မိုးကုတ်ဆရာတော်ဘုရားကြီး - ဝိပဿနာဥာတပရိညာ

  ၁။  ဖြစ်ပျက်သမျှ၊ သင်္ခါရ၊ ဒုက္ခသစ္စာမှတ်။ ဖြစ်ပျက်မှုတွင်၊ ငါကောင်ထင်၊ခင်မင်သမုဒယမှတ်။

        ရုပ်နာမ်အားလုံး၊    ဖြစ်ပျက်သုဉ်း၊ ချုပ်ဆုံးနိဗ္ဗာန်မှတ်။ချုပ်ဆုံးမှုတွင်၊ ဉာဏ်သက်ဝင်၊ သိမြင်မဂ်ဟုမှတ်။ 

  ၂။  ယုံကြည်ကျန်းမာ၊ စိတ်ဖြောင့်စွာဖြင့်၊ လွန်စွာအားထုတ်၊ နာမ်နှင့်ရုပ်ကို၊ ဖြစ်ချုပ်ဉာဏ်မြင်၊ ဤငါးအင်၊

       မှန်ပင် မဂ်ရကြောင်း။ 

  ၃။  မစွန့်ကာမ၊ ဆရာမရှိ၊ ဝီရိယလျော့၊ အားအင်ပျော့ကာ၊ လွန်စွာယူမှား၊ ဤငါးပါး၊ တရား

        မဂ်ဖိုလ် ဝေးလေသတည်း။ 

  ၄။  သူတော်ဆည်းကပ်၊ မြတ်တရားနာ၊ လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။ 

  ၅။  ငါသည် မုချသေရမည်၊ အချိန်ပိုင်းသာ လိုတော့သည်။    

  ၆။  သစ္စာလေးပါးဆိုတာ သမုဒယသစ္စာ၊ ဒုက္ခသစ္စာ၊ မဂ္ဂသစ္စာ၊ နိရောဓသစ္စာ။ 

  ၇။  ရခဲတဲ့ ဘဝကလေးမှာ အလကားအချိန်တွေ မဖြုန်းလိုက်ပါနဲ့။ 

  ၈။  နားက တရားနာပါ၊ ဉာဏ်က ခန္ဓာလှည့်ပါ။ 

  ၉။  တရားနာတာသည် မိမိအရေး၊ တရားအားထုတ်တာသည် မိမိအရေး။ 

၁၀။  နားကြီးကြီးနဲ့ တရားနာပါ။  

၁၁။  ဝိပဿနာ အားမထုတ်ဘဲနဲ့ နေ့ရွှေ့ ရက်ရွှေ့ ရွေ့နေတာသည် ဉာဏ်ကမဦးဘဲနဲ့ အသေ 

        ဦးသွားရင် ကိုယ့်အတွက် နာ, မည်။ 

၁၂။  ဝိပဿနာ အားထုတ်တဲ့အခါမှာ ကိလေသာ ကြားမခိုစေနဲ့။