ချစ်စံဝင်း - အရည်အသွေး

အရည်အသွေး

၁၉၈၁ ခုနှစ်၊ နှစ်ဦးကာလက ဖြစ်ပါသည်။ ဖို့ဒ် မော်တော်ကား ကုမ္ပဏီ၏ ဥက္ကဌ အသစ်စက်စက် ဖြစ်သူ ဒေါ်နယ်အီးပီတာဆင်သည် သူ၏အခန်းထဲတွင် ခေါက်တုန့်ခေါက်ပြန် လမ်းလျှောက်ရင်း ကုမ္ပဏီ၏ သေရေးရှင်ရေး ကိစ္စတစ်ရပ်ကို စဉ်းစားနေပါသည်။ ထိုအချိန်တွင် ဒီးထရွိုက် မော်တော်ကားလုပ်ငန်း အမှုဆောင် အရာရှိအချို့ သည် ဂျပန်ကားများ ဈေးကွက်၌ မိမိတို့ကားများထက် ဒီဇိုင်းပုံစံရော အရည်အသွေးပါ သာလွန်ကျော်တက်သွားခြင်းနှင့် ပတ်သက်၍ ဂျပန်နိုင်ငံ သို့ သွားရောက်လေ့လာမှုပြုနေခြင်းကို ဖို့ဒ် မော်တော် ကား ကုမ္ပဏီဥက္ကဌ အသစ် ဒေါ်နယ်အီးပီတာဆင်က သိထားပြီး ဖြစ်သည်။ ပီတာဆင်သည် ခေါင်းပူအောင်အတော်အတန် စဉ်းစားပြီး ကမ္ဘာ၏ ဟိုမှာဘက်ခြမ်း တွင် ရှိနေသော ပုဂ္ဂိုလ်ကြီးတစ်ဦးကို မိမိတို့ကုမ္ပဏီသို့ ခေါ်ယူ ဆွေးနွေးရန် ဆုံးဖြတ်လိုက်၏။ ဆုံးဖြတ်ပြီး သည်နှင့် တစ်ပြိုင်နက် ထိုပုဂ္ဂိုလ်ကြီးအား ချက်ချင်း လည်း ခေါ်ယူလိုက်သည်။ ထိုကိစ္စသည် ဖို့ဒ်ကုမ္ပဏီ၏ စွန့်စားမှုတစ်ရပ်ဖြစ်သလို ဖို့ဒ်ကုမ္ပဏီအတွက် အနာဂတ် လည်း ဖြစ်၏။ ထိုမျှသာမက အမေရိကန်နိုင်ငံ၏ အနာဂတ်လည်း ဖြစ်၏။ ဖို့ဒ်ဥက္ကဌသစ် ပီတာဆင်က လေးလေးနက်နက် တွေးတော၍ မိမိတို့ ကုမ္ပဏီ၏ အနာဂတ်အတွက် ဂျပန်နိုင်ငံမှ အဆောတလျင် ခေါ်ယူ တွေ့ဆုံခဲ့သော ပုဂ္ဂိုလ်ကြီးမှာ အခြားသူမဟုတ်။ ယနေ့ ကမ္ဘာတွင် အရည်အသွေးဆိုင်ရာ ပါရဂူကြီးအဖြစ် ထင်ရှားပြီး အရည်အသွေးဆိုင်ရာ ကမ္ဘာ၏ ကျေးဇူးရှင် ကြီးလည်းဖြစ်၊ ဂျပန်တို့၏ ဆရာသမားလည်းဖြစ်သော ဒဗလျူ အက်ဒဝပ် ဒဲမ်းမင်းW. Edward Denming ဆိုသော ပုဂ္ဂိုလ်ကြီးဖြစ်၏။

ဖို့ဒ်ကုမ္ပဏီက ဒဲမ်းမင်းကို ခေါ်ယူလိုက်ခြင်းသည် မိမိတို့ကုမ္ပဏီအတွင်းသို့ အလုံးစုံ အရည်အသွေးကို ခေါ်ယူတင်သွင်းလိုက်ခြင်း ဖြစ်သလို ထိုခေါ်ယူမှုသည် ဖို့ဒ်ကုမ္ပဏီအတွက်သာမက အနောက်ကမ္ဘာတစ်ခုလုံး အတွက် အလုံးစုံ အရည်အသွေးကို အရှေ့ကမ္ဘာမှ မှာယူတင်သွင်းလိုက်ခြင်းလည်း ဖြစ်၏ဆိုင်ရာ စာအုပ်ကို ရေးသားရခြင်း ဖြစ်ပါသည်။ ကျွန်တော်သည် မျက်မှောက်ကာလနှင့် အလုံးစုံ အရည် အသွေးထိန်းသိမ်းရေးဆိုင်ရာ စာတမ်းကိုလည်း ရေးသား ဖတ်ကြားမှုပြုခဲ့သည်။ အရည်အသွေးနှင့်ပတ်သက်သော ဆောင်းပါးများကို လည်း ရေးသားခဲ့သည်။ ယင်း ဆောင်းပါးများကိုလည်း ယခုစာအုပ်၏ နောက်ပိုင်းတွင် ဖော်ပြထားသည်။

အရည်အသွေး လိုအပ်ခြင်း

ယနေ့ကမ္ဘာတွင် အရည်အသွေး လိုအပ်လျက် ရှိသည်ဆိုသောကိစ္စကို တင်ပြမည်ဟုဆိုပါက တစ်ကမ္ဘာ လုံး သင်ခန်းစာရခဲ့သော ၁၉၈၆ ခုနှစ်၊ ဇန်နဝါရီလ ၂၈ ရက်နေ့က ဖြစ်ခဲ့သည့် ဖြစ်ရပ်တစ်ခုကို တင်ပြရန် လိုအပ်ပါသည်။ ထိုနေ့က အမေရိကန် အာကာသယာဉ် ချယ်လင်ဂျာ အာကာသအတွင်းသို့ လွှတ်တင်မည့် အစီ အစဉ်ကို နိုင်ငံတကာမှ ကမ္ဘာ့ပြည်သူများနှင့်တကွ အမေရိကန် ပြည်သူတစ်ရပ်လုံးသည် အချို့က တီဗွီ ဖန်သားပြင်ပေါ်မှ စောင့်ကြည့်နေကြသလို အချို့သော အမေရိကန်ပြည်သူများက တိုက်ရိုက် မျက်မြင် စောင့် ကြည့်နေကြသည်။ ချယ်လင်ဂျာ လွှတ်တင်ခြင်းသည် အာကာသဆိုင်ရာ လေ့လာရေးအတွက် အရေးကြီးသော ကိစ္စရပ်ဖြစ်၍ ကမ္ဘာ့ပြည်သူများနှင့်အတူ ထောင်ပေါင်းများစွာသော သိပ္ပံပညာရှင်တို့ကလည်း စောင့်ကြည့်နေ ကြ၏။

ချယ်လင်ဂျာ အာကာသယာဉ်ပေါ်တွင် အာကာသ ယာဉ်မှူး ခုနစ်ဦး လိုက်ပါသွားကြ၏။ အာကာသ ယာဉ်မှူးများသည်လည်း ယုံကြည်မှုအပြည့်၊ ပျော်ရွှင်မှု အပြည့်၊ ဂုဏ်ယူမှုအပြည့် တက်ကြွမှုအပြည့်နှင့် လိုက်ပါ သွားကြခြင်းဖြစ်၏။ ထိုအထဲတွင် ကံကောင်းသူ ကျောင်း ဆရာမ ခရစ်တာမက်ကောလစ်ဖ်လည်း ပါဝင်သည်။ ဆရာမမက်ကောလစ်ဖ်သည် ဤခရီးတွင် ပါဝင်ရန် ခက်ခက်ခဲခဲ အရွေးချယ်ခံခဲ့ရသူ ဖြစ်၏။

သတ်မှတ်ထားသောအချိန်သို့ ရောက်သောအခါ အမေရိကန် ချယ်လင်ဂျာ အာကာသယာဉ်ကြီးသည် ကမ္ဘာမြေပြင်၏ ဆွဲအားကို ဆန့်ကျင်၍ အာကာသ ထဲသို့ ငှက်ကြီးတစ်ကောင်ကဲ့သို့ စတင် ထိုးဝင် မြောက် တက်သွားသည်။ ထိုသို့ မြောက်တက်သွားပြီး ၇၃ စက္ကန့်မျှ အကြာတွင် အာကာသယာဉ်ကြီးသည် မမျှော် လင့်ဘဲ ပေါက်ကွဲသွားခဲ့ရာ အာကာသယာဉ်ပေါ်တွင် ပါသွားသော အဖိုးတန် ပညာရှင်ခုနစ်ဦး အသက်ဆုံးရှုံး ခဲ့ရုံမျှသာမက လူသားတို့၏ အာကာသအတွင်းသို့ တက်လှမ်းရေး၊ အာကာသ သုတေသနပြုလုပ်ရေး၊ အာကာသဆိုင်ရာ စူးစမ်းလေ့လာရေး လုပ်ငန်းအရပ်ရပ် တို့သည် ချက်ချင်း ရပ်ဆိုင်းသွားသည်။

ချယ်လင်ဂျာ ပျက်ကျမှုကြောင့် အမေရိကန်တို့၏ အာကာသလေ့လာရေး လုပ်ငန်းအရပ်ရပ်သည် အချိန် အတန်ကြာ ရပ်ဆိုင်းခဲ့ရုံသာမက အာကာသယာဉ်၏ ဒီဇိုင်းပုံစံပေါင်း ၄ဝဝ ခန့်ကို အသစ်ပြန်ရေးဆွဲခဲ့ရ၏။ အာကာသယာဉ်၏ အစိတ်အပိုင်းများစွာကို ပြင်ဆင် လဲလှယ်ခဲ့ရသည်။ အာကာသယာဉ်၏ အရေးကြီး အစိတ်အပိုင်း အများအပြားကိုလည်း ပြောင်းလဲပြင်ဆင် ခဲ့ရပေရာ ကုန်ကျစရိတ် အလွန်မှ များပြားလွန်းသည်။ ထိုပြင်ဆင်မှုအရပ်ရပ်အတွက် အမေရိကန်ဒေါ်လာ သန်းပေါင်း ၂ သိန်း ၄ သောင်းကျော်မျှ ကုန်ကျခဲ့သည်ဟု ဆိုပါ၏။ ထိုပြုပြင်မှုအရပ်ရပ်အတွက် နာဆာအဖွဲ့ သည် သုံးနှစ်တိုင်တိုင် အချိန်ယူခဲ့ရသည်။

ချယ်လင်ဂျာ ပေါက်ကွဲပျက်စီးမှုကို သေချာစွာ လေ့လာသောအခါ ချယ်လင်ဂျာ၏ ခက်ခဲရှုပ်ထွေးသော နည်းပညာဆိုင်ရာ အစိတ်အပိုင်းတစ်ခုကို မူလကပင် သတိမမူဘဲ အလွယ်လုပ်ဆောင်ထားခဲ့သော အထောက် အထားတစ်ရပ်ကို ရှာဖွေတွေ့ရှိသည်။

လူ့သမိုင်းတွင် ချယ်လင်ဂျာ ပျက်ကျမှုကို အစ မ ကောင်းခဲ့၍ အနှောင်းမသေချာမှုအဖြစ် မှတ်တမ်း တင်ခဲ့ကြရပါ၏။ ချယ်လင်ဂျာ ပျက်ကျမှုသည် အရည် အသွေးထိန်းသိမ်းမှု QUALITY CONTROL နှင့် တင်းတိမ်နေ၍မရဘဲ အလုံးစုံ အရည်အသွေးထိန်းသိမ်း TOTAL QUALITYT CONTROL (TQC) လိုအပ်နေသေးကြောင်း လူသားတို့ ရလိုက်ခဲ့သော သင်ခန်းစာကြီး တစ်ခုလည်း ဖြစ်ခဲ့သည်။ ချယ်လင်ဂျာကို အရည် အသွေးရှိရှိ တည်ဆောက်ခဲ့သည်မှာ အမှန်ဖြစ်၏။

သို့သော် အလုံးစုံ အရည်အသွေးစစ်ဆေးမှု TQC မရှိသဖြင့် တစ်နေရာရာတွင် ချို့ယွင်းမှုတစ်ခုခု ဖြစ်ပေါ် ခဲ့သောကြောင့် အာကာသယာဉ်ကြီး တစ်ခုလုံး ပျက်ကျ ရခြင်း ဖြစ်သည်။

အရည်အသွေးမဲ့ခြင်းနှင့် ဆုံးရှုံးခြင်း

 ၁၉၈၄ ခုနှစ်က အိန္ဒိယနိုင်ငံ၊ ယူနီယံကာဘိုက် ကုမ္ပဏီ၏ ပိုးသတ်ဆေးထုတ်လုပ်သည့်စက်ရုံမှ ဓာတ်ငွေ့ ပျံ့လွင့်မှု ဖြစ်ပွားခဲ့ရာ လူပေါင်း ၃၄၀၀ ထက်မနည်းသေဆုံးခဲ့ရပြီး ထိခိုက်ဒဏ်ရာရသူပေါင်းမှာ နှစ်သိန်းမျှ ရှိသည်။ ယင်းအထဲမှ ကြာရှည်လေးမြင့် ပြင်းထန်စွာဝေဒနာခံစားရသူပေါင်းသည် တစ်သောင်းခွဲမှ နှစ်သောင်း အတွင်းရှိသည်။ ထိုကိစ္စကြောင့် ကုမ္ပဏီသည် လျော်ကြေး ငွေ ပေါင်စတာလင် သန်း ၄၂၀ လျော်ကြေးပေးခဲ့ရ၏။ ယူနီယံကာဘိုက်ကုမ္ပဏီ၏ ပိုးသတ်ဆေးစက်ရုံ ဓာတ်ငွေ့ ပျံ့လွင့်မှု ဖြစ်ရခြင်း၏ အကြောင်းရင်းကို လေ့လာသော အခါ အရည်အသွေး ထိန်းသိမ်းကွပ်ကဲမှုအတွက် စီမံ ခန့် ခွဲမှု ညံ့ဖျင်းခြင်းကြောင့် ဖြစ်ရကြောင်း မျက်ဝါး ထင်ထင် တွေ့မြင်ခဲ့ရ၏။

၁၉၈၇ ခုနှစ်က ဗြိတိသျှတို့၏ ကူးတို့သင်္ဘော HERALD OF FREE ENTERPRISE နစ်မြုပ်မှုတွင် လူပေါင်း ၁၉၃ ဦးသေဆုံးခဲ့ရသည်။ နစ်မြုပ်ရသည့် အကြောင်းရင်းကို လေ့လာသောအခါ အရှေ့တံခါးမ ကြီးပိတ်ရန် လစ်ဟင်းမှုကြောင့်ဖြစ်ကြောင်း သိရှိခဲ့ရ၏။

၁၉၈၉ ခုနှစ်၊ ဇွန်လ ၂၉ရက်နေ့က မြောက် ပင်လယ်ပြင်တွင် ပိုက်ပါအယ်လဖာ PIPER ALPHA ရေနံတွင်းတူးစင် မီးလောင်သဖြင့် လူပေါင်း ၁၆၉ ဦး အသက်ဆုံးရှုံးရသည့်ကိစ္စတွင်လည်း စီမံခန့်ခွဲမှု အရည်အသွေး အားနည်းခဲ့မှုကြောင့်ဖြစ်သည်ကို လေ့လာတွေ့ရှိခဲ့ရ၏။ အရည်အသွေးထိန်းသိမ်းမှု၊ အလေးမထား မှုများကြောင့် ကမ္ဘာပေါ်တွင် အဆိုးဝါးဆုံးဖြစ်ရပ်များ ဖြစ်ပေါ်လာခဲ့ရသည်။

စိုက်ပျိုးရေးမှ စက်မှုခေတ်သို့

 ယနေ့ကမ္ဘာကြီးတွင် အရည်အသွေးသည် မျက် မှောက်ခေတ် ကမ္ဘာ့သမိုင်းရေးရာဆိုင်ရာအတွက် မရှိ မဖြစ် အရေးကြီးလိုအပ်ချက် Historical Requirement အနေဖြင့် တည်ရှိလျှက်ရှိ၏။ ကမ္ဘာ့သမိုင်းကို ပြန်လည်လေ့လာပါက လူ့သမိုင်းသည် နှစ်ပေါင်း ၆ဝဝဝကျော်ခဲ့ပြီဖြစ်၍ ကမ္ဘာပေါ်တွင် လူဦးရေကလည်း