ထက်မြတ် - ဗလာဒီမီယာပူတင်

ဘာသာပြန်သူ၏ အမှာ

ကျွန်တော်က အတ္ထုပ္ပတ္တိများနှင့်အတူ စာပေနယ်တွင် စတင် ကျင်လည်ခဲ့သည်ဟု ဆိုရမည်။ ပထမဆုံး ငုယင်ဗန်ထရိုင်း ရေးပြီးသည့်နောက် အိုယန်ဟိုင်၏ တေးသံ ရေးဖြစ်သည်။

ယခု ဗလာဒီမီယာပူတင် ကိုလည်း ကျွန်တော် ဘာသာပြန်လို | သဖြင့် အလင်္ကာဝတ်ရည် စာအုပ်တိုက်မှ ကိုဥက္ကာအေးကို မှာလိုက်ရာ သူက စင်ကာပူမှနေ ဝယ်ယူခဲ့ပါသည်။

ဗလာဒီမီယာပူတင်ကို အလင်္ကာဝတ်ရည် ဂျာနယ်တွင် | အပတ်စဉ် ရေးသားခဲ့ပြီးနောက်ဆက်မရေးဖြစ်တော့ပါ။ ယခု

ရာပြည့်စာအုပ်တိုက်မှ ဦးစိုးညွန့်နှင့် စကားလက်ဆုံကျရင်း ဗလာဒီမီယာပူတင်ကို ပြီးစီးအောင် ရေးသားဖြစ်ခဲ့သည်။

ထို့ကြောင့် ပီတာထရပ်စ်ကော့၏ Putin's Progress စာအုပ်ကို ယူလာပေးသော ကိုဥက္ကာအေးကို ကျေးဇူးတင်ပါကြောင်း၊ ထိုစာအုပ်ကို ထုတ်ပေးသော ရာပြည့်စာအုပ်တိုက် မှ ဦးစိုးညွှန့်ကိုလည်း အထူး ကျေးဇူးတင်ပါကြောင်း အလေးအနက် ဖော်ပြလိုပါသည်။

ထက်မြက်

ဗလာဒီမီယာ ပူတင် (၁၉၅၂ -      )

VLADIMIR PUTIN

ဗလာမီယာရိုဗစ်ရှ်ပူတင်ကို ၁၉၅၂ ခု အောက်တိုဘာလ ၇ ရက်နေ့တွင် ယခု စိန့်ပီတာစဘတ်ဟု ခေါ်ပြီး ယခင် ဆိုဗီယက်ယူနီယံခေတ်က လီနင်ဂရက်မြို့ တွင် မွေးဖွားခဲ့သည်။ သူသည် ရုရှားဖက်ဒရေးရှင်း နိုင်ငံတွင် ဒုတိယမြောက် သမ္မတ ဖြစ်ခဲ့ပြီး ယခု ဝန်ကြီးချုပ်အဖြစ် တာဝန်ယူနေသည်။ ထို့ပြင် ညီညွတ်သော ရုရှားပါတီ၏ ဥက္ကဋ္ဌ၊ ရုရှားဖက်ဒရေးရှင်း ပြည်ထောင်စုသမ္မတနိုင်ငံနှင့် ဘီလားရပ်စ် သမ္မတနိုင်ငံတို့၏ ဝန်ကြီးများကောင်စီ ဥက္ကဋ္ဌ အဖြစ်လည်း

တာဝန်ယူထားသည်။ ၁၉၉၉ ခုနှစ် ဒီဇင်ဘာလ ၃၁ ရက်နေ့က ယာယီသမ္မတ ဖြစ်လာခဲ့သည် ၊ အငြိမ်းစားယူသော သမ္မတ ဘောရစ်ယဲလ်ဆင်၏ နေရာတွင် ဝင်ရောက် တာဝန်ယူခြင်း ဖြစ်၏။ ၂၀၀၀ ပြည့်နှစ် သမ္မတရွေးကောက်ပွဲတွင် သမ္မတအဖြစ် လူထုက သူ့ကို ရွေးကောက် တင်မြှောက်ခဲ့သည်။ ၂၀၀၄ ခု သမ္မတ ရွေးကောက်ပွဲတွင်လည်း ဗလာဒီမီယာပူတင်ကိုပင် သမ္မတ ဒုတိယသက်တမ်းအဖြစ် လူထုက ရွေးကောက်ခဲ့၏။ သူ၏ သမ္မဒူတို့သက်တမ်း မှာ ၂၀၀၈ ခုနှစ် မေလ ၇ ရက်နေ့တွင် ပြီးဆုံးသွားခဲ့ပြီ ဖြစ်သည်။

သမ္မတသက်တမ်း ၂ ကြိမ်တိုင် တာဝန်ယူခဲ့ပြီးနောက် ယခု ဝန်ကြီးချုပ် အဖြစ် သူ့ကို တာဝန်ပေးခဲ့သည်။ ရုရှား ပြည်သူလူထုက ပူတင်ကို တစ်ခဲနက်ထောက်ခံကြသည်။ ပူတင်က ရုရှားပြည်သူများ၏ ထောက်ခံမှုအတွက် ကျေနပ် အားရပါသည်။ သမ္မတအဖြစ် ၈ နှစ်တာကာလ တာဝန်ယူခဲ့စဉ် ယခင်က ပြိုကျနေသော ရုရှားစီးပွားရေးကို ပြန်လည် ဦးမော့လာအောင် ဆောင်ရွက်ပေး နိုင်ခဲ့ပြီး ရုရှား၏ စီးပွားရေး အကျပ်အတည်းကိုလည်း ဖြေရှင်းပေးနိုင်ခဲ့သည်။ သူ၏ သမ္မတ ဒုတိယ သက်တမ်းမှာပင် ရုရှားနိုင်ငံ၏ ပြည်တွင်း စုစု ပေါင်း ထုတ်ကုန်တန်ဖိုး (GDP)မှာ ယခင်ကထက် ၆ ဆ (၇၅ %) တိုးတက်ခဲ့သည်။ ဆင်းရဲမွဲတေမှုကိုလည်း တစ်ဝက်ကျော် လွတ်ကင်းစေခဲ့သည်။ ပြည်သူလူထု၏ ပျမ်းမျှ လစဉ်ဝင်ငွေကိုလည်း ဒေါ်လာ ၈၀ မှ ဒေါ်လာ ၆၄၀ အထိ တိုးတက်

စေခဲ့သည်။ တစ်နည်းဆိုသော် ၁၅၀ % မြင့်တက်ခဲ့ခြင်း ဖြစ်၏။ ထိုကဲ့သို့ ပူတင်၏ စွမ်းဆောင်မှုများ ရှိသော်လည်း နိုင်ငံခြား အစိုးရများနှင့် ပြည်တွင်းမှ သူ့ကို မလိုလားသူများက ပူတင်သည် လူ့အခွင့်အရေး ချိုးဖောက်မှုများ လုပ်ခဲ့ သည်ဟု ဆိုကြသည်။ အထူးသဖြင့် ချေချင်ညာ တိုက်ခိုက်ခြင်းကို ဆိုလိုသည်။ သူ့ကို မလိုလားသူများက ယခင် ဆိုဗီယက် သမ္မတနိုင်ငံ ဟောင်းများနှင့် တင်းတင်းမာမာ ဆက်ဆံမှု၊ ရုရှားမှ အိုလီဂက်ရှိခေါ် စီးပွားရေး လုပ်ငန်းရှင် ကြီးများနှင့် ဆက်ဆံမှုတို့ကို မကျေနပ်ကြချေ။ ရုရှား ဆန့်ကျင်ရေးများကို ထို မလိုလားသူများက လှုံ့ဆော်ခဲ့ကြသည်။ နိုင်ငံခြားတွင် သွားရောက် ခိုလှုံနေသူ လုပ်ငန်းရွှင်ကြီးများနှင့် အနောက်တိုင်းမှ ဆန့်ကျင်သူများကပူတင်ကို ထိုးနှက် တိုက်ခိုက်ကြသည်။ ဒုတိယသက်တမ်း စေ့ခါနီး အချိန်မှာပင်ရုရှား ပြည်သူများက ပူတင်ကို အကြီးအကျယ် ထောက်ခံနေသောကြောင့် ဖွဲ့စည်းပုံ အခြေခံဥပဒေကို ပြင်ဆင်ပြီး သမ္မတ တတိယသက်တမ်းအထိ အရွေးခံလိမ့်မည်ဟု ထင်ကြေးပေးကြသော်လည်း ပူတင်သည် တတိယအကြိမ် သမ္မတသက်တမ်းကို ဝင်ရောက် အရွေးမခံခဲ့ပေ။

ဖွဲ့စည်းပုံ အခြေခံဥပဒေ အတိုင်းပင်

သမ္မတ အဖြစ်မှ နုတ်ထွက်ကာ ဒီမီထရီ မက်ဗေဒက်ကို သမ္မတအဖြစ် တင်မြှောက် ခဲ့သည်။ ၂၀၀၈ ခုနှစ် သမ္မတ ရွေးကောက်ပွဲတွင် မက်ဗေဒက်က တတိယ

မြောက် ရုရှား သမ္မတ ဖြစ်လာပြီး၊ ပူတင်ကို ဝန်ကြီးချုပ်အဖြစ် ရွေးချယ်ခန့်အပ်ခဲ့သည်။ ၂၀၀၈ ခု မေလ (၈) ရက်နေ့တွင် ပူတင်သည် သူ၏၀န်ကြီးချုပ် ရာထူးကို စတင် ထမ်းဆောင်ခဲ့ပါသည်။

ငယ်စဉ်ဘဝနှင့် KGB တာဝန်

 ပူတင်၏ မိခင်မှာ မာရီယာ အိုင်ဗန်နော့ဗ်နာ ဖြစ်ပြီး စက်ရုံ အလုပ်သမတစ်ယောက်ဖြစ်သည်။ သူ့ ဖခင်မှာ ဗလာဒီမီယာ စုပီရီခိုနိုဗစ်ရှ်ပူတင် ဖြစ်သည်။ ဆိုဗီယက် ရေတပ်တွင် တာဝန်ထမ်းဆောင်ခဲ့သည်။ ၁၉၃၀ ပြည့်နှစ်များ အစော ပိုင်းက သူ့ဖခင်သည် ဆိုဗီယက် ရေငုပ်သင်္ဘောတပ်ဖွဲ့တွင် တာဝန်ထမ်းဆောင် ခဲ့လေသည်။ ဒုတိယကမ္ဘာစစ်အတွင်းက သူ့ဖခင်သည် MKVD ထောက်လှမ်းရေး တပ်ဖွဲ့တွင် တာဝန်ယူကာ ရန်သူ၏ စစ်ဆင်ရေးများကို တိတ်တဆိတ် ဖျက်ဆီးသောတာဝန် အပေးခံရသည်။ ၁၉၃၀ ပြည့်နှစ်များက သူ့ထက်အကြီး အစ်ကို နှစ်ယောက်ကို မွေးဖွားခဲ့သည်။ အစ်ကို တစ်ယောက်မှာ မွေးပြီး လပိုင်းအတွင်း သေဆုံးသွားပြီး နောက်တစ်ယောက်မှာ လီနင်ဂရက်ကို နာဇီတို့ ဝိုင်းထားစဉ်က သေဆုံးသွားခဲ့သည်။ သူ့ဖခင်၏အဖေ သူ့အဘိုး စပီရီဆွန်ပူတင်မှာ ဗလာဒီမာ လီနင်နှင့် ဂျိုးဇက်စတာလင်တို့၏ စားဖိုမှူးအဖြစ် တာဝန်ထမ်းဆောင်ခဲ့သည်။

သူ၏ ကိုယ်ရေး အတ္ထုပ္ပတ္တိ ဖြစ်သော “ပထမ ပုဂ္ဂိုလ်" (first Person) စာအုပ်မှာ ပူတင်၏ အင်တာဗျူးများ၊ မိန့်ခွန်းများကို အခြေခံ၍ ရေးသား ထားခြင်း ဖြစ်၏။ ပူတင်၏ အစောပိုင်းဘ၀မှာ နုံချာလှ၏။ ကလေးဘဝက လူအများ စုဝေးနေရသော အဆောက်အဦးရှိ အခန်းကျဥ်းတွင် သူတို့မိသားစု စုဝေး နေထိုင်ရသည့် အကြောင်း၊ သူ ကလေးဘဝက ထောက်လှမ်ရေးအဖွဲ့တွင် အရာရှိအဖြစ် တာဝန်ထမ်းဆောင်ခဲ့ချင်ကြောင်း၊ ဆိုဗီယက် ရုပ်ရှင်ကားများတွင် ပါသော ထောက်လှမ်းရေးမင်းသားကို အားကျကြောင်း ရေးသားခဲ့လေသည်။ ပူတင်သည် ၁၉၇၅ ခုနှစ်တွင် လီနင်ဂရက် တက္ကသိုလ်မှ ဘွဲ့ရသည်။ သူ ရရှိသော ဘွဲ့မှာ နိုင်ငံတကာ ဥပဒေဆိုင်ရာ ဘာသာဖြင့် ဥပဒေဌာနမှ ဘွဲ့ရရှိခဲ့သည်။ သူ နောက်ဆုံးတင်ရသော စာတမ်းမှာ နိုင်ငံတကာဥပဒေ ဆိုသော ခေါင်းစဉ်ဖြင့် တင်သောစာတမ်း ဖြစ်သည်။ ', ထို့နောက် ပူတင်သည် KGB (ရုရှားထောက်လှမ်းရေးတပ်ဖွဲ့) ထဲသို့ ဝင်ရောက်ခွင့် ရရှိခဲ့လေသည်။ တက္ကသိုလ်တွင် ရှိစဉ်က သူသည် ဆိုဗီယက် ယူနီယံ ကွန်မြူနစ်ပါတီဝင် ဖြစ်၏။ ၁၉၉၁ ခုနှစ် ဒီဇင်ဘာလ ကွန်မြူနစ်ပါတီ ဖျက်သိမ်းစဉ်အထိ ပါတီဝင်အဖြစ် ရှိနေခဲ့သည်။ ၁၉၇၆ ခုနှစ်တွင် ပူတင် သည် လီနင်ဂရက်အိုခါတာ KGB သင်တန်းကျောင်းတွင် မွမ်းမံသင်တန်းကို ပြီးစီးအောင် တက်ရောက်ခဲ့သည်။ ယူရီဖက်ရှူတင်စကင်နှင့် ဗလာဒီမီယာပရီ ဘိုင်လော့စကီးတို့၏ အဆိုအရ ပူတင်သည် KCB ၏ ပဉ္စမမြောက် ညွှန်ကြားရေး ရုံးတွင် တာဝန်ယူခဲ့ရသည်။ ထိုဌာနသည် ဆိုဗီယက်ယူနီယံကို နိုင်ငံရေးအရ

ဆန့်ကျင်သူများအား စုံစမ်းထောက်လှမ်းရသောဌာန ဖြစ်သည်။ ဝါရှင်တန်ပို့စ် သတင်းစာကြီးကလည်း ပူတင်သည် လီနင်ဂရက်သို့ ရောက်လာသော နိုင်ငံ ခြားသားများအား ထောက်လှမ်းရသော တာဝန်ကို ယူခဲ့သည်ဟု ဆိုသည်။ ထို့ နောက် သူ့ကို အရာရှိအဖြစ် ရာထူးတက်ပေးကာ နိုင်ငံခြား ထောက်လှမ်းရေး ဌာနသို့ ပြောင်းရွှေ့ခဲ့သည်။ ထိုဌာနသည် KGB ၏ ပထမ ညွှန်ကြားရေးမှူး ချုပ်ရုံး ဖြစ်သည်။ ထိုသို့ ပြောင်းရွှေ့ပြီးနောက် သူသည် နောက်တစ်ကြိမ် အဆင့် မြင့်သင်တန်းကို နှစ်အတော်ကြာ တက်ရသည်။ ထိုကျောင်းသို့ ၁၉၈၅ ခုနှစ် တွင် တက်ရခြင်းဖြစ်ပြီး ထိုအဆင့်မြင့်ကျောင်းကို မော်စကိုရှိ ဇာဇင်စကီး KCB, ရုံးချုပ်တွင် ထိပ်တန်း ထောက်လှမ်းရေးသင်တန်းများ တက်ရောက်ရသည်။ ထိုအချိန်က KCA ဌာနချုပ်တွင် ညွှန်ကြားရေးမှူးအဖြစ် တာဝန်ယူထားသူမှာ ယူရီအင်ဒရိုပေါ့ ဖြစ်သည်။ (ယခုအခါ ထိုရုံးကို နိုင်ငံခြား ထောက်လှမ်းရေး ဦးစီးတက္ကသိုလ်ဟု ခေါ်သည်။ ထို့နောက် သူ လီနင်ဂရက်သို့ ပြန်လာပြီး | ၁၉၇၉ ခုနှစ်မှ ၁၉၈၃ ခုနှစ်အထိ တာဝန်ယူခဲ့သည်။ ၁၉၈၅ ခုနှစ်မှ ၁၉၉၀ ပြည့်နှစ်အထိ အရှေ့ဂျာမနီရှိ ဒရပ်စတင်တွင် KGB တာဝန်ခံအဖြစ် သွားရောက် တာဝန်ယူခဲ့ရလေသည်။ အရှေ့ဂျာမန် အုပ်ချုပ်ရေးစနစ် ပြိုလ်ခဲ့ပြီးနောက် ပူတင်ကို ပြန်ခေါ်ခဲ့သည်။ သူသည် လီနင်ဂရက်တွင် တာဝန်ထမ်းဆောင်ရ၏။ ၁၉၉၁ ခု ဇွန်လ၌ လီနင်ဂရက် တက္ကသိုလ် နိုင်ငံတကာရေးရာဌာနတွင် ကထိက အဖြစ် သင်ကြားပို့ချပေးခဲ့သည်။ လီနင်ဂရက် တက္ကသိုလ်၌ ဆရာအဖြစ် တာဝန်ယူနေစဉ် ပူတင်သည် အနာတိုလီဘော့ဘ်ချက်နှင့် အပေါင်းအသင်း ဖြစ်လာသည်။ ဆော့တ်ချက်သည် နောင်အခါ လီနင်ဂရက် မြို့တော်ဝန် ဖြစ်လာ ခဲ့၏။ ပူတင် လီနင်ဂရက် တက္ကသိုလ်၌ ကျောင်းသားအဖြစ် တက်ရောက် ခဲ့စဉ်က ဘုတ်ချက်သည် လက်ထောက် ပါမောက္ခအဖြစ် တာဝန်ယူနေသည်။ သူသည် ပူတင်၏ ဆရာလည်း ဖြစ်ခဲ့ပါသည်။ ၁၉၉၁ ခု သြဂုတ်လ ၂၀ တွင် ပူတင်မှာ နိုင်ငံတကာ လုံခြုံရေးဌာနမှ တရားဝင် နုတ်ထွက်ခွင့်ရခဲ့၏။ ထိုအချိန်က ဆိုဗီယက်သမ္မတမီခေးဂေါ်ဘာချက်သည် KGB အင်အားကို လျှော့ချနေချိန် ဖြစ်ပါသည်။

သမ္မတဘ၀၊ ပထမသက်တမ်း (၂၀၀၀-၂၀၀၄)

၁၉၉၉ ခုနှစ် ဒီဇင်ဘာလ ၃၁ ရက်နေ့တွင် သမ္မတ ဘောရစ်ယ်လ်ဆင်သည် ရာထူးမှ အနားယူကာ ရုရှားနိုင်ငံ၏ ဖွဲ့စည်းပုံ အခြေခံဥပဒေအရ ဗလာဒီမီယာ ပူတင်ကို ယာယီ သမ္မတအဖြစ် လွှဲပြောင်းပေးလိုက်လေသည်။ သူ့ဘဝတွင် အမြင့်ဆုံးရာထူး ရရှိခဲ့ခြင်း ဖြစ်သည်။ ဖွဲ့စည်းပုံ အခြေခံဥပဒေအရ လက်ရှိ သမ္မတသည် အကြောင်းတစ်ခုခုကြောင့် အနားယူမည်ဆိုပါက သမ္မတသက်တမ်း မပြည့်သေးလျှင် မိမိ ရွေးချယ်ထားသူအား ယာယီသမ္မတအဖြစ် တာဝန်ပေးရ သည်။ ထို့ကြောင့် ရုရှား ဖက်ဒရေးရှင်းနိုင်ငံ၏ ယာယီသမ္မတ အဖြစ် တာဝန် ယူရလေသည်။ သူ့ကို ယ်လ်ဆင်က ယာယီသမ္မတအဖြစ် လွှဲပြောင်းပေးခဲ့သောကြောင့် ပူတင်သည် ၂၀၀၁ ခု ဖေဖော်ဝါရီလ ၁၂ ရက်နေ့တွင် “တာဝန်ယူခဲ့သူ ယခင် သမ္မတများနှင့် သူတို့၏ မိသားစုများကို တရားဥပဒေအရ အရေးယူခြင်း၊ | စွဲချက်တင်ခြင်း မပြုရန်” ဥပဒေကို တင်သွင်း၍ လွှတ်တော်၏ အတည်ပြုချက်ကို | ရယူခဲ့လေသည်။ ထို့ကြောင့် ယ်လ်ဆင်နှင့် သူ့မိသားစုမှာ ငွေကြေးခဝါချမှုနှင့် စွဲချက်တင်ခဲ့သည်မှ ကင်းလွတ်ခဲ့သည်။ သူတို့ကို ရုရှားနှင့် ဆွစ် အာဏာပိုင် များက ငွေကြေး ခဝါချမှုနှင့် တရားစွဲထားသောကြောင့် ဖြစ်သည်။ ၂၀၀၀ ပြည့်နှစ်တွင် သမ္မတသက်တမ်း အသစ်ကို ရွေးကောက်ရမည် ဖြစ်သည်။

လ်ဆင်က သမ္မတ အဖြစ်မှ အနားယူသွားပြီး အစိုးရ ထောက်ခံသော သမ္မတ အဖြစ် ပူတင်ကို ရွေးချယ်ခဲ့သည်။ ၂၀၀၀ ပြည့်နှစ် မတ်လ ၂၆ ရက်နေ့၌ ကျင်းပသော သမ္မတ ရွေးကောက်ပွဲတွင် ပူတင်မှာ အနိုင်ရရှိသွားခဲ့လေသည်။

၂၀၀၀ ပြည့်နှစ် မေလ ၇ ရက်တွင် ပူတင်မှာ သမ္မတအဖြစ် ကျမ်းသစ္စာ ကိန်ဆိုသည်။ ယခင့် ဘဏ္ဍာရေးဝန်ကြီး မစ်ခေးကာစီယာစေ့ကို ပူတင်က ဝန်ကြီးချုပ်အဖြစ် ခန့်အပ်သည်။ အစိုးရအဖွဲ့ဝင် ဝန်ကြီးများကို ကြေညာရင်၊ ယခု ရုရှား အစိုးရအဖွဲ့သစ်၏ ရည်ရွယ်ချက်မှာ အထက်မှနေ တင်းတင်း ကျပ်ကျပ် အုပ်ချုပ်သော စနစ်ကို ဖျက်သိမ်းရန် ရည်ရွယ်ကြောင်း ကြေညာ လေသည်။ ၂၀၀၀ပြည့်နှစ် မေလတွင် ယခင်က ရုရှား ဖက်ဒရေးရှင်းနိုင်ငံ၌ အုပ်ချုပ်ရေးဒေသ ၈၉ နယ် ထားရှိခြင်းကို ဖျက်သိမ်းပြီး ပြည်ထောင်စု ပြည်နယ်ကြီး ၇ ခုသာ သတ်မှတ်ကြောင်း ကြေညာပြန်သည်။ ၂၀၀၀ ပြည့်နှစ် ဇူလိုင်လတွင် ဥပဒေအရ သူ့ကို ရုရှား ပါလီမန်မှ သမ္မတအဖြစ် အသိအမှတ်ပြုပြုကြောင်း ကြေညာသည်။ သမ္မတ ရုံးခန်းတွင် တာဝန်ယူသည်နှင့် ယ်လ်ဆင် လက်ထက်က ရုရှား အစိုးရအဖွဲ့ကို လွှမ်းမိုးထားသော စီးပွားရေး လုပ်ငန်းရှင် ကြီးများအား စတင် ထိုးနှက်တော့သည်။ ပထမဆုံး ဘောရစ်ဘာရီဇော့စကီး ကို စုံစမ်းစစ်ဆေးရန် အမိန့်ပေးခဲ့၏။ ယခင် ရုရှား အစိုးရအဖွဲ့ထဲမှ အကျင့် ပျက်မှုများ၊ အဂတိ လိုက်စားမှုများကိုလည်း စတင် အရေးယူသည်။ ပူတင် သမ္မတ ဖြစ်လာပြီး ပထမဆုံး စိန်ခေါ်မှုမှာ ရုရှား နျူကလီးယား ရေငုပ်သင်္ဘော ကတ်စ်၊ ဘာရင်းပင်လယ်တွင် နစ်မြုပ်သွားခြင်း ဖြစ်သည်။ ။

ပူတင် သမ္မတ ဖြစ်လာသည့်အခါတွင် ရုရှားနိုင်ငံ၏ အမျိုးသားသီချင်း၊ ကိုလည်း ပြောင်းပစ်လိုက်သည်။ ပြောင်းလိုက်စ အချိန်တွင် စာသား မပါဘဲ  တေးသွားကိုသာ ပြင်ရသေးသည်။ ထိုတေးသွားကို ဂလင်ကာက အသံသွင်း

ထားသည်။ အမျိုးသား သီချင်းမှာ ၁၉၄၄ ခုနှစ်နောက်ပိုင်း ဆိုဗီယက်ခေတ်၌  အလက်ဇန်ဒရော့ ရေးသားသော ဆိုဗီယက် အမျိုးသားသီချင်း ဖြစ်၏။ ယခု

ပြောင်းလဲလိုက်သော နိုင်ငံတော်သီချင်းကို မစ်က ရေးသားခဲ့ခြင်း ဖြစ်သည်။ ၂၀၀၂ စုနှစ်၌ မော်စကို ကဇာတ်ရုံ စီးနင်းခံရပြီး ကဇာတ်ကြည့်သူ များကို ချေချင် သူပုန်များက ပြန်ပေးဆွဲထားခဲ့၏။ ထိုပြန်ပေးဆွဲမှုတွင် လုံခြုံရေး တပ်များက အတင်း စီးနင်းတိုက်ခိုက်သောကြောင့် ဓားစာခံ ၁၃၀ သေဆုံး သွားခဲ့လေသည်။ ထိုအရေးကိစ္စနှင့် ပတ်သက်ပြီး နိုင်ငံတကာ မီဒီယာများက ပူတင်ကို ရှုတ်ချဝေဖန်ကြသည်။ သို့သော် ဖော်စကို ကဇာက်ရုံ စီးနင်းမှုတွင် ရုရှား ပြည်သူများက ပူတင်ကို ထောက်ခံသောကြောင့် ပူတင်မှာ ပြည်သူ

ထောက်ခံနှုန်း ၈၃ % အထိ မြင့်တက်သွားလေသည်။ ၂၀၀၃ ခုနှစ် ဇူလိုင်လ တူယူတော့ ရေနံကုမ္ပဏီကြီး၌ ရှယ်ယာအများဆုံး ပိုင်ဆိုင်သော မစ်ခေးခေါ် ဒေါ်ကော့စကီး၊ လုပ်ဖော်ကိုင်ဖက် ပလက်တွန်လေဘီဒက်ကို ဖမ်းလိုက်၏။

ရှားနိုင်ငံတွင် ရွေးကောက်ပွဲများ မကျင်းပခင်အတွင်း ပူတင်က ကာကွယ်ရေး ဝန်ကြီးအဖြစ် ဆာဂျီအိုင်ဗန်ဆူကို တာဝန်ပေးလိုက်သည်။ အိုင်ဗန်နော့မှာ စစ်တပ်မှ မဟုတ်ဘဲ ပထမဆုံး ကာကွယ်ရေးဝန်ကြီးအဖြစ် ခန့်အပ်ခံရသော အရပ်သား ဖြစ်လေသည်။

မိသားစုနှင့် ပုဂ္ဂလိက ဘဝ 

ပူတင်သည် ၁၉၈၃ ခုနှစ် ဇူလိုင်၂၈ ရက်နေ့တွင် လုဒ်မေလာရှက်ကရက်ညိုဘာနှင့် လက်ထပ်ခဲ့သည်။ လုဒ်မေလာသည် လီနင်ဂရက် တက္ကသိုလ် ဒဿနိကဗေဒ ဌာနခွဲတွင် စပိန်ဘာသာကို သင်ကြားနေသောကျောင်းသူတစ်ယောက်ဖြစ်သည်။ သူမသည် လေယာဉ်မယ်လည်း လုပ်ခဲ့ဖူးသည်။ ၁၉၅၈ ခု ဇန်နဝါရီ ၆ ရက် နေ့က ကာလီနင်ဂရက်တွင် မွေးဖွားခဲ့လေသည်။ သူတို့ ဇနီးမောင်နှံတွင် သမီး ၂ ယောက် ဖွားမြင်ခဲ့သည်။ သမီးအကြီး မာရီနာပူတီနာခေါ် “မာရှာ" ကို ၁၉၈၅ ခုနှစ်တွင် မွေးဖွားပြီး သမီးငယ် ရီကာတာရီးနားခေါ်"ကက်ယာ” ပူတီနာ ကို ၁၉၈၆ ခုနှစ်က ဒရပ်စဒင်တွင် မွေးဖွားခဲ့လေသည်။ သမီး နှစ်ယောက်စလုံး မှာ မော်စကိုရှိ ဂျာမန်ဘာသာသင်ကျောင်းတွင် ပညာသင်ကြားခဲ့ကြသည်။ သူ ဝန်ကြီးချုပ် ဖြစ်သည်အထိ ဂျာမန်ဘာသာ သင်ကြားခဲ့ခြင်း ဖြစ်သည်။ ပူတင်တွင် “ကိုနီ” ဟု ခေါ်သော လာဘရာဒေါ ခွေးနက်ကလေး တစ်ကောင် လည်း ရှိသည်။ ထိုခွေးကလေးမှာ သူနှင့်အတူ လိုက်ပါလေ့ ရှိ၏၊ အစည်း အဝေး တက်သည်တွင်လည်း ပါလာလေ့ ရှိ၏၊

၁၉၉၂ ခုနှစ်ကတည်းက ပူတင်၌ ပုဂ္ဂလိကပိုင် ကျေးလက်စံအိမ်တစ်ခု ရှိသည်။ လီနင်ဂရက် မြို့ပြင်ရှိ ဆိုလိုဗွိုက်ကာတွင် စတုရန်းမီတာ ၇၀၀၀ ကျယ်ဝန်းသော ခြံဝင်းထဲ ဆောက်ထားသည့် ကျေးလက်နေအိမ် ဖြစ်သည်။ ၁၉၉၆ နိုဝင်ဘာလ ၁၀ ရက်နေ့တွင် သူ၏ အိမ်နီးနားချင်း မိတ်ဆွေများနှင့် စုပေါင်းကာ ရေကန်ကြီးတစ်ကန် တူးခဲ့လေသည်။ ထိုကျေးလက်စံအိမ်မှာ သူ တရားဝင် ပိုင်ဆိုင်သောအိမ် ဖြစ်ကြောင်း ၂၀၀၀ ပြည့်နှစ် သူ သမ္မတ အရွေး ခံစဉ်က သူ့ပိုင်ဆိုင်မှုစာရင်းကို တင်ပြရာတွင် ထိုစံအိမ်လည်း ပါဝင်လေသည်။

ပူတင်၏ ဖခင်ဖြစ်သူမှာ ဆိုဗီယက်ခေတ်က ရှေးရိုးစွဲ စံပြကွန်မြူနစ် တစ်ယောက် ဖြစ်သည်။ ကွန်မြူနစ်ဝါဒကို အမှန်တကယ် ယုံကြည်ပြီး သူ့ ဘဝတွင် သေသည်အထိ လက်တွေ့ ကျင့်သုံးခဲ့သူ ဖြစ်သည်။ ဖက်ဆစ် တော် လှန်ရေး ကာလကတည်းက သူ လှုပ်ရှားခဲ့သော မြေအောက်ကလပ်စည်းတွင် လည်း အတွင်းရေးမှူး အဖြစ် တာဝန်ယူခဲ့၏။ စက်ရုံပါတီ ကော်မတီတွင်လည်း ပါဝင်လှုပ်ရှားခဲ့၏။ ထို့ကြောင့် သူ့အဖေမှာ ဘာသာကိုးကွယ်မှု မရှိသော

ဘာသာမဲ့တစ်ယောက် ဖြစ်လာသည်။ သို့သော် ပူတင်၏ အမေမှာမူ အော်သို့ ဒေါက်ခရစ်ယာန်ဘာသာဝင်တစ်ယောက် ဗြစ်လေသည်။ အိမ်တွင် ဘုရားပုံ များ ချိတ်ဆွဲထားခြင်း မရှိသော်လည်း တနင်္ဂနွေနေ့တိုင်း ဘုရားကျောင်း မှန်မှန် သွားလေသည်။ ဆိုဗီယက်အစိုးရက အော်သိုဒေါက် ခရစ်ယာန် ဘာသာဝင် များကို အားပေးမှု မရှိသော်လည်း သူ့အမေမှာ ထိုဘာသာကို ယုံကြည်လေးစားစွာ ကိုးကွယ်၏။ ပူတင့်အဖေက သူ့ဇနီး ဘာသာရေးကိုးကွယ်မှန်း သိသော်လည်း ဘာမှ မပြောဘဲ နေလေသည်။ အမေသည် သူ့သား ပူတင်ကို ငယ်စဉ်က သူ့ အဖေ မသိအောင် ခရစ်ယာန်ဘာသာသို့ သွတ်သွင်းခဲ့၏။ ဘာသာရေးနှင့် ပတ်သက်ပြီး သူ အယုံအကြည်ရှိကြောင်း၊ ဘာသာတရားက သူ့အသိစိတ်ကို နိုးကြားမှုပေးခဲ့ ကြောင်း ပူတင်က ပြောခဲ့ဖူးသည်။ ၁၉၉၃ ခုနှစ်တွင် သူ့ဇနီး လုဒ်မေလာ ပြင်းပြင်းထန်ထန် ကားတိုက်ခံရလေသည်။ နောက် ၁၉၉၆ ခု သြဂုတ်လတွင်လည်း သူတို့နေထိုင်သော ကျေးလက်စံအိမ်မှာ မီးအကြီးအကျယ်

လောင်ခံရသည်။ ထိုအချိန်က ဘုရားသခင်၏ ကျေးဇူးတော်ကြောင့် သူတို့ အသက်ဘေးမှ ကင်းဝေးခဲ့ရကြောင်း ပြောပြခဲ့၏။ အစ္စရေးသို့ ရောက်ရှိစဉ် သူ့အမေက သူ့ကို နှစ်ခြင်း ခရစ်ယာန်ဘာသာသို့ ဝင်ရောက်စေခဲ့ကြောင်း၊ သူသည် စရစ်ယာန်ဘာသာဝင်တစ်ယောက် ဖြစ်ကြောင်း ပြောကြားခဲ့လေသည်။ 'ငယ်ငယ်က အမေက ကျွန်တော့်လည်ပင်းမှာ လက်ဝါးကပ်တိုင်ကို ချိတ်ဆွဲ ပေးပါတယ်။ အဲဒီကတည်းက လက်ဝါးကပ်တိုင်ကို အမြဲ ဆွဲထားခဲ့ပါတယ်” ၂၀၀၁ ခု ဘုရှ်  နှင့်တွေ့စဉ်ကလည်း ပူတင်က သူ့ဘာသာရေးအကြောင်း ပြောဆိုခဲ့လေသည်။

ကိုယ်ခံပညာ 

၂၀၀၅ ခုနှစ်က ပူတင်သည် ဂျပန်၌ ဂျူဒို ကစားနည်းနှင့် ပတ်သက်၍ ဆရာဖြစ် သင်တန်း တက်ရောက်ခဲ့လေသည်။ ပူတင်၏ အနှစ်သက်ဆုံး အားကစားနည်း မှာဂျူ ဒိုကစားနည်း ဖြစ်သည်။ ပူတင်သည် အားကစား စတင်သင်ကြားရာ၌ ဆမ်ဘို ကစားနည်းကို စတင် လေ့ကျင့်ခဲ့သည်။ (ဆမ်ဘို ကစားနည်းမှာ ဆိုဗီယက်ယူနီယံတွင် ရုရှား ပြည်သူများ၏ ရိုးရာကစားနည်း ဖြစ်သည်။) ထိုအချိန်က သူ အသက် ၁၄ နှစ်သာ ရှိခဲ့သေးသည်။ ဂျူဒိုကစားနည်းကို မကစားရသေးပေ။ ဆမ်ဘို ကစားနည်း သင်ကြားပြီးမှ ဂျူဒို ကစားနည်းကို ယနေ့ထက်တိုင် ဝါသနာကြီးကြီးဖြင့် လေ့ကျင့်ခဲ့သည်။ ယခု စိန့်ပီတာစဘတ် ဟု ခေါ်သော ယခင် လီနင်ဂရက်တွင် ဂျူဒိုကို ကျွမ်းကျင်စွာ ကစားခဲ့၏။ လီနင်ဂရက်တွင် အဆင့်မြင့် ဂျူဒို ချန်ပီယံဆု ရရှိခဲ့၏။ ရာဝါရာဒိုကိုယ်ခံ ပညာအဖွဲ့တွင် သူသည် ဥက္ကဋ္ဌ ဖြစ်လေသည်။ ပူတင်က ဂျူဒိုကစားနည်းနှင့် ပတ်သက်ပြီး စာအုပ်တစ်အုပ် ပူးတွဲ ရေးသားခဲ့ဖူးသည်။ ထိုစာအုပ်ကို ရုရှား တွင် ပုံနှိပ်ပြီး ယခုထက်တိုင် ရောင်းရတွင်ကျယ်သော နာမည်ကြီး ကစား : နည်းစာအုပ် ဖြစ်လာသည်။ ထိုစာအုပ်မှာ “ဒို ဒိုကစားနည်းနှင့် ပတ်သက်သော သမိုင်း၊ နည်းပညာနှင့် လေ့ကျင့်မှု” ဆိုသော စာအုပ် ဖြစ်သည်။ ထို့ပြင် “ဗလာဒီမီယာပူတင်နှင့် ဂျူဒို ကစားခြင်း” ဆိုသော စာအုပ်တစ်အုပ်မှာလည်း နာမည်ကြီးလေသည်။ ပူတင်၏ အဆင့်မှာ ဒန်အဆင့်-၆ ရှိသည်။ (ကမ္ဘာ အနီနှင့် အဖြူ ဖြစ်သည်။) ဂျပန်နိုင်ငံသို့ ရောက်ရှိစဉ် ကိုဒိုကန် တက္ကသိုလ်ကသူ့ကို ဖိတ်ခေါ်ပြီး ဂျူဒို ကစားနည်းကို ကျောင်းသားများအား ပြသစေသည်။ | သူ၏ ကစားနည်းမှာ ဂျပန်တို့၏ ဂျူဒို ကစားနည်းနှင့် မတူဘဲ ကွဲပြားသောနည်းပညာများ ပါရှိသည်ဟု ဂျပန် အရာရှိများက ပြောဆိုခဲ့ကြသည်။