သာထက်အောင် - လူရောင်စုံဘဝရောင်စုံဒုက္ခရောင်စုံ

လူရင်းအချင်းချင်းတွေ ပြောစရာမလိုပါဘူးဗျာ ဆိုပေမဲ့ ဒီစာအုပ်ကလေး ဖြစ်မြောက်အောင် အစစကူညီဆောင်ရွက်ပေးတဲ့ ကိုကျော်စိုးဝင်းကိုတော့ ကျေးဇူးစကား ပြောကိုပြောရပါလိမ့်မယ်။ လူတိုင်း ဖုံးပဲပွတ်နေတဲ့ ခုလို ကာလကြီးထဲမှာ၊ စာအုပ်ထုတ်ဝေရေးလောကကြီး ကသောင်းကနင်း ဖြစ်နေတဲ့ ခုလိုချိန်မှာ ဒီစာအုပ်ကလေးကို စာပေစိတ်အပြည့်နဲ့ ထုတ်ဝေ ပေးတာလည်း ကျေးဇူးတင်ပါတယ်။ ဒီစာအုပ်ကလေးကို အစမှအဆုံးတိုင် ဖတ်ရှုအားပေးတဲ့ စာချစ်သူတွေကတော့ ကျေးဇူးတင်ဖွယ် အကောင်းဆုံး လို့ သတ်မှတ်ပါတယ်။ ဒစ်ဂျစ်တယ်ခေတ်၊ အင်တာနက်ခေတ်ကြီးထဲမှာ ပုံနှိပ်မီဒီယာဖြစ်တဲ့ စာအုပ် စာပေလောက ဘယ်လောက်ပဲ မှေးမှိန်ကျဆင်း နေပါစေ၊ စာရေးသူနဲ့ စာဖတ်သူ အပြန်အလှန် နွေးထွေးနေမယ်၊ စာပေ တန်ဖိုးသိသူတွေ ရှိနေဦးမယ်ဆိုရင်ဖြင့် တတ်စွမ်းသမျှ၊ ကျန်းမာရေးက ခွင့်ပြုသလောက် ကြိုးစားပြီး ရေးနေဦးမှာပါ။     

    အားလုံးကို ကျေးဇူးတင်ပါတယ်။

                                                                                                                   ၁၀-၁၁-၂၀၁၉။