နန္ဒာသိန်းဇံ - အနေခက်အောင်ကူညီကြသူများ

လျော်ညီစွာနဲ့..

 

အဲဒီနေ့က စကားဝိုင်းမှာ သူ့အသံက အကျယ်လောင် ဆုံး ဖြစ်နေပါတယ်။ ကျယ်လောင်မှာပေါ့၊ အာပေါင်အာရင်းသန်သန် နဲ့ အားပါးတရ သူက ပြောနေတာကိုး၊ သူပြောနေတာက “ပုံ" Form နဲ့ “လုပ်ရပ်” Function ဆက်စပ် ဖြစ်ပေါ်မှုအကြောင်းကို ပြောပြနေတော...

 

ကေသရာဇာ ခြင်္သေ့ကြီးနဲ့ ခြင်္သေ့ကြီးရဲ့ လုပ်ရပ်အကြောင်း ကို သူက ပြောနေပြန်ပါတယ်။ တောသုံးတောင်ကို အုပ်စိုးတဲ့ ကေသရာဇာခြင်္သေ့ကြီး ဖြစ်ပါလျက်နဲ့ ကြွက်ဂယ်လောင်းကလေး (ကြွက်ငယ်ကလေး)ကို စားဖို့ ဒီခြင်္သေ့ကြီး ကြွက်တွင်းယက်နေတယ် ဆိုရင်...ဒါ Form နဲ့ Function မညီတာပဲ။ ကေသရာဇာဆိုတဲ့ “ပုံ”နဲ့ ကြွက်ကလေးလို အကောင်ကိုစားမယ်ဆိုပြီး ကြွက်ရှိနေတဲ့

ကြွက်တွင်းကို ယက်နေခြင်းဆိုတဲ့ “လုပ်ရပ်” မညီတာပဲ။ ကြားဖူး တယ်မဟုတ်လား၊ ကေသရာဇာ ခြင်္သေ့မင်းတို့မည်သည် အခုလို ကြွက်ငယ်ကလေး အကောင်မျိုး၊ သူတစ်ပါး စားပြီးလို့ ထားချန် ရစ်ခဲ့တဲ့ စားကြွင်းစားကျန်၊ အသားကြွင်း အသားကျန်ကို စားရိုးထုံး စံ မရှိဘူး။ ကေသရာဇာပီပီ ကိုယ့်ခွန်ကိုယ့်အားနဲ့ စားလိုတဲ့သားကောင်ကြီးတွေကို ရွေးပြီး ဖမ်းယူစားသောက် ရိုးပဲရှိတယ်။ ဒါမှ ကေသရာဇာ ခြင်္သေ့ဆိုတဲ့ပုံနဲ့ ခြင်္သေ့ရဲ့ လုပ်ရပ် ကိုက်ညီမယ်... တဲ့။

သူက ဆက်ပြီး... သူ့ဦးလေး အကြောင်းကို ပြောပြပါတယ်။

 

“နယ်မြို့ကလေးမှာတဲ့ ဘာသာရေးနဲ့ ပတ်သက်တဲ့ လှည့်လည် အပူဇော်ခံပွဲ ကျင်းပတဲ့ အခမ်းအနား တစ်ခုမှာ သူ့ဦးလေး က ဗြဟ္မာအဖြစ်နဲ့ ဝတ်စားဆင်ယင်ပြီး လိုက်ပါလှည့်လည်ရတယ်။ နေကလည်းပူ ဗြဟ္မာအဝတ်အစားကလည်း ထူထဲတော့ သူ့ဦးလေး ဗြဟ္မာခမျာမှာ ချွေးတွေ တစ်ပြိုင်ဖြိုင် ကျနေတယ်။ ချွေးတွေကို သုတ်တော့ မျက်နှာမှာ ခြယ်သ လိမ်းကျံထားတဲ့ မိတ်ကပ်တွေက ပျက်ကုန်တယ်။ သူ့ဦးလေး ဗြဟ္မာဟာ ရေငတ်လွန်းတဲ့ ဝေဒနာကိုခံစားလာရပြန်တယ်။ ရေငတ်လွန်းမက ငတ်တော့ ဟန်မဆောင် နိုင်တော့ဘဲ အနီးအနားက လူတွေဆီ ရေပေးကြပါလို့ အော်ပြီး ရေတောင်းတယ်။ ရေယူလာတဲ့အခါမှာ အားရပါးရ သောက်လိုက်တာ သူ့ရှေ့ဘက်က ဗြဟ္မာအဝတ်အစားတွေ ရေတွေ ရွဲစိုကုန်တယ်။ ပိုဆိုးတာက... ရေသောက်ရင်း ရေသီးသွားရာက ချောင်းတွေ တဟွတ်ဟွတ် ဆိုတော့ ဆောင်းထားတဲ့ ဗြဟ္မာဦးထုပ်ချွန်ကြီးက အောက်ကလူတွေထဲ ပြုတ်ကျသွားတယ် ... ။

“တကယ့် ဗြဟ္မာဆိုတာကတော့ ချွေးလည်းမထွက်ဘူး၊ ရေလည်း မငတ်ဘူး၊ ချောင်းလည်းမဆိုးဘူး၊ ဗြဟ္မာဦးထုပ်ချွန်လည်းပြုတ်ကျစရာ မရှိဘူး၊ အခုတော့... သူ့ဦးလေးရဲ့ ပုံက ဗြဟ္မာဖြစ် ပေမယ့် ဦးလေးရဲ့ လုပ်ရပ်တွေ ဖြစ်ရပ်တွေက တကယ့်ဗြဟ္မာရဲ့ လုပ်ရပ်တွေ၊ ဖြစ်ရပ်တွေနဲ့ မညီညွတ်ဘူး ဖြစ်နေတယ်၊ ကွာခြား လွန်းနေတယ်”လို့ ပြောနေပါတယ်။ နားထောင်တဲ့ မိတ်ဆွေတွေက သူပြောပြနေတာကို သဘောကျနေပုံ ပေါ်ပါတယ်။ သူက ဆက်ပြီးတော့...

 

တရုတ်တွေးခေါ်ပညာရှင်ကြီး ကွန်ဖြူးစီးယပ်ရဲ့ “အမည် နဲ့လိုက်အောင် ကျင့်သုံးနေထိုင်မှု အယူအဆ" The Ractification of Names အ ကြောင်းကို ပြောပြန်ပါတယ်။ ကွန်ဖြူးစီးယပ်က “မင်းသည် မင်းပီသပါစေ၊ မှူးမတ်သည် မှူးမတ်ပီသပါစေ၊ဖခင်သည် ဖခင်ပီသပါစေ၊ သားသည် သားပီသပါစေ"လို့ ဆိုတယ်။ “အမည်” နဲ့လိုက်အောင် ကျင့်ဆောင်သင့်တဲ့ သဘောကို ကွန်ဖြူး စီးယပ်ရဲ့ စကားက ဆိုလိုကြောင်း၊ ဤစကားရဲ့ သက်ရောက်မှု တွေဟာ ကြီးကျယ်တဲ့အကြောင်းကို သူက ရှည်ရှည်လျားလျား ပြောပါတယ်။ ဒီလိုပြောပြီးတဲ့နောက်မှာ သူက ... ဖိုးသူတော်တစ်ဦး

ပြောင်းဖူးခိုးစားတဲ့အကြောင်းကို ဆက်ပြောပါတယ်။

 

သူပြောပြတဲ့ဖိုးသူတော်အကြောင်းက ကျွန်တော်တို့ကြားနေကျ အကြောင်းအရာနဲ့ နည်းနည်းတော့ ခြားနားနေတယ်။ သူပြောတဲ့ ဖိုးသူတော် အကြောင်း က ဒီလိုပါ...တစ်နေ့မှာ ဖိုးသူတော်တစ်ဦးဟာ ပြောင်းခင်းတစ်ခုထဲဝင် ပြီး ပိုင်ရှင်မသိအောင် ပြောင်းဖူးခိုးတယ်။ ဒီလိုခိုးယူလာပြီး ပြုတ်ဖို့၊ ဖုတ်ဖို့ ပြောင်းဖူးတွေကို အခွန်သင်ကြည့်တဲ့အခါမှာ အစေ့မပါတဲ့ အစေ့မတည်တဲ့ ပြောင်းဖူးတွေချည်း ဖြစ်နေတာကို တွေ့ရတယ်တဲ့။ ဒါနဲ့ ဒီဖိုးသူတော်ဟာ ပြောင်းခင်းပိုင်ရှင်ဆီသွားပြီး " ဒါယကာ... ပြောင်းခင်းထဲက ပြောင်းဖူးတွေ အစေ့ကောင်းကောင်းမတည်ဘူး။ သင်က ... ပြောင်းစေ့ကြဲတာလောက်ပဲ လုပ်တတ်တဲ့သူကိုး၊ တကယ်ဆို ပေါင်းသင်တာ၊ မြေတောင်မြှောက်တာ၊ အပင် ချဲ့တာတွေကို မလုပ်ချင်တဲ့သူပဲ။ သင်ဟာ ယာသမား၊ ပြောင်းခင်း သမား မပီသဘူး”လို့ ပြောတယ်။ သူခိုးလာတဲ့ ပြောင်းဖူးတွေ့ အစေ့မပါလို့ မကျေမနပ်နဲ့ ဖိုးသူတော်က ပြောင်းခင်းသမားကို အပြစ်တွေ တင်နေတာ... ။

 

“ဒီလို အပြစ်တင်စကားပြောတော့ ပြောင်းခင်းပိုင်ရှင်က... သူတော်... ကျုပ်လည်း တတ်နိုင်သလောက် စိုက်ခဲ့ ပျိုးခဲ့တာပဲ။ မြေကိုက မကောင်းတော့ ဘယ်မှာ အစေ့ကောင်းကောင်း တည်ပါ့မလဲ”လို့ မြေကြီးကို အပြစ်တင်စကား ဆိုတယ်။ ကျုပ်တို့အိမ် နီးနားချင်း တိုင်းပြည်က ပုံပြင်တွေထဲက စကားနဲ့ဆိုရင် ... မြေနတ်မင်းကို ပြောင်းခင်းပိုင်ရှင်က အပြစ်တင်စကား ဆိုတယ်ပေါ့ဗျာ။ ဒီလို အပြစ်ဆိုသံ အပြစ်တင်သံကို ကြားသွားတဲ့ မြေကြီးက ... အဲ

မြေနတ်မင်းက ပြန်ပြောတယ်။ “မြေကြီးကို လာပြီး အပြစ်တင် မနေနဲ့ မိုးရွာပုံကမှ အဟုတ်မဟုတ်တာ၊ မိုးမှန်မှန် မရွာတော့မြေကြီးက ဘယ်လိုကောင်းနိုင်ပါ့မလဲ”လို့ မိုးကိုအပြစ်တင်တယ်။ မိုးနတ်မင်းကို အပြစ်တင်စကား ဆိုတယ်ပေါ့။ မိုးနတ်မင်းကလည်း အပြစ်တင် ဘယ်ခံပါ့မလဲ၊ မိုးနတ်မင်းက ဘာပြန်ပြောသလဲဆိုတော့ “တိုင်းပြည်အုပ်ချုပ်တဲ့ ရှင်ဘုရင်က မင်းကျင့်မှ မကောင်းဘဲ၊ မိုးကို ဘယ်လိုမှန်မှန် ရွာပေးနိုင်ပါ့မလဲ”လို့ ပြောတယ်။ ဒီလိုမိုးနတ်မင်း ကလည်း ပြောရော ဖိုးသူတော်ဟာ ရှင်ဘုရင်ရှိရာ နန်းတော်ကို သွားတယ်။ ဘုရင်ဆီ ဝင်ခွင့်တောင်းတယ်။ ဘုရင်က ဒီဖိုးသူတော် ဘာအကြောင်းကြောင့် ငါနဲ့တွေ့ဖို့ ဝင်ခွင့် တောင်းတာလဲဆိုတာ စုံစမ်းကြစမ်းလို့ မင်းချင်းတွေကို ခိုင်းတယ်။ ဖိုးသူတော် ခိုးယူလာ တဲ့ ပြောင်းဖူးမှာ ပြည့်ပြည့်စုံစုံ အောင်အောင်မြင်မြင် အစေ့မထည့်တာဟာ ပြောင်းခင်းသမားရဲ့ လုပ်ရပ်ညံ့ဖျင်းခြင်းကြောင့် ဖြစ်တယ် လို့ အပြစ်ရှာရာကနေပြီး အခုလို ရှင်ဘုရင်ထံမှောက် ရောက်ဖို့ ခွင့်တောင်းခြင်းဖြစ်ကြောင်း လျှောက်တင်ကြတယ်။ ရှင်ဘုရင်က ဖိုးသူတော်ကို သူ့ထံမှောက် ဝင်ခွင့်ပေးလိုက်တယ်။

 

ရှင်ဘုရင့်ရှေ့မှောက် ရောက်တဲ့အခါမှာ ဖိုးသူတော်က “အို... ရေမြေ့သခင် အရှင်ဘုရင် မင်းမြတ်၊ ရေမြေ့ရှင်ဆိုသည်မှာလောကပါလတရား နှစ်ပါး၊ သတ္တိသုံးပါး၊ သင်္ဂဟတရားလေးပါး၊ ဗလငါးပါး၊ နာယကဂုဏ် ခြောက်ပါး၊ အပရိဟာနိယတရား ခုနှစ်ပါး၊ ရာဇဂုဏ်ရှစ်ပါး၊ နဝရတ်ကိုးပါး၊ ရာဇဓမ္မ ဆယ်ပါး ဤတရားတို့နှင့် ပြည့်စုံရပါသည်။ အသင်မင်းမြတ်သည် ဤတရားတို့နှင့် ပြည့်စုံအောင် မကျင့်ဆောင်ခြင်းကြောင့်သာ မိုးကောင်းစွာ မရွာခြင်း ဖြစ်ရပါသည်”လို့ ဆိုတယ်။ မိုးကောင်းစွာ မရွာတာဟာ ရှင်ဘုရင် ရဲ့ အပြစ်ဖြစ်တယ်လို့ အပြစ်လာတင်တာပါပဲ။ ဒီအခါမှာ ဖိုးသူ တော်အကြောင်း သိနှင့်နေတဲ့ ရှင်ဘုရင်က

“သူတော်... ကျုပ် ဘုရင်မင်းမြတ်ကိုချည်း အပြစ်မဆိုပါနှင့် အသင် .. ဖိုးသူတော်ဟာ ဖိုးသူတော်ဆိုပါလျက်နဲ့ ဖိုးသူတော်နဲ့ ညီညွတ်တဲ့ အလုပ်ကို သင်ကကော လုပ်လို့လား၊ ကိုယ့်ကိုလည်း

ပြန် ဆင်ခြင်ကြည့်ပါဦး”လို့ ဆိုတယ်။ ဖိုးသူတော်ဟာ ရှင်ဘုရင်ရဲ့ စကားကိုလည်း ကြားရော နန်းတွင်းကနေပြီး အလျင်အမြန်ထွက်သွားတယ်တဲ့။ ပြောင်းဖူးဝင်ခိုးတဲ့ သူ့ အပြစ်ကို သူမြင်ပြီး ရှက်နိုး စွာနဲ့ အမြန်သုတ်ချေတင်ပြီး နန်းတော်ကနေ ထွက်သွားတာ ဖြစ်ပါ လိမ့်မယ်။

 

ဖိုးသူတော်ဆိုတာ ခိုးတာ၊ လိမ်တာ၊ သတ်တာ... စတဲ့ ကံငါး ပါးကို မကျူးလွန်အောင် စောင့်ထိန်းသူမို့လို့ ဖိုးသူတော်လို့ခေါ်တာ၊ ဒီကံငါးပါးကို ထိန်းရမည့် ဖိုးသူတော်က ခိုးပြီဆိုမှတော့ တခြားသူတွေ ဘယ်လိုဖြစ်မလဲ၊ “ဖိုးသူတော်”ဆိုတဲ့ "အမည်နဲ့ “လုပ်ရပ်”က တလွဲတချော် ဖြစ်နေရင် တခြားသူတွေ ဘယ်လောက် လွဲချော်နေမှာလဲ ဆိုတာကို စဉ်းစားသာ ကြည့်ပေတော့။ လူ့အဖွဲ့ အစည်း တစ်ရပ်မှာ ပုံနဲ့ လုပ်ရပ်တွေ အမည်နဲ့ လုပ်ဆောင်ချက် တွေ လွဲချော်နေတာ အများကြီးရှိနေရင် အဲဒီလူ့အဖွဲ့အစည်းဟာ တိုးတက်ဖို့ ခဲရင်းမှာ သေချာတယ်"လို့ သူက ပြောနေပါတယ်။ သာဓကတွေကိုလည်း တစ်ခုပြီးတစ်ခု သူက ထုတ်ပြပါတယ်။ သူပြောတာတွေကို အားလုံးက စိတ်ဝင်စားပုံ ရပါတယ်။

 

အထက်မှာ သူပြောပြတာတွေကို နားထောင်ရင်း “သူတစ်ပါး ကို ဆုံးမသော နည်းအတိုင်း မိမိကိုယ်တိုင် လိုက်နာပြုကျင့်ရာ၏။ မိမိကိုယ်တိုင် ယဉ်ကျေးပြီးသော်မှသာ သူတစ်ပါးကို ဆုံးမရာ၏။ မိမိကိုယ်ကို ယဉ်ကျေးအောင် ဆုံးမရခြင်းသည် ခဲယဉ်းလှစွာတကား" ဆိုတဲ့ ဓမ္မပဒမှာရှိတဲ့ စကားကို ကျွန်တော် အမှတ်ရလာပါတယ်။ သူတစ်ပါးကို ဩဝါဒပေးတဲ့အတိုင်း မိမိကိုယ်တိုင်ကလည်း လိုက် နာ ကျင့်သုံးဖို့ ခက်တာကိုလည်း စဉ်းစားမိပါတယ်။

 

အထက်ပါ ပုဂ္ဂိုလ် ပြောဆိုနေတာကို နားထောင်ရင်းနဲ့...ပုံ Form နဲ့ လုပ်ရပ် Function တကယ်ညီညွတ်အောင် ဘဝမှာ နေဖို့ ဆိုတာ ခက်ခဲလှပါလားလို့ စိတ်ထဲက ညည်းညူခဲ့မိတာကတော့ အမှန်ပါပဲ။

 

(မဏိဇောတ မဂ္ဂဇင်း၊ အတွဲ ၄၊ အမှတ် ၂ ၊၂၀၀၆ )

 

          ကျည်းတန် လက်တွဲဖော် .. 

 

“ဒုက္ခ” ဟူသော စကားလုံးသည်ပင်လျှင် အမြင်၌ အကျည်း တန် အရုပ်ဆိုးပါလေသည်။

 “ဒုက္ခ”ဟူသော အသံကိုလည်း နား၏ သာယာမှုရသ စိုးစဉ်းမျှ ရှာမရသောကြောင့် မည်သူကမျှ မကြားလို့။ “ဒုက္ခ”ဟူသော အတွေ့အကြုံကိုလည်း မမြင်ချင်၊ မတွေ့ချင်၊ မပေါင်းဆုံလိုချင်သောကြောင့် လူသတ္တဝါတို့ ဒုက္ခနှင့်ဝေးအောင် ပြေးရှောင်နေကြချေသည်။

 

သို့ရာတွင် ဒုက္ခကို ကျေးဇူးတင်စရာတော့ ရှိပါသည်။

“ဒုက္ခ”က မိမိ၏ညံ့ကွက်၊ ကျော်ကွက်၊ ပျော့ကွက်၊ ချို့ယွင်း ချက်ကို မူယာမာယာမရှိဘဲ ဒိုးဒိုးဒေါက်ဒေါက် ထောက်ပြတတ် သည်။ ကိုယ့်အကျိုးကို မလိုလားသူ၊ ကိုယ့်အငြိုအငြင်ကို မခံလို သူများလို ရေငုံနှုတ်ပိတ်လုပ်မနေတတ်။ မြို့၍ မနေတတ်၊ အထိုက် သင့် အလျားသင့် ဆက်ဆံမနေတက်။ အမှန်အတိုင်း အရှိအတိုင်း ဒုက္ခက ထောက်ပြတတ်သည်။

 

ဤသို့ မိမိတို့၏ ညံ့ကွက်၊ ပျော့ကွက်ကို ပြုပြင်ကျော်လွှားကာ အောင်မြင် သူတွေ ဖြစ်လာသည့်အခါ ဒုက္ခကို ကျေးဇူးတင်လာကြသည်။ အမှန်တော့ “သင်၏ ချို့ယွင်းချက်ကို အသေအချာ ထောက်ပြပြောဆို နိုင်သော သူသည် သင့်ဘဝအတွက် မိတ်ဆွေကောင်းပင် ဖြစ်၏" ဟူသော အဆိုကို ဒုက္ခက ခံယူထားသည်နှင့် တူနေပါသည်။

 

ဒုက္ခက လူသတ္တဝါတို့၌ တိမ်မြုပ်နေသော အစွမ်းအစကို ဆွဲဖော်၍ ငိုက်မြည်းတွေဝေနေသောစိတ်ကို လှန့်နှိုးကာ သတိပေး တတ်သည်။ ဒုက္ခက လူတော်နှင့် လူညံ့ကိုလည်း ခွဲခြားပေးတတ် သည်။ လူတစ်ဦးအား လူတော်လူကောင်း ဟုတ်မဟုတ်၊ လူစွမ်းလူစ ရှိမရှိ စစ်ဆေးပေးနိုင်သော မှတ်ကျောက်များအဖြစ် ဒုက္ခက အခက်အခဲတို့ကို ဖန်တီးပေးတတ်သည်။ အခက်အခဲနှင့် ဘေးရန်အန္တရာယ် တို့ကို ကြုံလာသောအခါ တချို့သောသူများက ချိုင်းထောက်ဝယ်၍ ထောက်ကြရပြီး တချို့သောသူများမှာတော့ အတောင်များပေါက် လာကြသည်ဟူသော အဆိုရှိသည်။ ဆိုလိုသည်မှာ အခက်အခဲနှင့် အန္တရာယ်တို့ကို ရင်ဆိုင်ကြရာ၌ အချို့သောသူများသည် စိတ်ဓာတ်ပျော့ညံ့ခြင်း၊ ကြံရည်ဖန်ရည် နည်းပါးခြင်းတို့ကြောင့် မျှော်လင့်ချက်များ ကျိုးပဲ့ပျက်စီးခြင်းနှင့်အတူ ကျရှုံး ပျက်စီးသွားကြသည်။

 

ဤသည်ကို ရည်ရွယ်၍ ချိုင်းထောက်ဝယ်တပ်ရသည်ဟု တင်စား ။ ပြောဆိုခြင်းဖြစ်သည်။ တချို့သော သူများကတော့ အခက်အခဲနှင့် အန္တရာယ်တို့ကို ရင်ဆိုင်ရာ၌ စိတ်ဓာတ် ကြံ့ခိုင်ကြသည်။ ကြံရည် ဖန်ရည် ရှိကြသည်။ ထိုအခါ အခက်အခဲများကို ကျော်လွှားလွန် မြောက်နိုင်သည့် စွမ်းရည်များ ရသွားကြသည်။ ဤသည်ကို ရည်ရွယ် ၍... တချို့သူများ၌ အတောင်များ ပေါက်လာကြသည်ဟု တင်စား ပြောဆိုခြင်းဖြစ်သည်။ ဟုတ်ပါသည်။ အခက်အခဲနှင့် ဒုက္ခတရားကစိတ်ဓာတ်ခိုင်ခံ့သူ၊ အသိဉာဏ် အမြော်အမြင်ရှိသူကို အောင်မြင်မှု ဆီသို့ ပျံသန်းရောက်ရှိသွားစေနိုင်သော “အစွမ်းအစ တောင်ပံများ” ကို တပ်ဆင်ပေးလိုက်မြဲဖြစ်သည်။

 

လူသတ္တဝါဆိုသည်မှာ အခက်အခဲနှင့် ပြဿနာများကိုကြုံမှ အစွမ်းအစကို ထုတ်ချင်တတ်ကြသည်။ ထို့ကြောင့်လည်း နောင်မှ “တ”ရသည့် နောင်တ တရားသည် သတ္တလောက၌ အဆင့်အမြင့်ဆုံး ဟု ဆိုသော လူသတ္တဝါတို့ နယ်ပယ်အတွင်းသို့ ရေသာခိုခြင်း ပျင်းရိခြင်း သက်သက်သာသာ နေလိုခြင်းတည်းဟူသော တံခါး ပေါက်တို့မှ တိတ်တခိုးဝင်ရောက်လာခဲ့ခြင်း ဖြစ်ပေလိမ့်မည်။

 

သို့ ရာတွင် “ဒုက္ခ”က လူတစ်ဦး ကိုယ်ရည်ကိုယ်သွေး တောက်မတောက်၊ စိတ်ဓာတ်ခိုင်မခိုင်ကို ဇွဲသတ္တိတည်းဟူသော မှတ်ကျောက် ၌ တင်ကြည့်ပေလိမ့်မည်။ ဘဝဟူသော ကြိုးဝိုင်းအတွင်းသို့ သွင်း၍ အခက်အခဲတည်းဟူသော ပြိုင်ဘက်နှင့် ပြိုင်ဖက်စလျက် သတ္တိရှင် ကို ရွေးချယ်ပေလိမ့်မည်။ ဘဝကြိုးဝိုင်း၌ အောင်မြင်မှု သရဖူ မဆောင်းနိုင်သူကိုလည်း ဒုက္ခက သနားညှာတာ ချစ်ကြင်နာစွာဖြင့် မျက်နှာသာပေးလိမ့်မည် မဟုတ်ချေ။ ဤမျှရက်စက်၍ ပြတ်သား လွန်းသောကြောင့် ဒုက္ခကို အကျည်းတန်လှသည်ဟု ထင်ခဲ့ကြသည်။

 

ဘဝကြိုးဝိုင်း၌ အခက်အခဲနှင့် အပွဲပွဲယှဉ်ပြိုင်ခဲ့သောကြောင့် တစ်ကြောင်း၊ ဇွဲသတ္တိမှတ်ကျောက်၌ အကြိမ်ကြိမ် မိမိတို့၏ အစွမ်း အစကို မှတ်ကျောက်တင်ခံခဲ့သောကြောင့် တစ်ကြောင်း ..... အောင် မြင် ကျော်ကြားသူများသည် ဒုက္ခ၏သဘောကို နားလည်ခဲ့ကြသည် အကဲခတ်တစ်ဦးက “လင်ကွန်းဟာ ဒုက္ခရဲ့ အရွေးချယ် အစမ်းသပ်ကို အမျိုးမျိုး ခံခဲ့ရတယ်။ ဒါပေမဲ့... သူ့အစွမ်းအစကို သတ္တိ