ကျော်မြသန်း - ဘိုးတော်ကင်း

                                                  စာရေးသူ၏ပန်ကြားလွှာ

(တစ်)

          စာရေးသူသည် ဤဘိုးတော်ကင်းမည်သော ဇာတ်လမ်းကို ဖွဲ့ဆိုရာ တွင် စိတ်ကူးယဉ်ဖွဲ့ ဆိုခြင်း မပါဝင်ပါ။ တကယ့်အဖြစ်အပျက်များအပေါ် ( အခြေခံ၍ ဖတ်ကောင်းစေရန် တန်ဆာဆင်ရေးခဲ့ခြင်း ဖြစ်ပါသည်။

          ပုဂ္ဂိုလ်တစ်ဦးတစ်ယောက်ကို ထိပါးစေရန်၊ ပုဂ္ဂိုလ်တစ်စုကို ထိပါး စေရန် ဆန္ဒလုံးဝမရှိပါ။ ရည်ရွယ်လည်း မရည်ရွယ်ပါ။

          တကယ့်အဖြစ်အပျက်တွင် ပါဝင်သည့် ပုဂ္ဂိုလ်များ၏ အမည်နာမ များကို လွှဲပြောင်းထားပါသည်။ အကယ်၍ တိုက်ဆိုင်မှုရှိခဲ့သော် မတော်တဆ တိုက်ဆိုင်ခြင်းသာဖြစ်၍ ခွင့်လွှတ်ကြပါရန် အနူးအညွတ်တောင်းပန်အပ်ပါ သည်။

          စာရေးသူအပေါ်တွင် သင်ဆရာ၊ ကြားဆရာ၊ မြင်ဆရာအဖြစ် ညွှန် ကြားပြသခဲ့သည့် ဆရာသမားအားလုံးအား ခြေတော်ဦးခိုက်လျက်ပါ။

          ဂိုဏ်းဂဏ လုပ်ငန်းများအပေါ်တွင် စော်ကားလိုသည့် စိတ်ဆန္ဒ အလျဉ်းမရှိကြောင်း ရိုးသားစွာ ဝန်ခံပါရစေ။ "

         သို့သော် မရေးမဖြစ်လောက်အောင် အတုအယောင်ဆောင်တွေ ထွန်းကားလာသည်က တစ်ကြောင်း၊ မခံသင့်မခံအပ်သော အမည်များကို ခံယူလျက် ဂန္ဓာရီအတတ်ပညာနှင့် အထက်လမ်း ဝိဇ္ဇာပညာရပ်များကို မှေးမှိန် သေးသိမ်အောင် ဖန်တီးပြုလုပ်နေသည်က တစ်ကြောင်း၊ ယင်းအကြောင်းနှစ်ကြောင်းကို ခုခံကာကွယ်ရန် အခိုက်ရောက်ပြီဟူသော ဆန္ဒအရင်းခံဖြင့် ဤ ဘိုးတော်ကင်းမည်သော ဇာတ်လမ်းကို ဟာသနှော၍ ရေးသားလိုက်ရဗါသည်။

          ဂန္ဓာရီပညာနှင့် အထက်လမ်း ဝိဇ္ဇာပညာဟူသည် အမှန်တကယ်ရှိသော ပညာဖြစ်သည်။ အလွန်ခက်ခဲနက်နဲ၍ ကျယ်ဝန်းသောအတိုင်းအတာ ရှိသည့်ပညာဖြစ်ရာ ဘာသာရေးနှင့်မသက်ဆိုင်သော လောကီအတတ်ပညာ တစ်ရပ်ဖြစ်ပါသည်။ . .

          ဂန္ဓာရီအထက်လမ်း ဝိဇ္ဇာအူတတ်ပညာသည် ဗုဒ္ဓလက်ထက်တော်က ပင် ရှိခဲ့ကြောင်းကို အထောက်အခံပြုသည့် “သုတ်သီလက္ခန်ပါဠိတော် ကေသုတ်၌ အတ္တိခေါဘောဂန္ဓာရီ နမဝိဇ္ဇာ ဒေသနာတော်လာရှိခဲ့ပါသည် ။

          ဂန္ဓာရီမည်သော အတတ်ပညာသည် ရှိ၏။ စိန္တာမဏီမည်သော မန္တန်သည်လည်း ရှိ၏။ အထူးထူးအပြားပြားသော တန်ခိုးကိုလည်း ဖန်ဆင်း နိုင်၏။ သူတစ်ပါးတို့၏ စိတ်ကိုလည်း သိနိုင်၏”ဟု ဟောကြားတော်မူခဲ့သည်ကို ကြည့်ခြင်းအားဖြင့် ဗုဒ္ဓလက်ထက်တော်ကပင် ဂန္ဓာရီအတတ်ပညာရှိခဲ့ကြောင်း ထင်ရှားပါသည်။

          အထက်လမ်းပညာတွင် အသုံးပြုနေသော အင်း၊ အိုင်၊ ခါးလှည့်၊ ဆေးဝါး၊ လက်ဖွဲ့ ပညာမှာ မူလဂန္ဓာရီမှ ခွဲထွက်လာသော အကိုင်းအခက်ပညာ တစ်ရပ်ဖြစ်၍ ယင်းပညာရပ်များသည် စည်းစနစ်မရှိသောအကြောင်း၊ ယုတ္တိ ကင်းမဲ့သော ပညာရပ်များ မဟုတ်ပေ။ အလွန်ခက်ခဲနက်နဲ၍ ကျယ်ဝန်းသော စည်းစနစ်များဖြင့် ကျင့်ကြံအားထုတ်ရသော ပညာရပ်ဖြစ်ပေသည်။

          တော်ရုံသင့်ရုံ ကျင့်ကြံမှုဖြင့် (ဝါ) ပွဲလေးထိုး၊ ပုတီးလေးစိပ်ရုံဖြင့် ထက်မြက်သော ကျင့်ကြံအားထုတ်ရသော ပညာမဟုတ်ပေ။ နည်းပေးလမ်းပြမည့် ဆရာသမားနှင့် စည်းစနစ်အတိုင်း ကျင့်ကြံအား ထုတ်ရာတွင် ကျင့်ကြံအားထုတ်မည့်ဌာန (လူ့ပတ်ဝန်းကျင်နှင့် ကင်းဝေးသည့် နေရာ)၊ လိုအပ်သည့် အသုံးအဆောင်ပစ္စည်း၊ ကျင့်ကြံအားထုတ်မှုတွင် သီးသန့် လိုသည့်ပစ္စည်းများ၊ အဆင့်တစ်ဆင့်အတွက် သတ်မှတ်သည့်အဓိဋ္ဌာန်ရက် (ဆရာသတ်မှတ်ပေးသောရက်) စသည်များ ပြင်ဆင်ပြီး အဓိဋ္ဌာန်ရက်အတွင်းဘိုးတော်ဦး စီးပွားရေး၊ အိမ်ထောင်ရေးကိစ္စများကို ယာယီစွန့်လွှတ်၍ ရေကုန်ရေခန်းဖြင့် ကြံအားထုတ်မှသာ ပေါက်ရောက်သောပညာရပ်ဖြစ်ပေသည်။

          ကျင့်ကြံအားထုတ်ဆဲကာလတွင်း အခြေခံလိုက်နာရမည့် ရိုးရိုးစည်း ကမ်းကကို ဖော်ပြလိုပါသည်။

၁။ မိမိအလိုရှိသောအဆင့်ကို ပေါက်မြောက်အောင်မြင်သည်အထိ ကျင့်

ကြံအားထုတ်ပါမည်ဟု ခိုင်မာသောအဓိဌာန် ပြုရမည်။

၂။ မိမိလုပ်နေသည့်လုပ်ငန်း၊ ထိုလုပ်ငန်း၏ အတတ်ပညာများကို ခြင်း

ချက်မရှိ ယုံကြည်မှုအပြည့်အဝရှိရမည်။

၃။ အဓိဋ္ဌာန်ဝင်ရာတွင် ယုံကြည်စိတ်ချရသော ကျင့်ဖော်ကျင့်ဖက် မိတ်

ဆွေကောင်းရှိရမည်။

၄။ မေထုန်မှုကို လုံးဝရှောင်ရမည်။

၅။ မိမိ၏သားမယားအပါအဝင် အခြားသောအမျိုးသမီး၊ မိတ်ဆွေ စသူ

များနှင့် လုံးဝမတွေ့ရ။ စကားပြောခြင်းကိုပင် ရှောင်ကြဉ်ရမည်။

၆။ အပျော်အပါး ပွဲလမ်းသဘင်များကို လုံးဝရှောင်ရမည်။ အထူးသဖြင့်

အရက်နှင့် မိန်းမကို လုံးဝရှောင်ရမည်။

၇။ အပျင်းစကား၊ အတင်းစကား၊ ရယ်မောစရာ လုံးဝမပြောရ။ နှုတ်

ဆိတ်စွာ နေရမည်။

၈။ မိမိအဓိဋ္ဌာန်ကို အကြောင်းကြီးငယ်မရှိဘဲ မပျက်အောင် ထိန်းရမည်။

၉။ အဆင့်တစ်ဆင့် ပြီးဆုံးသည့်အခါ နောက်တစ်ဆင့်မတက်မီ ပုံမှန်

ကျင့်ကြံအားထုတ်မှုကို မရပ်မနား နောက်တစ်ဆင့်တက်သည့်အချိန် ' အထိ မစောင့်ရ။ ဆက်လက်ကျင့်ကြံအားထုတ်သွားစေရမည်။

          ဤသည်မှာ အနိမ့်ဆုံးလိုက်နာရမည့် စည်းကမ်းများဖြစ်၏။ သာမန် 'စည်းကမ်းချက်ပင် ခက်ခဲနက်နဲပါသည်။ အလေးပေးလိုက်နာရမည့် တင်းကျပ်သောစည်းကမ်းများ ရှိပါသေး သည်။ -

အထက်ဖော်ပြပါ သာမန်စည်းကမ်းချက်ကလေးကိုမျှ မလိုက်နာနိုင် လျှင်၊ မထိန်းသိမ်းနိုင်လျှင် အလုပ်မစ,စေလိုပါ။ ပင်ပန်းမှုသာ အဖတ်တင်မည် ဖြစ်သောကြောင့်ပါ။