ဒေါက်တာမင်းတင်မွန် - မြတ်ဗုဒွ

 

မြတ်ဗုဒ္ဓ

          အရှားပါးဆုံးနဲ့ အဖိုးတန်ဆုံး ရတနာ သိန်းတန် စိန်တစ်လုံးဟာ ဓာတုဗေဒသဘောအရ ကာဗွန် ဒြပ်စင်ဖြစ်တဲ့အတွက် မီးသွေးနဲ့ တစ်မျိုးတစ်စားတည်း ဖြစ် တယ်။

          ဖြူစင်လှပတဲ့ ပုလဲရတနာဆိုတာ ကယ်လဆီယမ်ကာဗွန် နိတ်သာဖြစ်လို့ ထုံးကျောက်ခဲနဲ့ တစ်တန်းတစ်စားတည်း ဖြစ် တယ်။

          ပြည်တန်ပတ္တမြားဆိုတာလည်း တွင်းထွက်သတ္တုရိုင်းတစ်ခု မှုသာ ဖြစ်တယ်။ | ဒီကျောက်မျက်ရတနာတွေက ရှားပါးလှပလို့ လူတွေက တန်ဖိုးကြီးရတနာလို့ သတ်မှတ်ထားကြတယ်။ ဒီပညတ်ထား ချက်ကို လူအများက လက်ခံထားကြလို့ ဒီရတနာတွေကို ဝတ်ဆင်ရင် ဂုဏ်တင့်တယ်လို့ ထင်နေကြတာ။

          အမှန်က ဒီကျောက်မျက်တွေဟာ ဝတ်ဆင်သူတို့ကို ပိုပြီး မလှပလာစေပါဘူး၊ ပိုပြီးမြင့်မြတ်စေဘူး၊ ဘာဂုဏ်သရေကို မှ မတိုးပွားလာစေပါဘူး။ တဏှာလောဘကိုသာ တက်ကြွပွားစီး စေပြီး ဘေးအန္တရာယ်ကိုတိုးပွားစေပါတယ်။

          အပါယ်ကျအောင် လောဆော်ပေးနေပါတယ်။

 

          ဗုဒ္ဓပ္ပါဒ ဒုလ္လဘ-ဘုရားအဖြစ်ကို အလွန်တရာရခဲပါတယ်။ အနည်းဆုံး လေးသင်္ချေနဲ့ကမ္ဘာတစ်သိန်း ပါရမီဖြည့်ကျင့် ပြီးမှ ဘုရားဖြစ်နိုင်လို့ ဘုရားရတနာကသာ တကယ်ရှားပါး တဲ့ ရတနာဖြစ်တယ်။ ဘုရားသာသနာနဲ့ ကြုံကြိုက်နေတယ်ဆို တာ အလွန်တရာရနိုင်ခဲတဲ့ဘုရားရတနာကို မြတ်နိုးပန်ဆင်ခွင့် ဆည်းကပ်ခွင့် ရနေတဲ့ အခါသမယပါပဲ။

          သမ္မာသမ္ဗုဒ္ဓမြတ်စွာဘုရားဟာသိသင့်သိထိုက်တဲ့အကြောင်း အရာ မှန်သမျှကို သိမြင်တော်မူလို့ လောကသုံးပါးမှာ ဉာဏ် ပညာ အကြီးဆုံးပုဂ္ဂိုလ်ဖြစ်တယ်။ ကိလေသာအညစ်အကြေး များကို ဝါသနာ အထုံအငွေ့မျှ မကျန်ကြွင်းရအောင် ပယ်ရှင်း နုတ်ဖြတ်ထားပြီးသူဖြစ်လို့ သုံးလောကမှာ အမြတ်ဆုံးပုဂ္ဂိုလ် ဖြစ်တော်မူတယ်။ သူမတူအောင် ဖြည့်ကျင့်ထားတဲ့ပါရမီအဟုန် အစွမ်းကြောင့် သုံးလောကမှာ တန်ခိုးအကြီးဆုံးပုဂ္ဂိုလ်လည်း ဖြစ်တော်မူတယ်။

          လူနတ်ဗြဟ္မာသတ္တဝါအပေါင်းတို့ရဲ့ ကောင်းကျိုးချမ်းသာ ကို အများဆုံးသယ်ပိုးထမ်းရွက်ခဲ့တဲ့ပုဂ္ဂိုလ်လည်း ဖြစ်တော်မူ တယ်။

          ဒါကြောင့် ဗုဒ္ဓမြတ်စွာဟာ လောကသုံးပါးမှာ အဖိုးတန်ဆုံး အရှားပါးဆုံး အမြင့်မြတ်ဆုံးရတနာဖြစ်တော်မူပါတယ်။ လူ့ ပြည်၊ နတ်ပြည်၊ နဂါးပြည်၊ဂဠုန်ပြည်တို့မှာ ရှိကြတဲ့ ရတနာ အပေါင်းတို့ထက် အဆပေါင်း ကုဋေကုဋာ မနှိုင်းသာအောင် ကဲလွန်မြင့်မောက် ဂန္တဝင်မြောက်တဲ့ ရတနာအစစ်လည်း ဖြစ် တော်မူတယ်။

 

          ရတနာအစစ်အမှန်ဖြစ်တဲ့ မြတ်ဗုဒ္ဓရတနာကို မြတ်နိုးယုယ ပန်ဆင်ဆည်းကပ်ကြတဲ့လူနတ်ဗြဟ္မာ သတ္တဝါအပေါင်းတို့ဟာ ကိလေသာမြူအညစ်အကြေး လျော့ပါးကင်းစင်ပြီး ချက်ချင်း အေးမြကြည်လင်ချမ်းသာလာကြတဲ့အပြင် မြင့်မြတ်တဲ့ ဂုဏ် အင် အဝဝ ကုံလုံပြည့်ဝလာလို့ လှထက်လှ ယဉ်ထက်ယဉ် ပ ဘုရင်ခေါင်မှူးအသွင် လောကတွင် အတင့်တယ်ဆုံး ကျက် သရေမင်္ဂလာအရှိဆုံးပုဂ္ဂိုလ်များ ဖြစ်လာကြတော့တယ်။

 မြတ်နိုးယုယ ပန်ဆင်ကြ ဗုဒ္ဓမြတ်ရတနာ။

ကောင်းဂုဏ်ပြည့်ဝ မြင့်မြတ်ရ သုခတိုးပွားမှာ။

 ချမ်းသာစစ်မှန် မြတ်နိဗ္ဗာန် ဧကန်ရောက်မည်သာ။

 

ချမ်းသာကြီးပွားရေး

          သင် ချမ်းသာကြီးပွားလိုတယ် မဟုတ်လား။ ချမ်းသာကြီးပွားချင်ရင် ဘာမှမလုပ်ဘဲနဲ့တော့ မဖြစ်မြောက် လာနိုင်ဘူး။ တစ်ခုခုတော့ လုပ်ရလိမ့်မယ်၊ ဘာလုပ်မလဲ။

          ဗဟုသုတ ကုံလုံကြွယ်ဝပြီး သူတစ်ပါးကိုကူညီတတ်တဲ့ လူ တစ်ယောက်ထံမှာ အကြံကောင်းဉာဏ်ကောင်း တောင်းခံရရင် မကောင်းဘူးလား။ ကောင်းတာပေါ့။

          လူဆိုတာ မိမိအလိုလို တော်လာတတ်လာကြတာမှမဟုတ် ဘဲ။ သင်ဆရာ၊ မြင်ဆရာ၊ ကြားဆရာတို့ထံက ပညာဆည်းပူး လေ့လာပြီးမှ တဖြည်းဖြည်းတတ်လာ တော်လာကြတာ။ ဗဟု သုတ ပေးနိုင်တဲ့ စာအုပ်ကောင်းတွေကိုလည်း ဖတ်ရှုသင့်ပါ တယ်။

          ဒါနဲ့ လောကမှာ အသိဆုံး အတော်ဆုံး အမြတ်ဆုံး ပုဂ္ဂိုလ် ဆိုတာ မရှိဘူးလား။ ရှိရင် အဲဒီပုဂ္ဂိုလ်ကို ဆည်းကပ်ပြီး သူ့ထံ က နည်းနာနိဿယတွေ ခံယူရရင် မကောင်းဘူးလား။

          လောကမှာ အသိဆုံး အတော်ဆုံး အမြတ်ဆုံးပုဂ္ဂိုလ်ဆိုတာ မြတ်ဗုဒ္ဓပါပဲ။ သူ့ကို ဆည်းကပ်ရင် သင် ချက်ချင်း ချမ်းသာတယ်။ သူ့ အဆုံးအမတွေကို သင်လိုက်နာကျင့်သုံးရင် ဒီဘဝ မှာလည်း သင်ကြီးပွားချမ်းသာမယ်၊ နောင်ဘဝအဆက်ဆက် မှာလည်း သင် ကြီးပွားချမ်းသာမယ်။ | ဘာဖြစ်လို့လဲ။ မြတ်ဗုဒ္ဓဟာ အတုမရှိမြင့်မြတ်ပြီး အလုံးစုံ ကို သိမြင်တော်မူတဲ့ပုဂ္ဂိုလ်ဖြစ်လို့ပါပဲ။

          ဗုဒ္ဓမြတ်စွာရဲ့ ဂုဏ်တော်ကိုးပါးကို သင် သိနားလည်ရင် ဗုဒ္ဓ မြတ်စွာကို သင် မဆည်းကပ်ဘဲမနေနိုင်ပါဘူး။ မြတ်ဗုဒ္ဓ ဟော ကြားတော်မူတဲ့တရားတော်များကို သင်အသင့်အတင့်နားလည် သဘောပေါက်ရင် မြတ်ဗုဒ္ဓကို သင် မကြည်ညိုဘဲ မနေနိုင်ပါ ဘူး။ ဗုဒ္ဓမြတ်စွာရဲ့ သတ္တဝါအများချမ်းသာရေးလုပ်ငန်းကို သင် တစေ့တစောင်းနားလည်ရင်ပဲ မြတ်ဗုဒ္ဓကို သင် မလေးစားဘဲ မနေနိုင်ပါဘူး။

          မြတ်ဗုဒ္ဓဟာ သတ္တဝါအပေါင်းကို သံသရာဝဋ်ဆင်းရဲမှကယ် တင်ပြီး မအိုမနာရာ၊ မသေရာ၊ ထာဝရအေးချမ်းရာဖြစ်တဲ့ နိဗ္ဗာန်ခေမာသောင်သို့ ပို့ဆောင်ဖို့အတွက် လေးသင်္ချေနှင့် ကမ္ဘာ တစ်သိန်း ပြုနိုင်ခဲတဲ့ပါရမီတော်များကို ဖြည့်ဆည်းခဲ့ပါတယ်။

 

          ဘုရားပွင့်တာ သင့်အတွက်ဖြစ်ပြီလား

           ဗုဒ္ဓေါလောကေ သမုပ္ပန္နော ဟိတာယ သဗ္ဗပါဏိနံ

          ခပ်သိမ်းသောသတ္တဝါတို့ ချမ်းသာကြီးပွား အကျိုးများကြ စေခြင်း အကျိုးငှာ ဗုဒ္ဓမြတ်စွာသည် လောက၌ပွင့်ထွန်းတော်မူ လာတယ်။

          ယခုအခါဟာ မြတ်ဗုဒ္ဓရဲ့ သာသနာတော်ထွန်းကားနေဆဲ အခါ ဖြစ်ပါတယ်။ မြတ်ဗုဒ္ဓရဲ့ အဆုံးအမဖြစ်တဲ့ တရားတော် များဟာ ပြတ်ပြတ်သားသားတည်ရှိနေပါသေးတယ်။

          မြတ်ဗုဒ္ဓရဲ့ ကိုယ်စားတော်အဖြစ် ထားရှိခဲ့တဲ့ ဓာတုစေတီ၊ ဓမ္မစေတီ၊ ဥဒ္ဒဿစေတီ၊ ပရိဘောဂစေတီတို့ကလည်း အထင် အရှား တည်ရှိနေကြပါသေးတယ်။

          ဤစေတီမြတ်များကို သင် ဆည်းကပ်ကိုးကွယ်တတ်ရင် သက်တော်ထင်ရှား မြတ်ဘုရားကို ဖူးတွေ့ရသလိုပဲ အကျိုး ကျေးဇူး အလွန်များနိုင်ပါတယ်။

          ပီပီပြင်ပြင် ထင်ထင်ရှားရှားရှိနေကြတဲ့ မြတ်ဗုဒ္ဓရဲ့ တရား အဆုံးအမများကို သင်လိုက်နာကျင့်သုံးတတ်မယ်ဆိုရင် လူ့ ချမ်းသာ နတ်ချမ်းသာလောက်ကို အလွယ်ကလေး ရနိုင်ပါ တယ်။ အမြင့်မြတ်ဆုံးချမ်းသာဖြစ်တဲ့ နိဗ္ဗာန်ချမ်းသာကိုလည်း ဤဘဝတွင်ပင် သင်မျက်မှောက်ပြုနိုင်ပါတယ်။

          အဲဒီတော့ သတ္တဝါအများ ကြီးပွားချမ်းသာဖို့အတွက် ဗုဒ္ဓ မြတ်စွာပွင့်ထွန်းလာတာဟာ သင့်အတွက်ကော ဗုဒ္ဓမြတ်စွာ ပွင့်ထွန်းတာဖြစ်ပြီလား။ ။

          ဒီလို အခွင့်ကောင်း အခါကောင်းဆိုတာ ဘဝတစ်ကုဋေ နေ လို့မှ တစ်ကြိမ်ကြုံတွေ့ဖို့ မလွယ်ဘူး။ ကျောက်သံပတ္တမြားတွေ ကို အလိုရှိသလောက် ကောက်ယူနိုင်တဲ့ ရတနာတောင်ထိပ်ကို သင် ရောက်နေတာထက် အဆကုဋေကုဋာမက ပိုပြီး အကျိုး ကျေးဇူးများနိုင်တဲ့ အခွင့်အခါကောင်းပဲ။

          သင် လက်ရှိရင် ပြည်တန်ကျောက်မျက် ရတနာများကို ကောက်ယူနိုင်သလို သင့်မှာ ဘုရား တရား သံဃာကို ယုံကြည် တဲ့ သဒ္ဓါရှိရင် တန်ဖိုးမဖြတ်နိုင်တဲ့ ကုသိုလ်တရားတို့ကို အလွယ် တကူ ရယူနိုင်မှာပါ။

          ပြည်တန် ကျောက်မျက်ရတနာတွေက တစ်ဘဝမှာသာ အကျိုးပြုနိုင်ပါတယ်။ ရတနာမြတ်သုံးပါးကိုအခြေခံတဲ့ကုသိုလ် တရားတွေက ဘဝကုဋေကုဋာကောင်းစားအောင် အကျိုးပြုနိုင် တဲ့အပြင် အပါယ်ဘဝများသို့ မကျရောက်အောင်လည်း တား ဆီးပေးနိုင်တယ်။

          ကြည်ညိုစိတ်နဲ့ နတ်ဖြစ်

          သာဝတ္ထိပြည်က မဋ္ဌကုဏ္ဍလီသတို့သားဟာ သေရာညောင် စောင်းမှာ လဲလျောင်းနေရပြီ။ သူကြွယ်ပုဏ္ဏားရဲ့ တစ်ဦးတည်း သောသား ဖြစ်ပေမယ့် မိစ္ဆာဒိဋ္ဌိအယူမှားကြောင့် ဘာကုသိုလ် ကောင်းမှုမှ မပြုထားခဲ့ရဘူး။ ဒါကြောင့် သူသေရင် အပါယ်ကျ ရောက်ရမှာကို ဗုဒ္ဓမြတ်စွာက မြင်သိတော်မူတယ်။

          မြတ်ဗုဒ္ဓက ကယ်မတော်မှုလိုတဲ့အတွက် မြို့တွင်းသို့ ဆွမ်းခံ ကြွရင်း မဋ္ဌကုဏ္ဍလီရဲ့ အိမ်ရှေ့လမ်းမမှာ ခေတ္တရပ်တော်မူတယ်။ ဘုရားရှင်က ရောင်ခြည်တော်လွှတ်တော်မူလို့ မဋ္ဌကုဏ္ဍလီက လဲလျောင်းရာမှ ကိုယ်ခန္ဓာကို စောင်းငဲ့ပြီး ဗုဒ္ဓမြတ်စွာကို ကြည့် လိုက်တယ်။ အတုမရှိတဲ့ ဣနြေတော်နဲ့ ကြည်ညိုဖွယ်ကောင်း တဲ့ ဘုရားရှင်ကို ဖူးမြင်ရတော့ မဋ္ဌကုဏ္ဍလီဟာ ကြည်နူးဝမ်း မြောက်မိတယ်။

 

          ဘုရားရှင်ကို ဖူးမြင်ရလို့ကြည်နူးဝမ်းမြောက်တယ်ဆိုတာ မဟာကုသိုလ်စိတ်တွေ ဖြစ်လို့ပဲ။ စိတ်ဟာလက်ဖျစ်တစ်တွက် မှာ ကုဋေတစ်သိန်းကျော်ဖြစ်သွားနိုင်တဲ့အတွက် မြတ်စွာဘုရား ကိုကြည်ညိုနေတဲ့ခဏမှာ မဟာကုသိုလ်စိတ်တွေ ကုဋေ သိန်း ပေါင်းများစွာ ဖြစ်သွားနိုင်တယ်။ မဟာကုသိုလ်စိတ်တစ်ခုစီမှ ကုသိုလ်ကံမျိုးစေ့ တစ်ခုစီကျန်ရစ်ပြီး ကုသိုလ်ကံမျိုးစေ့ တစ်ခု စီကလည်း ချမ်းသာတဲ့ လူ့ဘဝ သို့မဟုတ် နတ်ဘဝတစ်ခုဖြစ် ပေါ်လာအောင် အကျိုးပေးနိုင်တယ်။ ဒါကြောင့် ဗုဒ္ဓမြတ်စွာကို တစ်ခဏမျှကြည်ညိုမိတဲ့အကျိုးအဖြစ် ချမ်းသာတဲ့လူ့ဘဝ နတ် ဘဝ မြောက်မြားစွာကို ရနိုင်တာပေါ့။

          ကုသိုလ်ကံ၊ အကုသိုလ်ကံတို့ရဲ့ အကျိုးပေးပုံဟာ သိပ္ပံပညာ ထက်တောင် တိကျမှန်ကန်သေးတယ်။ ဗုဒ္ဓမြတ်စွာက ယထာ ကပဂ အဘိညာဉ်တန်ခိုးနဲ့ ကံအကျိုးပေးပုံတွေကို အသေး စိတ်မြင်သိတော်မူလို့ သတ္တဝါတွေ အကျိုးများစေခြင်းငှာ ကံ ကံရဲ့ အကျိုးရှိတာကို ဟောကြားတော်မူခြင်းဖြစ်ပေတယ်။

          မဋ္ဌကုဏ္ဍလီဟာ ဘုရားရှင်မှာ ခေတ္တမျှ ကြည်ညိုစိတ်ဖြစ် လိုက်ရုံနဲ့ မကြာမီ သေလွန်တဲ့အခါ အပါယ်မလားရဘဲတာဝတိသာနတ်ပြည်မှာ စည်းစိမ်ကြီးမားတဲ့ နတ်သားတစ်ပါးဖြစ်သွား ရပါတယ်။

ယခုလူ့လောကမှာ အလုပ်မည်မည်ရရမလုပ်ဘဲနဲ့ ချမ်းသာ ကြွယ်ဝနေတဲ့လူတွေ အမြောက်အမြားရှိတယ်။ အမေရိကန် ပြည်ထောင်စုမှာ ဒေါ်လာသန်း ၁၀၀၀ ကျော် ချမ်းသာတဲ့ “ဘီ လျံနာ” သူဌေးစာရင်းကို ကောက်ယူကြည့်တဲ့အခါ အများစုကမိဘရဲ့ အမွေကို ခံစားရလို့ ချမ်းသာနေတာကို တွေ့ရတယ်။ ဒါ တွေဟာ အတိတ်က ကုသိုလ်ကံတွေရဲ့ အကျိုးကြောင့်ပါပဲ။

          ဘုရား၊ တရား၊ သံဃာ ဆိုတဲ့ ရတနာမြတ်သုံးပါးကို ကြည် ညို လေးမြတ်ရတဲ့ ကုသိုလ်ကံဟာ အလွန်တရာကြီးကျယ်တဲ့ စီးပွားချမ်းသာတွေကို ရရှိစေနိုင်ပါတယ်။

ဘေးရန်ကင်းဝေး

          ညဉ့်အခါ လူပြတ်တဲ့နေရာ သစ်ပင်အံ့အုံ့ဆိုင်းဆိုင်းတွေ အောက်က သင်ဖြတ်သွားရရင် သင်ကျောမချမ်းဘူးလား၊ညဉ် အခါမှာ သင်္ချိုင်းကို သင်ဖြတ်သွားဝံ့မလား။ “ဣတိပိသော ဘဂဝါ အရဟံသမ္မာသမ္ဗုဒ္ဓေါ..” စတဲ့ ဗုဒ္ဓဂုဏ်တော်ပြဂါထာကို သင် အေးအေးဆေးဆေးရွတ်ဆိုသွားရင် ဘေးအန္တရာယ်မရှိ ဘူး။ သင်“ဣသောပိတိ... ဣသောပီတိ' စသည်ဖြင့်ကြောက် ကြောက်လန့်လန့်နဲ့ အမြီးခေါင်း တည့်အောင်မဆိုနိုင်ရင် တစ္ဆေ ခြောက်ခံရချင် ခံရမှာပေါ့။

          တောထဲသွားကြရမယ့်ရဟန်းတော်များကို မြတ်ဗုဒ္ဓက ဧဂ္ဂ သုတ်တော်မှာ ဒီလိုမှာကြားတော်မူတယ်။

          “ရဟန်းတို့ ... သိကြားမင်းက အသူရာနတ်တို့နဲ့ စစ်ခင်းတဲ့ အချိန်မှာ သူ့ရဲ့ နတ်စစ်သည်များကို သူ့ရဲ့ ရထားတံခွန်ကို ဖြစ် စေ၊ သူ့တပ်မှူးများရဲ့ ရထားတံခွန်တို့ကိုဖြစ်စေ ကြည့်ကြဖို့ မှာတယ်။ ဒီတံခွန်တွေကို မြင်ရင် ကြောက်စိတ်တွေ ပြေပျောက် သွားလိမ့်မယ်တဲ့။ “

          “မှန်တယ်ခေါင်းဆောင်တွေက ရှေ့ကနေပြီး ရွပ်ရွပ်ချွံချွံ