မောင်မောင်မြင့်သိန်း(စက်မှုတက္ကသိုလ်) - အလှပဆုံးအီဒီယံများ

ALL THUMBS

Allo ရဲ့ အဓိပ္ပာယ် အားလုံးဖြစ်ပြီး Thumbs ရဲ့ အဓိပ္ပာယ်က လက်မများဖြစ်ပါတယ်။ အဲဒါကြောင့် All Thumbs ရဲ့ တိုက်ရိုက် အဓိပ္ပာယ်ကတော့ “လက်မအားလုံး” ဖြစ်ပါတယ်။

All Thumbs ရဲ့ အီဒီယံအဓိပ္ပာယ်ကတော့ -

Definition : Awkward, especially with one's hands; clumsy

Awkward က Adjective ဖြစ်ပြီး “အချိုးမပြေသော၊ အနေ ခက်သော၊ ကသိကအောက်ဖြစ်သော၊ ခွကျသော၊ ခွတီးခွကျဖြစ်သော၊ ဆက် ဆံရခက်ခဲသော၊ ကိုးရိုးကားရားနိုင်သော” လို့ အဓိပ္ပာယ် ယူလို့ရပါတယ်။

Clumsy ကလည်း Adjective ဖြစ်ပြီး “ပုံပန်းမကျသော၊ ကချော် ကချွတ်နိုင်သော၊ အချိုးမကျသော၊ လိမ္မာပါးနပ်မှုမရှိသော”လို့ အဓိပ္ပာယ် ယူလို့ ရပါတယ်။

အဲဒါကြောင့် all thumbs ရဲ့ အီဒီယံအဓိပ္ပာယ်ကတော့ တစ်ဦး တစ်ယောက်ရဲ့ လက်တွေက လှုပ်ရှားမှုမှာ အချိုးမကျဘဲ ကချော်ကချွတ်နိုင် နေတဲ့သဘောကို ဆိုလိုပါတယ်။

ဒီအီဒီယံအသုံးအနှုန်းနဲ့ ပတ်သက်တဲ့ ဥပမာတွေကို လေ့လာကြည့်ရ အောင်။

E.g (1)

Walter tried to fix the broken table but couldn't. He was all thumbs.

ဝေါ်လ်တာဟာ ကွဲနေတဲ့စားပွဲကို ပြန်ဆက်ဖို့ကြိုးစားခဲ့ပေမယ့် ဆက် လို့မရနိုင်ခဲ့ပါဘူး။ သူ့ လက်တွေရဲ့ လှုပ်ရှားမှုက အချိုးမကျဘဲ ကချော် ကချွတ်ဖြစ်နေခဲ့တယ်။

E.g (2)

When it comes to using a hammer and saw, I'm all thumbs.

တူနဲ့လွှကို အသုံးပြုဖို့ ဖြစ်လာတဲ့အခါ ကျွန်တော့်လက်တွေက အချိုး မကျဘဲ ကချော်ကချွတ် ဖြစ်တတ်ပါတယ်။ (Paraphrase : I'm quite clumsy with a hammer and saw.)

တူနဲ့လွှနဲ့ဆိုရင် ကျွန်တော့်လက်တွေက လုံးဝအချိုးမပြေဘဲ ကချော် ကချွတ်ဖြစ်တတ်ပါတယ်။

AT LOGGERHEADS

At Loggerheads ရဲ့ တိုက်ရိုက်အဓိပ္ပာယ်ကတော့ “ရန်ဖြစ်ခြင်း မှာ” လို့ ဆိုနိုင်ပါတယ်။

Definition: In a quarrel; in a fight; opposing each other.

At Loggerheads ရဲ့ အီဒီယံအဓိပ္ပာယ်ကတော့ ရန်ဖြစ်ခြင်းမှာ၊ တိုက်ခိုက်ခြင်းမှာ၊ တစ်ဦးနဲ့တစ်ဦး မျက်နှာချင်းဆိုင် ဆန့်ကျင်ဘက်ဖြစ်ခြင်း ကို ဖော်ညွှန်းပါတယ်။

E.g (1)

Marvin and Madge are at loggerheads again. They don't seem to agree on anything.

မာဗင်(န်)နဲ့ မက်(ဂျီ)တို့ကတော့ ထပ်မံပြီး ရန်တကျက်ကျက် ဖြစ်ကြ ပြန်ပြီ။ တစ်စုံတစ်ရာနဲ့ ပတ်သက်လို့ သူတို့ သဘောမတူကြတဲ့ဟန်ပဲ။

(Paraphrase : They are opposing each other because of their constant disagreement on matters.)

ကိစ္စရပ်တွေမှာ သူတို့ရဲ့ မပြောင်းလဲတဲ့ သဘောမညီမှုတွေကြောင့် သူတို့ဟာ တစ်ဦးနဲ့တစ်ဦး ဆန့်ကျင်ဘက် ဖြစ်နေကြတယ်။

E.g (2)

The two politicians have been at loggerheads for 20 years over the issue of a highway construction.

နိုင်ငံရေးသမားနှစ်ဦးဟာ အဝေးပြေးလမ်းမကြီး ဆောက်လုပ်ရေး ပြဿနာပေါ်မှာ ရန်စောင်နေကြတာ အနှစ် နှစ်ဆယ်ကြာခဲ့ပါပြီ။

(Paraphrase : They have been opposing each other for 20 years on a political question.)

သူတို့ဟာ နိုင်ငံရေးမေးခွန်းတစ်ခုနဲ့ ပတ်သက်လို့ အနှစ် နှစ်ဆယ်ကြာ တစ်ဦးနဲ့တစ်ဦး ရန်ဖြစ်နေခဲ့ကြတယ်။

Related Expression (ဆက်နွှယ်ဖော်ပြချက်)

At Odds = In conflict or disagreement; opposed

ပဋိပက္ခ (သို့) သဘောမတူမှု၊ ဆန့်ကျင်ဘက် ဖြစ်ခဲ့တယ်။