Other Websites
ဂျူး - ပိုချစ်ရတဲ့သူ ကိုယ်ပဲဖြစ်ပါစေ
Couldn't load pickup availability
နိဒါန်း
မြန်မာနိုင်ငံမှ မိုင်ပေါင်းဆောင်နှင့်ချီ ဝေးကွာသော ပိုလန် နိုင်ငံ၊ ပို့ဇ်နန်(Poznan) မြို့လေးမှာ ဒီဇင်ဘာ ၉ ရက်ညက သူမ ရှိနေခဲ့မိလို့ မြဝန်းရံ နောင်တမရပါ။
နှင်းပွင့်နှင်းစက်တွေ တဖွဲဖွဲကျ၊ ရေခဲငွေ့လို အေးစက် သည့်လေက အရပ်ရှစ်မျက်နှာ ပြင်းထန်စွာ တိုက်ခတ်နေလို့ အပြင် မှာ လမ်းမလျှောက်နိုင်လောက်အောင် တုန်ခိုက်ရသည့် ထိုဆောင်း ညတွင် အနီးက စားသောက်ဆိုင်လေးထဲသို့ အပြေး ဝင်လိုက်မိ သည်ကို နောင်တမရပါ။
သီတင်းကျွတ်မီးပုံးလေးတွေလို မီးလုံးလေးများ ဆိုင်ခန်း အပြည့် တွဲလွဲစီရီချိတ်ထားသည့် လှပသော နွေးထွေးသော စားသောက်ဆိုင်လေးထဲမှာ နေရာလွတ် မရှိတော့ပေမဲ့ အပြင်သို့ ပြန်မထွက်ချင်ခဲ့ဘဲ ပေကပ်ပြီး မတ်တတ်ရပ်နေမိခဲ့တာကို နောင်တမရပါ။
စားပွဲထိုးအမျိုးသမီး၏ နေရာချထားမှုကို မစောင့်ဘဲ ယောက်ျားတစ်ယောက်တည်း ထိုင်နေလို့ နေရာလွတ်ရှိနေသည့်စားပွဲဆီ ဆိုက်ဆိုက်မြိုက်မြိုက် ရောက်သွားခဲ့မိတာလည်း သူမ နောင်တမရပါ။
သူမ၏ဘဝကို ဇောက်ထိုးမိုးမျှော် ပြောင်းလဲသွားစေနိုင် သော အလောင်းအစားတစ်ခုကို မိုက်မိုက်မဲမဲ လုပ်ခဲ့မိတာကိုတော့ မြဝန်းရံ နောင်တရမိပါသည်။
ထိုညက နှင်းပွင့်နှင်းစက်တွေ တဖွဲဖွဲကျလျက် ရေခဲငွေ့ လိုအေးစက်သည့်လေက အရပ်ရှစ်မျက်နှာ ပြင်းထန်စွာ တိုက်ခတ် နေခဲ့သည်။
ပို့ဇ်နန်မြို့လယ် လမ်းလေးခွ ရင်ပြင်ကျယ်သည် မှောင်ရီ ဦးဝါး ညနေခင်းအချိန်မှာ လမ်းလျှောက်ကာ ဟိုသည် ငေးမောလို့ကောင်းသည့်နေရာ ဖြစ်ပေမဲ့ ဆိုးရွားလှသော ဒီဇင်ဘာ ဆောင်း အအေးကြောင့် မြဝန်းရံ ကြာရှည်စွာ မနေနိုင်။ မျက်နှာသို့ တိုး တိုက်လာသည့် အေးစက်သည့်လေက ရေခဲမှုန်ချွန်ချွန်လေးတွေ ဖြင့် စူးစူးဝါးဝါး ထိုးဆွနေသလို ခံစားရသည်။ “
အပြင်မှာ ရေခဲတမျှ အေးစက်နေသည့်ရာသီမို့ နွေးထွေး သည့် ဆိုင်အတွင်းမှာ စားပွဲထိုင်ခုံတိုင်း လူနေရာပြည့်လျက် ရှိသည် ကို သူမ ဆိုင်ထဲရောက်မှ သိခဲ့သည်။ ဆိုင်လေးက နေရာ ရှားပါး ဈေးကြီးသော ဥရောပထုံးစံအတိုင်း ခပ်ကျဉ်းကျဉ်းပဲ။ လူပြည့်နေ တာကို မြင်နေရပါလျက် ပြန်မထွက်ဘဲ ဇွတ်ပေပြီး နေမိအောင် ဆွဲဆောင်ထားလိုက်တာက ဆိုင်၏ ထူးခြားသည့် အပြင်အဆင် ဖြစ်သည်။ ဆိုင်မျက်နှာကျက်မှာ၊ နံရံမှာ၊ စားပွဲဘေးတွေမှာ မီးသီး နီနီလေးများကို မညီမညာ စနစ်ကျကျ ချိတ်ဆွဲထားသည်မို့ အပြင် ကအေးစက်မူကို အံတုနိုင်အောင် နွေးထွေးလျက် ရှိသည်။ မြန်မာနိုင်ငံမှ သီတင်းကျွတ်မီးပုံးလေးများ၊ မီးသီးလေးများကို မြင်ယောင် သွားမိ၏။
ပြန်မထွက်ချင်ပါဘူး။ နေရာလွတ်များ ရှိမလား။ ဝေ့ဝဲ ကြည့်လိုက်တော့ မရှိ။ ဒါဖြင့် မြဝန်းရံ ခွင့်တောင်းပြီး ဝင်ထိုင်လို့ရ မည့် လူနည်းသည့်စားပွဲများရှိနိုင်မလား။ စားပွဲထိုးအမျိုးသမီးလေး အလုပ်ရှုပ်နေတာကို အခွင့်ကောင်းယူလျက် နံရံနှင့်ကပ်လျက် စားပွဲဝိုင်းကျဉ်းကျဉ်းလေးမှာ တစ်ယောက်တည်း ထိုင်နေသည့် လူ တစ်ယောက်ရှိရာသို့ မြဝန်းရံ ခပ်သွက်သွက် ရောက်သွားသည်။
သူမ ရပ်လိုက်တာကို သူ သတိမထားမိခဲ့။ စားပွဲပေါ်မှာ စာအုပ်တစ်အုပ်ကိုတင်ကာ ဖွင့်လျက် ဖတ်နေသောကြောင့် ဖြစ် သည်။
“ဒီခုံမှာ လူရှိသလားဟင်”
အင်္ဂလိပ်ဘာသာဖြင့် မေးလိုက်သည့် မြဝန်းရံ စကားသံ ကြောင့် ထိုသူက မော့ကြည့်သည်။ 'မရှိပါဘူး၊ ထိုင်ပါ'ဝေးသံခေါင်ဖျား အရပ်ဒေသမှာ မမျှော်လင့်ဘဲ ကြား လိုက်ရသည့် မြန်မာစကားသံကြောင့် မြဝန်းရံ အလွန် အံ့ဩကာ ဝမ်းသာသွားခဲ့မိပါသည်။
ဥရောပတိုက်မှာမှ တခြားအရေးပါသော နိုင်ငံတွေမှာ မဟုတ်ဘဲ ပိုလန်နိုင်ငံမှာ၊ ပိုလန်နိုင်ငံမှာမှ အထင်အရှား မြို့တော် ကြီးမဟုတ်သည့် ပို့ဇ်နန်(Poznan)လို ပဉ္စမအကြီးဆုံးသာ ဖြစ်သော မြို့ခပ်သေးသေးမှာ အခုလို မြန်မာလူမျိုးနှစ်ယောက် မထင် မှတ်ဘဲဆုံမိကြဖို့ဆိုတာ ဖြစ်နိုင်ချေနည်းသောတိုက်ဆိုင်မှု ဖြစ်၏။
မြန်မာလူမျိုးချင်း နိုင်ငံရပ်ခြားမှာတွေ့မိလျှင် မိတ်ဆွေ ဖြစ်ဖို့ လွယ်ကူလေ့ရှိသည်။
“အောက်ရှိဝစ်ဇ်က ဒီနဲ့ နီးသလား”
အောက်ရှဝစ်ဇ်ဆိုတာဘာလဲ ဟု မသိသည့် မိမိနှင့် သက် တူ ရွယ်တူတွေ အများကြီးကို တွေ့ကြုံခဲ့ရဖူးသည်။ ထိုလူကတော့ သိနေပုံပါ။ သို့သော် အောက်ဝစ်နာဇီအကျဉ်းစခန်းဟူသော စကားကို ကြားပြီးသည့်တိုင် ထူးခြားမှုမရှိသည့် သူ့မျက်နှာထားကို အားမလိုအားမရ ဖြစ်မိသည်။
“မနီးဘူး။ ကရာကောဆိုတဲ့ မြို့လေးဆီကို သွားရတယ်။ ခရီးသွားဧည့်သည်အုပ်စုထဲမှာ လိုက်သွားခဲ့တာ။ ကရာကောအထိ ရောက်ဖို့ အောက်ရှဝစ်ဇ်-ဘာကီနော်ခရီးစဉ်ကို သူတို့ စီစဉ် ပေး . “ညီမက ဘာအလုပ်လုပ်တာလဲ"
“ကျွန်မက ရှေးဟောင်းသုတေသနပါရဂူဘွဲ့ယူဖို့ စာတမ်း ပြုစုနေတဲ့သူပါ ။
. “အော်။ အခု အဲဒီအကျဉ်းစခန်းတွေကို သွားတာ ညီမရဲ့ စာတမ်းနဲ့ ပတ်သက်နေလို့လား” ' 'ဟင့်အင်း မဆိုင်ပါဘူး။ စာတမ်းက ဇီဝ ရှေးဟောင်း သုတေသနဘာသာ။ အောက်ရှဝစ်ဇ်အကျဉ်းစခန်းတွေကို စိတ် ဝင်စားလို့ပါ"
သူ့မျက်နှာ ဘာမှ ပြောင်းလဲမသွားပါ။ ဘယ်လောက်ပဲ လောကကြီးအပေါ် ကျေနပ်အားရနေတဲ့သူဖြစ်ပါစေ၊ အောက်၍ ဝစ်ဇ်ဆိုသည့် အကျဉ်းစခန်းတွေအကြောင်း ပြောလျှင် စိတ်မသက် မသာ ဖြစ်မိကြတာများသည်။ သူက ဘာမှ မခံစားရသလို။
အဲဒီ လူသတ်စခန်းတွေအကြောင်း ကျွန်မ သမိုင်း ( စာအုပ်တွေ့ဖြစ်ရပ်မှန် ဓာတ်ပုံတွေ ရုပ်ရှင်ကားတိုတွေ အများ . ကြီး ဖတ်ခဲ့ကြည့်ခဲ့ပြီးသားပါ။ ဒါပေမဲ့ အဲဒီနေရာကို တကယ်သွားပြီး အဲဒီမြေပေါ် ခြေချရတဲ့အခါ ခံစားချက်က စာအုပ်တွေ ဓာတ်ပုံတွေကပေးတဲ့ခံစားချက်နဲ့ ဘယ်လိုမှမတူအောင် နာကျင်ရတယ်” ' တစ်ခုခုစားဖို့ လိုအပ်သည်ဟု သူမ သိသော်လည်း အခု ထိ အစာမစားချင်။ မစားနိုင်။ ကော်ဖီတစ်ခွက်လောက်ဆို တော်ပြီ။ စားပွဲထိုးအမျိုးသမီးအား ကော်ဖီတစ်ခွက်သာ မှာလိုက်မိသည်။
သူက ပေါင်မုန့်တစ်ဖဲကို ခက်ရင်းဖြင့်ထိုးကော်ကာ ပါးစပ် ထဲသို့သွင်းယူရင်း သူမကို အကဲခတ်ကြည့်ဖြင့် မေးသည်။
“ဒါနဲ့ ညီမ အဲဒါကို ဘာကြောင့် စိတ်ဝင်စားတာလဲ”
ဘာကြောင့်စိတ်ဝင်စားတာလဲ။ ထိုမေးခွန်းသည် မျှော် လင့်ထားရမည့် မေးခွန်းဖြစ်သည်။ အပြစ်မဲ့ကလေးတွေ လူငယ် ” တွေလူကြီးတွေ သန်းနှင့်ချီလျက် အစုလိုက်အပြုံလိုက် အသတ်ခံခဲ့ ၊ ရသည့်နေရာသို့ သူမ ဘာကြောင့်ရောက်အောင် သွားခဲ့တာလဲ။
လူပေါင်းများစွာ ကြောက်လန့်တကြား ဘဝနိဂုံးချုပ်ခဲ့ရတဲ့ နေရာကို စပ်စုရုံမျှ သွားကြည့်ခဲ့သူတွေ ရှိကောင်း ရှိမည်။ ဒါတွေ တကယ် ဖြစ်ခဲ့တာ ဟုတ်မှ ဟုတ်ပါ့မလား ဟု မယုံသင်္ကာစိတ်ဖြင့် လေ့လာဖို့ သွားကြည့်ခဲ့သူတွေ ရှိလိမ့်မည်။
‘သမိုင်းမှာ လူအချင်းချင်း အဲဒီလောက်ထိ ရက်စက်ခဲ့ ကြတယ်ဆိုတာကို နားမလည်နိုင်လို့”
“ကြံဖန်ပြီး စိတ်ပင်ပန်းချင်တဲ့လူလို့ သတ်မှတ်ရမှာပဲ” “
ဒါကြောင့်ပြောတာပေါ့။ တခြားသူတွေရဲ့ နာကျင်မှုတွေ ကို ဝင်ခံစားကြည့်တတ်တဲ့ အကျင့်မရှိလို့ ကမ္ဘာမှာ အဆိုးတွေ ပြည့်နေတာ”
“ဒါပေမဲ့ အဆိုးထက် အကောင်းက ပိုအားကြီးခဲ့လို့သာ ဒီနေ့ ဒီနေရာမှာ ကျွန်တော်တို့ ရှိနေတာမဟုတ်ဘူးလား။ ပိုလန် နိုင်ငံဆိုတာ နာဇီတွေအောက်မှာလည်း နေခဲ့ရတယ်။ ကွန်မြူနစ်အမှောင်ရိပ်တွေထဲကို တိုးသွားနေလို့ကော ဘာထူးမှာလဲ။ ဥပမာ အခုလို အောက်ရှဝစ်ဇ်နာဇီအကျဉ်းစခန်းကို သွားကြည့်တာမျိုး "
သူမ မရယ်ချင့်ရယ်ချင် ရယ်လိုက်သည်။
“ဒါဆိုရင် ရှင်ကရော နာကျင်စရာသမိုင်းတွေ ပြည့်နေတဲ့ ပိုလန်လို မှုန်မှုန်မှိုင်းမှိုင်းနိုင်ငံမှာ ဘယ်လိုအလင်းရောင်တွေ လာရှာ နေတာလဲ။”
“ကျွန်တော်လား။ ကမ္ဘာကြီး ပူပြင်း ခန်းခြောက်ပြီး ရာသီ ဥတုပြောင်းလဲလာတာကို ဆင်းရဲတဲ့နိုင်ငံလေးတွေ ဘယ်လိုရင်ဆိုင် မလဲဆိုတာ လေ့လာချင်လို့ ဒီညီလာခံကို လာခဲ့တာ”
“ချမ်းသာတဲ့နိုင်ငံကြီးတွေက ကာဗွန်ဒိုင်အောက်ဆိုက် ကြောင့် ရာသီဥတုပြောင်းလာရတာမဟုတ်လား”
“ညီမက တကယ့်ကို အဆိုးမြင်ဝါဒီပဲ ဆိုတာ ကျွန်တော် နားလည်သွားပြီ"
. သူ အနည်းငယ် အသံထွက်ရယ်မောပြီး မှတ်ချက်ချ တာ ကို သူမ မကန့်ကွက်ခဲ့ပါ။ မေမေကလည်း သူမကို အဲဒီလို ပြောခဲ့ ဖူးတာ ခဏခဏ။ သို့သော် မြဝန်းရံ မမှန်ဘူးလား။ ။
“အဆိုးမြင်ဝါဒီလား။ အမှန်ကိုအမှန်အတိုင်း မြင်တာကို အဆိုးမြင်တယ်ဆိုရင်လည်း ထားပါတော့။ သေချာတာကတော့ နေရာတကာ အကောင်းမြင်ဝါဒနဲ့ချည်း အလုပ်မဖြစ်ဘူး”
“ဘယ်ဟုတ်မလဲညီမရဲ့ ၊ အကောင်းမြင်ဝါဒနဲ့သာ ကမ္ဘာ လောကကြီးကို တည်ဆောက်ခဲ့ကြတာမဟုတ်လား။ ကောင်းလာ လိမ့်မယ်လို့ မျှော်လင့်ချက်တွေ မရှိခဲ့ရင် ဘယ်သူမှလည်း လှုပ်ရှား ဆောင်ရွက်နေတော့မှာ မဟုတ်ဘူး ။
မိမိကို မိန့်ခွန်းခြွေသလို စကားပြောနေခဲ့တာ မြဝန်းရံ မကြိုက်ပါ။
“ တော်လှန်ရေးဆိုတာတောင် အကောင်းမြင်ဝါဒကနေ ဖြစ်လာရတာပဲ။ ဖြစ်နိုင်ချေအကောင်းတွေကို မယုံကြည်ဖြစ်ခဲ့ကြ ရင် ကျွန်တော်တို့ အခုလောက်ထိ တိုးတက်လာမှာ မဟုတ်ဘူး။ ကြီးကျယ်မြင့်မြတ်တဲ့ ပြောင်းလဲမှုတွေကို ဘာနဲ့စခဲ့ကြတာလဲ သိလား။ ကြီးကျယ်တဲ့ အကောင်းမြင်အတွေးတွေကနေ စခဲ့ကြတာ ခင်ဗျ ”
သူ့မျက်လုံးတွေမှာ ဘာမှန်းမသိသည့် တက်ကြွမှုကို မြဝန်းရံ မြင်ရသည်။ သူ မိမိကို မျက်တောင်မခပ်ဘဲ စူးစိုက်ကြည့် လျက် စကားပြောနေခဲ့ခြင်း ဖြစ်သည်။ သူ့မျက်လုံးတွေ၏ ဦးတည် ရာသည် မြဝန်းရံ၏မျက်ဝန်းတွေလား။ သို့မဟုတ် တစ်ချိန်လုံး သိုးမွေးဦးထုပ်ဆောင်းနေခဲ့သည့်ရလဒ်အဖြစ် ဆံပင်တို့ ဖာဆန်ကျဲ ဝဲကျနေသော နဖူးဆီသို့လား။ သို့မဟုတ် အနည်းငယ် လန်နေ သည်ဟု သူငယ်ချင်းတချို့၏ဝေဖန်ခြင်းကို ခံရလေ့ရှိသည့် သူမ၏ အပေါ်နှုတ်ခမ်းကိုလား။ သူမ မဝေခွဲနိုင်။ သေချာတာကတော့ သူ မြဝန်းရံကို စူးစူးစိုက်စိုက် ကြည့်နေခဲ့သည်။
မြဝန်းရံ ထိုအကြည့်မျိုးကို မနှစ်မြို့ပါ။
“အကောင်းမြင်ကြည့်စမ်းပါ ညီမ၊ တို့အားလုံး ဘဝတွေ သာယာအောင် လုပ်ကြရမှာလေ”
“ကျွန်မ အကောင်းမြင်ချင်ပါတယ်။ အကောင်းတွေကို ပဲ မျှော်လင့်ခဲ့တာ။ ရုပ်ရှင်ကြည့်တာတောင် သတ်တာဖြတ်တာတွေ ကို မကြည့်ဘဲ ရှုခင်းလှလှလေးတွေ၊ မိသားစုဘဝလှလှလေး တွေ၊ပျော်ရွှင်ရတဲ့ ဇာတ်သိမ်းခန်းလေးတွေကို ရွေးချယ်ပြီး ကြည့်ခဲ့တာ ပါ။ ဒါပေမဲ့ လှပမှုတိုင်းရဲ့ နောက်ကွယ်မှာ ဆိုးယုတ်မှုတွေ အမြဲ စောင့်နေခဲ့တာ။ ဒါကိုတော့ ကျွန်မတို့ မငြင်းနိုင်ဘူး'
အကောင်းမြင် အတွေးတွေနဲ့ နှစ်ရှည်လများ ကြိုးစား တည်ဆောက်ခဲ့တဲ့ လူ့ယဉ်ကျေးမှုအဆောက်အအုံတွေဟာ မျက်စိ တစ်မှိတ် လျှပ်တစ်ပြက်အတွင်း ဆိုးယုတ်သူတွေရဲ့ ဖျက်ဆီးမှုကြောင့် ပြိုလဲ ပျက်စီးကုန်ရတာပဲ။ တည်ဆောက်ဖို့ကာလကြာရှည် သလောက် ပြိုပျက်ဖို့ လွယ်ကူလွန်းလှပါသည်။
“ အဆိုးမရှိတဲ့နေရာတွေ အများကြီးပါညီမရဲ့ "
ခပ်ပြုံးပြီးပြောလိုက်သော ထိုစကားသည် မြဝန်းရံ၏ စိတ်ကို ဆွပေးခဲ့သည်။
" ကဲ ကိုပြည်မိုးငြိမ်းရယ်။ အဆိုးမရှိတဲ့နေရာ ကို ညွှန်ပြစမ်းပါ။ "
" အဲဒီနေရာမှာ အေးအေးဆေးဆေး သွားနေ ချင်လို့ပါ”
“ တကယ်ပြောတာလားညီမ”
“အို တကယ်ပြောတာပေါ့"
“တို့မြန်မာပြည်မှာလား။ ကမ္ဘာပေါ်မှာလား "
‘‘ မြန်မာနိုင်ငံကို ထားလိုက်ပါဦးလေ။ ကမ္ဘာပေါ်မှာပဲ ရှာ စမ်းပါဦး။ အစုလိုက်အပြုံလိုက် သတ်ဖြတ်မှုတွေ မရှိတဲ့နေရာ၊ ဆိုးယုတ်မှုတွေ မရှိတဲ့နေရာ "
“ ရှိတာပေါ့။ နေရာတိုင်းဟာ အော့ဇ်ဝစ်မဟုတ်ဘူးလေ ”
“ ရှင် ကျွန်မကို နေရာ နာမည်တစ်ခု ရွတ်ပြစမ်းပါ။ အဲဒီ နေရာရဲ့ ဆိုးယုတ်မှုကို ကျွန်မ ပြောပြနိုင်ပါတယ်” ။
မြဝန်းရံအသံက စိန်ခေါ်သလို တင်းမာ ပြတ်သားသွား သည်ကို ကိုယ်တိုင် သတိထားမိသည်။
“စစ်ဖြစ်လို့ သူသေကိုယ်သေ တိုက်ခိုက်ရတဲ့ သဘောတူ ဆိုးယုတ်မှုထက် ပိုရက်စက်တဲ့ မိစ္ဆာ ဆိုးယုတ်မှုမျိုးကို ပြောတာ ”
“ စစ်ဖြစ်တာ လုံလောက်တဲ့အဆိုး မဟုတ်သေးဘူးလို့ ပြောချင်တာလား ”
“ ကျွန်တော်ပြောချင်တာ ဒီလိုပါ။ စစ်ဆိုတာ မကောင်း ဘူး။ ဆိုးတယ်။ ဟုတ်တယ်။ ဒါပေမဲ့ စစ်ဖြစ်တာထက် ပိုဆိုးတဲ့ ရက်စက်တဲ့ သတ်ဖြတ်မှုတွေ ရှိတယ်ဗျာ။ ကျူပင်ခုတ် ကျူငုတ်တောင် မကျန်စေနဲ့ ဆိုတဲ့ စကားပုံ။ အဲဒီအတိုင်း ကလေးတွေ ရော မိန်းမတွေရော မဆီမဆိုင် ရောပြီး သတ်ပစ်တာမျိုး။ စစ် ထက်ပိုဆိုးတဲ့ အဆိုးကို ပြောချင်တာ ”
“ အော်အော် ဟုတ်ပါပြီ။ စစ်ထက်ပိုဆိုးတဲ့ အဆိုး "
သူမ နည်းနည်း ရယ်ချင်သွားသော်လည်း ဒေါသတော့ - ထွက်နေခဲ့သည်။
“ ကဲ စစ်ထက်ပိုဆိုးတဲ့အဆိုးမျိုး မရှိတဲ့နေရာကို ပြစမ်း ..."
မိမိဘက်က ပိုင်နိုင် သေချာနေသည့်မာနကို သူ မြင်သွား ခဲ့မှာပါ။
အမေရိကား”
သူ ခပ်ပြုံးပြီးပြောလိုက်တော့ မြဝန်းရံ အသံထွက်၍ပင် ရယ်မောလိုက်မိသေး၏။
“ အို ရှင် နောက်နေတာလား။ အမေရိကန်လောက် ဆိုး ယုတ်မှုပေါတာ အမေရိကန်ပဲ ရှိတယ်။ အမေရိကန်သမိုင်းကိုက ဌာနေလူမျိုးစုတွေကို သတ်ဖြတ်နှိမ်နင်းပြီး နယ်မြေလုတာက စခဲ့ တာလေ။ စဉ်းစားပါဦး၊ အစုလိုက် အပြုံလိုက်သတ်မှုတွေ၊ ဦးရေခွံ ကို အရေခွံဆုတ်ခွာပြီး မသေမရှင်သတ်ဖြတ်ခဲ့တဲ့ ဆိုးယုတ်မှုတွေ - ကို ရှင် တကယ် မသိခဲ့တာလား” .
