တူတူပုန်းတမ်းကစားတဲ့ဘဲကလေး၀ါပု

          မေမေဘဲမကြီးမှာ ဘဲကလေး ငါးကောင် ရှိပါတယ်။ မိဖြူ၊ နီကျား၊ ပေါက်စ၊ ညိုလုံးနဲ့ ဝါပုလေးလို့ ခေါ်ပါတယ်။

          တစ်နေ့မှာ ဘဲမေမေက “တူတူပုန်းတမ်း ဆော့ကြမယ်ဟေ့၊ သားတို့ သမီးတို့ ပုန်းကြ၊ မေမေက လိုက်ရှာမယ်”လို့ ပြောပါတယ်။

         “မေမေ ရှာတွေ့မှာ မဟုတ်ဘူး” လို့ မိဖြူက အော်တယ်။

         “သားတို့ကို ဘယ်တော့မှ တွေ့မှာ မဟုတ်ဘူး” လို့ နီကျားက အော်တယ်။

          “တွေ့အောင် ရှာပါဟေ့” လို့ ပေါက်စက အော်တယ်။

          “သားကို နောက်ဆုံးမှ တွေ့မှာပဲ”လို့ ညိုလုံးက အော်တယ်။ 

          “တို့ကတော့ အကောင်းဆုံး ပုန်းလို့ရမယ့် နေရာကို ရှာမှာ”လို့ ဝါပုလေးက အော်လိုက်တယ်။

ဘဲမေမေက မျက်လုံးတွေကို အုပ်ပြီး ဂဏန်းစ,ရေတွက်တယ်။

          “ တစ်...နှစ်...” မိဖြူက ပုန်းဖို့ မှောင်တဲ့နေရာတစ်ခုကို တွေ့သွားတယ်။