိုးမလိုက်ဘဲ၊ မော်ဒန်ကို စရေးရင်ရောဖြစ်နိုင်မလား။

ဖြေ - မော်ဒန်ဆိုတဲ့အဆင့်ဟာ လှေကားထစ်လိုတက်လာတဲ့ အထစ်လို့ နားလည်ပါတယ်။ လှေကားတော့ ကျော်တက်ရင်လည်း ရောက် နိုင်ပါတယ်။ ဝါးလုံးလောက် ခုန်ရင်လည်း ရောက်နိုင်ပါတယ်။ Picasso - Matisse - Gauguin - Van Gogh - Dufy စတဲ့ ပုဂ္ဂိုလ်ကြီးတွေရဲ့ ပထမ လက်ရာများကို ကြည့်ပါ၊ Realism ဆိုတဲ့ သဘောအတိုင်း အစစ်အမှန်ရေးနည်းက စ တယ်၊ နောက်မှ မိမိပါရမီထူးရှိသလို ဝိဇ္ဇာ ထိုကြတာပဲ၊ သူတို့အကြောင်း မသိတဲ့သူကတော့ ကလေးရေးဆွဲတာနဲ့ မထူးဘူး ပြောကြ မှာပေါ့။

မေး - ဒီအတိုင်း ရိုးရိုးရေးဆွဲလည်း ပြီးတာပဲ၊ ဘာလို့သူများ နားမလည်တဲ့ တောင်ခြစ်မြောက်ခြစ်ဆိုတာမျိုးတွေ စိတ်ကူးပေါက်ရတာလဲ။

ဖြေ - သူတို့ကျတော့ Physical Plane ဆိုတဲ့ ကိုယ်တွေ့ခံစားမှုတွေကို ငြီးငွေ့ပြီဖြစ်သဖြင့် Mental Plane ဆိုတဲ့ စိတ်ကူးယဉ်နယ်ထဲမှာသာ ကျက်စားချင်ပြီ။ Expressionism ကို ဖတ် ကြည့်ပါ၊ အထူးသဖြင့် “ဝါရင့်” လာလျှင် အတွေ့အကြုံများလာလျှင်၊ အိုလာလျှင်၊ ဥပမာ။ ဗုဒ္ဓဘာသာလူမျိုးများတွင် အသက် ၅၀ ကျော်၊ ၆၀ ခန့်ရှိလျှင် တရားဘက်မွေ့လျော်စပြုကြသည်။ မှတ်တတ်သော ၁ဝ နှစ် သားမှစ၍ အသက် ၅ဝ အထိ တွေ့ကြုံ၊ ဆုံ ကွဲ။ ချမ်းသာဆင်းရဲ ထပ်တလဲလဲများကို ပြီး ငွေ့ပြီဖြစ်သဖြင့် လောကုတ္တရာနယ်ဖြစ်တဲ့ နာမ်၊ စိတ်၊ စေတသိက်၊ မဂ်၊ ဖိုလ်ဆိုတဲ့ Mental Plane သို့ ကူးပြောင်းသည် ။ သို့သော် ယခုပန်းချီမှာ လောကီကိစ္စဖြစ်သည်။ ခရီးသွားပုံခြင်းတူသဖြင့်သာ ဥပမာပေးခြင်းဖြစ်သည်။ ဦးတည်ပုံခြင်းတော့ မတူ။

မေး - မော်ဒန်အတ်လိုက်ချင်လျှင် ဘာက စရေးရမလဲ။

ဖြေ - မီးခြစ်ဘူးကိုတူအောင် အရင်ရေးကြည့်ပါဦး။

အဆန်းဆုံးရေးချင်ရင်၊ အရိုးဆုံး ရှာကြည့် ပေါ့ ။ အယိုင်ကို မရေးခင် တည့်မတ်တာကို ရေးကြည့်။ ဆိုလိုရင်းမှာ ကိုယ်ရေးတာဟာ "Hit" လိုရင်း ရောက် မရောက်သိအောင်ပါပဲ။ ရယ်စရာဆိုပြီး ပျက်လုံးထုတ်တာ၊ မရယ်ရ လျှင် ပျက်လုံးမဟုတ်ပါ။