ပါရဂူ - ကျွနုပ်၏ခေတ်ပြိုင်များ မဟတ္တမဂန္ဓီ

          ကျွန်ုပ်ထံတွင် အစွမ်းထက်မြက်သော အရာဝတ္ထုတစ်ခုရှိသည်။ ယင်း အရာဝတ္ထုမှာ ပြည်သူ့ဆန္ဒဖြစ်သည်။ ပြည်သူ့ဆန္ဒ၌ အလွန်တရာ ကြီးမား သော စွမ်းရည်သတ္တိရှိသည်။ ယခုအခါ၌ ကျွန်ုပ်တို့ တိုင်းပြည်တွင် ယင်း ကားလုံး၏အနက်အဓိပ္ပာယ်ကို အပြည့်အဝဖော်မပြကြသေးပေ။ သို့ရာတွင် အင်္ဂလိပ်ဘာသာစကား၌ ယင်းစကားလုံး၏ အနက်အဓိပ္ပာယ်သည် အလွန်ထက်မြက်မှုရှိသည်။ အင်္ဂလိပ်ဘာသာစကားဖြင့် ယင်းစကားလုံးကို “ပတ်ဗလစ်အိုမီနီယန်' ဟုခေါ်သည်။ ယင်း၏ ရှေ့မှောက်၌ ဘုရင်ဧကရာဇ် လည်း မည်သို့မျှ မစွမ်းဆောင်နိုင်ပေ။ |

          ချာချီသည် ရဲစွမ်းသတ္တိရှိသူဖြစ်သည်။ အထက်တန်းစား မိဘ မျိုးနွယ်က မွေးလာသူဖြစ်သည်။ စကားပြောလည်း အလွန်တရာ ကျွမ်းကျင် သည်။ ပညာတတ်တစ်ယောက်လည်း ဖြစ်သည်။ ကျွန်ုပ်ကဲ့သို့ ခပ်အ ဟုတ်ပေ။ သို့သော်လည်း ယင်းအရည်အချင်းများနှင့် ပြည့်စုံစေကာမူချာချီသည် သူ၏ကုလားထိုင်ကိုမူ ထိန်းမထားနိုင်ပေ။ ဆိုလိုသည်မှာ သူ့နိုင်ငံက ပြည်သူ့ဆန္ဒသည် အလွန်တရာ နှိုးကြားမှု ရှိသည်။

( တရား ၁၀၊ ၆၊၄၇)

          ယနေ့နံနက် သတင်းစာများတွင် ရိုက်တာသတင်းကိုယ်စားလှယ်ထံမှ ပေးပို့သော မစ္စတာချာချီ၏ ဟောပြောချက် အနှစ်ချုပ်ကို ပုံနှိပ်ဖော်ပြ ထားသည်။ ယင်းဟောပြောချက်ကို ကျွန်ုပ် ဘာသာပြန်ပြီး ပြောပြမည်။ ယင်းဟောပြောချက်၏ အနှစ်ချုပ်မှာ ဤသို့ ဖြစ်သည်။

          ယနေ့ည အင်္ဂလန်နိုင်ငံတွင် သူ၏ မိန့်ခွန်းတစ်ခု၌ မစ္စတာချာချီက ပြောပြသည်။ “အိန္ဒိယနိုင်ငံမှာ ထိတ်လန့်ဖွယ် လှုပ်ရှားမှုများ ဖြစ်ပေါ် နေတယ်။ အဲဒီလိုဖြစ်နေတဲ့အတွက် ကျွန်ုပ် မအံ့သြဘူး။ စည်းမဲ့ကမ်းမဲ့ ပရမ်းပတာ လုပ်ကြံသတ်ဖြတ်မှုများ၊ အနိုင်ကျင့်မှုများ ဖြစ်ပေါ်နေကြတယ်။ အဲဒီလို တိရစ္ဆာန် ဆန်ဆန် လှုပ်ရှားသတ်ဖြတ်မှုများ၊ အနိုင်ကျင့်မှုများ လုပ်နေ ကြတဲ့သူတွေဟာ အမျိုးဇာတ်ကွဲပြားနေကြတဲ့ သူတို့ပြည်သားတွေဖြစ်တယ်။ တစ်ယောက်နှင့်တစ်ယောက် အနိုင်ကျင့်နေကြတယ်။ အဲဒီလို မင်းမဲ့စနစ်ကို အကောင်အထည်ဖော်နေကြတဲ့ လူတွေဟာ အဆင့်မြင့်ယဉ်ကျေးမှုကို ပေါက်ဖွားစေတတ်တဲ့ အစွမ်းသတ္တိရှိသူတွေဖြစ်တယ်။ ဗြိတိသျှပါလီမန်နှင့် ဗြိတိသျှအုပ်ချုပ်ရေးအောက်မှာ ခေတ်အဆက်ဆက် ငြိမ်းချမ်းစွာ နေလာ ခဲ့တဲ့ လူတွေဖြစ်တယ်။ ကျွန်ုပ်စိုးရိမ်နေတာ တစ်ခုရှိတယ်။ ကမ္ဘာကြီး အစိတ်အပိုင်းတစ်ခုဟာ လွန်ခဲ့တဲ့ နှစ်ခြောက်ဆယ်၊ ခုနစ်ဆယ် လောက်က စပြီး ငြိမ်းငြိမ်းချမ်းချမ်း ရှိလာခဲ့တယ်။ အဲဒီအစိတ်အပိုင်းရဲ့ ဦးရေဟာ အနာဂတ်ကာလမှာ နေရာတိုင်းမှာလိုလို အတိုင်းထက်အလွန်လျော့သွားမယ့်အလားအလာရှိတယ်။ လူဦးရေလျော့သွားတာနဲ့တစ်ပြိုင်နက် အဲဒီ ကြီးမား ပြန့်ကျယ်တဲ့ တိုင်းပြည်မှာ ယဉ်ကျေးမှုလည်း ကျဆုံးသွားလိမ့်မယ်။ အဲဒီလို ဖြစ်မယ့် အလားအလာဟာ အာရှတိုက်၏ အကြီးမားဆုံး စိတ်ပျက်စရာ၊ ဝမ်းနည်းစရာ ဖြစ်လာလိမ့်မယ်"

          မစ္စတာချာချီသည် ကြီးကျယ်သော ပုဂ္ဂိုလ်တစ်ယောက် ဖြစ်သည် ဆိုသည်ကို အားလုံးသိကြသည်။ မစ္စတာချာချီသည် အင်္ဂလန်နိုင်ငံ၏ အထက်တန်းလွှာအမျိုးအနွယ်၌ မွေးဖွားခဲ့သူဖြစ်သည်။ မာလဗလို့ မိသားစု သည် အင်္ဂလန်သမိုင်း၌ ထင်ရှားကျော်ကြားသော မိသားစုဖြစ်သည်။ ဒုတိယ ကမ္ဘာစစ် စတင်ဖြစ်ပေါ်လာသောအခါ ဂရိတ်ဗြိတိန် ချောက်ထဲကျတော့မည့် တည်းတည်းအချိန်တွင် မစ္စတာချာချီသည် သူ၏ အုပ်ချုပ်ရေးတာဝန်ကို စွမ်းစွမ်းတမံယူနိုင်ခဲ့သည်။ ထိုအချိန်က ဗြိတိသျှအင်ပိုင်ယာကို ချောက်ထဲကျမသွားအောင် စွမ်းဆောင်နိုင်ခဲ့သည်မှာ အထင်အရှားဖြစ်သည်။ အမေရိကန်နှင့် တခြားမဟာမိတ်နိုင်ငံများ၏အကူအညီမပါဘဲ ဗြိတိန်သည် စစ်ကို နိုင်အောင်တိုက်နိုင်လိမ့်မည် မဟုတ်ဟု ပြောကြသည်မှာ မမှန်ပေ။ မစ္စတာချာချီ၏ စွမ်းဆောင်ချက် မရှိဘဲနှင့် မဟာမိတ်နိုင်ငံများ တစုတပေါင်း တည်း ဖြစ်လာနိုင်ဖို့ မလွယ်ပေ။ ဒုတိယကမ္ဘာစစ်အတွင်းက မစ္စတာချာချီ၏ ကြိုးပမ်းအားထုတ်မှုသည် သူ့စွမ်းအား၏ သက်သေသာကေ ဖြစ်နေသည်။

          သို့ရာတွင် စစ်ပွဲအနိုင်ရရှိပြီးသည့်နောက် အင်္ဂလန်နိုင်ငံသည် စစ်ပွဲ အတွင်းက လူအားငွေအား အကြီးကျယ်ဆုံး ဆုံးရှုံးနစ်နာခဲ့သော ဗြိတိသျှ ကျွန်းများအား အသက် တစ်ဖန် ပြန်သွင်းပေးရန်အတွက် ချာချီ၏ အစိုးရ နေရာကို လေဘာအစိုးရနှင့် ခပ်လွယ်လွယ်ပင် အစားထိုးပေးလိုက်သည်။ အင်္ဂလိပ်တို့သည် အချိန်ကာလကို အကဲခတ်ပြီးလျှင် မိမိတို့၏ အလိုဖြင့် အင်ပိုင်ယာကို ချိုးဖျက်ပြီး ယင်း၏နေရာ၌ အပြင်အပမှ မရသောစိတ်နှလုံးများ၏ အင်ပိုင်ယာတည်ထောင်ဖို့ ဆုံးဖြတ်ချက် ချလိုက်သည်။ အိန္ဒိယနိုင်ငံ နှစ်ခြမ်းကွဲသွားသည်။ သို့ရာတွင် နှစ်ခြမ်းလုံးပင် မိမိတို့၏ စိတ်ဆန္ဒဖြင့် ဗြိတိသျှ နေသဟာယ အဖွဲ့ဝင်ပြုလုပ်ရန် ဆုံးဖြတ်ကြသည်။ အိန္ဒိယကို လွတ်လပ်ရေးပေးဖို့ အတွက် အင်္ဂလန်နိုင်ငံရှိ ပါတီအားလုံးက ခြေလှမ်း လှမ်းကြသည်။ ယင်းလုပ်ငန်းကို ဆောင်ရွက်ရန်အတွက် မစ္စတာ ချာချီနှင့် သူ၏ပါတီလည်း ပါဝင်သည်။ အင်္ဂလိပ်တို့လှမ်းသော ယင်း ခြေလှမ်းကို အနာဂတ်ကာလက မည်ကဲ့သို့ ဆုံးဖြတ်မည်နည်းဆိုသည်မှာ သီးခြားအကြောင်းအရာ ဖြစ်သည်။ ။

          ခေတ်သစ်သမိုင်း၌မူ အင်္ဂလိပ်များအာဏာစွန့်လွှတ်သည့် အလုပ်နှင့် နှိုင်းယှဉ် ချိန်ထိုး၍ရသော မည်သည့် အထောက် အထားမျိုးမှ မတွေ့ရပေ။ အသောကမင်းတရား၏ စွန့်လွှတ်မှုနှင့်ပတ်သက်ပြီး ကျွန်ုပ် သတိရ လာသည်။ သို့ရာတွင် အသောကသည် သူနှင့် နှိုင်း၍ရသူ မရှိပေ။ တစ်ပြိုင်နက်တည်းမှာပင် ခေတ်သစ်သမိုင်းထဲက ပုဂ္ဂိုလ်လည်း မဟုတ်ပေ။ ထို့ကြောင့် ရိုက်တာသတင်း၌ ပါလာသော မစ္စတာချာချီ၏ မိန့်ခွန်း အနှစ်ချုပ်ကို ဖတ်ရသောအခါ ကျွန်ုပ် စိတ်မကောင်းဖြစ်မိသည်။ သတင်း ပေးသော ယင်း နာမည်ကျော် သတင်းအေဂျင်စီသည် မစ္စတာချာချီ၏ မိန့်ခွန်းနှင့်ပတ်သက်ပြီး လွဲမှားစွာ ဖော်ပြခြင်းများ ဖြစ်သလားဟု တွေးနေမိသည်။

          မစ္စတာချာချီသည် သူ၏မိန့်ခွန်းဖြင့် သူ့အနေနှင့် အဆမတန် အကျိုးပြုခဲ့သော တိုင်းပြည်အား အကျိုးဆုတ်ယုတ်အောင် ပြုလုပ်သည်။ အင်္ဂလိပ်အုပ်ချုပ်ရေးအောက်က လွတ်လပ်ရေးရရှိပြီးသည့်နောက် အိန္ဒိယ နိုင်ငံအနေနှင့် ယင်း ဆိုးဆိုးဝါးဝါးအဖြစ်မျိုး ကြုံရလိမ့်မည်ဟု သိမည် ဆိုလျှင် ယင်းသို့ဖြစ်ရခြင်း၏ အပြစ်အားလုံးမှာ အင်ပိုင်ယာနိုင်ငံ ထူထောင်သူများ၏ ဦးခေါင်းပေါ်မှာရှိပြီး ချာချီ၏အဆိုအရ အဆင့်မြင့်ယဉ်ကျေးမှုကို ပေါက်ပွားဖြစ်ပေါ်စေနိုင်သော စွမ်းအားရှိသူများ၏ အပေါ်တွင် မရှိဟု တစ်မိနစ်လောက် တွေးမိမည်လား မသိပေ။

          ကျွန်ုပ်၏အလိုအရပြောရလျှင် မစ္စတာချာချီသည် သူ၏မိန့်ခွန်း၌ အိန္ဒိယနိုင်ငံတစ်ခုလုံးကို ရောစပ်ပစ်ရန် အပိုင်းအခြားမရှိ သုတ်သီးသုတ်ဖျာ ဖြစ်နေသည်။ အိန္ဒိယနိုင်ငံ၌ လူဦးရေ ကုဋေပေါင်းများစွာ နေထိုင်ကြသည်။ ယင်းလူများထဲက သိန်းချီရှိနေသော လူများသည် တောနေလူရိုင်းများပမာ အခွင့်အရေးလက်မဲ့ ဖြစ်နေကြသည်။ သူတို့ကို မည်သူကမှ ထည့်မတွက် ကြပေ။ မစ္စတာချာချီကိုယ်တိုင် အိန္ဒိယလာပြီး အိန္ဒိယနိုင်ငံအခြေအနေကို လေ့လာစုံစမ်းစေလိုသည်။ အကယ်၍ မစ္စတာချာချီသည် မဆွကပင် အကြောင်းအရာတစ်ခုနှင့် ပတ်သက်ပြီး တိကျသော အယူအဆရှိသည့် ပါတီတစ်ခု၏ လူအဖြစ်နှင့်မဟုတ်ဘဲ မိမိနိုင်ငံ၏ သိက္ခာကို ပါတီတစ်ခုခု ထက်ပိုပြီး ထည့်တွက်သော အင်္ဂလိပ်အစိုးရလုပ်ငန်းတွင် အောင်မြင်မှု ပေးလိုသည့် ရည်ရွယ်ချက် အပြည့်အဝရှိသော ကြားနေ အင်္ဂလိပ်လူမျိုး တစ်ဦးအဖြစ်နှင့် လာရောက်စုံစမ်းသင့်သည်။

          အိန္ဒိယကို နှစ်ပိုင်းခွဲပစ်လိုက်ခြင်းသည် ယင်းနှစ်ပိုင်းကို တစ်ပိုင်းနှင့် တစ်ပိုင်း ရန်တိုက်ပေးလိုက်သလို ဖြစ်သွားသည်။ အပိုင်းနှစ်ပိုင်းကို သီးခြား | လွတ်လပ်ရေးပေးခြင်းသည် လွတ်လပ်ရေးကို အမည်းစက် စွန်းထင်းသွားအောင် လုပ်သလို ဖြစ်သွားသည်။ အပိုင်းနှစ်ပိုင်းထဲက မည်သည့်အပိုင်း ဖြစ်စေ ဗြိတိသျှ နေသဟာယထဲတွင် မပါလိုက လွတ်လွတ်လပ်လပ်နေ ရသည်ဟု ပြောခြင်းအားဖြင့် မည်သို့မှ အကျိုးဖြစ်ထွန်းလာမည် မဟုတ်ပေ။

          ယင်းအကြောင်းအရာနှင့် ပတ်သက်ပြီး ကျွန်ုပ်ထပ်ပြီး များများ | မပြောလိုပေ။

          မစ္စတာချာချီအနေနှင့် ယင်းအကြောင်းအရာနှင့် ပတ်သက်ပြီး အဘယ်ကြောင့် သတိထားပြီးပြောဖို့ လိုအပ်သည်ဆိုသည့်အကြောင်းကို သာလျှင် ပြောလိုသည်။ မစ္စတာချာချီသည် အခြေအနေအရပ်ရပ်ကို မိမိ ကိုယ်တိုင် လေ့လာစုံစမ်းခြင်း မပြုမီ မိမိအပေါင်းအဖော်များ၏ အလုပ်ကို ရှုတ်ချသည်။

          မိတ်ဆွေတို့အထဲက လူပေါင်းများစွာသည် မစ္စတာချာချီအား ယခု ကဲ့သို့ ပြောခွင့်ပေးကြသည်။ ယခုအချိန်၌လည်း မိတ်ဆွေတို့အတွက် မိမိတို့ ကျင့်သုံးနေသော နည်းလမ်းများကို ပြုပြင်ရန်နှင့် မစ္စတာချာချီ စကား မှားကြောင်းပြရန် အချိန် လုံလုံလောက်လောက် ရှိနေသေးသည်။ ယနေ့ ကျွန်ုပ်၏စကားကို မည်သူမှ နားမထောင်ကြ ဆိုသည့်အကြောင်းကို ကျွန်ုပ် သိသည်။ အကယ်၍ ယခုလိုမဟုတ်ဘဲ လွတ်လပ်ရေးနှင့်ပတ်သက်သည့် အကြောင်းအရာကို စတင် မဆွေးနွေးခင်က လူတွေ ကျွန်ုပ်ပြောသည့် စကားကို လက်ခံကြသလို ယခု လက်ခံကြမည်ဆိုလျှင် မစ္စတာချာချီ ချဲ့ထွင်ပြောနေသော တောနေလူရိုင်းဘဝမျိုး ရောက်ရှိလာလိမ့်မည်မဟုတ် ဆိုသည်ကို ကျွန်ုပ် နားလည်သည်။

          (ဂန္ဒီ၏ “မေရေးဆမကာလီန'မှ)

ရုပ်ရှင်တေးကဗျာ၊ အတွဲ ၆၊ အမှတ် ၁၇၊ ၂၀၀၁၊ ဇွန်

          ဂန္ဓီမြင်သော ဆရိုနီ

          ဆရိဂျီနီဒေဝီကို လာမည့်နှစ်အတွက် ကွန်ဂရက်ပါတီ ဥက္ကဋ္ဌအဖြစ် ရွေးကောက်ပွဲ တင်မြှောက်လိုက်ပြီး ယမန်နှစ်ကပင် သူ့ကို ကွန်ဂရက်ပါတီ ဥက္ကဋ္ဌအဖြစ် ရွေးကောက်တင်မြောက်ဖို့ဖြစ်သည်။ အရည်အချင်းနှင့် ပြည့်စုံသူ ဖြစ်သောကြောင့် ယင်းဂုဏ်ထူးဝိသေသကို ရရှိခြင်းဖြစ်သည်။ ဆရိုဂျီနီ နိုင်သည် သူ၏ အပိုင်းအခြားမရှိသော စွမ်းရည်သတ္တိအတွက်ကြောင့် `လည်းကောင်း၊ အရှေ့နှင့် တောင်အာဖရိက၌ အမျိုးသားကိုယ်စားလှယ်တစ်ဦးအနေဖြင့် ဆောင်ရွက်ခဲ့သော သူ၏အကျိုးဆောင်မှုများအတွက်ကြောင့် | လည်းကောင်း ကွန်ဂရက်ပါတီ ဥက္ကဋ္ဌအဖြစ်နှင့် ထိုက်တန်သူဖြစ်လာသည်။

          ယခုလိုအချိန်မျိုး၌ ဧည့်ခံကော်မီတီ၏ ဩဇာတိက္ကမ အပြည့်အဝရှိသေး အိန္ဒိယနိုင်ငံ၏ လက်ရွေးစင် သမီးကောင်းတစ်ယောက်ကို ကွန်ဂရက်ပါတီ ဥက္ကဋ္ဌအဖြစ် ရွေးကောက်တင်မြှောက်ခြင်းသည် အိန္ဒိယနိုင်ငံ အမျိုးသမီး ထုကို သင့်တင့် လျောက်ပတ်သော ဂုဏ်ပြုလိုက်ခြင်းတစ်မျိုးပင်ဖြစ်သည်။

          ဆရိုဂျီနီနိုင်ဒူးကို ကွန်ဂရက်ပါတီဥက္ကဋ္ဌ ရွေးကောက် တင်မြှောက် လိုက်သည့်အတွက် ကျွန်ုပ်တို့၏ ပြည်ပရောက် သွေးချင်းသားချင်းများ အတွက်လည်း ကျေနပ်မှု အပြည့်အဝ ရှိလာပြီးလျှင် မိမိတို့၏ ရှေ့မှောက်၌ ရင်ဆိုင်နေရသော တိုက်ပွဲများကို အောင်မြင်စွာ တိုက်နိုင်မည့် အစွမ်းသတ္တိမျိုး ပေါ်ပေါက်လာပေလိမ့်မည်။ နိုင်ငံကပေးအပ်သော အမြင့်ဆုံးရာထူးတွင် ဆရိုဂျီနီနိုင်ဒူး ရှိနေခြင်းသည် လွတ်လပ်ရေးကို ကျွန်ုပ်တို့၏ အနီးသို့ ဆွဲဆောင်ခေါ်ယူလာခြင်းပင် ဖြစ်ပေလိမ့်မည်။

          လွန်ခဲ့သော ဆယ့်နှစ်ရက်ခန့်က ဆရိုဂျီနီနိုင်ဒူးသည် အမေရိကန်နိုင်ငံသို့ ထွက်ခွာသွားသည်။ ဥရောပ၊ အမေရိက စသော နိုင်ငံများ၌ မိမိတို့၏ အမြဲတမ်း အဖွဲ့အစည်းများကို တည်ထောင်လျက် သို့မဟုတ် မကြာခဏ မိမိတို့၏ ကိုယ်စားလှယ်များသည် အယူအဆများကို ဖယ်ရှားပစ်ဖို့ရန် ကျွန်ုပ်တို့အထဲက လူအတော်များများ မျှော်လင့်ချက်ထားကြသည်။ ကျွန်ုပ် အတွက် ပြောရမည်ဆိုလျှင် ယင်းကဲ့သို့ မျှော်လင့်ချက်မျိုးထားခြင်းသည် လွှဲမှားသည်ဟု ထင်သည်။

          ယင်းသို့ ပြုလုပ်ခြင်းအားဖြင့် ပြည်သူ့ဘဏ္ဍာနှင့် တချို့ ပုဂ္ဂိုလ်များ၏ အဖိုးတန်အချိန်ကို အလွဲသုံးစားလုပ်ပစ်ရာ ရောက်ပေလိမ့်မည်။ သို့ရာတွင် အနောက်နိုင်ငံသို့ တစ်ယောက်ယောက်သွားသည့်အတွက် အကျိုးရှိမည် ဆိုပါက ဆရိုဂျီနီနိုင်ဒူးဖြစ်စေ၊ တဂိုးဖြစ်စေ သွားလျှင် မုချ အကျိုးဖြစ်ထွန်းမှု ရှိလာနိုင်ပေလိမ့်မည်။ သူ၏ ကဗျာအဖွဲ့များကြောင့် ဆရိုဂျီနီနိုင်း၏ အမည်နာမသည် အနောက်နိုင်ငံများ၌ ထင်ရှား ကျော်ကြားသည်။ ဆရိုဂျီနီနိုင်ဒူးသည် ပါးနပ်လိမ္မာမှုလည်းရှိသည်။ မည်သည့်နေရာ၌မည်သည့်အကြောင်းအရာကို မည်ရွေ့မည်မျှ ပြောရမည်ဆိုသည်ကို ဆရိုနီကောင်းကောင်းနားလည်သည်။ မည်သူကိုမှ ထိခိုက်နစ်နာမှုမရှိဘဲ မှန်သော စကားကို ရဲရဲရင့်ရင့် ပြောနိုင်သော အတတ်ပညာ ဆရိုနီတွင် ရှိသည်။ သူ မည်သည့်နေရာသွားသွား သူပြောသည့်စကားကို နားမထောင်ဘဲ လူတွေ အလုပ်လုပ်ဖို့ လွယ်လိမ့်မည် မဟုတ်ပေ။

          တောင်အာဖရိက၌ မိမိ၏စွမ်းရည်သတ္တိကို အပြည့်အဝအသုံးချလျက် ဆဂျီနီနိုင်သည် တောင်အာဖရိကက အင်္ဂလိပ်များကို စိတ်ပြောင်းသွားအောင် လုပ်ပြီး ဆာဟိုဗီဗလာကိုယ်စားလှယ်အဖွဲ့ ၏လမ်းကြောင်းကို ရှင်းပေးသည်။ တောင်အာဖရိက၌ လုပ်ရသော အလုပ်များမှာ လွယ်ကူမှု မရှိပေ။ သို့ရာတွင်တောင်အာဖရိက၌ ဆရိုနီနိုင်ဒူးသည် သူ၏ ဂုဏ်သိက္ခာကို အထိမခံဘဲ ဥပဒေအကြောင်းနှင့် လွတ်အောင်လုပ်လျက် အရေးကြီးသော အလုပ်ကိစ္စ များကို ကောင်းစွာဆောင်ရွက်ပြီးလျှင် အိန္ဒိယ၏အမည်နာမကို တောက်ပြောင် လာအောင် လုပ်ခဲ့သည်။ ယင်းကဲ့သို့သော အလုပ်များကို ဆရိုဂီနီနိုင်ဒူးသည် အမေရိကန်စသော နိုင်ငံများ၌လည်း လုပ်လိမ့်မည်။ အမေရိကန်၌ သူ ရောက်ရှိသွားခြင်းသည် မစ္စမေယို၏ မမှန်သောစကားကို ပြန်ဖြေရာလည်း ရောက်သွားပေလိမ့်မည်။သူ၏ ရဲဝံ့ခြင်းသည် သူ၏တခြားစွမ်းရည်သတ္တိများ အတိုင်းပင်ဖြစ်သည်။ နိုင်ငံခြားသွားရာ၌ ဆရိုနီသည် မည်သူ၏ အကူ အညီ ကိုမှ မလိုပေ။ မည်သူနှင့်မှ မိတ်ဖွဲ့စရာလည်းမလိုပေ။ မိမိသွားရမည့်နေရာ၌ ထိတ်လန့်ကြောက်ရွံ့စရာမလိုဘဲ တစ်ဦးတည်း လှည့်လည်သွားလာ၍ ရသည်။

          အမေရိကရှိ မိတ်ဆွေ အတော်များများထံမှ ကျွန်ုပ်ထံသို့ မကြာခဏ ပေးစာများ ရောက်ရှိလာသည်။ ယင်းပေးစာများ၌ ဆရိုဂျီနီ အလုပ်နှင့်ပတ်သက်၍ ချီးကျူးစကားပြောထားကြသည်။ မိတ်ဆွေတစ်ယောက်က “ဆရိုဂျီနီသည် အမေရိက၌ အလွန်တရာ အရေးပါအရာရောက်သော အလုပ်ကို လုပ်နေသည်။ ဘုရားပေးသော စွမ်းရည်သတ္တိအားလုံးကို ဤနိုင်ငံအတွက် အပြည့်အဝ အသုံးချနေသည်။ ဆရိုဂျီနီသည် အမေရိကန် များ၏ စိတ်နှလုံးကို စွဲဆောင်နိုင်သည်ဆိုသည်မှာ ယုံမှားသံသယ မရှိပေ”ဟု သူ၏စာထဲတွင် ရေးထားသည်။ ကနေဒါမှ နှမလို ချစ်ခင်နေသူ တစ်ယောက် ကလည်း သူ၏အတွေ့အကြုံများကို စာရှည်ကြီးတစ်စောင်ရေးပြီး ပို့လိုက် သည်။ ယင်းစာထဲတွင် အကြောင်းအရာအနည်းငယ်ကို ဖော်ပြလိုက် ပါသည်။

          “ဆရိုဂျီနီသည် အချိန်အတန်ကြာမျှ ကျွန်မ၏ ဧည့်သည်အဖြစ်နှင့် နေသည်။ ဂန္ဒီ၏ မိတ်ဆွေလည်းဖြစ်၊ တမန်လည်း ဖြစ်သူနှင့် တွေ့ရသည့် အတွက် ကျွန်မ မိမိကိုယ်ကို ကံကောင်းထောက်မသူဟု ယူဆမိသည်။ ကျွန်မကိုယ်တိုင် မိန်းမတစ်ယောက်ဖြစ်သည်။ သူလည်း မိန်းမတစ်ယောက် ပင်ဖြစ်သည်။ ဆရိုဂျီနီကမူ ကဗျာဆရာတစ်ယောက်လည်း ဖြစ်သည်။ ပြုပြင်ရေးသမား တစ်ယောက်လည်း ဖြစ်သည်။ ထို့ကြောင့် ဆရိုဂျီနီသည် ကျွန်မ၏နှလုံးသားကို ထပ်ပြီး ခိုးယူထားသည်။ သူ၏နှလုံးသည် ကျွန်မ အပေါ်မှာ အလွန်တရာ သြဇာသက်ရောက်မှုရှိနေသည်။ ယခုလောက် အချိန် ကြာသွားပြီးဖြစ်သော်လည်း သူနှင့် တွေ့ဆုံရခြင်းသည် ကျွန်မ၏နှလုံးသား၌ ပျောက်ပျက်မသွားဘဲ ထိုအတိုင်းပင်ရှိနေသည်။ ဆရိုဂျီနီသည် ဟောပြောပွဲ ကျင်းပသော ဘုရားရှိခိုးကျောင်း၌ပင် ရှိနေသည်။ ဆရိုဂျီနီ၏ ဟောပြောပွဲ ကျင်းပသော ဘုရားရှိခိုးကျောင်း၌ ပရိသတ် ပြည့်ကျပ်သွားသည်။ သူ၏ အသိဉာဏ်ပညား သူ၏အတွေ့အကြုံ၊ သူ၏ကဗျာစွမ်းရည် သူ၏ ချိုသာ အေးမြသောအသံ၊ သူ၏မြူးကြွသောစကား၊ အင်္ဂလိပ်ဘာသာနှင့်ပတ်သက်ပြီး